Lajmet

​Shqipëria hap negociatat, Varhelyi: Do të punojmë në fushën e shtetit ligjor

Varhelyi ka thënë se mesazhi i tij për qytetarët e Shqipërisë është se Bashkimi Evropian i do brenda familjes evropiane.

Published

on

Komisionari për Zgjerim në Bashkimin Evropian, Oliver Varhelyi, ka thënë se takimi i sotëm jep sinjalin e fuqishëm politik të angazhimit të BE-së për procesin e anëtarësimit. Ai ka thënë se do të fillojnë të punojnë me Shqipërinë në fushën e shtetit ligjor, duke theksuar se Bashkimi Evropian nuk do të tërhiqet nga kërkesat në këtë drejtim.

Në një konferencë për media, Varhelyi ka thënë se mesazhi i tij për qytetarët e Shqipërisë është se Bashkimi Evropian i do brenda familjes evropiane.

“Sipas metodologjisë së re, klasteri i parë që do të hapet dhe i fundit që do të mbyllet është shteti ligjor, pra do të fillojmë të punojmë në fushën e shtetit ligjor dhe dukshëm gjendja e gjyqësorit do të diskutohet, vetëm mund t’iu konfirmoj se ne nuk kemi për t’u zmbrapsur në kërkesat tona, që do të thotë se duhet të ketë prova që ka raste që duhen zgjidhur dhe këto duhen zgjidhur”, ka thënë ai.

E kryeministri i Shqipërisë, Edi Rama ka thënë se negociatat janë një instrument transformimi i përditshëm.

“Negociatat për anëtarësim janë në vetvete një instrument transformimi i përditshëm, arsyeja pse i kemi kërkuar me kaq ngulm natyrisht ka të bëjë me objektivin për të shkuar në anëtarësim të plotë por ka të bëjë njëkohësisht me faktin që negociatat janë një transferim dije i pazëvendësueshme dhe që nuk e gjen dot në asnjë realitet tjetër të botës politike. Për këtë arsye komisioneri e nënvizoi dhe duhet ta kemi parasysh që çdo hap në negociata, duke nisur nga çdo kërkesë e negociatave, përben një vlerë të shtuar dhe një mundësi të re për të çuar përpara gjithë aspektet e jetës së vendit”, ka thënë Rama.

Rama është pyetur pse nuk e ka pranë ndonjë përfaqësues të opozitës në këtë ditë të rëndësishme.

“Formati i përcaktuar nga komisioni për gjithë trupën që do të përfaqësonte Shqipërinë në tryezë natyrisht që mund të kishim kërkuar një ndryshim për të ftuar një përfaqësues apo edhe më shumë se një nga ana e opozitës por kemi një problem që nuk është një problem i Brukselit dhe nuk është problem për t’u trajtuar në Bruksel, që ne nuk dimë se kush është kush në anën e opozitës”, ka thënë Rama.

Ndërsa, ministri i Punëve të Jashtme i Çekisë, Jan Lipavsky ka thënë se ardhmja e Ballkanit Perëndimor është në Bashkimin Evropian.

“E ardhmja e Ballkanit Perëndimor është në Bashkimin Evropian, Shqipëria ka qëndruar pranë në kohë të vështira dhe jam i kënaqur që sot kjo pritje ka mbarur për të dyja shtet. Jam i gëzuar që ky çast historik po zhvillohet gjatë presidencës ceke… Vendet e Ballkanit Perëndimor prite të zotohen ndaj vlerave evropiane si anëtar të ardhshëm të BE-së. Ne mirëpresim harmonizimin e plotë të Shqipërisë me politikën e jashtme dhe të sigurisë së BE-së dhe inkurajojmë Shqipërinë që të vijojë të harmonizojë plotësisht me politikën e jashtme dhe të sigurisë së BE-së”, ka thënë ai.

Ministri çek ka thënë se Shqipëria duhet të vazhdojë zbatimin e reformave në gjyqësor dhe luftën kundër krimit të organizuar dhe korrupsionit.

Lajmet

Kurti u bën thirrje qytetarëve të mos udhëtojnë përmes Serbisë

Published

on

By

Kryeministri në detyrë i Kosovës, Albin Kurti, në një konferencë për media u bëri thirrje qytetarëve të Kosovës që të shmangin udhëtimet përmes Serbisë, duke paralajmëruar për ndalime arbitrare nga autoritetet serbe. 

Ka indikacione për ndalime të pajustifikuara. Prandaj i ftojmë qytetarët për maturi dhe të mos kalojnë nëpër territorin e Serbisë,” tha Kurti.

Ai u shpreh i shqetësuar për veprimet e fundit të autoriteteve serbe dhe kërkoi nga Bashkimi Evropian një reagim të qartë ndaj, siç i quajti ai, kërcënimeve të presidentit serb Aleksandar Vuçiq.

Sipas Kurtit, Beogradi po dëshmon mungesë të vullnetit për normalizimin e marrëdhënieve me Kosovën.

E ftojmë BE-në të reagojë qartë ndaj kërcënimeve të Vuçiqit. Serbia po dëshmon se jo vetëm që nuk është e interesuar në normalizim, por përkundrazi, po intensifikon sjelljet kërcënuese,” shtoi ai.

Kurti theksoi se përballë një klime të tillë të pasigurisë, qytetarët e Kosovës duhet të tregojnë maturi dhe kujdes maksimal në lidhje me udhëtimet e tyre drejt apo përmes Serbisë.

Continue Reading

Aktualitet

Kurti për takimin me Limajn: Kam bërë një ofertë konkrete

Published

on

Kryeministri në detyrë Albin Kurti, para mediave dha disa detaje për takimin me kryetarin e Nismës Socialdemokrate Fatmir Limaj për mundësitë e bashkëqeverisjes mes dy partive.

Në konferencë për media, Kurti tha se ka bërë një ofertë konkrete për Nismën që gjithçka të mbyllet sa ma shpejt dhe sa më mirë.

“Me Limajn kemi zhvilluar një takim. Unë si kryetar i partisë fituese, kam shprehur jo vetëm interesim, por edhe gatishmëri për të bashkëqeverisur me Nismën dhe në përputhje me këtë unë kam bërë edhe një ofertë konkrete për Nismën që gjithçka të mbyllet sa ma shpejt dhe sa më mirë. Kur këto bisedime të mbyllën me rezultatin final mund të flasim për të”, tha Kurti.

Deri tani të gjitha përpjekjet për formimin e institucioneve të reja kanë dështuar për shkak të mungesës së konsensusit mes partive politike.

Continue Reading

Lajmet

Kurti reagon ndaj Vuçiqit: Deklaratat e tij janë kërcënuese dhe destabilizuese

Published

on

By

Kryeministri i Kosovës, Albin Kurti, ka reaguar pas deklaratave të presidentit serb, Aleksandar Vuçiq, në lidhje me arrestimin e Igor Popoviqit, i cili u ndalua për shkak të deklaratave ku e cilësonte Ushtrinë Çlirimtare të Kosovës (UÇK) si “organizatë terroriste”.

Në deklaratë për media, Kurti theksoi se Kosova është shtet demokratik dhe ligjor, ku sundimi i ligjit zbatohet në mënyrë të barabartë për të gjithë, pa dallim etnie, pozite apo përkatësie politike.

Kosova është demokratike dhe ligjore me pushtete të ndara, institucione të konsoliduara dhe zbatim të barabartë të ligjit. Sundimi i ligjit nuk diskriminon sipas etnisë apo ndikimit politik,” tha Kurti.

Ai shtoi se rasti i Igor Popoviq, i cili është arrestuar për veprën penale të nxitjes së përçarjes apo mosdurimit etnik, po trajtohet nga institucionet e drejtësisë me profesionalizëm dhe në përputhje me standardet e të drejtave të njeriut.

Duke komentuar deklaratat e Vuçiqit të bëra më 20 korrik, Kurti i cilësoi ato si “kërcënuese, destabilizuese dhe të papranueshme”, duke theksuar se ato nuk janë thjesht qëndrime individuale, por përfaqësojnë politikë shtetërore të Beogradit.

Beogradi zyrtar tregon se nuk e mbështet drejtësinë, paqen dhe stabilitetin, por nxit tensione dhe përhap gjuhën e urrejtjes. Duke sulmuar vlerën më të shenjtë të shqiptarëve, që është UÇK-ja, ata provokojnë dhe nxisin përplasje,” shtoi Kurti.

Kryeministri përfundoi duke theksuar se deklaratat e tilla përbëjnë kërcënim serioz për paqen dhe sigurinë në rajonin e Ballkanit.

Continue Reading

Lajmet

Shefi i Zyrës së BE-së takohet me Osmanin, flasin për bllokadën politike dhe hapat e mëtejmë

Published

on

By

Presidentja e Republikës së Kosovës, Vjosa Osmani, ka pritur në takim Shefin e Zyrës së Bashkimit Evropian në Kosovë, ambasadorin Aivo Orav, me të cilin ka diskutuar mbi zhvillimet e fundit politike në vend.

Sipas një njoftimi të lëshuar nga Presidenca dy bashkëbiseduesit kanë diskutuar situatës aktuale politike.

Në fokus të takimit ishte çështja e konstituimit të Kuvendit të Republikës së Kosovës, hapat e mëtejmë, ndikimi i moskonstituimit në proceset e rëndësishme për vendin, si dhe në raportet me Bashkimin Evropian” theksohet në njoftim.

Po ashtu bëhet e ditur se Osmani gjatë takimit ka theksuar rëndësinë e heqjes së masave të BE’së ndaj Kosovës dhe ka kërkuar që BE ta trajtojë aplikimin e Kosovës për statusin e vendit kandidat.

Njoftimi i plotë

Presidentja Osmani priti në takim, shefin e Zyrës së BE-së në Kosovë, z. Aivo Orav

Presidentja e Republikës së Kosovës, Vjosa Osmani, priti në takim Shefin e Zyrës së Bashkimit Evropian në Kosovë, Aivo Orav, me të cilin diskutoi rreth situatës aktuale politike në vend dhe zhvillimeve të fundit.

Në fokus të takimit ishte çështja e konstituimit të Kuvendit të Republikës së Kosovës, hapat e mëtejmë, ndikimi i moskonstituimit në proceset e rëndësishme për vendin, si dhe në raportet me Bashkimin Evropian.

Presidentja Osmani dhe Ambasadori Orav diskutuan gjithashtu për një sërë çështjesh që ndërlidhen me raportet ndërmjet Kosovës dhe BE-së, ku Presidentja ritheksoi rëndësinë e heqjes së plotë të masave të padrejta ende në fuqi, si dhe të trajtimit të aplikacionit të Kosovës për marrjen e statusit të vendit kandidat.

Continue Reading

Të kërkuara