Lajmet

Irfete Spahiu gradohet gjeneralmajore dhe emërohet inspektore gjenerale në FSK

Është hera e parë në historinë e shtetit të Kosovës dhe ushtrisë sonë që në hierarkinë e saj ta ketë gjeneralmajore një grua.

Published

3 years ago

May 27, 2022

Betim Gashi

Presidentja e Kosovës, Vjosa Osmani në një ceremoni të organizuar në Presidencë, bazuar në kompetencat saj kushtetuese e ligjore, ka graduar gjeneral brigade Irfete Spahiun me gradën gjeneralmajore në FSK. E njëjta, po ashtu është emëruar Inspektore Gjenerale e FSK-së.

Sipas presidentes Osmani, është hera e parë në historinë e shtetit të Kosovës dhe ushtrisë sonë që në hierarkinë e saj ta ketë gjeneralmajore një grua.

Emërimi i Spahiut edhe në pozitën e Inspektores Gjenerale të FSK-së, sipas Presidentes Osmani është një garanci për vazhdimin e mirëfunksionimit dhe zbatimit të standardeve profesionale të Forcës.

“Duke u bazuar në obligimet kushtetuese dhe ligjore, pas propozimit të Ministrisë së Mbrojtjes, të ministrit Mehaj, kam dekretuar Irfete Spahiun nga grada gjeneralbrigade në gradën gjeneralmajore në Forcën e Sigurisë, ky gradim është nder dhe përgjegjësi e jashtëzakonshme nga gratë dhe burrat në uniformë, familjet tuaja, familjet tona dhe e gjithë Republika e Kosovës presin shumë nga ju, gjeneralbrigade Spahiu jo vetëm, si oficere e lartë në FSK, por edhe si grua për herë të dytë po bën historinë duke u bërë gruaja e parë gjeneralmajor në Ushtrinë tonë, jam e bindur që do të vazhdojë të shërbejë me nderë dhe do ta bëjë krenarë secilin qytetarë të Republikës së Kosovës. Në të njëjtën kohë gjeneralja Spahiu emërohet në pozitën e inspektores gjenerale të Forcës së Sigurisë së Kosovës një pozicion jashtëzakonisht i rëndësishëm që do të sigurojë të gjitha veprimet që ndërmerren nga ana e Forcës së Sigurisë, nga ana e Ushtrisë sonë, të jenë në përputhje të plotë me ligjin”, deklaroi Osmani

Ndërsa gjeneralja e emëruar Irfete Spahiu ka thënë se do të ushtrojë këtë detyrë me nder dhe përgjegjësi të madhe.

“Faleminderit të gjithëve për prezencën mbi të gjitha kjo është përgjegjësi e imja, po shpresoj dhe besoj, ashtu siç kam besuar deri më tani në veten time që, besimin që institucionet e Republikës së Kosovës ma kanë dhënë, do ta kryej me nder dhe dinjitet”, tha Spahiu.

Në këtë ceremoni të pranishëm ishin edhe kreu i qeverisë Albin Kurti dhe ministri i mbrojtjes, Armend Mehaj.

Lajmet

Legjenda e Barcelonës njofton pensionimin nga futbolli

Published

24 minutes ago

September 26, 2025

UBT News

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

Lajmet

Osmani takohet me presidentin e Senegalit

Published

1 hour ago

September 26, 2025

UBTnews

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Lajmet

Arrestohet një i dyshuar për sulm seksual ndaj një të miture në Podujevë

Published

1 hour ago

September 26, 2025

UBTnews

Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.

Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP

Lajmet

Nis Superliga e Kosovës në futsall këtë fundjavë

Published

2 hours ago

September 26, 2025

UBT News

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/