Aktualitet

Anëtarësimi në Këshillin e Sigurimit të OKB, ngjarje me rëndësi historike për Shqipërinë

Kjo është një ndër organet më të rëndësishme të Organizatës së Kombeve të Bashkuara.

Published

4 years ago

February 15, 2022

Betim Gashi

Në vijim të vizitës në Shtetet e Bashkuara të Amerikës, kryeministri i Shqipërisë, Edi Rama mori pjesë në pritjen e organizuar në New York, me rastin e fillimit të mandatit të Shqipërisë në Këshillin e Sigurimit të OKB-së, një ndër organet më të rëndësishme të Organizatës së Kombeve të Bashkuara, që ka për detyrë mirëmbajtjen e paqes dhe sigurisë mes kombeve.

Në ceremoni merrnin pjesë ministrja për Evropën dhe Punët e Jashtme, Olta Xhaçka, presidenti i Asamblesë së Përgjithshme të OKB, Abdulla Shahid, përfaqësuesi i Përhershëm i Shqipërisë pranë Kombeve të Bashkuara, Ferit Hoxha, ambasadorë të vendeve anëtare në OKB, përfaqësues të komunitetit shqiptar në SHBA, etj.

Presidenti i Asamblesë së Përgjithshme të OKB-së shprehu përgëzimet e tij për zgjedhjen e Shqipërisë si anëtare e Këshillit të Sigurimit për periudhën 2022-2023.

“Nuk kam asnjë dyshim që Shqipëria do ta ndërtojë më tej punën mbi angazhimin e saj afatgjatë për paqen dhe sigurinë dhe mbi historikun e angazhimit të saj të fuqishëm me organizma të shumta të Kombeve të Bashkuara, për të forcuar punën e Këshillit”, tha Shahid gjatë ceremonisë.

Nga ana e tij, kryeministri Rama në përshëndetjen drejtuar të pranishmëve theksoi se anëtarësimi në Këshillin e Sigurimit është një ngjarje me rëndësi historike për Shqipërinë.

“Anëtarësimi në Këshillin e Sigurimit është një ngjarje me rëndësi historike për Shqipërinë, që shënon edhe një tjetër gur themelor në rrugën tonë të transformimit për të përmbushur aspiratat tona si komb dhe për të kontribuar që ta bëjmë botën një vend më të mirë për ne dhe për të gjithë”, tha Rama.

Ministrja për Evropën dhe Punët e Jashtme, Olta Xhaçka, në fjalën e saj përshëndetëse e vlerësoi mandatin si një përgjegjësi dhe privilegj të madh për vendin.

“Për herë të parë, 66 vjet pasi u bë anëtare e OKB-së, Shqipëria ka mundësinë të ulet në Këshillin e Sigurimit të OKB-së. Kjo sigurisht është një përgjegjësi e madhe. Ky pa dyshim është një privilegj i madh. Por ky është në të njëjtën kohë, një moment tejet i veçantë në historinë e Shqipërisë moderne. Ajo tregon se sa larg kemi udhëtuar dhe sa shumë kanë arritur vendi ynë dhe njerëzit tanë”, u shpreh Xhaçka.

Related Topics:shqiperia OKB Keshilli i Sigurimit te OKB-se

Up Next

Publikohet logoja e 14-vjetorit të Pavarësisë së Kosovës

Don't Miss

QKUK pranoi 675 shtretër spitalor nga Japonia

Sport

Aston Villa fiton Ligën e Evropës

Published

16 minutes ago

May 21, 2026

UBTNews

Aston Villa është fituese e Ligës së Evropës pasi në finale mposhti Freiburgun me rezultat bindës 3-0.

Skuadra angleze e nisi më mirë ndeshjen dhe krijoi raste të shumta që në minutat e para, me Morgan Rogers që ishte vazhdimisht rrezik për mbrojtjen kundërshtare. Freiburg pati rastin e tij më të mirë në minutën e 17-të, por nuk arriti të shënojë, dhe ky moment u konsiderua vendimtar për rrjedhën e lojës.

Goli i parë erdhi në minutën e 41-të kur Youri Tielemans shënoi pas asistimit të Morgan Rogers. Në fund të pjesës së parë, Emiliano Buendia dyfishoi epërsinë me një gol të bukur, duke çuar Aston Villën në pushim me avantazh 2-0.

Në pjesën e dytë, Freiburg tentoi të rikthehej në lojë, por Aston Villa e mbylli përfundimisht ndeshjen në minutën e 58-të, kur Morgan Rogers realizoi golin e tretë pas asistimit të Buendias.

Me këtë fitore, Aston Villa e mbyll sezonin evropian me trofe, duke treguar dominim në finale, ndërsa Freiburg nuk arriti të përballojë ritmin dhe cilësinë e kundërshtarit.

Ky është trofeu i parë i Ligës së Evropës për Aston Villën pas 44 vitesh, ndërsa trajneri Unai Emery e fiton këtë kompeticion për herë të pestë në karrierën e tij.

Lajmet

Nis votimi me postë për diasporën

Published

20 minutes ago

May 21, 2026

UBTNews

Nga sot ka nisur votimi me postë për shtetasit e Kosovës që janë regjistruar paraprakisht për të marrë pjesë në zgjedhjet e 7 qershorit.

Sipas Komisionit Qendror të Zgjedhjeve, rreth 105 mijë qytetarë pritet të votojnë përmes postës në këto zgjedhje.

Zëdhënësi i KQZ-së, Valmir Elezi, ka bërë të ditur se deri të mërkurën janë përgatitur rreth 75 mijë pako me fletëvotime, ndërsa rreth 30 mijë të tjera janë dërguar të enjten.

Çdo pako përmban fletëvotimin, zarfin e fshehtësisë, zarfin kthyes dhe udhëzuesin për procedurën e votimit. Sipas KQZ-së, secila dërgesë ka numër gjurmimi, në mënyrë që votuesit të mund të përcjellin vendndodhjen e pakos së tyre.

Votimi përmes postës do të zgjasë deri më 6 qershor. KQZ u ka bërë thirrje votuesve që t’i dërgojnë me kohë fletëvotimet, për të shmangur vonesat në arritjen e tyre për numërim në Kosovë.

Për këtë proces, KQZ ka vendosur kuti postare në 22 shtete të ndryshme, përfshirë Gjermaninë, Zvicrën, SHBA-në, Turqinë, Mbretërinë e Bashkuar dhe Shqipërinë.

Aktualitet

Trump dhe Netanyahu përplasen për qasjen ndaj Iranit

Published

27 minutes ago

May 21, 2026

UBTNews

Presidenti amerikan Donald Trump zhvilloi një bisedë të tensionuar me kryeministrin izraelit Benjamin Netanyahu të martën, duke reflektuar dallimet mes tyre për mënyrën se si duhet të vazhdohet me luftën dhe tensionet ndaj Iranit, raportojnë burime amerikane sipas CNN.

Sipas një zyrtari amerikan, kjo nuk ishte biseda e parë mes dy liderëve gjatë ditëve të fundit. Gjatë një telefonate të zhvilluar të dielën, Trump kishte bërë të ditur se kishte gjasa të vazhdonte me sulme të reja të targetuara ndaj Iranit në fillim të javës. Operacioni, sipas raportimeve, pritej të quhej “Operacioni Sledgehammer”.

Megjithatë, rreth 24 orë pas asaj bisede, Trump njoftoi se po pezullonte sulmet e planifikuara për të martën, me kërkesë të aleatëve të Gjirit Persik, përfshirë Katarin, Arabinë Saudite dhe Emiratet e Bashkuara Arabe.

Burime amerikane dhe persona të njohur me situatën thanë se vendet e Gjirit kanë qenë në kontakt të vazhdueshëm me Shtëpinë e Bardhë dhe ndërmjetës pakistanezë për të krijuar një kornizë që mund të hapte rrugë për negociata të mëtejshme diplomatike me Iranin.

“Jemi në fazat përfundimtare me Iranin. Do të shohim çfarë do të ndodhë,” deklaroi Trump para gazetarëve të mërkurën.

“Do të kemi ose një marrëveshje, ose do të bëjmë disa gjëra paksa të ashpra. Por shpresoj që kjo të mos ndodhë,” shtoi ai.

Negociatat në vazhdim kanë shkaktuar pakënaqësi te kryeministri izraelit Benjamin Netanyahu, i cili prej kohësh ka mbështetur një qasje më agresive ndaj Teheranit. Sipas burimeve amerikane dhe izraelite, Netanyahu beson se çdo vonesë vetëm sa i jep avantazh Iranit.

Gjatë bisedës njëorëshe të së martës, Netanyahu i shprehu Trumpit zhgënjimin e tij për shtyrjen e sulmeve dhe argumentoi se presidenti amerikan duhet të vazhdonte sipas planit fillestar.

Burime izraelite thanë se Netanyahu kërkoi rifillimin e veprimeve ushtarake, ndërsa dallimet mes dy liderëve u bënë të qarta: Trump dëshiron të shohë nëse mund të arrihet një marrëveshje diplomatike, ndërsa Netanyahu priste vazhdimin e aksioneve ushtarake kundër Iranit./CNN/

Lajmet

Filmi “Dua” i Blerta Bashollit triumfon në Kanë me çmimin “SACD”

Published

11 hours ago

May 20, 2026

UBTNews

Filmi “Dua”, me regji dhe skenar nga Blerta Basholli, ka shënuar një sukses të madh ndërkombëtar duke fituar çmimin “SACD” në kuadër të programit prestigjioz “Semaine de la Critique” në Festivalin e Filmit në Kanë.

Ky çmim ndahet nga Shoqata e Autorëve dhe Kompozitorëve Dramaturgjikë në Francë dhe vlerëson veprat me skenar origjinal, vizion autorial dhe qasje të veçantë artistike. Me këtë nderim, “Dua” renditet ndër produksionet më të spikatura të këtij edicioni në një nga festivalet më të rëndësishme të filmit në botë.

Vlerësimi për filmin e Bashollit konsiderohet një tjetër dëshmi e fuqisë krijuese dhe ngritjes së vazhdueshme të kinematografisë kosovare në arenën ndërkombëtare. Suksesi i “Dua” vjen pas rrugëtimit të suksesshëm të regjisores kosovare, e cila tashmë është bërë një nga emrat më të njohur të filmit nga Kosova në skenën botërore.

Ky çmim pritet të rrisë edhe më tej vëmendjen ndërkombëtare ndaj filmit dhe industrisë së filmit në Kosovë, duke konfirmuar potencialin e artistëve kosovarë për të konkurruar në platformat më prestigjioze globale.