Sport

​Reja: Dua katër pikë në dy ndeshjet e radhës, Xhaka e ka refuzuar ftesën dhe nuk e thërras më

Shqipëria është e dyta në grupin I me 12 pikë.

Published

4 years ago

on

Trajneri i Kombëtares së Shqipërisë, Edi Reja ka folur para mediave në prag të dy ndeshjeve të radhës në kuadër të kualifikimeve për në Kampionatin Botëror “Katar 2022” kundër Hungarisë në udhëtim dhe Polonisë si vendas.

Që në hyrje të konferencës Reja bëri të ditur mungesën e dyshes Laçi dhe Abrashi për të cilët tha se janë dy lojtarë shumë të rëndësishme por që ka në skuadër emra që mund të bëjnë mirë dhe forma fizike e skuadrës është shumë e mirë.

“Janë dy mungesa të rëndësishme Laçi dhe Abrashi. Janë dy lojtar që kanë cilësi, kanë dhe dinamizëm, lojtarë që kanë goxha peshë në lojën e skuadrës sonë, por kemi një grup të madh lojtarësh tashmë, duhet t’i modifikojmë përpara këtyre ndeshjeve që janë të rëndësishme. Dua të theksojë që për mua ka rëndësi që të jemi mirë fizikisht, pra kondicioni i duhur fizik është pjesa kryesore para këtyre dy sfidave”, tha fillimisht Reja.

Më tutje trajneri italian ka bërë thirrje që për një angazhim maksimal në këto dy ndeshje pasi, sipas tij, në të kundërtën skuadra do të largohej nga objektivi për të qenë pjese e play-offi-t të Botërorit.

“Do të luajmë më Hungarinë dhe me Poloninë, dy ndeshje shumë të forta për të cilat është e tepër të flasim tashmë, por për mua është e rëndësishme që ekipi ynë po rritet ndeshje pas ndeshje, jemi skuadër kompetitive. Duhet të kemi parasysh që një humbje do të na largonte nga ëndrra që kemi , pra për të shpresuar deri në fund për të arritur ne play-off-in e botërorit. Sigurisht është e detyrueshme që të marrim dy rezultate pozitive në dy ndeshjet e ardhshme”, theksoi Reja.

Fitoren ndaj Polonisë Reja e sheh si të obligueshme për kombëtaren kuq e zi derisa ka thënë se do të ishte ideale që nga këto dy sfida të merren katër pikë.

“Me Poloninë duhet medoemos të fitojmë, është rivali ynë direkt në grup kështu që nuk kemi asnjë alternativë tjetër. Megjithatë nuk më pëlqen të bëjë llogari të tilla para ndeshjeve. Dua që t’i marrim ndeshjet njëra pas tjetrës. Tani kemi Hungarinë, një sfidë shumë deçizive dhe më pas Poloninë. Në rastin më të keq duhet të paktën të marrim tri pikë në ndeshjen me Poloninë për të ruajtur pozicionin që kemi dhe për të shpresuar në fund pasi një humbje do të na komprometonte shumë ndaj Hungarisë Ideale për mua do të ishte katër pikë në këto dy ndeshje”, deklaroi Reja.

Në fund Reja ka bërë të ditur i ka bërë ftesë mesfushorit Taulant Xhaka për këto ndeshje, por që ai e ka refuzuar pa dhënë ndonjë arsye dhe tashmë ka vendosur që të mos i bëhen ftesa të tjera lojtarit.

“Më vjen keq për Xhakën, për cilësitë që ka do të na jepte një dorë shumë të mirë por mund të them që ai e ka refuzuar ftesën. Unë e kam ftuar disa herë çoftë edhe vitin e kaluar por ka disa probleme fizike. E kam ftuar edhe së fundmi por ai nuk është përgjigjur pozitivisht kështu që është e kotë që unë të vazhdoj të shpresoj dhe t’i dërgojë ftesa për faktin se nuk po vjen. Nëse nuk do, ka vendosur të fokusohet te klubi, është vendimi i tij, nuk na e ka thënë”, bëri të ditur Reja.

Shqipëria është e dyta në grupin I me 12 pikë, katër më pak se Anglia në vendin e parë dhe dy më shumë se Polonia në vendin e tretë.

Related Topics:
Continue Reading

Sport

Rodrygo do të luajë rol kyç në përpjekjet e Barcelonës për transferimin e Luis Diaz

Published

8 hours ago

on

July 15, 2025

By

Barcelona vijon përpjekjet për të transferuar Luis Diaz nga Liverpool, ndërsa marrëveshja varet nga Rodrygo 

Barcelona nuk e ka hequr dorë nga ideja për të forcuar sulmin e tyre dhe ka shprehur interes të vazhdueshëm për anësorin e Liverpoolit, Luis Diaz, ku sipas raportimeve të Mundo Deportivo, një element kyç për realizimin e këtij transferimi gjatë merkatos së verës do të jetë një lëvizje e mundshme nga ana e Liverpool për të transferuar Rodrygon e Real Madrid. 

Liverpool prej kohësh kanë shfaqur interes për sulmuesin brazilian të ‘Los Blancos’ dhe planifikojnë që ta nisin këtë lëvizje në verën e ardhshme.  

Në rast se klubi anglez arrin të transferojë Rodrygon, ata do të jenë të gatshëm të shesin Luis Diazin, çka do t’i hapte rrugë Barcelonës për të marrë lojtarin kolumbian. 

Luis Diaz është shprehur publikisht se dëshiron të bashkohet me Barcelonën, duke e parë klubin katalanas si vendin ideal për të zhvilluar më tej karrierën dhe për të pasuruar sulmin e tyre. 

 Gjatë sezonit 2024/2025, Diaz luajti në 50 ndeshje në të gjitha kompeticionet për Liverpoolin dhe shënoi 17 gola, duke treguar edhe një herë vlerën e tij si lojtar i rëndësishëm në skuadër./Telegrafi

Continue Reading

Sport

32 sportistë përfaqësojnë Kosovën në Festivalin Olimpik EYOF Shkupi 2025

Published

8 hours ago

on

July 15, 2025

By

Ekipi olimpik i të rinjve të Kosovës do të përfaqësohet në Festivalin Olimpik Evropian për të Rinj (EYOF) Shkupi 2025, ku pjesëmarrës janë sportistë të moshës 14-18 vjeç.

Festivali është gara më e rëndësishme e vitit për të rinj në kontinentin e Evropës që nis më 20 korrik dhe mbahet deri më 26 të të njëjtit muaj. Krahas qytetit të Shkupit, garat mbahen edhe në Kumanovë të Maqedonisë së Veriut, ndërsa sporti i gjimnastikës zhvillohet në Osijek të Kroacisë.

Listën e përbëjnë 32 sportistë (18 vajza dhe 14 djem) të 9 sporteve të ndryshme: atletikë, çiklizëm, gjimnastikë, xhudo, taekwondo, badminton, not, pingpong dhe shenjëtari.

Për ekipin e Kosovës është pjesëmarrja e pestë në EYOF veror, ku deri më tani numërojnë vetëm një medalje të fituar nga atleti Muhamet Ramadani në EYOF Baku 2015./KosovaPress

Continue Reading

Sport

Drita sot luan ndeshjen vendimtare në Ligën e Kampionëve

Published

9 hours ago

on

July 15, 2025

By

Kampioni i Kosovës, Drita, zhvillon sonte ndeshjen e kthimit të raundit të parë në Ligën e Kampionëve, përballë Differdange 03 në Luksemburg.

Ndeshja luhet në stadiumin “Stade Municipal de la Ville de Differdange”, me fillim nga ora 20:00. Drita vjen në këtë sfidë pas fitores minimale 1-0 në takimin e parë të zhvilluar në Prishtinë.

Arb Manaj ishte heroi i ndeshjes së parë, duke shënuar golin e vetëm dhe duke i dhënë epërsinë ekipit gjilanas për sfidën e kthimit.

Skuadra e Zekirija Ramadanit dominoi takimin e parë dhe tregoi lojë më të mirë, duke dëshmuar se e meritonte fitoren. Tani, synimi është i qartë, kalimi për herë të parë në raundin e dytë të këtij kompeticioni prestigjioz.

Një lajm i mirë për Dritën është rikthimi i kapitenit Rron Broja, i cili ishte i suspenduar në ndeshjen e parë dhe tashmë është i gatshëm të ndihmojë skuadrën.

Kualifikimi do të ishte një arritje historike për Dritën dhe për futbollin kosovar, ndërsa gjithë vëmendja është e përqendruar te ky 90-minutësh vendimtar në Luksemburg. /Telegrafi/

Continue Reading

Sport

​Drita kërkon sonte kalimin në raundin e dytë të Ligës së Kampionëve

Published

9 hours ago

on

July 15, 2025

By

Skuadra kosovare Drita ka udhëtuar për në Luksemburg për t’u përballur me FC Differdange 03 në Stade Municipal de la Ville sonte në ndeshjen e dytë të raundit të parë kualifikues të Ligës së Kampionëve të UEFA-s.

Drita siguroi një fitore 1-0 në ndeshjen e parë falë një goli të vonë nga Arb Manaj në minutën e 73-të, dhe tani synon ta mbrojë atë avantazh të ngushtë ndërsa kërkon të arrijë në raundin e dytë kualifikues për herë të parë, raporton KosovaPress.

Ndeshja e parë në Kosovë u dominua nga Drita, pasi Differdange ofroi pak në sulm dhe do të duhet të tregojë më shumë qëllim sulmues në shtëpi nëse dëshiron ta kthejë rezultatin.

Ky sezon shënon një paraqitje historike të parë për Differdange në kualifikueset e Ligës së Kampionëve, megjithëse klubi ishte në Ligën e Konferencës sezonin e kaluar, por nuk arriti të kalojë raundin e dytë kualifikues.

Performanca e tyre më e shquar në garat evropiane erdhi në vitin 2007, kur ata u paraqitën në fazën e grupeve të Kupës Intertoto, e cila tashmë nuk ekziston më – e vetmja herë që kanë luajtur përtej raundeve të hershme kualifikuese të një turneu UEFA.

Forma në shtëpi në Evropë ka qenë një problem për skuadrën e Luksemburgut, pasi ka fituar vetëm një nga shtatë ndeshjet e fundit në shtëpi në garat evropiane – megjithëse kjo fitore e vetme erdhi në ndeshjen e tyre më të fundit në shtëpi, një fitore 1-0 ndaj Ordabasy.

Ndërkohë, Drita po bën paraqitjen e saj të tretë në kualifikueset e Ligës së Kampionëve, por nuk ka kaluar kurrë raundin e parë.

Ata kanë njëfarë përvoje kundër skuadrave të Luksemburgut, pasi janë përballur me F91 Dudelange në raundin e dytë kualifikues të Europa League 2018-19, duke humbur ngushtësisht 3-2 në total.

Megjithatë, Intelektualët kanë arritur gjithashtu vetëm një fitore nga shtatë ndeshjet e tyre të fundit në kualifikueset e Evropës në përgjithësi, ajo është një fitore 2-1 ndaj skuadrës islandeze Breidablik në Ligën e Konferencës 2024-25.

Kampionët e Kosovës do të marrin vetëbesim jo vetëm nga fitorja e tyre në ndeshjen e parë, por do të duhet të jenë më të vendosur në sulm nëse duan ta kalojnë raundin.

Continue Reading

Të kërkuara