Sport

​Interi dhe Milani në “luftë” edhe për qasjen ndaj gjyqtarëve

Rivaliteti i këtyre dy rivalëve lokal shkon përtej fushës dhe rezultateve në të.

Published

on

Interi dhe Milani janë duke zhvilluar një luftë të ashpër për titull në Serie-A në këtë edicion, por jo vetëm në aspektin sportiv.

Rivaliteti i këtyre dy rivalëve lokal shkon përtej fushës dhe rezultateve në të.

Sipas “La Gazzetta dello Sport”, Interi është i mërzitur me ankesat e Milanit për gjyqtarët dhe ka vendosur të përdorë një qasje tjetër me mediat.

“Derby della Madonnina” i javës së kaluar përfundoi në polemika me Milanin që ankohej për një gol të anuluar në pjesën e dytë nga Benaccer për pozicion jashtë loje. Siç thekson mediumi në fjalë, kuqezinjtë kanë qenë shpesh kritikë ndaj gjyqtarëve këtë sezon, ndërsa Interi ka adoptuar një qasje më ndryshe.

Sipas raportit, Interi është i mërzitur me protestat e Milanit dhe po përpiqet të përdorë një metodë më të butë, veçanërisht gjatë intervistave para dhe pas ndeshjes. Simone Inzaghi mbrojti zyrtarët e ndeshjes javën e kaluar dhe Beppe Marotta nuk është ankuar kurrë publikisht për gjyqtarët.

Pioli gjithashtu u ankua pse lojërat e këtyre dy ekipeve nuk po zhvillohen në të njëjtën kohë dhe Inzaghi u kthye kundër trajnerit të kuqezinjve, duke thënë se situata është e njohur për një kohë të gjatë dhe se duhet të respektohen të drejtat televizive.

Vetëm dy pikë ndajnë Milanin dhe Interin në tabelën e Serisë A, por “Nerazzurrët” mund të ngjiten në vendin e parë të mërkurën nëse fitojnë ndeshjen e tyre të mbetur kundër Bolonjës.

Sport

Granit Xhaka, ‘Mbreti’ i pasimeve në Bundesligë

Published

on

Granit Xhaka po tregon përse është një nga mesfushorët më të rëndësishëm në futbollin europian. Sipas statistikave të fundit nga “Bundesliga Match Facts”, mesfushori shqiptar nga Kosova, i cili luan për Bayer Leverkusen, kryeson Bundesligën për performancën më të lartë në pasime.

Me 1966 pasime të suksesshme, Xhaka arrin një performancë pasimi prej 67.0, duke lënë pas rivalët e tij kryesorë, Angelo Stiller të Stuttgart dhe Joshua Kimmich të Bayern Munich. Ky sukses është një tjetër tregues i aftësive të jashtëzakonshme të Xhakës në fushë, dhe vjen në një sezon të shkëlqyer për Leverkusen, që po lufton për titullin në Bundesligë dhe ka shfaqur një stil loje dominues nën drejtimin e trajnerit Xabi Alonso.

Roli i Xhakës në këtë ekip është kyç, duke qenë dirigjenti i mesfushës dhe një faktor vendimtar në ndërtimin e aksioneve sulmuese të skuadrës. Performanca e tij ka qenë thelbësore për sukseset e Leverkusen këtë sezon dhe e pozicionon atë si një nga lojtarët më të shquar në Bundesliga.

Continue Reading

Sport

Stephen Curry fiton duelin me LeBron James, rezultatet në NBA

Published

on

Golden State Warriors ka fituar ndaj Los Angeles Lakers me rezultatin 123-116 në një përballje të ngushtë mes dy ekipesh që luftojnë për titullin në NBA. Stephen Curry ishte i jashtëzakonshëm me 38 pikë, duke udhëhequr Warriors në fushë, ndërsa Moses Podziemski e mbështeti me 28 pikë.

Nga ana tjetër, LeBron James shënoi 33 pikë dhe Austin Reaves shtoi 31, por këto nuk mjaftuan për Lakers për të mposhtur Golden State.

Në ndeshje të tjera, Milwaukee Bucks mundi Philadelphia 126-113, me Giannis Antetokounmpo që shënoi një “triple double” me 35 pikë, 17 rebound dhe 20 asist.

Toronto Raptors pësoi një humbje 112-103 ndaj Portland, ku Shadon Sharpe ishte protagonist me 36 pikë. Po ashtu, skuadra e Miami u mund në shtëpi nga Memphis Grizzlies me rezultatin 110-108, me Ja Morant që udhëhoqi miqtë me 30 pikë, ndërsa 35 pikët e Tyler Herro nuk mjaftuan për të shpëtuar Miami.

Minnesota Timberwolves fitoi 105-90 kundër Brooklyn Nets, me Anthony Edwards që shënoi 28 pikë.

Rezultatet e tjera:

Philadelphia – Milwaukee: 113-126

Washington – Orlando: 97-109

Brooklyn – Minnesota: 90-105

Miami – Memphis: 108-110

Toronto – Portland: 103-112

Lakers – Golden State: 116-123

Continue Reading

Sport

Xhiro e 27 e Superligës, ndeshje kyçe për Malishevën dhe Prishtinën

Published

on

By

Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.

Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.

Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.

Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.

Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.

Continue Reading

Sport

Tensionet në Kongresin e UEFA-s: Kosova përfaqësohet pa flamurin shtetëror në Beograd!

Published

on

Një ngjarje e pazakontë ka ndodhur në Kongresin e UEFA-s që po mbahet në Beograd, ku përfaqësuesi i Federatës së Futbollit të Kosovës (FFK), Agim Ademi, u fotografua me flamurin e Kosovës, duke shkaktuar një reagim të menjëhershëm nga Federata Serbe të Futbollit. Si pasojë e kësaj fotoje, federata serbe ndërmori hapa të menjëhershëm për të larguar çdo simbol që përfaqësonte shtetin e Kosovës nga kongresi i UEFA-s.

Pas ngjarjes, Federata Serbe kërkoi falje publike nga serbët, ndërsa hoqi të gjitha simbolet që kishin lidhje me shtetin e Kosovës. Ky veprim nxori në pah tensionet që ekzistojnë mes dy shteteve, duke treguar se Kosova, ndonëse është një anëtare e UEFA-s, po përfaqësohet në këtë kongres vetëm me logon e FFK-së dhe jo me simbolet shtetërore, siç ndodh me shtetet e tjera të pranishme.

Një tjetër element që ka shtuar tensionet ishte vendimi i sekretarit të FFK-së, Marcus Weidner, i cili ka pranuar të ulet në tavolinë pa flamurin e Kosovës, një akt që thekson edhe më tej kompleksitetin e situatës politike dhe sportive që ka lindur pas njohjes ndërkombëtare të Kosovës dhe ndikimeve të këtij procesi në fusha të ndryshme, përfshirë futbollin.

Ky incident thekson edhe një herë vështirësitë me të cilat përballet Kosova në arenën ndërkombëtare, sidomos në fushën e sporteve, dhe rëndësinë e dialogut dhe bashkëpunimit për tejkalimin e tensioneve mes shteteve në rajon.

Continue Reading

Të kërkuara