Sport

Zyrtare: Romeo Lavia, lojtari i ri i Chelseat

19-vjeçari ka nënshkruar një kontratë shtatëvjeçare në “Stamford Bridge”, dhe e përforcon më shumë skuadrën e Mauricio Pochettinos.

Published

3 years ago

August 18, 2023

Betim Gashi

Përmes një komunikate në faqen zyrtare, Chelsea e ka konfirmuar transferimin e mesfushorit Romeo Lavia nga skuadra e Southamptonit.

19-vjeçari ka nënshkruar një kontratë shtatëvjeçare në “Stamford Bridge”, dhe e përforcon më shumë skuadrën e Mauricio Pochettinos.

Pasi që kompletoi transferimin te Chelsea, Lavia tha: “Jam tejet i lumtur që i bashkohem Chelseat dhe të jem pjesë e këtij projekti emocionues. Është një klub fantastik me një histori të madhe dhe unë jam shumë i emocionuar që të fillojë. Mezi pres të takojë shokët e mi të rinj dhe të krijojmë një lidhje që të fitojmë gjëra të mëdha së bashku”.

Lavia e filloi karrierën si futbolliste te Anderlechti në vendlindje në Belgjikë, dhe kaloi tetë vite me klubin para se t’i bashkohej Manchester Cityt në moshën 16 vjeçare.

Më pas, Romeo kaloi nga City te Southamptoni, në një sezon që rezultoi me rënie nga Premier Liga në Championship, ku bëri 34 paraqitje në të gjitha garat.

Up Next

Theo Walcott pensionohet nga futbolli

Don't Miss

UEFA i zbulon kandidatët për çmimin “Lojtari i Vitit”

Sport

Hendboll: Kosova shpall listën për ndeshjet me Finlandën në Euro 2026

Published

45 seconds ago

February 25, 2026

UBTNews

Përzgjedhësi i Kombëtares së Kosovës në hendboll, Agron Shabani, ka shpallur listën e lojtareve të ftuara për dy ndeshjet ndaj Finlandës në kuadër të fazës së dytë kualifikuese për Euro 2026.

Ndeshja e parë zhvillohet më 5 mars nga ora 17:30 në Vantaa, Finlandë, ndërsa ndeshja e dytë më 8 mars nga ora 17:15 në Pallatin e Rinisë dhe Sportit në Prishtinë.

Lojtaret e ftuara janë:

Albina Pllana

Tina Hetemi

Elisa Mulaj

Melisa Mulaj

Yllka Shatri

Elvina Qorraj

Venera Kafexholli

Aulona Maloku

Vanesa Kastrati

Diona Dresh

Mirjeta Bytyqi

Merlinda Qorraj

Arjeta Imeraj

Aurora Kryeziu

Orgesa Gola

Dafina Mustafa.

Sport

Sot ndeshje interesante në Ligën e Kampionëve, a do të mbijetojë Juventusi?

Published

38 minutes ago

February 25, 2026

UBTNews

Sot zhvillohet rundi i dytë i ndeshjeve të fazës së eliminimeve në Ligën e Kampionëve. Katër skuadra do të vazhdojnë garat në rangun tjetër, ndërsa katra të tjera do të përshëndeten për këtë vit nga gara prestigjioze.

Nga ora 18:45 takohen Atalanta – Borusia Dortmund. Në ndeshjen e parë, gjermanët fituan 2:0.

Juventus pret turqit e Gallatasarajit, të cilët në ndeshjen e parë arritën rezultat historik, duke mundur gjigantët italianë më rezultat 5”2.

Takohen edhe Paris Saint Germain me Monakon. Në ndeshjen e parë parisienët fituan 3:2.

Ndeshja e fundit është ajo mes Real Madridit e Benfikës. Në ndeshjen e parë, Reali fitoi me rezultat të ngushtë 1:0.

Tri ndeshjet e fundit zhvillohen nga ora 21:00.

Sport

Bodø/Glimt trondit Interin 2-1 në “San Siro”

Published

43 minutes ago

February 25, 2026

UBTNews

Mbrëmja evropiane në “San Siro” solli një nga surprizat më të mëdha të viteve të fundit në UEFA Champions League. Kampionët e Norvegjisë, Bodo/Glimt, mposhtën Interin me rezultat 2-1 në Milano, duke vulosur kualifikimin me shifrat e përgjithshme 5-2 dhe duke siguruar një vend në fazën e 1/8-tave.

Skuadra italiane e nisi ndeshjen me pritshmëri të larta, por mysafirët treguan qetësi dhe organizim të admirueshëm. Në minutën e 58-të, Jens Petter Hauge përfitoi nga një gabim në mbrojtjen zikaltër dhe kaloi norvegjezët në epërsi. Vetëm 14 minuta më pas, Hauge u shndërrua në asistues, duke shërbyer për Hakon Evjen, i cili dyfishoi avantazhin dhe heshti tribunat italiane.

Interi reagoi në minutën e 76-të me golin e Alessandro Bastonit, por kjo mjaftoi vetëm për të zbutur humbjen, jo për të shmangur eliminimin.

Me këtë sukses, Bodo/Glimt hyn në histori si skuadra e parë norvegjeze që fiton dy ndeshje në fazën eliminatore të Champions League. Jo vetëm kaq, ata u bënë edhe ekipi i parë jashtë pesë ligave më të forta evropiane që regjistron katër fitore radhazi ndaj skuadrave nga këto kampionate, një arritje që nuk ishte parë që nga epoka e artë e Ajaxit në sezonin 1971/72, i udhëhequr nga legjenda Johan Cruyff.

Seria mbresëlënëse e norvegjezëve kishte nisur më herët me fitore ndaj gjigantëve evropianë si Manchester City dhe Atlético Madrid, përpara se të konfirmohej kulmi me dy triumfe ndaj Interit.

Tashmë, sytë janë drejt shortit të radhës, ku Bodo/Glimt mund të përballet me Sporting CP ose sërish me Manchester Cityn. Mbetet për t’u parë nëse aventura e tyre do të vazhdojë si një përrallë moderne e futbollit evropian, apo nëse surpriza do të ndalet këtu.

Në Ligën e Kampionëve mbrëmë janë zhvilluar edhe tri ndeshje. Në raundin tjetër ka kalur Atletiko Mardid, pasi mundi Bryzhin e Beligjikës me rezultat të përgjithshëm 7:4 (3:3 ndeshja e parë, 4:1 dje). Leverkuzeni eliminoi Olympiakosin me rezultat të përgjithshëm 2:0, që ishte rezultat i ndeshje së parë. Dje dy skuadrat luajtën barazim. Tutje kaloi edhe Njukastëll. Dje mundi Karabahun me rezultat 3:2, derisa në ndeshjen e parë kishte fituar 6:1.

Sport

Vajzat e Kosovës përballë Gjibraltarit dhe Kroacisë

Published

51 minutes ago

February 25, 2026

UBTNews

Përfaqësuesja e vajzave të Kosovës në futboll do të zbresë në fushë në fillim të marsit për dy ndeshje të rëndësishme ndërkombëtare.

Takimi i parë do të zhvillohet më 3 mars 2026, me fillim nga ora 17:00, në Stadiumin “Fadil Vokrri” në Prishtinë, ku Kosova do të përballet me Kombëtaren e Gjibraltarit. Dardanet synojnë ta nisin me fitore këtë cikël ndeshjesh para publikut vendas.

Katër ditë më vonë, më 7 mars 2026 në ora 17:00, Kosova do të luajë në transfertë ndaj Kombëtares së Kroacisë. Ndeshja do të zhvillohet në stadiumin “Branko Čavlović-Čavlek” në Karlovac.

Këto përballje pritet të jenë një test i rëndësishëm për vajzat e Kosovës, të cilat synojnë paraqitje sa më të mira dhe vazhdim të ngritjes në arenën ndërkombëtare.