Lajmet

​Ulqini gati për sezonin turistik, paralajmërohet largimi i taksës kufitare nga 15 qershori

Published

5 years ago

on

Komuna bregdetare e Ulqinit ka bërë të gjitha përgatitjet për mbarëvajtjen e sezonit turistik.
Përfaqësuesit e kësaj komune sot në Prishtinë kanë shpalosur lehtësirat dhe investime në bregdetin e Ulqinit, derisa kanë paralajmëruar edhe një marrëveshje në mes të Byrosë Kosovare të Sigurimeve dhe Byrosë së Malit të Zi për largimin e taksës kufitare nga mesi i qershorit.

Kryetari i Ulqinit, Aleksandër Daboviq tha se tashmë situata pandemike në këtë komunë ka bërë që e gjithë vëmendja të fokusohet te sezoni turistik. Ai derisa listoi investimet që kanë bërë si pushtet komunal për të përmirësuar kushtet për turistët, kërkoi që çmimet të jenë sa më të përshtatshme për të gjithë.

“Komuna e Ulqinit ka ditë që është e fokusuar rreth përgatitjeve për sezonin turistik… Si komunë kemi synuar dhe synojmë që qyteti të ketë një imazh të përmirësuar, ndërsa subjektet private duke investuar në pamjet e objekteve të tyre, gjelbërimin e mjediseve reklamimin e bizneseve… Ne kemi ndërmarrë disa hapa veçmas në infrastrukturë në vendet e parkingut, sinjalizimit, asfaltimit, ndriçimit publik dhe fushat tjera. Ne insistojmë dhe kërkojmë mirëkuptim nga pushuesit në plazhe, pronarët e hoteleve, restorantet dhe qiradhënësit dhe të tjerët që këtë vit çmimet të jenë sa më të përshtatshme për të gjithë”, tha ai.

Nënkryetari i komunës së Ulqinit, Astrit Hoxha tha se deri tani në Ulqin janë vaksinuar kundër COVID mbi 35 për qind e popullatës, derisa është plani që deri më 10 qershor të vaksinohen edhe punëtorët e turizmit.

“Deri më sot në Ulqin më se 35 % e popullatës janë të vaksinuar me një ligj që e ka sjellë qeveria e Ulqinit deri më 10 qershor të gjithë punonjësit e turizmit do jenë të vaksinuar, kështu që shëndeti do jetë primar”, tha ai.

Drejtori i Organizatës Turistike në Ulqin, Gëzim Hajdaraga i ka shpalosur disa nga aktivitet kulturore të organizuara për turistët. Ai tha se janë duke punuar për të larguar pagesën e policës kufitare si dhe kontrollimin vetëm njëkahor në kufi me qëllim të eliminimit të pritjes.

Drejtori i Byrosë Kosovare të Sigurimeve, Sami Mazreku tha se kanë bërë të gjitha përgatitjet e nevojshme se marrëveshja për largimin e pagesës për sigurimit kufitare të hyjë në fuqi nga 15 qershori. Ai tha se falë kësaj marrëveshje qytetarët e të dyja vendeve do të kursejnë 4 milionë euro.

“Dje në mbledhjen e byrosë kemi ndarë një fond garancie për këtë marrëveshje që ka qenë kërkesë e Byrosë malazeze dhe përpjekjet tona janë që më së largu më 15 qershor kjo marrëveshje të hyjë në fuqi dhe qytetarët të mos kenë nevojë për pagesën e sigurimit kufitar. Qytetarët e të dyja vendeve nga kjo marrëveshje do kursejnë hiq më pak se 4 milionë euro”, u shpreh Mazreku./UBTNews

Related Topics:
Continue Reading

Vendi

Vitia pranon mungesën e barnave onkologjike gjatë verës, njofton masa disiplinore ndaj zyrtarëve të vonuar

Published

13 minutes ago

on

November 13, 2026

By

Ministri i Shëndetësisë, Arben Vitia, ka pranuar gjatë interpelancës në Kuvendin e Kosovës se në Klinikën e Onkologjisë ka pasur mungesë të medikamentit “Palbociclib” gjatë muajve korrik dhe gusht të këtij viti, si dhe vonesa në furnizimin me disa barna të tjera esenciale.

Duke sqaruar situatën, Vitia bëri të ditur se “Palbociclib” ishte futur në Listën Esenciale në vitin 2025 me planifikim fillestar për 40 pacientë, por dyfishimi i kërkesave bëri që kontrata të shpenzohej në masën 130% brenda nëntë muajsh. Sipas tij, pamundësia për të hapur procedura të reja pa miratimin e buxhetit dhe dështimi i tenderit të parë për mungesë ofertuesish shtynë furnizimin deri më 18 gusht, pas lidhjes së kontratës së përshpejtuar më 30 korrik 2026.

Bilanci i mungesave dhe masat disiplinore

Ministri pranoi se furnizimi i sivjetshëm në Onkologji nuk ka qenë në nivelin e viteve 2024 dhe 2025, duke paraqitur të dhënat mbi shtrirjen e mungesave:

Palbociclib: Mungoi për gati 9 javë, duke prekur 70 pacientë (dy cikle trajtimi).

Bevacizumab (Avastin): Mungoi për rreth 13 javë, duke prekur 70 pacientë.

Bicalutamide: Mungoi për 12 javë, duke prekur rreth 70 pacientë.

Dabrafenib: Mungoi për 20 javë, duke prekur 12 pacientë.

Sorafenib: Mungesa preku 14 pacientë.

Si shkaqe kryesore ai përmendi mungesën e autorizimeve të marketingut dhe vonesat procedurale. Vitia njoftoi se pas një auditimi të brendshëm janë iniciuar procedura disiplinore ndaj zyrtarëve që nuk kanë reaguar me kohë, ndërsa shtoi se tashmë janë nënshkruar kontrata afatgjata për stabilizimin e furnizimit.

/E.A/

Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

2 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Vendi

Kuvendi ratifikon me 81 vota marrëveshjen me Suedinë për transferimin e të dënuarve

Published

3 hours ago

on

November 13, 2026

By

Kuvendi i Kosovës ka miratuar me 81 vota për, asnjë kundër dhe asnjë abstenim, Projektligjin për Ratifikimin e Marrëveshjes ndërmjet Republikës së Kosovës dhe Mbretërisë së Suedisë për Transferimin e Personave të Dënuar.
Gjatë prezantimit të projektligjit para deputetëve, ministrja e Drejtësisë, Donika Gërvalla, theksoi se marrëveshje të tilla përbëjnë një hap të rëndësishëm në bashkëpunimin evropian dhe forcimin e kapaciteteve shtetërore për zbatimin efektiv të ligjit.
Ajo sqaroi se, meqë marrëveshja ndërlidhet me të drejtat dhe liritë themelore të njeriut, ratifikimi i saj nga Kuvendi është i domosdoshëm në bazë të nenit 18 të Kushtetutës.
Përkrahje për këtë marrëveshje ndërkombëtare kanë dhënë edhe grupet parlamentare opozitare, përfshirë PDK-në, LDK-në dhe AAK-në, duke mundësuar kalimin e saj me konsensus të plotë në seancën plenare. /E.A/

Continue Reading

Lajmet

Shtyhet sërish seanca ndaj Xhevat Krasniqit, mungojnë prokurori dhe e dëmtuara

Published

3 hours ago

on

November 13, 2026

By

Ka dështuar të mbahet seanca fillestare në rastin e ish-profesorit të Universitetit të Prishtinës, Xhevat Krasniqi, i akuzuar për ngacmim seksual ndaj studenteve të Fakultetit të Mjekësisë. Seanca e radhës është caktuar për datën 24 dhjetor, në orën 09:30.

Gjykatësi i rastit, Bujar Ahmeti, ka bërë të ditur se shkak për shtyrjen ka qenë mungesa e prokurorit të Shtetit, e cila nuk ishte e arsyetuar, si dhe mungesa e njërës prej të dëmtuarave, Donika Veseli. Sipas tij, në mungesë të palëve kryesore, nuk ishin plotësuar kushtet ligjore për zhvillimin e seancës.

Kjo shënon vonesën e radhës në këtë proces gjyqësor, pasi më parë janë shtyrë edhe nëntë seanca të tjera të planifikuara gjatë muajve shtator dhe tetor, për shkak të kërkesave të ndryshme të palëve në procedurë.

Krasniqi ishte denoncuar nga 27 studente të Fakultetit të Mjekësisë për ngacmim seksual. Sipas aktakuzës së Prokurorisë së Prishtinës, ngacmimet e pretenduara kanë ndodhur përgjatë periudhës janar 2022 – dhjetor 2023, brenda hapësirave të Fakultetit të Mjekësisë.

Prokuroria pretendon se profesori Krasniqi është përfshirë në sjellje joverbale joetike të natyrës së ngacmimit seksual, me qëllim cenimin e dinjitetit të studenteve, duke shfrytëzuar pozitën e tij si profesor universitar. Në aktakuzë janë listuar katër të dëmtuara.

Krasniqi aktualisht ndodhet nën masën e pezullimit nga puna në Universitetin e Prishtinës, me vendim të rektorit Arben Hajrullahu, deri në përfundimin e hetimeve nga Prokuroria. /Ekonomia Online/

Continue Reading

Të kërkuara