Sport

​De Ligt gjithnjë e më afër Chelseat

De Ligt është gati të hyjë në dy vitet e fundit të kontratës së tij me Juventusin.

Publikuar

Chelsea është në krye të garës për mbrojtësin e Juventusit, Matthijs de Ligt.

22-vjeçari është një pjesë integrale e mbrojtjes së Massimiliano Allegrit, e cila kohët e fundit është varfëruar nga largimi i Giorgio Chiellinit dhe kalimi në skuadrën e MLS-së në Los Angeles.

Sidoqoftë, De Ligt është gati të hyjë në dy vitet e fundit të kontratës së tij me Juventusin dhe një mori skuadrash të interesuara po e vëzhgojnë me vëmendje të madhe situatën.

Reprezentuesi holandez ka refuzuar gjithashtu të përjashtojë mundësinë e kalimit në ndonjë skuadër tjetër, duke thënë:

“Bisedimet po zhvillohen dhe, kur të vijë koha, unë do të vendos nëse do të zgjas apo nëse dua të shikoj diku tjetër”.

“Gjithmonë shikoj se çfarë është më e mira për veten time në aspektin e projektit sportiv. Vendi i katërt, dy vite radhazi, nuk është mjaftueshëm i mirë. Do të duhet të bëjmë hapa në atë drejtim. Personalisht, ky ishte viti im më i mirë deri më tani, për sa i përket kohës së lojës dhe mënyrës se si luajta”, ka thënë De Ligt.

Trajneri i Chelseat, Thomas Tuchel, është në kërkim të një emri të ri në mbrojtje pas largimit të Antonio Rudiger drejt Real Madridit.

De Ligt u transferua te Juventusi në vitin 2019 nga Ajaxi, skuadër në të cilën pati treguar paraqitje shumë të mira si në kampionatin holandez, ashtu edhe në Ligën e Kampionëve.

Aktualitet

Fillon demontimi i stadiumeve të Botërorit në Katar

Tre nga tetë stadiumet nuk janë më vende ku zhvillohen ndeshjet pas fazës së 1/16-tës.

Publikuar

nga

Puna e çmontimit ka nisur në stadiumet e para të Kupës së Botës në Katar. Tre nga tetë stadiumet nuk janë më vende ku zhvillohen ndeshjet pas fazës së 1/16-tës.

Të martën në mëngjes, të gjitha rrethojat e gomuara dhe rrjetat për linjën e metrosë rreth stadiumit “974” u hoqën, punëtorë të shumtë të ndërtimit kanë nisur punën rreth stadiumit. Rreth dymbëdhjetë orë më parë, Brazili kishte mposhtur Korenë e Jugut 4-1 pikërisht në këtë stadium.

Çmontimi i stadiumit aktual nuk duhet të fillojë pas finales së Kupës së Botës, thanë dy përgjegjës. Stadiumi u ndërtua nga “974” kontejnerë transporti për shkak të kodit telefonik të Katarit 00974.

Ai synon të shërbejë si shembull, pasi kërkonte më pak material ndërtimi dhe mund të ndërtohej shumë shpejt dhe me më pak kosto. Ai gjithashtu mund të çmontohet plotësisht dhe të rindërtohet diku tjetër.

Vitin e kaluar gjashtë ndeshje të Kupës Arabe u zhvilluan në Stadiumin “974” ndërsa në Kupën e Botës arena e pazakontë arkitekturore ishte vendi ku u zhvilluan shtatë ndeshje.

Vazhdo të lexosh

Sport

Sterling: Nuk kthehem në Botëror pa u siguruar familja ime

Familja nuk u raportua se janë dëmtuar në këtë rast.

Publikuar

nga

Ylli i Chelseat dhe Anglisë, Raheem Sterling thotë se nuk do të kthehet në Kupën e Botës në Katar derisa familja e tij të jetë e sigurt pas një grabitjeje që ndodhi në shtëpinë e tij.

Sterling, i cili mungoi në fitoren 3-0 të “Tre Luanëve” ndaj Senegalit të dielën, është larguar nga kampi anglez i Kupës së Botës dhe është kthyer në Britani të Madhe pasi disa grabitës të armatosur hynë në shtëpinë e tij të shtunën mbrëma.

Familja nuk u raportua se janë dëmtuar në atë rast, por 27-vjeçari, një nga lojtarët më të besuar të Gareth Southgate nuk është ende gati të kthehet dhe aktualisht po ndihmon policinë me hetimin e tyre mbi rastin.

Sipas burimeve të “The Sun”, Raheem u ka thënë të gjithëve, “Nuk ka asnjë mënyrë që të shkoj diku nëse nuk jam 100 për qind i sigurt se familja ime do të jetë e mbrojtur”.

Shumë nga bashkëlojtarët e tij në Angli kanë dërguar mesazhe mbështetjeje pas lajmeve për incidentin, ndërsa sipas “The Telegraph”, disa lojtarë në skuadrën e Southgate kanë vënë roje të sigurisë në gatishmëri 24-orëshe nga frika se mund t’iu ndodhë edhe atyre.

Sterling shënoi në ndeshjen e parë të Anglisë në Kupën e Botës 2022, ndërsa skuadra e Southgate mposhti Iranin 6-2 me “Tre Luanët” rikthehen në aksion të shtunën, ndërsa përballen me Francën në çerekfinale.

Vazhdo të lexosh

Sport

​Ronaldo paralajmëron Zvicrën: Gati për të dhënë gjithçka

Fituesi i këtij dueli do ta rrëmbejë biletën e fundit për një vend në mesin e tetë skuadrave më të mira të këtij kompeticioni.

Publikuar

nga

Sonte me fillim nga ora 20:00 do të zhvillohet ballafaqimi tejet interesant i Kampionatit Botëror ku do të ndeshjen Portugalia me Zvicrën.

Fituesi i këtij dueli do ta rrëmbejë biletën e fundit për një vend në mesin e tetë skuadrave më të mira të këtij kompeticioni.

Përderisa Zvicra do të ketë pritjet më të mëdha nga kosovarët Xherdan Shaqiri e Granit Xhaka, portugezët i kanë të gjithë sytë te kapiteni Cristiano Ronaldo.

Pak orë para fillimit të ndeshjes, ylli portugez ka lëshuar një status në rrjete sociale përmes të cilit ka motivuar bashkëlojtarët e tij dhe ka premtuar se është i gatshëm për të dhënë maksimumin që vendi i tij të vazhdojë tutje në Kupën e Botës.

“Sot luan Portugalia. Sot është dita e ëndrrës që secili e kemi brenda nesh. Le të shkojmë dhe të japim gjithçka”, ka shkruar Ronaldo.

Në rast të kualifikimit tuje, Portugalia në çerekfinale do të ballafaqohej me fituesin e ndeshjes Maroku-Spanja.

Vazhdo të lexosh

Sport

​Alberto Gilardino emërohet trajner i skuadrës së njohur italiane

Genoa tani ka shkarkuar Blessinin pas 33 ndeshjeve dhe ka emëruar Gilardinon.

Publikuar

nga

Genoa ka shkarkuar trajnerin Alexander Blessin dhe ka emëruar përkohësisht trajnerin e Primaveras, Alberto Gilardino në krye të skuadrës.

Ekipi ligurian aktualisht ndodhet në vendin e 5-të në tabelën e Serisë B, nëntë pikë prapa liderit të ligës Frosinone. Ekipi pësoi rënie nën drejtimin e Blessin sezonin e kaluar pasi përfundoi në vendin e 19-të në Serie A dhe ata po përpiqen me të gjitha forcat për t’u rikthyer menjëherë në ligën elitare të futbollit italian.

Siç theksohet nga “Calciomercato.com”, Genoa tani ka shkarkuar Blessinin pas 33 ndeshjeve dhe ka emëruar Gilardinon, i cili ishte trajneri i Primaveras, në vend të tij. Është e paqartë nëse kjo do të jetë një zgjidhje afatgjate apo nëse do të sillet një trajner i ri.

Gilardino është lojtari i fundit i skuadrës fituese të Kupës së Botës 2006 të Italisë që trajnon një skuadër në Serinë B, duke iu bashkuar ish-shokëve të skuadrës si Pippo Inzaghi, Fabio Grosso, Fabio Cannavaro dhe Daniele De Rossi në kampionatet e divizionit të dytë.

Vazhdo të lexosh

Të kërkuara