Policia e Kosovës ka njoftuar se sot, më 16.02.2026, një ditë para shënimit të Pavarësisë së Kosovës, në vend do të qëndrojë për vizitë zyrtare Kryeministri i Shqipërisë, Edi Rama.

Gjatë qëndrimit të tij, Policia e Kosovës do të angazhohet për ruajtjen e rendit dhe qetësisë publike, si dhe për menaxhimin e trafikut. Për shkak të lëvizjes së eskortës nga Aeroporti dhe zhvillimit të aktiviteteve sipas agjendës zyrtare, pritet të ketë ndërprerje të përkohshme të qarkullimit në disa segmente rrugore, me mundësi devijimi në rrugë alternative.

Mirëpo, ende nuk është bërë e ditur se kush nga krerët institucional në Kosovë do ta pres në takim Kryeministrin Rama.

Dy ushtarake femra të Izraelit u desh të shpëtoheshin nga policia pasi u ndoqën nga një turmë burrash hebrenj ultra-ortodoksë.

Pamjet nga qyteti i Bnei Brak treguan gratë duke vrapuar nëpër rrugë të mbushura me mbeturina dhe kosha të përmbysur, ndërsa oficerët e policisë formuan një kordon mbrojtës. Më shumë se 20 persona u arrestuan, raporton BBC.

Raportet sugjerojnë se ushtaraket e Israel Defense Forces (IDF) u besua gabimisht se po përpiqeshin të shpërndanin urdhra për rekrutim ushtarak. Shërbimi ushtarak është i detyrueshëm për shumicën e hebrenjve izraelitë, por hebrenjtë ultra-ortodoksë prej kohësh kanë qenë të përjashtuar. Përpjekjet për ta reformuar këtë kanë shkaktuar zemërim në komunitet.

Kryeministri izraelit Benjamin Netanyahu e dënoi incidentin si “të papranueshëm”. “Ky është një pakicë ekstreme që nuk përfaqëson të gjithë komunitetin Haredi [ultra-ortodoks],” tha Netanyahu në një postim në X.

“Nuk do të lejojmë anarki dhe nuk do të tolerojmë asnjë dëm ndaj ushtarëve të IDF-së dhe forcave të sigurisë që kryejnë detyrat e tyre me përkushtim dhe vendosmëri.”

Udhëheqësit fetarë hebrenj dënuan gjithashtu veprimet e atyre që morën pjesë në trazira.

Policia kundër trazirave në Bnei Brak, në periferi të Tel Aviv, përdori granata trullosëse kundër turmës dhe arrestoi 23 persona, thuhet në një deklaratë të policisë.

Tre oficerë u plagosën dhe disa automjete policie u dëmtuan, përfshirë një makinë patrulle që u përmbys dhe një motor policie që u dogj, shtoi policia.

Sipas transmetuesit izraelit Kan, ushtaraket e IDF-së ndodheshin në një vizitë zyrtare në shtëpinë e një ushtari tjetër kur shpërtheu përplasja.

Në fund të vitit të kaluar, qindra mijëra persona morën pjesë në një nga protestat më të mëdha kundër rekrutimit nga izraelitët ultra-ortodoksë në vitet e fundit.

Çështja e rekrutimit është bërë gjithnjë e më e debatueshme gjatë luftës në Gaza, ndërsa qeveria izraelite po diskuton ligje që do t’i kërkonin burrave ultra-ortodoksë, që nuk janë në studime fetare me kohë të plotë, të kryejnë shërbimin ushtarak.

Që nga shpallja e Shtetit të Izraelit në vitin 1948, studentët e regjistruar me kohë të plotë në shkollat fetare (yeshiva) kanë qenë të përjashtuar nga rekrutimi.

Ky përjashtim u shpall jokushtetues nga Gjykata e Lartë e Drejtësisë e Izraelit më shumë se një dekadë më parë. Marrëveshjet e përkohshme për ta vazhduar atë u përfunduan zyrtarisht nga gjykata vitin e kaluar, duke e detyruar qeverinë të fillojë rekrutimin e këtij komuniteti.

Popullsia ultra-ortodokse ka më shumë se dyfishuar peshën e saj në popullsinë e Izraelit gjatë shtatë dekadave të fundit dhe tani përbën rreth 14%.  /BBC/

Një Rezolutë e Parlamentit të Zvicrës, e nënshkruar nga 30 deputetë të këtij parlamenti do të dorëzohet sot në Gjykatën Speciale, me të cilën kërkohet drejtësi për ish-krerët e UÇK-së.

KosovaPress ka siguruar rezolutën e nënshkruar nga 30 deputetë zviceran, të cilët nesër prej orës 11:00 do ta dorëzojë veprimtari Sali Bislimi në Gjykatën Speciale.

Këta deputetë zviceranë që kanë vënë nënshkrimin në këtë rezolutë, kërkojnë drejtësi dhe barazi.  

Veprimtari Sali Bislimi nesër do të dorëzojë ne Gjykatën Speciale këtë rezolute, ku tri vjet më parë i është adresuar Qeverisë zvicerane, e cila është nënshkruar nga 30 deputetë të Parlamentit Zviceran. Këta deputetë janë nga te gjitha partitë politike zvicerane.

Kjo rezolutë kërkon nga qeveritarët një gjykatë për drejtësi, të paanshme dhe të barabartë.

Rezoluta do të dorëzohet nesër pranë Dhomave të Specializuara të Kosovës, raporton Kosovapress.

Më poshtë vijon Rezoluta me 30 deputetë zviceranë të nënshkruar:

/Kosovapress/

Presidentja e Republikës së Kosovës, Vjosa Osmani, ka pranuar letër urimi nga Presidenti i Shteteve të Bashkuara të Amerikës, Donald J. Trump, me rastin e 18-vjetorit të shpalljes së Pavarësisë së Kosovës.

Në mesazhin e tij, Presidenti Trump ka përgëzuar popullin e Kosovës për këtë përvjetor të rëndësishëm, duke rikonfirmuar përkrahjen e palëkundur të SHBA-ve ndaj shtetit të Kosovës.

“Mbështesim fuqishëm sovranitetin dhe integritetin territorial të Republikës së Kosovës”, thuhet në letrën e Presidentit Trump.

Ai ka shprehur gjithashtu gatishmërinë për thellimin e bashkëpunimit ndërmjet dy vendeve.

“Shtetet e Bashkuara janë të gatshme të zgjerojnë partneritetin me Kosovën, veçanërisht përmes rritjes së tregtisë dhe investimeve, me synim avancimin e prosperitetit të përbashkët”, thuhet në urim.

Presidenti Trump ka nënvizuar se SHBA-të do të vazhdojnë të punojnë krah për krah me Kosovën në funksion të paqes dhe stabilitetit. “Jemi të gatshëm të punojmë së bashku për avancimin e paqes dhe stabilitetit në dobi të ndërsjellë”, ka deklaruar ai.

Në letër, Presidenti amerikan ka shprehur falënderimin ndaj Presidentes Osmani dhe popullit të Kosovës për mbështetjen e përpjekjeve amerikane për paqe, si dhe ka mirëpritur Kosovën si anëtare themeluese të Bordit të Paqes, që synon ta bëjë botën më të sigurt, më të fortë dhe më të begatë.

Në përmbyllje të mesazhit, Presidenti Trump ka shprehur besimin në forcimin e mëtejshëm të bashkëpunimit dhe partneritetit ndërmjet dy vendeve.