Lajmet

Administrata e Vushtrrisë, për gjashtë muaj ofrohen mbi 30 mijë shërbime për qytetarët

Qytetarët e vlerësojnë efikasitetin e administratës së komunës së Vushtrrisë në ofrimin e shërbimeve.

Published

4 years ago

October 11, 2021

Betim Gashi

Komuna e Vushtrrisë, përmes Drejtorisë së Administratës, ka ofruar mbi 30 mijë shërbime për qytetarët e saj, e këtë vetëm për gjashtë muajt e parë të këtij viti. Digjitalizimi i shërbimeve ka bërë që pritja në radhë të jetë minimale dhe shërbimet të kryhen shumë shpejtë.

Drejtoresha e Administratës në komunën e Vushtrrisë, Edona Gashi, thotë se po vazhdojnë që të investojnë në digjitalizim të shërbimeve, me qëllimin e vetëm që qytetarëve t’ju ofrojnë shërbime efikase.

Në zyrën e gjendjes civile gjithçka funksionon janë në mënyrë elektronike, si ofrimi i shërbimeve ashtu edhe menaxhimi i pritjes në radhë.

“Në raportin gjashtëmujor që e kemi bërë, prej janarit deri në qershor të vitit 2021 janë diku mbi 30 mijë shërbime që janë ofruar në Drejtorinë e Administratës, në njërin prej sektorëve… Drejtoria e Administratës për momentin ka katër sektorë, është koncepti i ‘one stop shop’ është ideja që qytetari t’i drejtojë kërkesat edhe ankesat tek sportelet e Qendrës për Shërbim me Qytetarët dhe në të njëjtën kohë ato të procesohen prej sporteleve në drejtoritë përkatëse… Tash së fundi e kemi vënë në funksion edhe e-kioska, e kemi ridizajnuar me një dizajn më modern për ta bërë më të lehtë qasjen e qytetarëve nëpër dokumente. Do të thotë ata që nuk munden të presin në rend shkojnë edhe drejtohen tek e-kioska, bëjnë kërkesën për të marrë njërin prej dokumenteve edhe e kryejnë aty për aty shërbimin”, thotë ajo.

Gashi thotë se si komunë ndër vite janë shpërblyer edhe me shumë çmime për transparencë dhe llogaridhënie.

“Komuna e Vushtrrisë ka marrë shumë shpërblime ndër vite, në vitin 2019 ka marrë shpërblimin si një ndër top pesë komunat me transparencë të lartë. Ka marrë edhe shpërblime të tjera për transparencë dhe për llogaridhënie nga organizata të ndryshme të huaja”, thotë Gashi.

Qytetarët e vlerësojnë efikasitetin e administratës së komunës së Vushtrrisë në ofrimin e shërbimeve.

Qytetari Berat Aliu, thotë se për një kohë shumë të shkurtër kohore u pajis me certifikatë të lindjes, teksa shprehet se shërbimi është shumë profesional.

“Erdha për ta marrë një certifikatë në komunë, shërbimi është shumë profesional, brenda minutës u krye çdo shërbim, në rregull është gjithçka”, thotë ai.

Edhe qytetari Faik Pronaj u shpreh i kënaqur me shërbimin që mori në administratën e Komunës së Vushtrrisë.

“Shumë të kënaqur jemi, janë duke punuar shumë mirë, shërbimet shumë të shpejta….Për një minutë, shumë shpejt”, thotë ai.

Drejtoria e Administratës në komunën e Vushtrrisë është e organizuar në katër sektorë, si Zyra e Gjendjes civile, Sektori për Punë të Përbashkëta dhe Teknologji Informative, Qendra për Shërbim me Qytetar dhe Zyra për të Drejtat e Njeriut.

Vendi

Votohet Qeveria Kurti me 66 vota pro

Published

1 hour ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

2 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

4 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

5 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.