Lajmet

​Shkon në 14 numri i të plagosurve nga vrasja masive në Serbi

Ai dyshohet se mbrëmë ka vrarë tetë persona dhe ka plagosur 14 me armë zjarri.

Published

on

Tetë vetë u vranë dhe 14 u plagosën kur një sulmues qëlloi mbi ta me një armë automatike në një fshat afër Mlladenovacit, rreth 60 kilometra larg Beogradit, në Serbi.

Ministria e Punëve të Brendshme e Serbisë përmes një komunikate ka konfirmuar se sulmuesi i dyshuar U. B. (i lindur në vitin 2002) është arrestuar në afërsi të Kragujevcit, rreth 60 kilometra nga Mlladenovci.

Ai dyshohet se mbrëmë ka vrarë tetë persona dhe ka plagosur 14 me armë zjarri, thuhet në deklaratën e MPB-së së Serbisë për BBC.

Në kërkim morën pjesë rreth 600 efektivë policie, si dhe njësiti i helikopterëve të MPB-së dhe ai anti-terrorit.

Gjatë natës dhe mëngjesit, forca të forta policore mbyllën të gjitha daljet nga Mlladenovci në drejtim të Beogradit në ndjekje të sulmuesit, i cili, siç raporton RTS, qëlloi mbi viktimat nga një automjet në lëvizje.

Sulmuesi fillimisht qëlloi në fshatin Dubona, pastaj në Orashjen e vogël dhe fshatin Shepshin – të gjitha afër Mlladenovacit.

Në Dubonë ka vrarë një polic të ri dhe motrën e tij, duke qëlluar rastësisht në oborrin e shkollës, ku ka plagosur disa persona.

Sulmuesi është nga fshati Dubona e poshtme. Sipas informacioneve jozyrtare, sulmuesi ka qenë i vetëm në automjet, ndonëse gjatë natës dolën informacione se ai nuk e ka kryer i vetëm këtë krim.

Të shtënat fatale ndodhën më pak se 48 orë pas një tragjedie të paprecedentë në Serbi, kur një nxënës 13-vjeçar vrau tetë nxënës dhe një roje në shkollën Vadimir Ribnikar në Beograd të mërkurën në mëngjes.

Ky është krimi i dytë i madh në zonën e Mlladenovcit në 10 vitet e fundit.

Në prill të vitit 2013, veterani i luftës, Ljubisha Bogdanoviq (60) vrau 13 persona, ndër të cilët plagosi djalin, nënën dhe gruan e tij dhe më pas vazhdoi të qëllonte fqinjët në fshatin Ivanqë e madhe afër Mlladenovacit.

Mes të vrarëve ishte edhe një fëmijë dyvjeçar. Në fund ai qëlloi veten me plumb në mjekër dhe dy ditë më vonë vdiq në Qendrën Emergjente.

Lajmet

United po shqyrton transferimin e Donnarumma-s

Published

on

Manchester United ka mundësinë të nënshkruajë me Gianluigi Donnarumma këtë verë, por sado tërheqëse të duket marrëveshja, realizimi i saj duket i ndërlikuar.

Portieri italian, tani në vitin e fundit të kontratës së tij me PSG-në, është diskutuar në lidhje me një transferim te United, ndërsa klubi francez ecën përpara me planet për ta zëvendësuar atë. Bisedimet për një marrëveshje të re kanë ngecur në Paris, dhe me Lucas Chevalier që është renditur si pasardhës, mundësia është reale.

Megjithatë, United është pak i bllokuar. Dështimi i tyre për të larguar Andre Onanën do të thotë se nuk ka një rrugë të qartë për të sjellë një tjetër portier të nivelit të lartë. Ideja e transferimit të dy portierëve të përhershëm me paga të larta u hodh poshtë nga brenda ekipit në fillim të kësaj vere dhe ndryshimi i këtij qëndrimi tani do të thoshte prishje e planit të tyre të transferimeve.

Kishte gjithashtu shpresë se Altay Bayindir do të largohej për të liruar një vend në skuadër, por interesi për lojtarin turk ka qenë i kufizuar.

United aktualisht është i plotë në departamentin e portierëve dhe po punon në mënyrë aktive se si t’i riformësojë gjërat përpara se të mund të angazhohet për ndonjë gjë.

Brenda ekipit, ende ekziston dëshira për të sjellë konkurrencë për Onanën, nëse ai nuk mund të zëvendësohet menjëherë, në një përpjekje për të rritur standardet. Shpresa është që çdo nënshkrim i ri ose ta shtyjë numrin aktual 1 të rigjejë formën e tij, ose të jetë mjaftueshëm i mirë për të zënë vendin e tij.

Ideja e Donnarummës me fanellën e United padyshim që tërheq vëmendjen, por për momentin nuk duket më shumë se një ide.

Continue Reading

Lajmet

​Xhaka zbarkon në Angli për t’u bashkuar me klubin e ri

Published

on

Granit Xhaka është parë duke zbritur në Wearside (Sunderland) për të kryer kontrollin mjekësor, pas nënshkrimit të një marrëveshjeje për një transfertë prej 20 milionë euro nga Bayer Leverkusen.

Xhaka ishte shumë i rëndësishëm për Bayer Leverkusen dhe trajneri i ri, Erik ten Hag, më parë kishte deklaruar se klubi nuk kishte ndërmend ta shiste, për shkak të rolit të tij udhëheqës.

Sunderland ka bërë një investim të madh këtë verë, me të paktën 100 milionë euro të shpenzuara për afrim të lojtarëve si Simon Adingra, Habib Diarra, Chemsdine Talbi, Noah Sadiki dhe Enzo Le Fée duke e bërë Xhakën një ndër nënshkrimet më spikature të fushatës për konsolidimin në Premier League.

 

Continue Reading

Lajmet

Maqedonci: Në bashkërendim me KFOR-in, ekipet e FSK-së kanë filluar operacionin e kërkimit në Ujman

Published

on

By

“Në bashkëpunim me Agjencinë e Menaxhimit të Emergjencave, Policinë e Kosovës dhe bashkërendim me KFOR, ekipet e specializuara të FSK kanë filluar operacionin e kërkimit në liqenin e Ujmanit me synimin që sa më shpejtë të nxirret trupi i mërgimtarit dhe t’i lehtësohet dhimbja familjes, tha ministri i Mbrojtjes, Ejup Maqedonci, përmes një statusi në Facebook.

Maqedonci reagoi pasi trupat e FSK-së zbarkuan në Liqenin e Ujmanit, në veri të vendit, duke iu bashkuar ekipeve për të kërkuar personin e zhdukur që nga e diela.

Ai theksoi se Forca e Sigurisë së Kosovës në kuadër të detyrave të saj thelbësore ka edhe mbështetjen e autoriteteve civile.

Njësitet e specializuar të zhytjes dhe kërkim shpëtimit të Forcës së Sigurisë së Kosovës sot në mëngjes janë angazhuar në mbështetje të autoriteteve civile për kërkimin e trupit të mërgimtarit në liqenin e Ujmanit në Komunën e Zubin Potokut”, shkroi Maqedonci.

Zbarkimi i trupave të FSK-së në veriun e banuar me shumicë serbe mund të bëhet vetëm me pëlqim paraprak të KFOR-it, në bazë të një zotimi që është bërë në vitin 2013 nga Qeveria e Kosovës dhe NATO.

Continue Reading

Lajmet

Policia shqipton mbi 2 mijë e 300 gjoba trafiku për 24 orët e fundit

Published

on

By

Policia e Kosovës ka shqiptuar 2397 gjoba për kundërvajtësit e trafikut brenda 24 orëve të fundit.

Sipas raportit të publikuar nga Policia, gjatë kësaj periudhe janë regjistruar 107 aksidente trafiku me dëme materiale, ndërsa 23 të tjera kanë përfunduar me të lënduar. Fatmirësisht, nuk raportohet për ndonjë aksident me pasoja fatale.

Përveç kësaj, në kuadër të operacioneve të rregullta, autoritetet kanë arrestuar 11 persona, ndërsa 8 prej tyre janë dërguar në mbajtje.

Policia e Kosovës vazhdon t’u bëjë thirrje qytetarëve për kujdes të shtuar në trafik dhe respektim të rregullave rrugore, me qëllim të parandalimit të aksidenteve dhe ruajtjes së jetës së pjesëmarrësve në komunikacion.

Continue Reading

Të kërkuara