Aktualitet

Zotohet Tahiri: Jo më asfaltim të rrugëve, vetëm zhvillim dhe punësim

Publikuar

3 vjet më parë

më

Mjetet e parapara për asfaltim të rrugëve, komuna e Vushtrrisë planifikon t’i investojë për zhvillim dhe punësim. Kjo parashihet me planin e rimëkëmbjes ekonomike, të cilin e ka prezantuar sot kryetari i Vushtrrisë, dhe pret ta paraqesë për diskutim dhe miratim në Kuvendin Komunal.

Kryetari i Vushtrrisë, Xhafer Tahiri tha se buxheti i vitit 2021 duhet të rishikohet në mënyrë që t’i përgjigjet planit për rimëkëmbje ekonomike. Ai përmendi tri masa kryesore për rimëkëmbjen e komunës pas krizës nga pandemia COVID-19, duke theksuar këtu një memorandum katërvjeçar për ndalim të shpenzimeve në asfaltim të rrugëve.

“Plani i rimëkëmbjes ekonomike të Vushtrrisë ka tri masa themelore, masa e parë është moratorium katërvjeçar për ndalim të shpenzimeve, praktikisht transferimit nga asfaltimi në projekte zhvillimore për rimëkëmbje ekonomike. Periudha e moratoriumit është katërvjeçare. Kjo nuk nënkupton që ne nuk do të shtrojmë asfalt, por do të përdorim vetëm grantet qeveritare për të shtruar asfalt, ndërkohë që mjetet e komunës do të transferohen nga kategoria e investimeve kapitale në kategorinë e subvencioneve dhe nga kategoria e subvencioneve pastaj do të përkrahen projektet zhvillimore dhe projektet e punësimit”, tha ai.

Vlera e parë në moratorium për katër vjet është parashikuar të jetë mbi 4 milionë euro, ndërsa masa e dytë parasheh lehtësim të qasjes në kredi, për ndërmarrjet private në mënyrë që të financojnë projekte inventive dhe vazhdim të operimit të tyre.

“Synohet që çdo vit komuna e Vushtrrisë, nga buxheti i asfaltit që thamë është diku 800 mijë euro, gati 1 milion euro në vit, gjysma e këtij fondi 500 mijë euro do të përdoret për të blerë një kredi ose një projekt për mbulimin e normës së interesit, dhe synohet që çdo vit në ekonominë lokale të Vushtrrisë të jepet një infuzion financiar prej 6 milionë euro, ndërkohë që komuna do të mbulojë normën e interesit me një periudhë prej një viti dhe në këtë mënyrë çdo biznes në Vushtrri do të ketë qasje në financa, pa pengesa”, tha ai.

Tahiri tha se masa e tretë përfshin lehtësimin e barrës tatimore për biznese dhe për të përmirësuar likuiditetin e tyre afatshkurtër, dhe vlera e saj është rreth 500 mijë euro.

Ndërsa masa e katërt nga 14 të tilla sa janë paraparë, përfshin rritjen e punësimit dhe është paraparë shuma prej 4.8 milionë euro.

Tahiri tha se përmes kësaj mase synohet që të rinjtë për çdo vit të punësohen në punë praktike me pagesë.

Kryetari i Vushtrrisë ka bërë të ditur po ashtu se në kuadër të projekteve zhvillimore kanë paraparë ngrohtoren e qytetit, impiantin e ujërave të zeza, ndërtimin e parkingjeve publike, dhe identifikimin e të papunëve sipas strukturës dhe nevojave për punësim.

Tahiri tha se pandemia ka goditur rëndë këtë komunë duke përmendur 35 për qind të bizneseve, të cilat në vitin 2020 kanë pushuar së operuari si pasojë e kësaj. Gjithashtu, tha se 60 për qind e familjeve kanë deklaruar se në vitin e kaluar kanë pasur më pak të hyra.

Plani i rimëkëmbjes në komunën e Vushtrrisë me 14 masa, pritet të dalë për diskutim dhe votim në Kuvendin Komunal.

Etiketa
Vazhdo të lexosh

Bota

Ekonomia gjermane sheh tkurrjen vjetore të pestë radhazi të PBB-së

Publikuar

4 ditë më parë

më

30 Prill, 2024

nga

Ekonomia gjermane është tkurrur me 0.2% në tremujorin e parë të vitit 2024 në bazë vjetore, deklaroi të martën departamenti i statistikave të vendit Destatis. Që nga fillimi i vitit të kaluar, ekonomia gjermane është tkurrur çdo vit për pesë tremujorë radhazi.

Vitin e kaluar, ekonomia gjermane u tkurr me 0.2% në tremujorin e parë, të dytë dhe të katërt, dhe 0.4% në tremujorin e tretë, në bazë vjetore. Në bazë tremujore, produkti i brendshëm bruto (PBB) i vendit u rrit lehtësisht me 0.2% në periudhën janar-mars.

PBB-ja u tkurr me 0.5% në tremujorin e fundit të vitit 2023. Për shkak të dy rënieve të njëpasnjëshme të PBB-së, ekonomia gjermane kishte hyrë edhe në një recesion teknik vitin e kaluar.

Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

2 javë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

3 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

2 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Të kërkuara