Lajmet

Shërbyesit civilë kundërshtojnë shkarkimin e Këshillit të Pavarur Mbikëqyrës

Published

4 years ago

June 23, 2021

Betim Gashi

Sindikata e Shërbimit Civil dhe ajo e Administratës Publike kanë kundërshtuar iniciativën e Komisionit Parlamentar për Administratë Publike për shkarkimin e Këshillit të Pavarur Mbikëqyrës të Shërbimit Civil të Kosovës.

Madje për këtë thonë se janë të gatshëm që t’iu drejtohen instancave më të larta të drejtësisë ndërkombëtare. Në Ditën ndërkombëtare të Shërbyesve Civil ata kanë kërkuar me urgjencë procedimin e Ligjit të Pagave.

Kryetari i Sindikatës së Shërbimit Civil të Kosovës, Mursel Zymeri, ka shprehur shqetësimin për iniciativën për shkarkimin e Këshillit të Pavarur Mbikëqyrës të Shërbimit Civil të Kosovës, duke i bërë thirrje presidentes Vjosa Osmani që të mos lejojë veprime të tilla.

“Nuk pajtohemi në asnjë mënyrë dhe kjo çështje nëse vazhdon nga ana e këtij komisioni dhe nga ana e Parlamentit të Kosovës nëse aprovohet, ne do të kërkojmë nga instancat më të larta të mundshme, qoftë edhe nga jashtë vendit që ky veprim të mos merret nga ana e Kuvendit të Kosovës. I bëj ftesë kryetarit të Kuvendit të Kosovës ose presidentes së vendit, zonja Vjosa Osmani, si gardiane e Kushtetutës që të vepron me urgjencë dhe të mos lejoj veprime të tilla ose të mos lejojë ndërhyrjen në sistemin e drejtësisë”, ka thënë ai.

Zymeri ka shtuar se e vetmja mbështetje në mbrojtjen e të drejtave të shërbyesve civil ka qenë Këshilli i Pavarur Mbikëqyrës. Ai ka theksuar se viti 2021 është hera e parë që qeveria nuk e ndërmerr asnjë veprim për ta shënuar këtë ditë.

“Pas kësaj konference do t’i drejtohem kryetarit të Kuvendit të Kosovës me kërkesën për takim dhe kërkesën ultimative për heqjen nga rendi i ditës i kësaj pike, që ju duket se gjithçka është në rregull vetëm kjo mbetur pa u shqyrtuar dhe trajtuar. Çështja e bordeve që po përflitet, është çështje tjetër që neve nuk na takon. Por, Këshilli i Pavarur Mbikëqyrës është interes, cenim i drejtpërdrejtë i të drejtave tona. Dhe kjo në një mënyrë apo tjetër është një selam që qeveria ia bën shërbyesve civil. Që bëjë çka dua dhe nuk keni çfarë të bëni”, tha ai.

Kryetari i Sindikatës së Administratës Publike, Ali Gashi ka përmendur kërkesat e shërbyesve civilë, duke theksuar se është me urgjencë procedimi i Ligjit të Pagave.

“Ne si dy sindikata kemi vlerësuar si nevojë të domosdoshme dhe si kërkesë imediate, emergjente është hartimi dhe procedimi i Ligjit të Pagave nga ana e qeverive, e me theks të veçantë në këtë ditë i kërkojmë qeverisë që me urgjencë të procedojë ligjin në Parlament, pasi është absurditet të luhet me shërbyesit civilë. Kërkesa urgjente e të dy sindikatave është që ky ligj të procedohet sa më parë”, tha ai.

Ai ka paralajmëruar se në rast se kërkesat e tyre hasin në vesh të shurdhër, atëherë do të ndërmarrin masa sindikale.

“Larg duart nga shërbimi civil, sepse do të ballafaqoheni me fuqinë e sindikatave, do të ballafaqoheni me fuqinë tonë dhe besoni që nuk është fuqi e vogël. Mos na vëni në pozicione të padëshirueshme, por në qoftë se na vëni ne do të reagojmë”, ka deklaruar ai.

Për këtë ka bërë të ditur se kanë pasur takime, e kanë dërguar edhe kërkesë te kryeministri, por që nuk kanë marrë përgjigje.

Të dy sindikatat kanë kërkuar edhe tri paga shtesë në rastin e pensionimit të shërbyesve civilë, njohjen e përvojës së punës gjatë viteve të ’90-a, aplikimin e sigurimit shëndetësor dhe nënshkrimin e kontratave kolektive e sektoriale.

Up Next

Kështu do të zgjedhet Kryetari i PDK-së

Don't Miss

Vaksinimi masiv mund ta ndalë një valë të re të infektimeve

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.