Aktualitet

Kryesuesi i KGjK-së kërkon ndryshimin e Ligjit për mbrojtjen nga diskriminimi

Kryesuesi i KGjK-së thotë se ka vështirësi në trajtimin e rasteve të punës.

Published

3 years ago

February 15, 2022

Betim Gashi

Kryesuesi i Këshillit Gjyqësor të Kosovës, Albert Zogaj ka kërkuar ndryshime urgjente të Ligjit për Mbrojtjen nga Diskriminimi. Sipas tij, ka vështirësi në trajtimin e rasteve të punës, meqë gjyqtari i këtyre lëndëve është në dilemë se çështje të tilla me cilin ligj të trajtohen. Gjatë raportimit në Komisionin për të Drejtat e Njeriut, ai deklaroi se kaosi më i madh në këto çështje është shkaktuar nga Inspektorati i Punës.

Në mbledhjen e sotme të këtij komisioni është diskutuar për mos zbatueshmërinë e Ligjit për Mbrojtjen nga Diskriminimi. Kryesuesi i KGjK-së, Albert Zogaj u shpreh se në këtë ligj duhet të ketë ndërhyrje urgjentisht.

“Në qoftë se kemi ne një çështje pune në gjykatë, gjyqtari është në dilemë se a duhet t’i referohemi Ligjit të punës apo duhet t’i referohemi Ligjit për mbrojtje nga diskriminimi. Dhe këtu faktikisht paraqitet edhe vet përfundimi i çështjes. Sepse gjykata nëse e kualifikon si çështje pune, definitivisht do të shmanget në tërësi pjesa e vlerësimit të çështjes për diskriminimin sipas këtij ligji. Pasi që në shumicën e rasteve procedurat gjyqësore për çështje të punës janë të lidhura me afate dhe me procedurat e konsultimit të ankesës te institucionet. Unë e konsideroj të rëndësishme që ky ligj të ndryshohet në pjesën e inicimit të proceseve gjyqësore dhe të përcaktojë saktësisht procedurën, kompetencën dhe vlerësimin që duhet të bëjë gjykata për diskriminim”, ka thënë ai.

Nëse vazhdon të jetë i tillë, Zogaj tha se në trajtimin e rasteve civile do të jetë vështirë i zbatueshëm.

Kryetarja e Komisionit për të Drejtat e Njeriut, Duda Balje tha se gjyqësori në disa raste po vendos për dënime të ulëta.

“Keni një femër e cila ka pasur kërcënim, kur jeni në dilemë, si jeni duke marrë vendim? Sepse disa herë për neve ka qenë e çuditshme se si ju keni dënuar një person me një dënim shumë të vogël. Për neve si qytetarë të Kosovës, si përfaqësues i popullit ka qenë jo e logjikshme”, ka thënë Balje.

Zogaj tha se nëse një rast i tillë kualifikohet si çështje pune, atëherë do të trajtohet si një procedurë standarde.

Ndërkaq, anëtarja e Komisionit Tinka Kurti ka përmendur 5 mijë ankesat, që sipas Inspektoratit të Punës, janë adresuar për diskriminim.

“Është befasuese që gjykatat sipas raportit, i janë referuar në zero raste këtij ligji. Ndërkohë që ligji është ekzistues dhe tashmë janë disa vite prej kur ka hyrë në fuqi. Ndërkohë, shifrat e tjera të kuptimit të denoncimit janë shumë të mëdha. Inspektorati i Punës thotë se kanë marrë pesë mijë ankesa brenda vitit. Inspektorati i Punës merr pesë mijë ankesa, ndërkohë që gjykatat i referohen me zero raste”, tha ajo.

Derisa ka folur për diskriminimin në punë, Zogaj shtoi se Inspektorati i Punës nuk mund të vendosë për kthim të qytetarëve në punë apo për pagat.

“Unë mendoj që kaosin më të madh në çështjet e punës e ka krijuar pikërisht Inspektorati i Punës. Në muajin prill të vitit të kaluar, Gjykata Supreme i është drejtuar me kërkesë për kontroll të përshtatshmërisë Kushtetueses, për shkak të Inspektoratit të Punës. Për shkak se sipas vlerësimit të Gjykatës Supreme, që mendoj që është një institucion që nuk mund të vlerësohet për nga kompetenca. Inspektorati i Punës e ka tejkaluar juridiksionin e punës që ka. Në vend se të merret me masat e sigurisë në punë, merret me çështjen e adresimit të kërkesës për kthim në punë, e paga, që është çështje e gjykatës. Çfarë do raporti që ka nxjerrë ky mekanizëm, për mua është jokredibil”, ka deklaruar Zogaj.

Kryesuesi i Këshillit Gjyqësor të Kosovës, Albert Zogaj në Komisionin për të Drejtat e Njeriut ka folur edhe për rastet e dhunës në familje, ku tha se duhet të ketë ndryshime të ligjit për trajtimin e këtyre rasteve. Megjithatë, sipas tij nuk ka mungesë gatishmërie për vendime të duhura dhe meritore në këto raste.

Bota

Zelensky e lavdëron marrëveshjen për paqe, thotë se tani i takon Rusisë të bëjë paqe

Published

1 hour ago

March 12, 2025

UBTnews

Presidenti i Ukrainës, Volodymyr Zelensky, ka thënë se marrëveshja për armëpushim 30-ditor, që Kievi e nënshkroi në bisedimet e ndërmjetësuara nga Shtetet e Bashkuara në Arabinë Saudite, mund të përdoret si draft për një marrëveshje më të gjerë dhe shtoi se tani i takon Rusisë të vendosë nëse dëshiron të angazhohet në procesin e paqes.

“I takon Rusisë të vendosë se çfarë do të ndodhë tutje, nëse ajo dëshiron ta vazhdojë agresionin e vet kundër Ukrainës apo jo”, tha Zelensky në një konferencë për media të mërkurën.

Lideri ukrainas i lartësoi bisedimet që rezultuan me propozimin për armëpushim dhe tha se nevojitet nënvizimi i hapave të mëtejshëm, në mënyrë që të arrihet një marrëveshje për paqe afatgjate, me garanci të sigurisë për Ukrainën, për t’i dhënë fund luftës trivjeçare.

Zelensky u tha ukrainasve të përgatiten për “presion të fortë informativ” dhe tha se “Rusia do të bëjë gjithçka për ta përçarë Ukrainën me Shtetet e Bashkuara”.

Moska deri më tani ka refuzuar të komentojë për hollësitë e propozimit për armëpushimin 30-ditor, dhe nuk është e qartë nëse presidenti rus, Vladimir Putin, ka marrë vendim për këtë marrëveshje.

Bota

Sekretari amerikan Rubio: Satelitët mund të monitorojnë armëpushimin në Ukrainë

Published

2 hours ago

March 12, 2025

UBTnews

Sekretari amerikan i Shtetit, Marco Rubio, beson se satelitët mund të përdoren për të monitoruar pajtueshmërinë me marrëveshjet e mundshme të armëpushimit në Ukrainë.

“Epo, gjëja interesante në lidhje me luftën moderne është se është më e lehtë se kurrë për të monitoruar,” tha ai pas bisedimeve me një delegacion ukrainas në Jeddah.

“Thjesht për shkak se ka kaq shumë sy në tokë, dhe gjithashtu ka të gjitha llojet e satelitëve komercialë, dhe do të ishte shumë e vështirë të fshiheshin sulmet me dron, do të ishte e vështirë të fshiheshin sulmet me raketa, sulmet balistike, artilerinë. Pra, ne mendojmë se kjo është diçka që mund të monitorohet”, tha Rubio kur u pyet se si mund të zbatohej një armëpushim i mundshëm.

Një deklaratë e përbashkët, e publikuar pas bisedimeve SHBA-Ukrainë të 11 marsit në Jeddah, tha se vendet kanë rënë dakord të nënshkruajnë së shpejti një marrëveshje gjithëpërfshirëse për zhvillimin e burimeve minerale të rëndësishme. Regjimi i Kievit ka konfirmuar gatishmërinë e tij për të pranuar propozimin e Uashingtonit për një armëpushim 30-ditor në konfliktin me Rusinë. Shtetet e Bashkuara u zotuan të rifillojnë menjëherë ofrimin e inteligjencës dhe mbështetjes për Ukrainën.

Bota

Austri, koalicioni i ri qeveritar ndalon bashkimin familjar për emigrantët

Published

2 hours ago

March 12, 2025

UBTnews

Qeveria e re e koalicionit të qendrës së djathtë të Austrisë ka rënë dakord të ndalojë procedurat e bashkimit familjar për emigrantët, sepse thotë se vendi po përballet me një mbingarkesë të ardhurish dhe vendi nuk është në gjendje t’i përthithë ata siç duhet.

”Masa do të miratohet nga parlamenti sa më shpejt të jetë e mundur dhe është e përkohshme”, njoftoi të mërkurën qeveria e koalicionit, e përbërë nga Partia Popullore Konservatore Austriake (OVP), Partia Social Demokrate e qendrës së majtë (SPO) dhe NEOS liberale.

”Midis 2023 dhe 2024, gjithsej 18 000 njerëz erdhën në Austri nëpërmjet bashkimit familjar, 13 000 prej tyre fëmijë ose të mitur”, tha kancelari Christian Stocker.

“Duke pasur parasysh këtë shifër, është e qartë se ne duhet të marrim përgjegjësinë dhe të shtypim butonin e pauzës tani për tani”, tha Stocker.

Ministri i Brendshëm, Gerhard Karner foli për tendosje në strehim, shëndetësi dhe arsim.

Masa e planifikuar do të prekte ata që kishin të drejtë azili, të cilët kishin shpresuar t’i bashkoheshin të afërmit e tyre.

”Numri i të afërmve që bashkohen me anëtarët e familjes në Austri ka rënë ndjeshëm për rreth një vit i nxitur nga kontrollet dhe krahasimet e ADN-së, ndër të tjera”, tha Karner.

Në shkurt 2024, u regjistruan pak më pak se 1 000 njerëz, krahasuar me 60 në shkurt 2025.

”Edhe nëse ky zhvillim tregon një lehtësim të situatës, është e rëndësishme të sigurohet trendi në terma afatgjatë”, shtoi Karner.

”Është një qëllim i përbashkët i koalicionit të ri trepartiak dhe ai planifikon të reduktojë migrimin e parregullt në zero”, tha sekretari i Shtetit për Punët e Brendshme, Jorg Leichtfried.

”Por, kjo nuk e ndryshon të drejtën për azil”, shtoi Leichtfried.

Lëvizja është e diskutueshme sipas ligjit të BE-së, sepse vendimi duket se bie ndesh me detyrimet ligjore të BE-së për të mbrojtur të drejtën e bashkimit familjar, veçanërisht për ata që kanë të drejtë për azil./ATSH

Bota

“Evropa nxit luftën kundër Rusisë”, Lavrov: Nuk duam trupa të huaj në Ukrainë, kusht i panegociueshëm

Published

2 hours ago

March 12, 2025

UBTnews

Ministri i Jashtëm rus, Sergei Lavrov ka thënë në një intervistë për mediat ruse se Moska nuk do ta pranojë kurrë vendosjen e trupave të huaja në territoret ukrainase.

Lavrov shtoi se Moska do të shmangë çdo kompromis që do të prekë shtetasit rus në territoret brenda Ukrainës por tashmë të ndodhur nën kontrollin ushtarak rus.

“Evropa dhe Britania e Madhe sigurisht që duan që (lufta në Ukrainë) të vazhdojë. Mënyra se si e pritën Zelensky në Londër pas skandalit në Uashington është një tregues se ata duan të rrisin aksionet dhe ata po përgatisin diçka për ti bërë presion administratës së Donald Trump për një veprim agresiv kundër Rusisë. Unë jam më së shumti i habitur me këtë obsesion të paqeruajtësve. Presidenti Macron thotë, le të ndalemi”, tha Lavrov.