Sport

​Zidane flet për të ardhmen e tij, jep sinjale jo të mira

Published

4 years ago

on

Zinedine Zidane ka mohuar sugjerimet se ai është afër largimit nga Real Madridi, megjithëse nuk ofroi asnjë garanci për të ardhmen e tij.

Trajneri i Madridit deklaroi qartë para takimit të së shtunës së kaluar me Huescan se nuk do të dorëzohej pasi pa ekipin e tij të mundte Deportivo Alaves dhe të humbte në shtëpi nga Levante në mungesë të tij për shkak të koronavirusit.

Kur u pyet për disa shqetësime në mes tifozëve se ai mund të ishte duke dalë nga klubi, Zidane u përgjigj: “Jo, dëgjo, e rëndësishme është puna e përditshme, atë që po bëjmë. Ditën tjetër, çfarëdo që të ketë ndodhur, ne thjesht do të punojmë. Të gjithë janë këtu, ne thjesht do të përpiqemi të punojmë. Të gjithë kanë liri të kenë mendimin e tyre, kjo është normale. Gjithkush mund të thotë atë që do, por unë gjithashtu mund të them atë që do të bëjmë këtu, kjo është punë dhe vetëm punë, besoni në atë që po bëjmë dhe përpiquni të rimerrni pak vetëbesim dhe ta përfundoni sezonin mirë”.

Më tutje Zidane shtoi: “Pse do ta braktisja Real Madridin? Unë po bëj atë që më pëlqen këtu. Ky është futbolli; ka momente të vështira, por ti vazhdon. Ne thjesht do të luftojmë dhe luftojmë, ne duhet t’i bëjmë gjërat siç duhet me këtë ekip. Real Madridi është një klub i shkëlqyeshëm dhe ajo që duhet të bësh është të garosh. Këtu gjithmonë do të ketë ndryshime. Unë thjesht përqendrohem në lojën e përditshme, sot, nesër. Sa për pjesën tjetër, nuk e di se çfarë do të ndodhë kështu që nuk po mendoj për asgjë përveç lojës nesër”, tha në fund Zidane.

Related Topics:
Continue Reading

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

3 days ago

on

May 17, 2025

By

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

5 days ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

1 week ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

1 week ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Të kërkuara