Aktualitet

​Dita Ndërkombëtare e OKB-së

Veprimtaria e OKB-së daton nga viti 1945.

Publikuar

Kombet e Bashkuara është organizata më e madhe ndërkombëtare dhe më e rëndësishme sot në botë, veprimtaria e të cilës daton që nga viti 1945.

Qëllimi i saj kryesor është forcimi i bashkëpunimit ndërmjet kombeve, zhvillimi ekonomik dhe ruajtja e sigurisë dhe e paqes në botë. Ajo është vazhduese e Lidhjes së Kombeve, por me një strukturë, organizim dhe anëtarësi shumë më të gjerë dhe më të plotë.

Iniciatorët te krijimit të saj u bënë fuqitë e mëdha të koalicionit antifashist, SHBA dhe Britania e Madhe të cilët në pikën e 11 të Kartës së Atlantikut të nënshkruar në 14 gusht 1941 dhe që përmbante principet bazë mbi rendin e ri botëror të ardhshëm, ranë dakord që pas luftës do të krijohej “.. një sistem i vazhdueshëm i sigurisë së përgjithshme”.

Në Deklaratën e 1 janarit 1942, e nënshkruar nga përfaqësuesit e 26 shteteve të koalicionit antifashist dhe antinazist u ritheksua nevoja për vendosjen e një paqeje të qëndrueshme që do t’u siguronte kombeve mundësinë për të jetuar të sigurt brenda kufijve të tyre.

Ideja e krijimit të një organizate të re universale dhe emërtimi “Kombet e Bashkuara”, u rimor në shqyrtim në Konferencën e Ministrave të Punëve të Jashtme të SHBA, ish-Bashkimit Sovjetik dhe Britanisë së Madhe , që u zhvillua në Moskë me 19 deri 30 tetor të vitit 1943. Në Deklaratën mbi Sigurinë e Përgjithshme që u nënshkrua më pas edhe nga Kina, u formulua për herë të parë vendimi mbi krijimin e Organizatës Ndërkombëtare të Kombeve të Bashkuara.

Ndërsa parimet, struktura dhe funksionet e organizatës u formuluan në Konferencën e Dumbarton Oaks (lokalitet afër Uashingtonit), që u zhvillua nga 21 gusht deri me 29 shtator të vitit 1944, në të cilën morën pjesë përfaqësuesit e SHBA-së, ish-Bashkimit Sovjetik, Britanisë së Madhe dhe Kinës. Konferenca përpunoi dokumentin e quajtur “… propozime për krijimin e organizatës ndërkombëtare të sigurimit të përgjithshëm”.

Në shkurt 1945 u mbajt Konferenca e Jaltës, në Krime, me pjesëmarrjen e Franklin Ruzvelt, Stalin dhe Churcill. Ajo hodhi bazat politike të të gjitha bisedimeve për paqe pas përfundimit të luftës. Në këtë konferencë u ridiskutua dhe u ra dakord përfundimisht për krijimin e OKB si një organizatë ku mund të bënin pjesë kombe të mëdhenj e të vegjël.

SHBA thirrën Konferencën e San Franciskos, ku do të merrnin pjesë të gjithë shtetet që i kishin shpallur luftë Gjermanisë naziste deri në mars 1944. Konferenca e San Franciskos i zhvilloi punimet e saj nga 25 prilli 1945 deri me 26 qershor të vitit 1945. Ajo pranoi dështimin e Lidhjes së Kombeve për pengimin e Luftës së Dytë Botërore.

Më 26 qershor 1945 u miratua Karta e Kombeve të Bashkuara, e cila hyri në fuqi më 24 tetor 1945. Kjo datë u shpall si Dita Ndërkombëtare e OKB-së.

Aktualitet

Kremlini thotë se raportet për propozim të paqes nga shefi i CIA-s janë ‘të rreme’

Pretendimi që përfshin drejtorin e CIA-s u raportua nga gazeta zvicerane Neue Zurcher të enjten.

Publikuar

nga

Kremlini i ka hedhur poshtë si “mashtruese” raportet se shefi i inteligjencës amerikane, William Burns, i kishte ofruar Moskës një marrëveshje të fshehtë paqeje që përfshinte dorëzimin e territorit ukrainas në Rusi.

Pretendimi që përfshin drejtorin e CIA-s u raportua nga gazeta zvicerane Neue Zurcher të enjten.

Ishte pretenduar se z. Burns i ofroi presidentit rus, Vladimir Putin, një të pestën e territorit të Ukrainës për t’i dhënë fund luftës menjëherë.

U pretendua, duke cituar burime të larta gjermane, se z. Burns e kishte paraqitur planin në mes të janarit.

Pretendimi është hedhur poshtë nga Uashingtoni si “plotësisht i rremë”.

Megjithatë, u raportua nga Washington Post muajin e kaluar se z. Burns udhëtoi në fshehtësi për në Kiev për t’u takuar me presidentin ukrainas Volodymyr Zelenskyy./UBTNews/

Vazhdo të lexosh

Aktualitet

Rrokulliset autobusi me pasagjerë në Slloveni, të paktën tre të vdekur

Nuk dihet ende saktë numri i të lënduarve.

Publikuar

nga

Një aksident i rëndë ka ndodhur në shtetin slloven, ku raportohet edhe për viktima. Në magjistralen Pomurska, në drejtim të Mariborit, ka ndodhur një aksident i rëndë në të cilin kanë humbur jetën së paku tre persona.

Nuk dihet ende numri i saktë i të lënduarve, ndërsa sipas informacioneve fillestare në aksident është përfshirë një autobus me targa të huaja, i cili ka humbur kontrollin dhe është rrokullisur, shkruan 24ur.

Momentalisht ende nuk dihen shkaqet e këtij aksidenti që shkaktoi viktima. Hetimet në vendngjarje janë ende duke vazhduar ndërsa më shumë informacione do të jepen pas orës 13:00.

Autostrada Pomurska, në drejtim të Mariborit aktualisht është e mbyllur për trafik, shkruan Qendra për Trafik dhe Informim.

Vazhdo të lexosh

Aktualitet

Greqia autostradë drejt Shqipërisë

Ky projekt filloi të planifikohej dhe diskutohej para vitit 2005.

Publikuar

nga

Projekti ka qenë gjithmonë pjesë e diskutimeve në institucionet greke, por asnjëherë nuk ishte marrë një vendim final për ndërtimin e tij.

Ministri grek i Transporteve, Kostas Karamanlis tha se “ky është një projekt emblematik, i cili filloi të planifikohej dhe diskutohej para vitit 2005, por më së fundi u bë realitet”.

Autostrada 70 km e gjatë është një nyje kryesore për flukset turistike dhe do të lehtësojë trafikun mes Shqipërisë dhe Greqisë, ndërsa një kilometër i saj do të kushtojë 4.5 milionë euro. Ajo është planifikuar për tu ndërtuar me të njëjtat standarde si autostrada e Kapshticë – Selanik, me dy korsi nga të dyja krahët, për të qenë një rrugë e nivelit A1 me pagesë.

Shteti helen e ka konsideruar me përparësi vijimin e tij pasi tashmë pasi është përfshirë nga Bashkimi Europian edhe si pjesë e Korridorit Blu, ku bëjnë pjesë 8 vende Bosnje-Hercegovina, Kroacia, Greqia, Italia, Mali i Zi, Serbia dhe Sllovenia.

Fondi i vendosur në dispozicion është 320 milion dollarë. Kroacia deri më tani ka përparua më shumë në ndërtimin e akseve në territorin e saj.

Nga Korridori Blu edhe në Shqipëri kalojnë rreth 315 km nga pika kufitare në Muriqan deri në lidhjen me Kakavijën.

Momentalisht Ministria e Infrastrukturës ka hapur fazën e tenderimit për akset nga Miloti në Fier./ATSH/

Vazhdo të lexosh

Aktualitet

Pakistani ‘do të duhet të pajtohet’ me kushtet e FMN-së

Ekonomia e Pakistanit është në gjendje të rëndë, kjo mes kaosit politik dhe përkeqësimit të sigurisë.

Publikuar

nga

Kryeministri i Pakistanit, Shehbaz Sharif, tha të premten se qeveria do të duhet të pajtohet me kushtet e ndihmës së FMN-së që janë “përtej imagjinatës”.

Një delegacion i Fondit Monetar Ndërkombëtar (FMN) zbarkoi në Pakistan të martën për bisedimet e fundit për të ringjallur ndihmën jetike financiare që ka ngecur prej muajsh.

Qeveria është përballur me rritjen e taksave dhe uljen e subvencioneve të kërkuara nga FMN-ja, nga frika e reagimit përpara zgjedhjeve të tetorit.

“Unë nuk do të hyj në detaje, por do të them vetëm se sfida jonë ekonomike është e paimagjinueshme. Kushtet me të cilat do të duhet të pajtohemi me FMN-në janë përtej imagjinatës. Por ne do të duhet të pajtohemi me kushtet”, tha Sharif.

Ekonomia e Pakistanit është në gjendje të rëndë, kjo mes kaosit politik dhe përkeqësimit të sigurisë.

Banka qendrore e vendit tha të enjten se rezervat e saj valutore kishin rënë përsëri në 3.1 miliardë dollarë, gjë që analistët thanë se ishte e mjaftueshme për më pak se tre javë importe./UBTNews/

Vazhdo të lexosh

Të kërkuara