Agjërim do të thotë të heqësh dorë me dëshirë nga konsumi i disa ose të gjitha ushqimeve ose pijeve kalorike, për arsye terapeutike, shpirtërore ose politike.

Së pari, agjërimi është po aq i vjetër sa vetë historia, tregojnë studiuesit. Në ditët parahistorike, paraardhësit tanë ushqeheshin kur kishte ushqim dhe agjëronin kur nuk kishte. Kjo ishte një mënyrë mbijetese efikase.

Agjërimi është sot pjesë e kremtimeve të ndryshme fetare, duke filluar nga feja muslimane, hebraike, e krishtere dhe ajo ortodokse. Besimtarët e këtyre feve agjërojnë për një total prej 180-200 ditësh çdo vit.

Në mjekësi, agjërimi është gjithashtu pjesë e përgatitjes së operacionit. Nëse jeni duke iu nënshtruar një operacioni ose ndonjë lloj procedure që përfshin anestezinë, do t’ju kërkohet të agjëroni, për të shmangur të përzierat dhe për t’u siguruar që asnjë ushqim ose lëng nuk futet në mushkëri.

Çdo lloj forme e agjërimit ka listën e vet të përfitimeve dhe rreziqeve që duhet të merren parasysh me kujdes bazuar në statusin dhe qëllimet tuaja kryesore shëndetësore.

AgroWeb.org ju njeh më poshtë me disa nga gjërat që duhet të dini para se të provoni të agjëroni.

Agjërimi mund të nxisë djegien e dhjamit

Kur agjëroni, trupi juaj konsumon glukozën e ruajtur në mëlçi për energji dhe pikërisht atëherë filloni të digjni yndyrën. Kjo quhet ketosis dhe mund të çojë në humbje peshe.

Mund të sigurojë qartësi mendore

Një studim në të cilin AgroWeb.org u mbështet, tregoi se agjërimi mund të përmirësojë kujtesën verbale tek njerëzit e rritur.

Ky studim ende vazhdon për të kuptuar më mirë mënyrën se si kjo gjë funksionin.

Ndikon tek cilësia e gjakut 

Agjërimi mund të ndihmojnë në përmirësimin e kolesterolit, presionit të gjakut, niveleve të sheqerit në gjak ose glukozës, ndjeshmërinë ndaj insulinës dhe problemeve të tjera shëndetësore.

Ata që agjërojnë rregullisht mund të jetojnë më gjatë

Në dy studime të ndryshme, ku personat vullentatë kishin probleme me zemrën, u vu re se mbas disa vitesh agjërim, patën një ulje të rrezikut të vdekshmërisë, krahasuar me ata pacientë që nuk agjëruan.

Studimi ishte vëzhgues, kështu që nuk provon shkakun dhe pasojën. Por agjërimi mund të jetë tregues për një mënyrë jetese të shëndetshme.

Çfarë ha para dhe pas agjërimit, ka shumë rëndësi

Studiuesit sugjerojnë të hani ushqime të shëndetshme para agjërimit, duke përfshirë fruta, perime dhe proteina.

Kur të keni përfunduar agjërimin, rivendosni gradualisht ushqimet në mënyrë që të mos e teproni.

Struktura e agjërimit mund të jetë e dobishme

Për disa njerëz që luftojnë me peshën e tyre, struktura e agjërimit mund t’i ndihmojë ata të arrijnë qëllimin e tyre.

Pra, nëse ju mund të ushqeheni vetëm nga ora 11 e mëngjesit deri në orën 6 të pasdites, kjo mund të jetë një strukturë e vlefshme për ju.

Agjërimi nuk është për të gjithë

Lista e njerëzve që nuk duhet të agjërojnë përfshin njerëzit nën moshën 25 vjeç, gratë shtatzënë ose që ushqejnë gji, njerëzit me diabet që marrin ilaçe, individët me çrregullim të të ngrënit dhe ata që bëjnë punë të rënda./AgroWeb.org

Kur nuk arrin të flesh atëherë kur është e vetmja gjë që do të bësh, gjendja psikologjike dhe mendore bëhet më e rëndë. Diçka që duhet të provosh për të fjetur më shpejt pas një dite të lodhshme dhe me stres është një ushtrim mendor.

Është shumë më e thjeshtë të thuhet se sa të bëhet, këtë e dinë të gjithë, por kjo këshillë, në fakt, vjen nga mjekët specialistë për gjendjen e gjumit, shkruan “Health Line”.

Ke dëgjuar ndonjëherë për numërimin e deleve? Me siguri që po, por është shaka – nuk është kjo mënyra për të fjetur më shpejt (Të numërosh delet nëse nuk arrin të flesh, në fakt, është një metodë që funksionon, por jo në atë mënyrë që ta ka treguar mami).

Në një intervistë për Business Insider, Dr. Michael Breus, mjek specialist për gjumin dhe anëtar i Akademisë Amerikane të Mjekësisë së Gjumit, ka rrëfyer metodat më të mira që të të zërë gjumi më shpejt – një prej të cilave është edhe numërimi i deleve, por jo sipas metodës së vjetër.

Në vend të numërimit të deleve për një kohë të caktuar, Breus sugjeron numërimin mbrapsht nga 300 duke zbritur 3. Kështu, 300, 297, 294, 291… e me radhë.

Sigurisht, duket si një lloj metode që kërkon të gjithë fuqinë e trurit, por pikërisht kjo është çështja. Nuk do të jesh në gjendje të mendosh asgjë tjetër, veçse të gjesh cili është numri pasardhës. Derisa gjumi do të të vijë shumë shpejt./Burimi:Panorama

Veshkat janë përgjegjëse për pastrimin e trupit nga toksinat dhe shëndeti i tyre është i rëndësishëm për mbarëvajtjen e të gjitha organeve.

Ato duhen pastruar rregullisht nga toksinat dhe kripa e tepërt për të garantuar një shëndet të mirë.

Në AgroWeb.org do të mësoni si të pastroni veshkat në vetëm 4 hapa jo të vështirë.

Kujdes me kripën

Ushqimet e kripura rrisin tensionin e gjakut dhe shkaktojnë një dëm të madh në veshka.

Ekspertët këshillojnë kufizimin e përdorimit të kripës në ushqime dhe ngrënien e sa më shumë frutave dhe perimeve.

Kujdes me ilaçet

Shumë ilaçe shoqërohen me efekte anësore që manifestohen tek veshkat.

Ekspertët këshillojnë përdorimin e kufizuar të medikamenteve që merren pa recetën e mjekut.

Mos e teproni me përdorimin e barnave kundër dhimbjeve siç është ibuprofeni. Barna të tilla që konsumohen pa fre shkaktojnë një dëm të rëndë në veshka.

Pini shumë ujë

Dehidratimi, sidomos ai afatgjatë, pengon ndjeshëm funksionin e veshkave.

Ekspertët këshillojnë që të pini ujë jo vetëm sa herë keni etje por minimalisht 8 gota ujë në ditë.

Nivelet e rrezikshme të dehidratimit dallohen tek ngjyra e urinës e cila tregon se sa më e errët të jetë, aq më të dehidratuar jeni.

Ushqimet më të mira për veshkat

Ushqimet janë shumë të rëndësishme për shëndetin e veshkave.

Ekspertët thonë se një regjim i shëndetshëm dhe i ekuilibruar është një aspekt i rëndësishëm i shëndetit të veshkave.

Shalqini është një frut i rëndësishëm për shëndetin e veshkave.

Ai është i pasur me ujë dhe ndihmon në eliminimin e toksinave nëpërmjet urinës.

Frutat e pyllit në veçanti boronicat e kuqe janë të domosdoshme për pastrimin e veshkave nga toksinat.

Farat e kungullit përmbajnë shumë antioksidantë të cilat përmirësojnë funksionin e veshkave.

Ato duhen konsumuar rregullisht por jo në sasi të mëdha.

E fundit por jo nga rëndësia, një regjim i shëndetshëm ushqimor është thelbësor për parandalimin e tensionit të lartë të gjakut dhe diabetit, dy sëmundje që nxisin përkeqësimin e veshkave. /AgroWeb.org

Çrregullimi obsesiv-kompulsiv ose OCD është një çrregullim psikiatrik i karakterizuar nga manifestimi i obsesioneve, domethënë imazheve, ideve ose fjalëve që paraqiten në mënyrë dërrmuese në mendjen e individit, shkruan melarossa.it.

Individi, në pamundësi për të menaxhuar obsesionet, përpiqet të zbatojë detyrime ose sjellje të përsëritura për të “liruar mendjen”.

I ashtuquajturi ”mendimi magjik” është shumë i zakonshëm në çrregullimin obsesiv-kompulsiv.

Ky mendim i referohet besimit se nëse veprimet nuk ndërmerren në mënyrë të përsëritur, diçka serioze mund të ndodhë.

Në përgjithësi me obsesionin lidhen ngjarje negative. Lidhja midis obsesioneve dhe detyrimeve krijon një rreth të vërtetë vicioz që mund të ndërhyjë ndjeshëm në jetën e përditshme të individit. OCD tenton të bëhet kronik dhe trajtimi më efektiv duket të jetë terapia kognitive.

Çrregullimi Obsesiv Kompulsiv ose OCD është një gjendje psikiatrike e karakterizuar nga prania e obsesioneve.

Obsesionet i referohen mendimeve, imazheve, ideve ose fjalëve që paraqiten me forcë në mendjen e individit që vuan nga OCD.

Këto mendime apo imazhe përjetohen nga individi si këmbëngulëse dhe të papërshtatshme dhe krijojnë shumë ankth dhe shqetësim. Pacienti përpiqet t’i injorojë ose t’i shtypë këto imazhe me mendime ose veprime të tjera, por me rezultate të dobëta.

Vetëm duke zbatuar detyrimet, domethënë veprime ose mendime të përsëritura, ai mund të zvogëlojë shqetësimin e shkaktuar nga ndërhyrjet obsesive.

Fatkeqësisht, veprimet kompulsive i mbajnë larg mendimet dhe imazhet për një periudhë të kufizuar pas së cilës mendimet dhe imazhet kthehen. Kjo shkakton një rreth vicioz obsesionesh-kompulsionesh që tenton të bëhet kronik.

Çrregullimi Obsesiv Kompulsiv ndryshon nga personi në person. Ashpërsia e tij varet nga faktorë të ndryshëm si intensiteti i simptomave, dëmtimi funksional në jetën e përditshme, kronizmi dhe toleranca ndaj barnave dhe trajtimeve.

Sa më shumë që pacienti beson se mendimet dhe imazhet ndërhyrëse në mendjen e tij janë të vërteta ose bëhen të vërteta, aq më e madhe është prirja e tij për të zbatuar detyrimet dhe aq më e madhe është ashpërsia e çrregullimit./ATA