

Lajmet
KFOR-i italian i dhuron MSh-së një automjet mjekësor
Ministri i Shëndetësisë, Rifat Latifi ka falënderuar shtetin italian për mbështetje.
Published
3 years agoon
By
Betim GashiMinistria e Shëndetësisë (MSh) ka pranuar një automjet mjekësor, donacion nga forcat italiane në kuadër të forcës paqeruajtëse në Kosovë, KFOR.
Ministri i Shëndetësisë, Rifat Latifi derisa ka falënderuar shtetin italian për mbështetje, u shpreh se ky automjet që nga sot po i dhurohet MSh-së ka qenë shumë i nevojshëm për modernizimin e shërbimeve të urgjencës në Kosovë.
“Jemi shumë të kënaqur dhe shumë të lumtur që kemi marrë një automjet mjekësor shumë të nevojshëm që do ta përdorim për rastet emergjente. Dhe kjo do të modernizojë më shumë automjetet mjekësore tona të Shërbimeve të Urgjencës”, theksoi ministri i Shëndetësisë.
Latifi foli edhe për bashkëpunimin që ministria e Shëndetësisë ka me Ambasadën e Italisë në projektin për trajnimin e kardiokirurgëve pedriatrik kosovar për të kryer operacione në zemër.
“Kemi punuar krahas KFOR-it, me Italinë dhe në përgjithësi me ambasadën e Italisë, dhe jemi në proces të finalizimit të detajeve për trajnimin e kardiokirurgëve tanë në kardiokirurgjinë pediatrike, kështu që ne kemi kirurgët tanë, mjekët, infermierët dhe anesteziologët tanë të cilët kujdesen për më të vegjlit tanë që kanë nevojë për operacion në zemër”, u shpreh Latifi.
Zëvendëskomandanti i KFOR-it italian, Luigi Piperni u shpreh se donacioni i sotëm është shenjë e një investimi të konsiderueshëm në të gjithë sistemin shëndetësor në Kosovë. Sipas tij, ky automjet do ta bëjë shërbimin aktual të emergjencave mjekësore edhe më efikas.
“Jemi mbledhur me rastin e përfundimit të një projekti të realizuar nga njësia e specializuar shumëkombëshe, karabinierët tanë, si pjesë e një plani ekzekutiv 2021, të komandës operacionale të përbashkët italiane. Ky plan synon të krijojë një sistem më të përshtatshëm të reagimit me personel mjekësor, ashtu siç kryhet në Itali nga shërbimi ynë kombëtar i urgjencës. Në fund të bashkëpunimit tonë intensiv me institucionet e Kosovës, donacioni i sotëm është shenjë e një investimi të konsiderueshëm në të gjithë sistemin shëndetësor në Kosovë, dhe ky automjet do ta bëjë shërbimin aktual të Emergjencave Mjekësore edhe më efikas, duke përforcuar automjetet mjekësore ekzistuese të Ministrisë së Shëndetësisë, dhe do të përmirësojë aftësitë e reagimit ndaj emergjencave, si nga pikëpamja funksionale ashtu edhe nga pikëpamja teknologjike me qëllimin përfundimtar për të ofruar një përfitim për të gjitha komunitetet që jetojnë në Kosovë”, theksoi komandanti i KFOR-it italian.
Bota
Trump pas sulmit në Katar: Nuk i çon përpara qëllimet e Izraelit apo të Amerikës
Published
3 minutes agoon
September 10, 2025By
UBT News
Presidenti i SHBA-së, Donald Trump, ka thënë se nuk është i kënaqur për sulmin ajror të Izraelit në Katar, dhe se sulmi i Izraelit ndaj objektivave të Hamasit në Katar nuk i çon përpara qëllimet e Izraelit apo të Amerikës.
Kryeministri izraelit, Benjamin Netanyahu, tha se sulmi ishte plotësisht i justifikuar sepse kishte në shënjestër udhëheqësit e lartë të Hamasit që organizuan sulmin e 7 tetorit 2023 ndaj Izraelit, i cili shkaktoi luftën në Gaza shkruan BBC.
Mediat izraelite raportuan se operacioni përfshinte 15 avionë luftarakë izraelitë, të cilët qëlluan 10 municione kundër një objektivi të vetëm.
Grupi i armatosur palestinez ka thënë se pesë anëtarë të tij u vranë në një sulm ajror izraelit në kryeqytetin e Katarit, por pretendoi se një përpjekje për të vrarë ekipin e tij negociator dështoi.
Katari është një aleat kyç i SHBA-së në rajon, ku ndodhet një bazë e madhe ajrore amerikane.
I pyetur për sulmet e Izraelit kundër Katarit, Trump tha: “Epo, nuk jam i kënaqur… Thjesht nuk jam i kënaqur me të gjithë situatën. Nuk është një situatë e mirë. Por do ta them këtë, ne duam që pengjet të kthehen, por nuk jemi të kënaqur me mënyrën se si ndodhi sot”, tha Trump për mediat./S.K/BBC/
Bota
Gjashtë të vdekur nga sulmi i Izraelit në Katar
Published
7 minutes agoon
September 10, 2025By
UBT News
Gjashtë persona u vranë në sulmin izraelit në Doha, por Hamasi pretendon se ekipi i tij negociator mbijetoi.
Hamasi thotë se midis të vrarëve ishte edhe djali i negociatorit kryesor të grupit, Khalil al-Hayya.
Ai i liston emrat e tyre si: Humam El-Hajja (Ebu Jahja) – djali i el-Hajjes, Xhihad Labad (Abu Bilal) – drejtor i zyrës së al-Hayya, Abdullah Abdul Vahid (Ebu Khalil), Moamen Hassouna (Abu Omar), Ahmed Al-Mamluk (Abu Malik).
Personi i gjashtë i vrarë, thuhet se ishte një anëtar i forcave të sigurisë së brendshme të Katarit, Kaporali Badr Saad Mohammed Al-Humaidi.
Ushtria izraelite e përshkroi sulmin e saj ndaj një kompleksi banimi në qendër të Dohas, Katar, si një sulm “të saktë”.
Raketat goditën Dohan ndërsa Izraeli shënjestroi udhëheqësit e Hamasit mes përpjekjeve për armëpushim dhe Katari e quajti këtë një shkelje të sovranitetit./S.K/KP/Al Jazeera/
Aktualitet
MPJD konfirmon arrestimin e Hazir (Arif) Haziri në Merdare
Published
13 minutes agoon
September 10, 2025By
UBT News
Ministria e Punëve të Jashtme dhe Diasporës e Republikës së Kosovës konfirmon arrestimin e qytetarit të Republikës së Kosovës, Hazir (Arif) Haziri, nga autoritetet e Serbisë, më 8 shtator 2025, në pikën kufitare në Merdarë, gjatë hyrjes së tij në territorin serb me automjet privat.
Sipas njoftimit të MPJD-së, menjëherë pas marrjes së informacionit për këtë rast, Zyra Ndërlidhëse e Republikës së Kosovës në Serbi është angazhuar përmes kanaleve zyrtare dhe diplomatike për të siguruar informacione të sakta dhe të plota mbi ndalimin e Haziri.
“Zyra Ndërlidhëse e Republikës së Kosovës ka adresuar një kërkesë zyrtare autoriteteve të Qeverisë së Serbisë për të konfirmuar arrestimin e Haziri dhe për të sqaruar arsyet ligjore të ndalimit të tij. Lidhur me rastin, është njoftuar edhe Delegacioni i Bashkimit Evropian në Serbi, si dhe përfaqësuesit diplomatikë të vendeve të Quint-it. Nëse ndaj Haziri vendoset masa e paraburgimit dhe iniciohet procedurë penale, Zyra Ndërlidhëse e Republikës së Kosovës në Serbi do të bëj kërkesën për vizitë zyrtare në qendrën e ndalimit. Në këtë fazë, Ministria e Punëve të Jashtme dhe Diasporës u bën thirrje të gjithë qytetarëve të Republikës së Kosovës që të shmangin udhëtimet nëpërmjet territorit të Serbisë, me qëllim të garantimit të sigurisë dhe mirëqenies së tyre. MPJD gjithashtu nënvizon nevojën urgjente për reagim nga ana e Bashkësisë Ndërkombëtare ndaj praktikave represive të autoriteteve serbe, të cilat bien ndesh me parimet themelore të së drejtës ndërkombëtare dhe me konventat ndërkombëtare për të drejtat e njeriut. Rritja e rasteve të ndalimeve dhe maltretimeve të qytetarëve të Republikës së Kosovës nga autoritetet serbe përbën shkelje të frymës së dialogut dhe të marrëveshjeve të nënshkruara mes dy palëve”, thuhet në njoftim.
Ministria e Punëve të Jashtme dhe Diasporës zotohet se do të vazhdojë të angazhohet me përkushtim për mbrojtjen e të drejtave dhe interesave të qytetarëve të Republikës së Kosovës, kudo që ndodhen./S.K/KP/MPJD/
Bota
Stojkoviq: Spiunët e kërkuar nga SHBA nuk u arratisën, por u larguan nga Serbia me plan të Vuçiqit
Published
15 minutes agoon
September 10, 2025By
UBT News
Avokati serb, Cedomir Stojkoviq ka reaguar pas raportimit se dy spiunë kanë ikur nga arresti shtëpiak në Serbi, për çka ka thënë se ata janë larguar sipas planit të presidentëve Aleksandër Vuçiq dhe Xi Jinping.
Kinezi Cuj Guanghaj dhe britaniku Xhon Miler, ekstradimin e të cilëve e kërkojnë Shtetet e Bashkuara të Amerikës nën akuzat për spiunazh dhe kontrabandë të teknologjisë ushtarake, kanë ikur nga arresti shtëpiak në Beograd pasi hoqën byzylykët elektronikë.
“Spiunët kinezë që u arrestuan në Serbi me kërkesë të SHBA-së u nxorën nga vendi nga agjentët e Agjencisë së Sigurisë dhe Informacionit (BIA), sipas një marrëveshjeje të mëparshme mes Aleksandar Vuçiq dhe Xi Jinping”, ka shkruar Stojkoviq në X.
Sipas tij, shërbimet e sigurisë së Serbisë kanë organizuar largimin e tyre nga Serbia.
“Para kësaj, Cuj Guanghaj dhe John Miller, edhe pse të arrestuar me urdhër arresti ndërkombëtar dhe me kërkesë për ekstradim, në vend që të mbaheshin në paraburgim u vendosën në arrest shtëpiak, një precedent deri atëherë krejtësisht i panjohur në sistemin gjyqësor. Sepse, sigurisht, spiunët për të cilët një shtet tjetër kërkon ekstradimin do të arratisen nga arresti shtëpiak”, ka shkruar tutje ai.
Stojkoviq ka shtuar se një gjë e tillë edhe pritej.
“Nuk ka asnjë dilemë që të dy kanë fluturuar me avion nga aeroporti i Beogradit direkt për në Kinë ose përmes Rusisë. BIA i kaloi jashtë kontrollit kufitar dhe i futi në avion. Dikun rreth 99% është pikërisht kështu si ka ndodhur. Ai 1% i mbetur lidhet po me BIA-n, por duke kaluar përmes kufirit të zakonshëm”, ka përfunduar ai.
Cuj dhe Miler u arrestuan më 24 prill 2025 në hotelin “Hajat” mbi bazën e urdhër-arrestit ndërkombëtar të SHBA-së.
“Për personat në fjalë është urdhëruar lëshimi i fletarrestimit, të cilin do ta zbatojë Drejtoria e Policisë së Beogradit, Departamenti për Kërkime”, thuhet në vendimin e Gjykatës së Lartë në Serbi./S.K/KP/

Trump pas sulmit në Katar: Nuk i çon përpara qëllimet e Izraelit apo të Amerikës

Gjashtë të vdekur nga sulmi i Izraelit në Katar

MPJD konfirmon arrestimin e Hazir (Arif) Haziri në Merdare

Stojkoviq: Spiunët e kërkuar nga SHBA nuk u arratisën, por u larguan nga Serbia me plan të Vuçiqit

Mbi 900 të burgosur arratisen mes protestave të dhunshme në Nepal

Dy prokurorë akuzohen për keqpërdorim të autoritetit zyrtar në Maqedoni të Veriut

OKB dënon sulmin e Izraelit: Shkelje flagrante mbi sovranitetin e Katarit

Sulmohet dhe kërcënohet me jetë drejtoresha e Arsimit në Gjakovë

Milanoviq reagon ndaj vizitës së ministrit izraelit në Zagreb
Të kërkuara
-
Aktualitet2 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT2 months ago
UBT shpall konkurs për pranimin e studentëve të rinj për vitin akademik 2025/26