Sport

​Zidane zbulon arsyen pse u largua nga Real Madridi, akuzon edhe Florentino Perezin

Publikuar

3 vjet më parë

më

Zinedine Zidane e ka akuzuar presidentin e Real Madridit, Florentino Perez për humbje të respektit ndaj tij gjatë sezonit të fundit në “Santiago Bernabeu”.

Zidane i ka fituar tri Liga të Kampionëve dhe dy tituj të La Ligas në dy aventura me “Los Blancos” por ka vendosur të jap dorëheqje për herë të dytë.

Trajneri francez ka lëshuar një letër lajtumirëse drejtuar tifozëve të kësaj skuadre dhe ka zbuluar të gjitha arsyet që sollën deri në marrjen e këtij vendimit.

“Të dashur tifozë të Real Madridit, për më shumë se 20 vite, nga dita e parë kur kam mbërritur në Madrid dhe kam veshur fanellën e bardhë, ju më keni treguar dashurinë tuaj. Unë doja ta shkruaja këtë letër, për t’ju thënë lamtumirë dhe për të shpjeguar vendimin tim për të lënë punën e trajnerit këtu”, fillon letra e Zizu.

“Unë po shkoj, por nuk po ndihem i tepërt dhe as nuk jam lodhur nga stërvitja. Në maj të vitit 2018 u largova sepse pas dy vitesh e gjysmë, me kaq shumë fitore dhe kaq shumë trofe, ndjeva që ekipi kishte nevojë për një qasje të re për të qëndruar në nivelin më të lartë. Tani për tani, gjërat janë ndryshe. Unë po largohem sepse ndiej që klubi nuk ka më besimin tek unë që kam nevojë, as mbështetjen për të ndërtuar diçka në një periudhë afatmesme ose afatgjatë”.Unë e kuptoj futbollin dhe i di kërkesat e një klubi si Real Madridi. Unë e di kur nuk fiton, duhet të largohesh. Por në këtë, një gjë shumë e rëndësishme është harruar, gjithçka që kam ndërtuar çdo ditë është harruar, ajo që kam sjellë në marrëdhëniet e mia me lojtarët, me 150 njerëzit që punojnë me dhe rreth ekipit

“Unë jam fitues i lindur natyrshëm dhe isha këtu për të fituar trofe, por edhe më të rëndësishëm se kjo janë njerëzit, ndjenjat e tyre, vetë jeta dhe kam ndjesinë që këto gjëra nuk janë marrë parasysh, se ka pasur një dështim për të kuptuar se këto gjëra mbajnë edhe dinamikën e një klubi të madh. Në një farë mase madje jam qortuar për këtë”.

“Unë dua që të ketë respekt për atë që kemi arritur së bashku. Unë do të doja që marrëdhënia ime me klubin dhe presidentin gjatë muajve të fundit të kishte qenë pak më ndryshe nga ajo e trajnerëve të tjerë. Unë nuk kërkoja privilegje , sigurisht që jo, vetëm pak më shumë kujtim”.

“Këto ditë jeta e një trajneri në një klub të madh është dy sezone, mbase pak më shumë. Që të zgjasë më shumë marrëdhëniet njerëzore janë thelbësore, ato janë më të rëndësishme se paratë, më të rëndësishme se fama, më të rëndësishme se gjithçka. Ata duhet të ushqehen”.

“Kjo është arsyeja pse më lëndoi aq shumë kur lexova në shtyp, pas një disfate, saqë do të pushohesha nëse nuk do të fitoja ndeshjen tjetër. Kjo më lëndoi mua dhe të gjithë ekipin sepse këto mesazhe të qëllimshme rrjedhën në media dhe negativisht ndikuan në skuadër, ata krijuan dyshime dhe keqkuptime”.

“Për fat të mirë unë kisha këta djem të mahnitshëm që ishin me mua deri në vdekje. Kur gjërat u shëmtuan ata më shpëtuan me fitore madhështore. Për shkak se ata besuan në mua dhe e dinin se unë besoja në ta”, thuhet në letrën e Zinedine Zidane.

Etiketa
Vazhdo të lexosh

Sport

Inter fillon spastrimin e skuadrës për edicionin e ardhshëm

Publikuar

2 ditë më parë

më

3 Maj, 2024

nga

Kampionati tanimë ka përfunduar për Interin pesë javë para fundit të sezonit në Serie A. Përveç festës, drejtuesit e klubit zikaltër kanë filluar të mendojnë për sezonin e ardhshëm.

Deri tash, skuadra e Simone Inzaghit ka konfirmuar afrimin e sulmuesit, Mehdi Taremi dhe mesfushorit Piotr Zielinski, të cilët vijnë me parametra zero.

Ndërkaq sipas raportimeve të mediave italiane, bëhet e ditur se përveç afrimeve, Interi ka në listë disa futbollistë të cilët duket se do të largohen në fund të sezonit nga kampioni i Serie A.

Bëhet fjalë për Alexis Sanchez, Juan Cuadrado e Stefano Sensi të cilëve ju skadon kontrata në fund të këtij edicioni dhe si duket zikaltërit nuk kanë ndërmend ta vazhdojnë bashkëpunimin me ta.

Me ardhjen e Taremit te Interi, Sanchez nuk do të ketë minutazh të mjaftueshme dhe largimi i tij është i pashmangshëm.

Cuadrado nuk përmbushi pritshmëritë pas lëndimeve të shpeshta, teksa edhe i është komunikuar vendimi për të mos rinovuar kontratën e cila skadon më 31 maj, shtuar faktin që tashmë në skuadër bën pjesë edhe kanadezi Tajon Buchanan.

Në anën tjetër, Sensi nuk bën pjesë në planet e trajnerit, ndaj nuk do të rinovojë. Në të njëjtën rrugë është edhe Davy Klassen, që ka një kontratë 1+1, me Interin që ka në dorë opsionin e rinovimit, por duket se nuk do ta përdorë, duke qenë se futbollisti bindi Inzaghin.

Ndërkohë në dyshim është edhe portieri Audero, i cili ka qenë zgjedhja e dytë gjatë këtij sezoni. E ardhmja e tij varet nga braziliani Bento, të cilin Interi po provon ta sjellë në Milano. Nëse arrihet marrëveshja me Benton, atëherë Audero do të kthehet te Sampdoria, për t’i lënë vendin brazilianit./UBTNews/

Vazhdo të lexosh

Sport

Tetë vjet nga pranimi i Kosovës në UEFA

Publikuar

2 ditë më parë

më

3 Maj, 2024

nga

Tetë vjet më parë, Kosova u bë anëtarja më e re e familjes së futbollit evropian, UEFA, në Kongresin e 40-të të mbajtur në Budapest të Hungarisë duke i dhënë kështu fund izolimit të futbollit kosovar.

Edhe presidenti i Federatës së Futbollit të Kosovës, Agim Ademi përmes një postimi në Facebook ka uruar Kosovën në tetëvjetorin e pranimit në UEFA.

“3 maj, 2016 është data që ka hyrë në analet e historisë së Kosovës, e në veçanti futbollit. Si sot, 8 vjet më parë, Kosova u bë anëtarja më e re e familjes së futbollit evropian, UEFA, në Kongresin e 40-të të mbajtur në kryeqytetin e Hungarisë – Budapest.  Ky ishte vendimi që i dha fund izolimit tonë të padrejtë prej dy dekadash e gjysmë. Kalimi i kësaj sfide nuk ishte i lehtë, mirëpo mes emocioneve përplot tension e ankth gjatë punimeve të këtij kongresi, në fund fitoi e drejta – fitoi Kosova.Nga aty filloi një epokë e re për Federatën e Futbollit të Kosovës. Që nga ajo ditë, zhvillimi e sukseset kanë shënuar rritje të vazhdueshme”, ka thënë i pari i Federatës.

Poashtu Ademi shtoi duke thënë se klubet e futbollit të Kosovës kanë dëshmuar vlerat e tyre në arenën ndërkombëtare, duke na bërë krenarë me përfaqësimin dinjitoz.

“Klubet tona kanë demonstruar vlerat e tyre në arenën ndërkombëtare, duke na bërë krenarë me përfaqësimin dinjitoz. Niveli i ligës është rritur dukshëm dhe jemi ndër kampionatet më të vlerësuara në rajonin tonë. Ekipet kombëtare janë konsoliduar, kanë bërë përparime të dukshme dhe janë në ndjekje të ëndrrës së madhe kualifikimit në finalet e kompeticioneve madhore”, shtoi ai./UBTNews/

Vazhdo të lexosh

Sport

Futbollisti i Benfica-s kërcënohet me vdekje nga trafikantët e drogës

Publikuar

3 ditë më parë

më

2 Maj, 2024

nga

Familja e Angel Di Marias, ka marrë kërcënime me vdekje pasi që argjentinasi e pranoi se do të dëshironte ta përfundonte karrierën e tij te Rosario Central, klubi që ai bëri debutimin e tij në vitin 2005.

Di Maria, momentalisht luan për Benfican, mori kërcënimet në shtëpinë e familjes së tij në Rosario. Mesazhi kërcënues thoshte që ta paralajmërojnë Di Marian se nëse rikthehet në Rosario, një pjesëtar i familjes së tij do të vdes nga trafikantët e drogës.

Mediat lokale raportuan se disa persona në një veturë lanë një shenjë pranë Funes Hills Miraflores, vendi ku zakonisht Di Maria qëndron, duke thënë se as kryetari Maximiliano Pullaro nuk mund të garantojë për sigurinë e tij nëse ai rikthehet në qytet.

“Thuaji djalit tënd Angel që mos të rikthehet te Rosario sepse ndryshe ne do t’ia vrasim një familjar. As Pullaro nuk mund të të shpëtojë. Ne nuk hedhim letra. Ne hedhim njerëz të vdekur”, ishte mesazhi i lënë për babanë e Di Marias sipas “Infobae”.

Qyteti i Rosarios kohët e fundit ka përjetuar një rritje të dhunës, për të cilën janë përgjegjës grupet e c si “narko-terroristë”./UBTNews/

Vazhdo të lexosh

Sport

FFK publikon skuadrat e licencuara për garat evropiane

Publikuar

3 ditë më parë

më

2 Maj, 2024

nga

Federata e Futbollit të Kosovës (FFK) ka publikuar shtatë skuadrat që ka licencuar për garat evropiane të UEFA-s.

Komisioni i Shkallës së Parë për Licencimin e klubeve për garat e UEFA-s ka licencuar shtatë nga tetë klubet që e kanë nisur procesin e licencimit.

Klubet e licencuara janë: Ballkani, Drita, Llapi, Malisheva, Prishtina, Gjilani dhe klubi i futbollit i femrave Mitrovica.

Ndërkaq skuadra e vetme e cila nuk është licencuar për garat e UEFA-s për edicionin 2024/25 është KF Dukagjini./UBTNews/

Vazhdo të lexosh

Të kërkuara