Aktualitet

​Berisha: Do nisim protestat, ngremë Komision Hetimor Parlamentar për çështjen McGonigal

Berisha tha se protestat janë e vetmja mënyrë për rrëzimin e kësaj qeverie.

Published

on

Sali Berisha ka paralajmëruar zhvillimin e protestave për atë që ai e cilëson “rrëzimin e regjimit të korruptuar të Ramës”. Në një konferenc për mediat, Berisha tha se protestat janë e vetmja mënyrë për rrëzimin e kësaj qeverie që sipas tij ka arritur të cënojë edhe marrëdhëniet me SHBA përmes veprave kriminale duke korruptuar ish zyrtarin e FBI-së.

“Çdo shqiptar e ka të qartë se ky kryeministër është turpi, është faqja e zezë e këtij vendi dhe do mbetet i tillë në historinë e marrëdhënieve shqiptaro-amerikane. Ndaj siç kam deklaruar, përsëris edhe njëherë vendosmërinë e PD për të udhëhequr revolucionin demokratik dhe përmbysjen e këtij regjimi me një lëvizje të fuqishme popullore të paparë ndonjëherë më parë në Shqipëri.

Kjo ishte çështja kryesore që unë doja të sillja pra jush. Natyrisht ka një seri problemesh të tjera, por kjo kalon çdo problematikë, është problem botëror, është rasti kur Shqipëria ndodhet në qendër të një cikloni për shkak të akteve të turpshme kriminale të kryera nga Edi Rama ndaj zyrtari shumë të lartë të qeverisë së SHBA”, tha Berisha.

Lidhur me çështjen McGonigal, Berisha tha se PD do të ngre nje Komision Hetimor Parlamentar për mbledhjen e çdo informacioni lidhur me aktivitetin e oligarkut rus në vendin tonë nga viti 2018 deri në fund të vitit 2022 dhe më pas do ia dërgojë SHBA.

“PD-ja ndërkohë do të krijojë Komision Hetimor Parlamentar me qëllimin, për bashkëpunimin të ngushtë me autoritetet e SHBA-së në zbardhjen në çdo detaj të kësaj afere që ka tronditur SHBA, NATO-n dhe gjithë botën e lirë.PD-ja po mbledh dhe do dërgojë të gjithë informacionin, sepse në shkelje flagrante të sanksioneve ndaj mikut të tij, mikut të Vladimir Putinit, Oleg Deripaska, i lidhur direkt në aferën McGonigal, Deripaska ka vazhduar aktivitetin i pashqetësuar për katër vite që nga momenti i vendosjes së sanksioneve, nga viti 2018 deri në fund të vitit 2022, i paturbuar. Me lobimin apo jo të Charles McGonigal këtë duhet ta sqarojë drejtësia e SHBA. Por ne jemi të vendosur të japim kontributin tonë”, tha Berisha.

/rtsh.al/

Aktualitet

Miratohet Plani i Rritjes: Kosova përfiton 882 milionë euro nga BE-ja

Published

on

By

Kuvendi i Kosovës ka miratuar marrëveshjet ndërkombëtare me Bashkimi Evropian, të njohura si Plani i Rritjes, duke i hapur rrugë përfitimit të mbi 880 milionë eurove për vendin.

Ministri i Financave, Hekuran Murati, ka bërë të ditur se një e treta e shumës do të jetë grant, ndërsa 629 milionë euro do të jepen në formë kredie. Sipas tij, fondet do të zhbllokohen në varësi të zbatimit të reformave nga ana e Kosovës.

Marrëveshja u miratua me 104 vota pro në Kuvendi i Kosovës, ndërsa pesë deputetë të Lista Serbe abstenuan.

Bashkimi Evropian kishte miratuar në fund të vitit 2023 një paketë prej 6 miliardë eurosh për Ballkanin Perëndimor. Për shkak të bllokadave në Kuvend, procesi kishte mbetur i pezulluar për disa muaj.

Mjetet janë planifikuar të shpërndahen përgjatë periudhës 2024–2027.

Continue Reading

Lajmet

BE-ja rishikon fondet për Serbinë: Ligjet e reja për drejtësinë “zbehin besimin”

Published

on

By

Bashkimi Evropian mund të bllokojë një pjesë të fondeve prej 1.6 miliardë eurosh (hua dhe grante) të dedikuara për Serbinë. Ky paralajmërim vjen pasi Beogradi miratoi disa ligje që, sipas Komisioneres për Zgjerim të BE-së, po “zbehin besimin” te përkushtimi i vendit ndaj shtetit të së drejtës.

Reformat për centralizimin e sistemit gjyqësor, të cilat hyrën në fuqi këtë javë, kanë nxitur kritika të ashpra nga gjyqtarët dhe prokurorët. Ata i shohin këto ndryshime si një mjet për të forcuar pushtetin e Presidentit Aleksandër Vuçiç, duke dobësuar luftën kundër krimit të organizuar dhe duke penguar rrugëtimin e Serbisë drejt anëtarësimit në BE, raporton Reuters.

Komisionerja për Zgjerim, Marta Kos, deklaroi për Reuters se këto amendamente po e bëjnë gjithnjë e më të vështirë punën e atyre në Bruksel që duan të ecin përpara me integrimin e Serbisë. Ajo konfirmoi se Komisioni po rishikon financimet në kuadër të Planit të Rritjes për Ballkanin Perëndimor, një program ky që lidhet drejtpërdrejt me kushtëzime për sundimin e ligjit.

Ndonëse Serbia i ka nisur negociatat për anëtarësim që në vitin 2014, korrupsioni i përhapur dhe institucionet e dobëta kanë frenuar progresin. Ligjet e reja parashikojnë kufizimin e mandatit të kryeprokurorëve dhe u japin më shumë pushtet kryetarëve të gjykatave mbi gjyqtarët e thjeshtë. Kritikët frikësohen se kjo do të asgjësojë pavarësinë e drejtësisë dhe do të rrezikojë hetimet e rëndësishme për korrupsionin e nivelit të lartë.

Ndërsa qeveria serbe ende nuk ka dhënë një reagim zyrtar, Ministria e Drejtësisë ka pretenduar se ligjet do ta bëjnë sistemin më efikas. Pas reagimeve negative, Serbia i është drejtuar Komisionit të Venecias për një opinion ekspertësh. Komisionerja Kos theksoi se BE-ja pret që, pas marrjes së këtij opinioni, ligjet të rishikohen në mënyrë gjithëpërfshirëse. /Reuters/

Continue Reading

Lajmet

Self: Mbështetje e palëkundur e SHBA-së për Kosovën dhe lidershipin e Osmanit

Published

on

By

Kongresisti republikan Keith Self ka shprehur “besim jashtëzakonisht të fortë dhe bipartizan” të Kongresit amerikan në udhëheqjen e Presidentes së Kosovës, Vjosa Osmani.

Në një letër e tij mbështetëse, theksoi se “vizioni dhe përkushtimi juaj i palëkundur ndaj vlerave demokratike ofrojnë stabilitet, vazhdimësi dhe drejtim të qartë strategjik në një moment vendimtar për Kosovën dhe rajonin”.

Duke vlerësuar rolin e presidentes në forcimin e institucioneve dhe sundimit të ligjit, Self rikonfirmoi mbështetjen e Shtetet e Bashkuara të Amerikës për objektivat strategjike të Kosovës, përfshirë anëtarësimin në NATO dhe thellimin e partneritetit euroatlantik.

“Letra po ashtu thekson se Shtetet e Bashkuara mbeten të palëkundura në mbështetjen për objektivat strategjike dhe ekonomike afatgjata të Kosovës, me theks të veçantë në inkurajimin e anëtarësimit në NATO dhe forcimin e partneritetit euroatlantik si shtylla kyçe për stabilitet të qëndrueshëm dhe prosperitet në Ballkan, objektiva për të cilat Presidentja ka punuar përgjatë gjithë mandatit të saj”, thuhet në komunikatën e Zyrës së Presidencës së Kosovës.

Kjo deklaratë konsiderohet një konfirmim i fuqishëm i mbështetjes amerikane për lidershipin e Presidentes Osmani dhe për drejtimin euroatlantik të Republikës së Kosovës.

Continue Reading

Lajmet

Ministrja “Diella” bëhet temë edhe në CNN

Published

on

By

Aktorja e njohur shqiptare Anila Bisha ka nisur veprime ligjore kundër qeverisë së Shqipërisë, duke kërkuar që fytyra dhe zëri i saj të hiqen nga ministrja virtuale e inteligjencës artificiale, “Diella”.
Bisha tha se nuk ishte e informuar për përdorimin e identitetit të saj për këtë projekt dhe e konsideron atë si një shkelje të të dhënave personale, si dhe një përdorim të paautorizuar të identitetit të saj për qëllime politike.
Për këtë arsye, aktorja ka depozituar një masë të përkohshme në gjykatën administrative dhe përfaqësuesit e saj planifikojnë të paraqesin një padi formale për dëme dhe kompensim.
“Diella”, e prezantuar vitin e kaluar nga Kryeministri Edi Rama, u promovua si ministrja e parë AI në botë, e cila synon të sigurojë që tenderat publikë të përpunohen pa korrupsion. Ministrja virtuale njihet për veshjen tradicionale shqiptare dhe përgjigjet e saj të shkurtra dhe të drejtpërdrejta ndaj zyrtarëve qeveritarë.
Qeveria shqiptare nuk ka dhënë ende një koment zyrtar për këtë çështje, ndërsa Bisha thotë se ndihet e detyruar të ndërmarrë veprime ligjore pasi kërkesat e saj për një takim dhe diskutim mbi përdorimin e imazhit nuk morën përgjigje, shkruan CNN.

Continue Reading

Të kërkuara