Lajmet

Abrashi: Kryetarët e degëve mbeten në detyrë, nuk ka emra për kryetar të LDK-së

Published

6 years ago

February 16, 2021

Betim Gashi

Në selinë e Lidhjes Demokratike të Kosovës (LDK) janë mbledhur kryetarët e degëve të kësaj partie.

Pas mbledhjes është deklaruar sekretari i Lidhjes Demokratike të Kosovës, Arban Abrashi, i cili tha se kryetarët e degëve do të vazhdojnë të qëndrojnë në detyrë deri në organizimin e kuvendit i cili do të ndodhë në javët në vijim.

Por se kush do të jetë në krye të partisë pas dorëheqjes së Isa Mustafës, Abrashi thotë se ende nuk ka diçka konkrete dhe se pritet të formohet një komisioni i cili do të merret me kandidaturën e që aty do të bëhen të ditur emrat.

“Ajo që është diskutuar sot është që kryetarët e degëve të mbesin në detyrë deri në organizimin e kuvendit i cili do të ndodhë pas disa javësh, kryetari do të deponojë dorëheqjen në Kuvend në mënyrë që pastaj që Kuvendi të vazhdojë me caktimin e zgjedhjeve të reja deri atëherë gjithë të tjerët janë në funksion të organizimit të Kuvendit. Nuk ka për momentin emra. Një komision që do të merret me punën e kuvendit zgjedhor dhe një komision tjetër që do të merret me kandidatura do të fillojë shumë shpejt dhe aty do të dalin edhe emrat”, tha ai.

Abrashi është pyetur edhe se a po synon Mustafa edhe një mandat tjetër për kryetar të LDK-së, por ai thekson se dorëheqja e tij ka qenë e parevokueshme dhe se ai nuk pretendon edhe një mandat tjetër.

“Dje në mbledhjen të kryesisë ka njoftuar tërë kryesinë që është e parevokueshme dhe nuk pretendon për asnjë mandat tjetër. Pra i hap rrugë kuvendit zgjedhor i cili do të mbahet në javët në vijim”, theksoi Abrashi.

LDK do të bëjë dhe analiza lidhur me rezultatet e kësaj partie në zgjedhjet e parakohshme parlamentare të 14 shkurtit.

“Është diskutuar në baza individuale, por do të merremi me analiza më të thella ku do të diskutohet për të gjitha këto”, u shpreh ai.

Kujtojmë që një ditë pas rezultateve të zgjedhjeve e ku LDK u rendit e treta për nga numri i votave, Isa Mustafa ka dhënë dorëheqje nga posti i kryetarit të LDK-së.

Related Topics:ldk Lidhja Demokratike e Kosoves Arban Abrashi

Up Next

Biden uron Osmanin për Ditën e Pavarësisë, përmend edhe njohjen reciproke me Serbinë

Don't Miss

Mbrojtja e ish-krerëve të UÇK-së kërkon që Prokuroria ta dorëzojë dosjen paraprake në fillim të prillit

Vendi

Tensione te Kuvendi për ndryshimet në ligjin për Specialen

Published

12 hours ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Aktualitet

Përfundon takimi mes Kurtit dhe Hamzës

Published

13 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

13 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/