Lajmet

​Zjarrfikësit në kryeqytet ankohen për buxhetin e ulët

Ndihmës i komandantit ka shtuar se duhet të rritet numri i stafit.

Published

4 years ago

on

Dita ndërkombëtare e zjarrfikësve dhe shpëtimit zjarrfikësit e Prishtinës i pret në gjendje jo të mirë. Ata kërkojnë kushte më të mira pune, zgjidhjen e statusit dhe një buxhet të caktuar dedikuar për këtë kategori.

Malë Gashi, ndihmës i komandantit në Brigadën e Zjarrfikëseve në Prishtinë, tha se për shkak të statusit të pa definuar, ata nuk kanë buxhet të caktuar të dedikuar për brigadën e zjarrfikësve. Ai thotë gjithashtu se edhe kushtet e punës duhet të përmirësohen.

“Kushtet duhet të përmirësohen. Tash në proces të ndërtimit një pjesë e kësaj tarrace ku po duket, ka rrjedhur poshtë nga uji në katet e tjera. Komuna ka hapur tender për atë pjesë dhe besoj se do të rregullohet. Ne nuk kemi buxhet të caktuar për brigadën e zjarrfikëseve për shkak të statusit të ulët”, theksoi Gashi.

Ai ka bërë të ditur për arsyeje të ngecjes së buxhetit, Agjencia e menaxhimit emergjent në bashkëpunim me komunat nuk ka pasur mundësi të ndaj pajisje personale, teksa komuna po i mbështet kërkesat e tyre.

“Ne jemi punëtorë të Ministrisë së Punëve të Brendshme që menaxhohen nga Agjencia e menaxhimit emergjence në koordinim dhe bashkëpunim me komunat. Kjo ka ngecur për shkak të buxhetit, por komuna e Prishtinës dhe AME-ja ndajnë buxhet ose pajisje personale aty ku mundësi. Për arsyeje të buxhetit që nuk e ka nën menaxhim, nuk ka ndarë buxhet dhe nuk ka mundësi ta ndajë. Ndërsa komuna ndan buxhet herë pas here dhe na mbështet në kërkesat tona”, tha ai.

Ndihmës i komandantit gjithashtu ka shtuar se duhet të rritet numri i stafit, ku duhet të jenë 135 operativë që punojnë me ndërrime.

“Ne kemi staf prej 92 vetash në brigadën profesionale, por jo vetëm këtu, sepse kjo është baza, ndërsa kemi edhe dy stacione të tjera Llapnasellë dhe Kodrën e Trimave… Kjo shkon për kokë të banorit. Në përgjithësi standardi është kështu dhe në bazë të vlerësimit të rrezikut që paraqiten brenda një territori. Te ne në fakt minimumi duhet të jetë 135 operativë që të punojnë me ndërrime. Ne kemi shumë mungesa, përveç kësaj, mosha mesatare ka arritur një shkallë ku nuk është e mirë për shërbimin tonë”, ka thënë Gashi.

Ndryshe, me rastin e Ditës Botërore të Zjarrfikësve, kryetari i komunës së Prishtinës, Përparim Rama ka vizituar sot Brigadën e Zjarrfikësve në kryeqytet.

Related Topics:
Continue Reading

Lajmet

Mbyllet përkohësisht rruga “Fehmi Agani” në Prishtinë për punime në ndriçim publik

Published

2 minutes ago

on

June 5, 2026

By

Komuna e Prishtinës ka njoftuar se nesër, nga ora 08:00 deri në 16:00, do të ketë mbyllje të përkohshme të qarkullimit në rrugën “Fehmi Agani”.

Sipas njoftimit të publikuar në Facebook, mbyllja bëhet për shkak të punimeve në kuadër të projektit për instalimin e rrjetit të ri të ndriçimit publik.

Komuna u ka bërë thirrje qytetarëve dhe pjesëmarrësve në trafik që gjatë kësaj periudhe të përdorin rrugë alternative dhe të respektojnë sinjalizimin e vendosur në terren.

“Lusim qytetarët dhe pjesëmarrësit në trafik që gjatë kësaj periudhe të shfrytëzojnë rrugë alternative dhe të respektojnë sinjalizimin e vendosur në terren. Faleminderit për mirëkuptimin dhe bashkëpunimin tuaj”, thuhet në njoftim.

Continue Reading

Lajmet

Izraeli: Vramë komandantin e inxhinierisë së Hezbollahut gjatë sulmeve në jug të Libanit

Published

31 minutes ago

on

June 5, 2026

By

Ushtria e Izraelit ka pretenduar se ka eliminuar një komandant të njësisë së inxhinierisë së Hezbollahut.

Në një postim në platformën “X”, Forcat Mbrojtëse të Izraelit (IDF) kanë bërë të ditur se javën e kaluar kanë goditur dhe kanë vrarë Abed Harb, të cilin e cilësojnë si pjesëtar të lartë të grupit.

Sipas IDF-së, Harb ka udhëhequr njësinë e inxhinierisë përgjegjëse për montimin dhe vendosjen e eksplozivëve, të cilët, sipas pretendimeve të ushtrisë izraelite, janë përdorur për të synuar ushtarët izraelitë në jug të Libanit.

“Harb ka qenë përgjegjës për disa sulme që nga viti 2006”, thuhet në deklaratën e IDF-së.

Po ashtu, ushtria izraelite ka njoftuar se Forcat Ajrore të saj kanë shkatërruar edhe një lëshues raketash që, sipas tyre, është përdorur nga Hezbollahu për sulme ndaj forcave izraelite që veprojnë në jug të Libanit.

Ngjarja vjen në një kohë kur raportimet ndërkombëtare bëjnë të ditur për tensione të vazhdueshme në rajon, ndërsa Hezbollahu së fundi ka refuzuar një propozim për armëpushim të mbështetur nga Shtetet e Bashkuara të Amerikës mes Libanit dhe Izraelit.

Continue Reading

Lajmet

Studentët e UBT-së sjellin shfaqjen muzikale “DREAM” në kuadër të Javës së Dizajnit

Published

48 minutes ago

on

June 5, 2026

By

Studentët e Fakultetit të Muzikës Moderne në UBT kanë prezantuar me sukses shfaqjen muzikale “DREAM”, e cila u realizua në kuadër të aktiviteteve të Javës së Dizajnit në këtë institucion.

Performanca artistike u zhvillua si pjesë e lëndës “Performance në Skenë” dhe u interpretua nga studentët e grupit të Vokalit të vitit të parë dhe të dytë, nën mentorimin dhe udhëheqjen e profesoreshës Fatlume Bunjaku.

Shfaqja solli para publikut një program të pasur muzikor dhe artistik, ku studentët patën mundësinë të shfaqin talentin e tyre, kreativitetin dhe aftësitë skenike të fituara gjatë procesit të studimeve. Përmes interpretimit live, ata demonstruan jo vetëm përgatitjen akademike, por edhe zhvillimin e tyre artistik në skenë.

Në këtë aktivitet morën pjesë studentë, profesorë dhe dashamirës të artit, të cilët patën mundësi të ndjekin një performancë që ndërthurte muzikën, interpretimin vokal dhe shprehjen artistike, duke krijuar një atmosferë të veçantë kulturore në kuadër të Javës së Dizajnit.

Shfaqja “DREAM” shërbeu gjithashtu si një projekt përmbyllës për studentët e përfshirë, duke shënuar finalizimin e një etape të rëndësishme të vitit akademik dhe duke u ofruar atyre eksperiencën e drejtpërdrejtë të performancës para publikut.

Përmes këtij aktiviteti, studentët patën mundësinë të përjetojnë nga afër dinamikën e skenës profesionale, duke forcuar aftësitë e tyre artistike dhe vetëbesimin në interpretim.

UBT, përmes aktiviteteve të tilla, vazhdon të promovojë zhvillimin kreativ dhe profesional të studentëve, duke krijuar hapësira ku ata mund të shfaqin potencialin e tyre në fusha të ndryshme artistike dhe kulturore.

Continue Reading

Lajmet

Oda Ekonomike Amerikane: Gazi amerikan duhet të bëhet prioritet strategjik për Kosovën

Published

1 hour ago

on

June 5, 2026

By

Oda Ekonomike Amerikane në Kosovë i ka bërë thirrje Qeverisë së Kosovës që qasjen në gazin e lëngshëm natyror (LNG) nga Shtetet e Bashkuara të Amerikës dhe zhvillimin e infrastrukturës përkatëse ta trajtojë si prioritet strategjik kombëtar.

Sipas Odës, një orientim i tillë do të kontribuonte në forcimin e sigurisë energjetike të vendit, por edhe në thellimin e bashkëpunimit strategjik me SHBA-në.

Në reagim theksohet se sistemi energjetik i Kosovës vazhdon të mbështetet kryesisht në termocentralet me linjit dhe në importin e energjisë elektrike, çka sipas tyre paraqet barrë për ekonominë dhe rrit ndjeshmërinë ndaj luhatjeve të tregut.

Oda Amerikane vlerëson se zhvillimi i infrastrukturës së gazit dhe integrimi në rrjetet rajonale të LNG-së do të ndihmonte në diversifikimin e burimeve energjetike, uljen e kostove të importit dhe rritjen e konkurrueshmërisë së ekonomisë së Kosovës.

Po ashtu, theksohet se vendet e rajonit tashmë po pozicionohen në korridoret e reja energjetike, ndërsa Kosova rrezikon të mbetet jashtë këtyre zhvillimeve nëse nuk vepron me kohë.

Në fund, Oda Amerikane i bën thirrje institucioneve që të ndërmarrin hapa konkretë drejt integrimit në infrastrukturën rajonale të gazit, duke paralajmëruar se mosveprimi mund të rrisë cenueshmërinë energjetike të vendit.

Continue Reading

Të kërkuara