Aktualitet

​Shërbimi ushtarak i detyrueshëm nuk është në plan për dy vitet e para të Qeverisë Kurti

Published

on

Ministri i Mbrojtjes, Armend Mehaj ka thënë se kanë nevojë për mbështetje sa i përket rritjes së buxhetit për FSK-në dhe lirim nga doganat. Ai ka raportuar para Komisionit për Çështje të Sigurisë dhe Mbrojtjes, ku tha se ndër prioritet e tij është fuqizimi i mbikëqyrjes demokratike civile në FSK që sipas tij është e dobësuar. Në raportimin e tij të parë para deputetëve, Mehaj është përgjigjur edhe rreth mundësisë për shërbimin e obligueshëm ushtarak, për çka ka thënë se një plan i tillë nuk pritet të bëhet në dy vitet e para të qeverisjes.

Ministri i Mbrojtjes, Armend Mehaj ka folur për objektivat e ministrisë të cilën e drejton që prej 23 marsit të këtij viti ku ka theksuar që synojnë forcimin ushtarak, rritjen e transparencës, zgjerimin e bashkëpunimit bilateral anëtarësimin në organizata e pjesëmarrje në operacione ndërkombëtare.

“Mbikëqyrja demokratike civile në FSK është pak e dobësuar në substancë, aty lypet edhe ndryshime, do të flas më vonë në raport. Tash qysh do të punojmë tutje, përmes pikave, fuqizimi i mbikëqyrjes demokratike civile dhe përmes llogaridhënies dhe transparencës, përmes amendamentimit të kornizës ligjore në fushën e mbrojtjes, rritja e kontrollit të brendshëm, mundësi të barabarta, menaxhimi i aseteve dhe burimeve njerëzore, shfrytëzimi racional i parasë publike, këtu kemi pak punë brenda sistemit”, tha Meha.

Para deputetëve të Kuvendit të Kosovës, Mehaj ka thënë se u nevojitet mbështetje sa i përket rritjes së buxhetit për FSK-në.

“Kemi nevojë për mbështetje për të rritur buxhetin, kemi përmend edhe përmes qeverisë, tjetra pikë që kam lyp mbështetje është të lirohemi nga doganat dhe shlyerjen e borxhit të doganave, e kemi një borxh të caktuar në dogana, por edhe çdo mall që na vjen përmes Ministrisë së Mbrojtjes ne paguajmë doganë, rimbursimi na shkon 12 deri 14 muaj. Sa i përket forcimit ushtarak, ne do të punojmë në drejtimin e vazhdimit të planit për forcimin e regjimenteve si t’i kryejnë detyrat në mbrojtje të territorit të Kosovës, në atë kuptimin të forcohemi ushtarakisht përmes armatimit sa i përket këtyre detyrave për mbrojtjen e territorit të Kosovës”, ka thënë Meha.

Ministrin Mehaj, i cili ka shërbyer në ushtrinë e Norvegjisë, e kanë pyetur edhe sa është e qëlluar që ai tani të ushtrojë kontroll civil, meqë është ish-ushtarak.

“Folët shumë për kontrollin civil të ushtrisë, unë kam parë se tre ministrat e Mbrojtjes të fundit të Norvegjisë, nuk kam parë asnjë ushtarak me profesion që ka qenë, jeni ushtarak me profesion, ushtarak i rangut të mesëm, çfarë mendoni sa është e qëlluar dhe sa është realisht reale që të ushtroni kontroll civil si ish-ushtarak”, ka thënë deputeti i PDK-së, Elmi Reçica.

Ministri i Mbrojtjes shkurt ka treguar se ka shërbyer edhe civil në Norvegji, derisa tutje është përgjigjur rreth idesë për shkollimin e detyrueshëm ushtarak, gjë e cila synohej nga Qeveria Kurti 1.

Mehaj ka thënë se plani për shërbimin ushtarak të obligueshëm nuk pritet të bëhet në dy vitet e para, veçse vazhdon të mbetet plan për të ardhmen.

“Sa i përket profesionit, kam qenë edhe ushtarak edhe civil në Norvegji, kështu që puna duhet të dëshmojë të vetën. Besoj që një plan do të kemi në të ardhmen por së pari merr kohë, siç e dini duhen shumë dikastere të involvuara për të hartuar një plan sa i përket detyrimit ushtarak, sa buxhet duhet për detyrim ushtarak, këtu duhet me të vërtetë edhe më shumë kohë, sepse së pari duhet një plan gjithëpërfshirës, tani duhet kazerma ushtarake, vende për me t’i kryer këto detyra sa i përket obligimit ushtarak, kështu në të ardhmen do ju përgjigjem, por nuk besoj që në këtë vitin e parë e të dytin është e mundur të realizojmë këtë projekt, por në plan qeverisës është”, ka thënë ai.

Ministri i Mbrojtjes është përgjigjur edhe rreth pjesëmarrjes së FSK-së në misione paqeruajtëse jashtë vendit, për çka ka thënë se presin që së shpejti të jenë pjesëmarrës edhe në operacione të tjera përveç në Kuvajt ku po qëndrojnë aktualisht.

Mehaj ka folur edhe për vizitën e tij të parë zyrtare në Kroaci ku ka treguar se kanë diskutuar për blerje ushtarake. Ai gjithashtu ka bërë të ditur se synojnë që të nënshkruajnë një marrëveshje brenda muajit maj për shkëmbim informacionesh dhe përvojash me Kroacinë.

Aktualisht Forca e Sigurisë së Kosovës ka 2 mijë e 700 pjesëtarë aktivë derisa është në proces të rekrutimit edhe të 400 pjesëtarëve të rinj.

Bota

Shefi i NATO-s, Rutte paraqet planin e rritjes së shpenzimeve për mbrojtjen

Published

on

By

Shefi i NATO-s, Mark Rutte, u ka propozuar anëtarëve të aleancës të rrisin shpenzimet e mbrojtjes në 3.5% të PBB-së dhe të shpenzojnë 1.5% të tjera për artikuj të tjerë që lidhen me mbrojtjen, për të përmbushur kërkesën e Donald Trump për një objektiv prej 5%, thanë për Reuters njerëz të njohur me idenë.

Propozimi i Rutte mund t’i lejojë presidentit amerikan të shpallë një fitore në një samit të NATO-s në Hagë në qershor, ndërkohë që nuk i angazhon vendet evropiane dhe Kanadanë për një premtim prej 5% për shpenzimet thelbësore të mbrojtjes, të cilin shumë e shohin si të paqëndrueshëm politikisht dhe ekonomikisht.

Continue Reading

Bota

Kina shqyrton ofertat e SHBA, Ministria e Tregtisë: Pekini i hapur për bisedime

Published

on

By

Pekini po shqyrton qasjet e ndryshme të administratës Trump për tejkalimin e kontesteve tregtare, ka bërë të ditur të enjten Ministria kineze e Tregtisë.

Megjithatë, në një deklaratë për shtyp, ministria ka theksuar se tarifat e njëanshme prej 145 për qind mbeten një pengesë që minon mirëbesimin.

Deklarata përsërit qëndrimin e Kinës se është e hapur për bisedime, por edhe vendosmërinë e saj për të luftuar nëse është e nevojshme.

Tarifat ishin një lëvizje e njëanshme e Shteteve të Bashkuara dhe nëse Shtetet e Bashkuara duan të flasin, atëherë duhet ta bëjnë këtë me sinqeritet dhe të jenë të gatshme të korrigjojnë praktikat e tyre të gabuara”, thuhet në deklaratë.

Sipas dokumentit, qeveria në Pekin ka marrë në konsideratë deklarata të bëra nga zyrtarë të ndryshëm amerikanë që tregonin vullnetin për të negociuar mbi tarifat.

Por Kina nuk do t’i shqyrtojë ato më tej nëse vetë presidenti Trump nuk del me një qasje të sinqertë.

Të thuash diçka por të bësh diçka tjetër, ose të kryesh shantazhe nën petkun e bisedimeve nuk do të funksionojë me Kinën”, thotë më tej deklarata.

Pekini i është përgjigjur tarifave të Trump me masa reciproke deri në 125 për qind. Gjithashtu, vendi aziatik ka ashpërsuar kufizimet e eksporteve në Shtetet e Bashkuara të mineraleve me rëndësi strategjike dhe ka ndalur importin e një seri produktesh amerikane.

Continue Reading

Bota

Një tërmet me magnitudë 7.4 ballë godet jugun e Argjentinës

Published

on

By

Një tërmet me magnitudë 7.4 është regjistruar rreth 219 kilometra në jug të Argjentinës.

Vlerësimi fillestar i Shërbimit Gjeologjik të SHBA-së (USGS) tha se tërmeti ndodhi në orën 09:58 me kohën lokale në një thellësi prej 10 kilometrash.

Deri më tani nuk ka patur raportime për viktima dhe as nuk është lëshuar ndonjë paralajmërim për cunami.

Continue Reading

Bota

Rubio: SHBA-të vazhdojnë përpjekjet për të zgjidhur konfliktin në Ukrainë

Published

on

By

Shtetet e Bashkuara nuk heqin dorë nga çështja e zgjidhjes së konfliktit në Ukrainë, por e kuptojnë se ka shumë probleme më të rëndësishme në të gjithë globin, tha Këshilltari i Sigurisë Kombëtare dhe Sekretari i Shtetit Marco Rubio.

Ne nuk do të heqim dorë prej kësaj. Por vjen një moment kur Presidenti i SHBA-së Donald Trump duhet të vendosë se sa më shumë kohë duhet t’i kushtojë niveleve më të larta të qeverisë sonë. Çështje edhe më të rëndësishme që po ndodhin në të gjithë botën, jo se një luftë në Ukrainë nuk është e rëndësishme, por do të thoja se ajo që po ndodh me Kinën është më e rëndësishme në planin afatgjatë,” tha Rubio.

Uashingtoni i kupton qëndrimet e Moskës dhe Kievit. Ata janë më afër, por janë ende larg njëri-tjetrit. Dhe do të duhet një përparim i vërtetë këtu shumë shpejt për ta bërë të mundur këtë, ose mendoj se Presidenti do të duhet të marrë një vendim se sa më shumë kohë do t’i kushtojmë kësaj”, shtoi Sekretari i Shtetit amerikan.

Continue Reading

Të kërkuara