Lajmet

Hoti: Po kompletohet infrastruktura sportive në nivel vendi

Published

5 years ago

January 25, 2021

Betim Gashi

Stadiumi i klubit futbollistik “2 Korriku” nga sot do të ketë një pamje tjetër. Në inaugurimin e këtij stadiumi ishin të pranishëm kryeministri në detyrë, Avdullah Hoti dhe ministrja në detyrë e Kulturës dhe Sportit, Vlora Dumoshi.

Me këtë rast, Hoti deklaroi se dalëngadalë po kompletohet infrastruktura sportive në nivel vendi dhe njëkohësisht paralajmëroi se këtë vit do të realizohen edhe dy projekte të rëndësishme si zgjerimi i stadiumit “Fadil Vokrri”, si dhe fushat e tenisit në kompleksin në Taukbahçe.

“Më vjen mirë që ngadalë po e rrumbullakësojmë infrastrukturën sportive në nivel vendi me plot fusha të ndryshme sportive, salla gjithandej nëpër Kosovë që kanë qenë me vite të tëra duke u ndërtuar, tani po përfundojnë për t’iu bërë të mundur të rinjve dhe të rejave që të zhvillojnë talentet e tyre. Sivjet kemi edhe dy projekte të rëndësishme për Prishtinën në veçanti, që është zgjerimi i stadiumit ‘Fadil Vokrri’ dhe fushat e tenisit në kompleksin në Taukbahçe, që besoj që ndihmojnë jashtëzakonisht shumë edhe për të zhvilluar sportin edhe për të rritur pjesëmarrjen në këto aktivitet. Tani përpara e kemi edhe planin tonë që të rregullojmë edhe mënyrën se si menaxhohet kjo infrastrukturë, terrenet sportive, sallat e ndryshme në mënyrë që këto të jenë të qëndrueshme dhe të jenë gjithmonë në dispozicion të klubeve sportive dhe të talentëve të rinj”, deklaroi ai.

Ndërsa Ministrja në detyrë e Kulturës, Rinisë dhe Sportit, Vlora Dumoshi tha se klubi i futbollit “2 Korriku” është një klub shumë i rëndësishëm për Kosovën dhe Prishtinën, pasi që nga aty kanë dalë ekipe të suksesshme dhe se këto investime janë për të përgatitur gjenerata të reja.

“Në sot jemi në një klub i cili është shumë i rëndësishëm sidomos për Kosovën, por ne veçanti për Prishtinën. Diku 63 vite klubi që ekziston. Këtu po përgatiten gjenerata të reja prej njerëzve të cilët e kanë marrë përgjegjësi Baholli me shumë profesorë të cilët janë ekspertë për të punuar me grup-mosha duke filluar prej moshës gjashtë vjeçare dhe lartë. Ne sot filluam punimet për ndërtimin e fushës ndihmëse edhe barin sintetik i cili do të bëhet. Vet investimi i kësaj fushe të cilin e ka bërë Ministria e Kulturës, Rinisë dhe Sportit kanë arritur që ekipet e tyre, pesë ekipe të jenë kampion”, deklaroi ajo.

Dumoshi gjithashtu theksoi se do të vazhdojnë me investime edhe në kompletimin dhe ndërtimin e shumë fushave dhe sallave sportive në të gjithë vendin.

Related Topics:vlora dumoshi Avdullah Hoti

Up Next

Gjashtë të lënduarit nga shpërthimi i bombolës në Ferizaj ende po trajtohen në QKUK

Don't Miss

Milan kërkon huazimin e Lisandro Martinez

Vendi

Votohet Qeveria Kurti me 66 vota pro

Published

9 seconds ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci, ndërsa Ministër i Rinisë dhe Sportit Daulina Osmani.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

23 minutes ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

2 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

4 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.