Lajmet

​Rritet numri i regjistrimeve të automjeteve të reja për 35.2% në Bullgari dhe bie në BE

Tregu i Bullgarisë është relativisht i vogël me gjithsej 2,690 makina të reja të regjistruara në maj të vitit 2022.

Published

3 years ago

on

Në maj të vitit 2022, numri i regjistrimeve të makinave të pasagjerëve në Bashkimin Evropian ka rënë për 11.2%, apo në 791,546 makina të regjistruara, duke shënuar muajin e dhjetë radhazi të rënies. Ndërkohë, Bullgaria është lider në BE përsa i përket regjistrimeve të makinave të reja me një rritje prej 35.2% të raportuar në muajin maj, raportoi kështu të enjten Shoqata Evropiane e Prodhuesve të Automobilave (ACEA).

Tregu i Bullgarisë është relativisht i vogël me gjithsej 2,690 makina të reja të regjistruara në maj të vitit 2022, krahasuar me 1,989 makina të regjistruara në të njëjtin muaj të vitit të kaluar.

Të katër tregjet kryesore të BE-së shënuan humbje dyshifrore. Italia pa rënien më të madhe (-15.1%), e ndjekur nga Spanja (-10.9%), Gjermania (-10.2%) dhe Franca (-10.1%).

Nga janari deri në maj të vitit 2022, numri i regjistrimeve totale të makinave të reja të pasagjerëve në BE ishte 13,7% më i ulët krahasuar me të njëjtën periudhë të vitit të kaluar. Në pesë muajt a parë të vitit 2022, shitjet e makinave të reja janë tërhequr në shumicën e tregjeve në rajon, duke përfshirë katër ato kryesore: Italinë (-24,3%), Francën (-16,9%), Spanjën (-11,5%) dhe Gjermaninë (-9,3%).

Numri i makinave të regjistruara në Bullgari prej janarit deri në maj të vitit 2022 është 11.721, krahasuar me 9.973 makina të regjistruara në periudhën e njëjtë të vitit 2021, duke rezultuar në një rritje prej 17,5%, thuhet në raportin e ACEA.

Shoqata bashkon 16 prodhuesit kryesorë të makinave, kamionëve, furgonëve dhe autobusëve në Evropë./BTA/

Related Topics:
Continue Reading

Lajmet

Osmani në Sofje, takoi presidentin bullgar dhe mbretin e Jordanisë

Published

7 hours ago

on

April 4, 2025

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

7 hours ago

on

April 4, 2025

By

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

8 hours ago

on

April 4, 2025

By

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

8 hours ago

on

April 4, 2025

By

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara