Lajmet

​Raportet ndëretnike janë stabile edhe pas zhvillimeve të fundit në veri

Kështu u tha sot nga organizata joqeveritare ‘Qendra Avokuese për Kulturë Demokratike’ (ACDC).

Published

3 years ago

on

Përkundër të gjitha problemeve të cilat i kemi pasur në Mitrovicë, raportet ndëretnike midis qytetarëve nuk janë përkeqësuar.

Kështu u tha sot në veri të Mitrovicës, gjatë konferencës me temën ‘Bashkëpunimi ndëretnik në Mitrovicën Veriore’, të organizuar nga organizata joqeveritare ‘Qendra Avokuese për Kulturë Demokratike’ (ACDC).

Panelistët kanë prezantuar situatën nga perspektiva e komunitetit të tyre, si dhe nivelin e bashkëpunimit ndërmjet pjesëtarëve të komuniteteve të ndryshme në këtë komunë.

Aleksandar Rapajiç, drejtor i programit në kuadër të ACDC-së, duke prezantuar rezultatet e projektit dhe iniciativat e realizuara në tre vendbanimet multietnike në veri të Mitrovicës, ‘Lagjen e boshnjakëve’, ‘Kodrën e Minatorëve’ dhe ‘Kroin e Vitakut’, tha se përkundër sfidave dhe problemeve që kanë ndodhur gjatë një viti në veri të Mitrovicës, nuk është lejuar që një situatë e tillë të pengojë në realizimin e këtij projekti.

Sipas tij, zhvillimet e fundit në atë pjesë, nuk kanë ndikuar në përkeqësimin e raporteve ndëretnike midis fqinjëve dhe qytetarëve në përgjithësi.

‘Përkundër faktit se këtë projekt e kemi zhvilluar në një vit ta quaj kërkues, ku ka ndodhur çdo gjë dhe gjithçka, mendoj se suksesi më i madh i projektit është se kemi arritur të mos lejojmë që një situatë e tillë të na pengojë, përkundër të gjitha problemeve që kemi pasur… Me kënaqësi mund të them se përkundër të gjitha problemeve të cilat i kemi pasur në Mitrovicë, raportet midis qytetarëve nuk janë prishur, nuk po flas për politikë dhe politikanë, mirëpo në mes të fqinjëve dhe qytetarëve nuk ka ardhur deri tek përkeqësimi i situatës’, ka thënë Rapajiç.

Skender Sadiku, zëvendës kryesues për komunitete në Kuvendin Komunal të Mitrovicës Veriore, ka përmendur poashtu se ky projekt, sikurse edhe shumë projekte tjera, edhe pse janë realizuar në kohën e tensioneve, kanë dhënë efektin e tyre pozitiv tek komunitetet e ndryshme.

‘Jo gjithkush prej neve mund të bëjë gjëra të mëdha, mirëpo ne bëjmë gjëra të vogla me dashuri të madhe… Shpesh mund të them se një cent i dhënë në këto aktivitete, vlen më shumë sesa miliona që mund të ipen më vonë. Janë gjetur edhe në kohën më të duhur, sepse projektet kanë shkuar kur ka qenë piku i tensioneve, dhe këtë mund ta kuptoni jo vetëm tek shoqëria ime, por edhe tek mediat e mëdha, të cilat lajmet i kanë nisur veç me gjëra të këqija, ndërsa unë ju kam thënë janë barrikadat, tensionet, dorëheqjet, shok-bombat, por ju nuk jeni duke vërejtur se paralelisht është duke u punuar në kulturë, sport, dhe është duke u punuar që të gjitha komunitetet të kalojnë’, theksoi Sadiku.

Edhe Hazir Krasniq, përfaqësues i komunitetit rom në Komitetin për komunitete në Mitrovicën e Veriut, ka pohuar se situata ndëretnike është e mirë, përkundër zhvillimeve të fundit që kanë ndodhur në atë pjesë.

“Është më e mirë, pak më e mirë (situate ndëretnike)…Problem ii vetëm është papunësia e madhe tek ne, asgjë tjetër”, u shpreh ai.

Ndryshe, në këtë konferencë u fol edhe për vërshimet e fundit, ndikimin e situatës politike në jetën e përditshme, si dhe nivelin e gatishmërisë për të bërë progres së bashku.

Related Topics:
Continue Reading

Aktualitet

Trajnime praktike dhe certifikime ndërkombëtare në UBT, nga shtatori deri në nëntor

Published

10 hours ago

on

August 26, 2025

By

UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.

Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.

Trajnimet e planifikuara:

  • PRINCE2 – 24 orë
  • ITIL Foundation – 24 orë
  • Analiza e të Dhënave me SPSS – 24 orë
  • MS Project – 18 orë
  • Hyrje në Programim – 30 orë
  • MS Excel i Avancuar – 24 orë
  • Marketingu Digjital – 24 orë
  • Shitja & Kujdesi ndaj Klientëve – 2 muaj
  • Instalues Elektrik – 3 muaj
  • Zhvillues i Aplikacioneve me AI – 2 vite

Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.

Aplikimet kryhen online: APLIKO TANI!

Continue Reading

Aktualitet

Edhe pak vende të lira në programin Inxhinieri e Mekatronikës në UBT

Published

12 hours ago

on

August 26, 2025

By

UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.

Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.

Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.

Aplikimet janë ende të hapura dhe mund të bëhen online në linkun: APLIKO TANI ONLINE!

Continue Reading

Aktualitet

Gjendet pa shenja jete një person në një banesë pranë burgut në Mitrovicën e Veriut

Published

12 hours ago

on

August 26, 2025

By

Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.

Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.

“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani

Continue Reading

Aktualitet

Kurti takon Komisionerin e Lartë të OSBE-së për Pakicat Kombëtare

Published

13 hours ago

on

August 26, 2025

By

Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.

Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.

Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.

Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Continue Reading

Të kërkuara