Aktualitet

​Hapet Panairi i Punës, marrin pjesë rreth 20 kompani të sektorëve të ndryshëm

Nga ky panair njëditor po synohet që të rinjve tu ofrohet mundësia për punësim.

Published

2 years ago

on

Gjatë ditës do të jenë të hapura dyert e Panairit të Punës, i cili po mbahet për herë të parë pas pandemisë. Në panairin e organizuar nga Oda Ekonomike Amerikane në Kosovë, po marrin pjesë rreth 20 kompani të sektorëve të ndryshëm. Nga ky panair njëditor po synohet që të rinjve tu ofrohet mundësia për punësim.

Nita Prapashtica nga Oda Ekonomike Amerikane tha se për shkak të kërkesave të mëdha te kompanive për punonjës, panairi po organizohet sërish.

“Oda Amerikane e ka organizuar panairin e punës me qëllimin e njoftimit të punëkërkuesve me punëdhënës potencial. Janë afro 20 kompani të sektorëve të ndryshëm, të gjithë janë anëtarë të Odës Ekonomike Amerikane. Është panairi i parë që kemi mbajtur që pas pandemisë dhe po shpresojmë që prej këtij panairi do të ju sigurojmë të rinjve oferta për punësim në të ardhmen ose tash”, ka thënë ajo.

Menaxherja e burimeve njerëzore në kompaninë “KFC”, Florina Thaçi tha se kanë vende të shumta pune dhe presin që sot të ketë interesim nga të rinjtë.

“Sot në këtë panair presim që të takojmë shumë talentë të rinj, të cilët janë të interesuar t’i bashkohen ekipit tonë dhe të na tregojnë për cilat pozita dhe orientimet e tyre në karrierë, në mënyrë që edhe ne t’iu ndihmojmë që ata të zhvillohen më shumë… Të gjithë personat që janë të interesuar të zhvillohen në karrierë, të fillojnë punën tek ne, të gjithë janë të mirëseardhur. Kemi vende, sepse jemi duke u zgjeruar edhe më tej, jemi duke hapur restorante të reja”, ka thënë ajo.

Edhe Sumeja Naili nga Agjencioni i Patundshmërisë “Tafingo” tregoi se janë të hapur për vende të reja të punës.

“Pa dyshim që ky prezantim ka shumë dobi për neve si agjencion, për shkak se përveç se do të kemi mundësinë që të prezantohemi si një agjencion i ri një-vjeçar, gjithashtu do të kemi mundësinë edhe të gjejmë punëtorë të ri të cilët duan të bashkëpunojnë me neve dhe të bëhen pjesë e agjencionit tonë”, tha Naili.

Diona Halili nga kompania që ofron shërbime të printimit “Art House” tha se panaire të tilla po u ndihmojnë për sigurimin e kontakteve të reja me punëkërkues.

“Arsyeja pse kemi vendosur që të bëhemi edhe sponsor i panairit ka qenë se ne mendojmë që fuqia punëtore, sidomos fuqia e re punëtore në Kosovë, ka nevojë për trajnime adekuate që të përgatiten për një treg të punës jo vetëm këtu, por edhe ndërkombëtar… Ne mendojmë që ky model i panaireve dhe jo intervistave face-to-face, por kur njoftohesh me disa njerëz që vijnë me qejf, je në gjendje me pas edhe më shumë zgjedhje”, ka përfunduar Halili.

Panairi i Punës po organizohet sërish pas kërkesave të mëdha të kompanive për punonjës dhe do të jetë i hapur deri në orën 17:00.

Related Topics:
Continue Reading

Aktualitet

Sot shënohet Dita e Kushtetutës

Published

3 hours ago

on

April 9, 2025

By

17 vjet më parë, Kosova u bë me aktin më të lartë juridik, dokumentin bazë të shtetësisë, Kushtetutën e Republikës së Kosovës duke i dhënë fund qeverisjes së Kosovës në bazë të rezolutës së Kombeve të Bashkuara 1244.

17 shkurti i vitit 2008 shënoi Kosovën në hartat politike të shteteve të pavarura ndërsa dy muaj më pas Kuvendi i Kosovës ratifikoi Kushtetutën e Republikës së Kosovës e cila më 15 qershor të po atij viti hyri në fuqi.

Kushtetuta e Kosovës u ratifikua më 9 prill 2008 dhe hyri në fuqi më 15 qershor 2008.

Kushtetuta është akti më i lartë juridik, që garanton të drejtat dhe liritë themelore të të gjithë qytetarëve të vendit.

Pjesa më e madhe e kësaj kushtetute rrjedh nga Plani i ish-presidentit Martti Ahtisaari, duke i dhënë kështu të drejta specifike grupeve minoritare dhe një ambient më të sigurt për të gjithë qytetarët e Kosovës.

Kushtetuta e definon Kosovën si një shtet me pikëpamje neutrale ndaj fesë – neni 8. Ajo ka 14 kapituj dhe 162 nene.

9 Prilli është zyrtarisht festë shtetërore në Kosovë që do të thotë se institucionet pushojnë sot (E mërkurë). /UBT News/

Continue Reading

Aktualitet

Sot pritet të përmirësohet moti

Published

4 hours ago

on

April 9, 2025

By

Sot mbi vendin tonë po mban mot pjesërisht i vranët.

Ka mundësi që të ketë dhe riga lokale shiu.

Temperaturat do të sillen midis 0°C deri 8 °C.

Edhe nesër, pritet të mbajë mot i ngjashëm me temperatura 0 deri në 10°C. /UBT News/

Continue Reading

Bota

Mattarella pret mbretin Charles në Pallatin Quirinale

Published

20 hours ago

on

April 8, 2025

By

Mbreti Charles III dhe mbretëresha Camilla u takuan sot me presidentin italian, Sergio Mattarella, në ditën e dytë të vizitës shtetërore në Itali. Ky është udhëtimi i parë i mbretit pas largimit nga spitali, ku ai u trajtua për kancer, sipas informacioneve të agjencisë AP.

Mbreti Charles dhe Camilla u shoqëruan nga një grup rojesh presidenciale dhe u përshëndetën nga presidenti Mattarella në oborrin e Pallatit Quirinale, ku do të zhvillohet një banket shtetëror nesër në mbrëmje. Ky banket do të shënojë jo vetëm vizitën e mbretërorëve britanikë, por edhe 20-vjetorin e martesës së çiftit mbretëror.

Mbreti Charles do të takohet nesër me kryeministren italiane, Giorgia Meloni, përpara se të mbajë një fjalim në një seancë të përbashkët të Parlamentit italian – një ngjarje historike, pasi është hera e parë që një monark britanik merr pjesë në një fjalim të tillë.

Gjatë vizitës së tij, mbreti Charles do të theksojë lidhjet e ngushta mes Britanisë së Madhe dhe Italisë, dy aleatëve të NATO-s, në një periudhë kur këto dy shtete po përpiqen të forcojnë mbështetjen për luftën e Ukrainës kundër Rusisë.

Pjesë e vizitës treditore të mbretit dhe mbretëreshës do të jetë një udhëtim në Ravena, në rajonin verior Emilia Romagna, të enjten, për të përkujtuar 80-vjetorin e çlirimit të qytetit nga forcat aleate gjatë Luftës së Dytë Botërore./UBTNews/

 

Continue Reading

Bota

Koreja e Jugut do të mbajë zgjedhjet presidenciale më 3 qershor

Published

20 hours ago

on

April 8, 2025

By

Koreja e Jugut do të mbajë zgjedhjet presidenciale më 3 qershor, pas vendimit të Gjykatës Kushtetuese që e hoqi Yoon Suk Yeol nga presidenca. Yoon u fajësua nga parlamenti në dhjetor për shpalljen e një deklarate të kontestuar lidhur me ligjin ushtarak. Pas një shqyrtimi të kërkesës për shkarkimin e tij, gjykata la në fuqi këtë vendim më 4 prill, duke detyruar mbajtjen e zgjedhjeve të parakohshme brenda 60 ditëve.

Presidenti në detyrë, Han Duck-soo, njoftoi datën e zgjedhjeve dhe theksoi se vendi duhet të “shërohet shpejt nga plagët” dhe të ecë përpara. Shpallja e ligjit ushtarak nga Yoon kishte krijuar pasiguri politike të thellë në vend, duke nxjerrë në pah ndarjet e thella shoqërore në Kore.

Yoon e shpalli ligjin ushtarak për të trajtuar kërcënimet e “forcave anti-shtetërore” dhe Koreës së Veriut, por shpejt u kuptua se kjo lëvizje ishte më shumë një pasojë e problemeve të tij të brendshme politike sesa një reagim ndaj kërcënimeve të jashtme.

Disa politikanë kanë shprehur interesin për të kandiduar në zgjedhjet presidenciale, përfshirë ministrin e punës Kim Moon-soo, i cili dha dorëheqjen këtë javë për të nisur fushatën e tij. Ahn Cheol-soo, një ligjvënës nga Partia e Pushtetit Popullor, gjithashtu ka hedhur kandidaturën për president.

Përveç krizës politike, Koreja e Jugut po përballet edhe me sfida të reja ekonomike, për shkak të tarifave të larta që janë shpallur nga Presidenti amerikan, Donald Trump. Shuma prej 25% për eksportet nga Koreja e Jugut në SHBA ka shtuar presionin mbi ekonominë e vendit, dhe autoritetet po kërkojnë negociata me administratën e Trump për të zbutur pasojat.

Continue Reading

Të kërkuara