Lajmet

​Rama: Porti tregtar i Durrësit, nyje strategjike me Perëndimin

Rama tha se “ky është një port që e çon bashkëpunim rajonal në një nivel tjetër”.

Published

on

Kryeministri i Shqipërisë, Edi Rama deklaroi sot se ambicia e tyre është që porti i ri tregtar i Durrësit të bëhet nyja më e rëndësishme strategjike e gjithë qarkullimit tregtar me Perëndimin dhe me gjithçka tjetër përtej anës perëndimore dhe Ballkanit Perëndimor.

Gjatë prezantimit të projektit për ndërtimin e portit të ri tregtar të Durrësit në Porto Romano nga studio prestigjioze holandeze “Royal Haskoning DHV”, Rama tha se “ky është një port që e çon bashkëpunim rajonal në një nivel tjetër”.

“Prandaj e kemi nisur këtë proces paralelisht në radhë të parë me Kosovën, ashtu siç kemi nisur punën me hekurudhën kemi mbështetur studimin e fizibilitetit për Portin e Thatë të Prishtinës dhe kemi bindur BE-në për të financuar Korridorin e 8-të”, tha Rama.

Rama theksoi se “Durrësi ka qenë prej shumë shekujsh i konsideruar si taverna e Adriatikut dhe ka pasur një përmasë të rëndësishme falë rrugës Egnatia që, e ktheu Durrësin në limanin më të rëndësishëm në Mesdhe”.

“Thënia e vjetër që nga Perandoria Romake se ‘të gjitha rrugët të çojnë në Romë’ falë ‘Royal Haskoning DHV’, do të bëjë që të gjitha rrugët e Ballkanit Perëndimor të çojnë në Durrës. Sot jemi në shekullin XXI dhe jemi vonë. Po të kishte nisur kjo punë 30 vite më parë, sot do ishim duke marrë frytet. Por kjo punë nis sot sepse janë pjekur kushtet që të kemi një port tregtar të denjë për shekullin e XXI”, tha ai.

Kryeministri siguroi se “Durrësi, duke filluar nga integrimi me Kosovën dhe Maqedoninë e Veriut përmes Prishtinës dhe Strugës do t’i japë këtij rajoni një fytyrë dhe kapacitet krejt tjetër”.

Zëvendëskryeministrja Belinda Balluku, njëherësh dhe ministre e Infrastrukturës dhe Energjisë bëri të ditur sot se gara ndërkombëtare për ndërtimin e portit tregtar në Porto Romano, në Durrës do të hapet në fund të muajit janar të vitit që vjen.

Balluku theksoi rëndësinë e këtij projekti jo vetëm për vendin tonë por edhe atë të rajonit, përfshirë Kosovën dhe Maqedoninë e Veriut.

Projekti për portin e ri tregtar të Durrësit në Porto Romano është bërë nga studio holandeze “Royal Haskoning DHV”, një ndër pesë kompanitë më prestigjioze të botës në fushën e projektimit të porteve, aeroporteve, infrastrukturës tokësore e nëntokësore, energjetike, minerare, industriale, si edhe zhvillimeve urbane e rurale.

“Një vepër me rëndësi kombëtare në funksion të tregut të përbashkët rajonal, projekti i Portit të ri Tregtar të Durrësit, integron hekurudhën Durrës – Prishtinë dhe Portet e thata në Kosovë e Maqedoni të Veriut”, deklaroi Balluku.

Balluku shtoi se pritshmëritë janë që të nisë zbatimi i projektit në Porto Romanos brenda vitit 2023.

“Përmes dy investimeve madhore, portin tregtar të Durrësit dhe nga ana tjetër Ballinën ujore dhe Marina Yacht e Durrësit, po ndërtojmë një kompleks portual Durrës-Porto Romano, tërësisht të modernizuar, ku të gjitha terminalet dhe infrastruktura detare janë në pronësi shtetërore dhe ku Autoriteti Portual i Durrësit do të mbikëqyrë dhe organizojë aktivitetet e koncesionarëve dhe operatorëve. Është një projekt strategjik që do të mbulojë nevojat dhe volumet e Shqipërisë, Maqedonisë së Veriut dhe Kosovës, por edhe vendeve te tjera të rajonit që do të kenë dëshirë të operojnë përmes këtij porti për 4 dekadat e ardhshme”, u shpreh zv/kryeministrja Balluku.

Sipas Ballukut, në këtë industri prej 390 milionë eurosh, ku pritet të punësohen 1500 vetë, vëmendje e posaçme i është kushtuar ndërlidhjes rrugore dhe hekurudhore me një hekurudhë të brendshme, e cila lidh terminalet dhe me 8 km hekurudhë që lidh portin e Durrësit në Porto Romano me hekurudhën qendrore, atë të Tiranë-Durrës, duke i dhënë akses, si për linjat që do të ndërtohen në veri dhe ato në juglindje.

“46 % e vlerës së këtij projekti do të mundësohet nga qeveria shqiptare dhe 54 % financim që do të sigurohet nga kompania ndërtuese. Kjo do të dalë përmes një garë ndërkombëtare. Kjo kredi do të rimbursohet nga Autoriteti Portual, pa ndikuar në buxhetin e shtetit. Në fund të janarit 2023, ne do të jemi të gatshëm për të hapur garën ndërkombëtare. Procesi sipas parashikimeve do të mbyllet në korrik 2023”, deklaroi Balluku.

Sipas saj, ky investim ka marrë vëmendjen e shumë kompanive ndërkombëtare.

Zëvendëskryeministri i parë i Maqedonisë së Veriut, Artan Grubi mori pjesë sot në prezantimin e projektit të Portit të ri Tregtar të Durrësit në Porto Romano.

Në fjalën e tij, Grubi foli për projektet e mëdha mes Shqipërisë dhe Maqedonisë së Veriut, si ndërtimi i autostradës Shkup-Qafë-Thanë, linjën hekurudhore Shkup-Kërçovë-Pogradec-Durrës dhe bashkimin e kontrolleve kufitare.

“Po ndërtojmë autostradë me 6 korsi nga Shkupi në Qafë-Thanë që do zvogëlojë distancën Shkup-Tiranë me 2.5 orë, Shkup-Vlorë në 3 orë. Për të patur qasje në port, po planifikojmë linjën hekurudhore Shkup-Kërçovë-Pogradec-Durrës. Në janar, bashkojmë dy kontrollet tona kufitare në një të vetëm me synimin për të hequr përfundimisht kufijtë mes nesh dhe shpresojmë që këtë ta bëjmë me Kosovën gjatë vitit të ardhshëm. Po ndërtojmë edhe linjë interkonjunktive energjetike midis nesh me dy projekte stacionin në Ohër dhe linjën e tensionit të lartë Manastir-Elbasan”, tha Grubi.

Zv.kryeministri maqedonas nënvizoi se risia e këtyre projekteve është ndërtimi i portit të thatë në qytetin e Strugës.

“Një risi që bashkë me Kryeministri Ramë e diskutuam në mbledhjen e përbashkët të dy qeverive ishte ndërtimi i një porti të thatë në qytetin e Strugës. Një dimension i ri dhe kreativ komunikimi që padyshim do të kontribuojë në shkëmbimin tregtar mes dy vendeve dhe është pjesë e pandarë e ndërtimit të Porti të Ri të Durrësit. Erdhi dita që këtë ide ta formatizojmë sot edhe me firmosjen e marrëveshjes për realizimin e saj. Qofshin të shumta projektet e përbashkëta me vendet tona”, tha ai.

Para të pranishmëve ka folur edhe ministri i Infrastrukturës në Qeverinë e Kosovës, Liburn Aliu.

Lajmet

Kurti pret në takim ambasadorin suedez, flasin për aktualitetin politik në vend

Published

on

By

Kryeministri në detyrë Albin Kurti, takoi Ambasadorin e Suedisë në Kosovë, Jonas Westerlund.

Ata diskutuan për mënyrat e thellimit dhe fuqizimit të mëtejmë të marrëdhënieve bilaterale dhe zgjerimit të bashkëpunimit. Mbi këtë të fundit në fokus të diskutimit ishte ai me Odën Ekonomike Nordike dhe tërheqjen e investimeve suedeze në Kosovë. Kryeministri Kurti theksoi mundësitë, ofertën dhe potencialin që ofron vendi ynë për investitorë të huaj.

Gjithashtu diskutuan mbi aktualitetin politik në vend, gjersa kryeministri ka filluar konsultimet politike me partitë e komuniteteve joshumicë për formimin e institucioneve të legjislaturës së 9-të, pas certifikimit të rezultatit të zgjedhjeve të 9 shkurtit.

Kryeministri Kurti e falënderoi ambasadorin Westerlund për mbështetjen e vazhdueshme të Suedisë ndaj Kosovës dhe marrëdhëniet e shkëlqyeshme ndërmjet dy vendeve tona.

Continue Reading

Lajmet

Nën hetim në dosjen e Erion Veliajt, biznesmeni Elman Abule paraqitet në GJKKO

Published

on

Biznesmeni Elman Abule është paraqitur ditën e sotme në Gjykatën e Posaçme të Shkallës së Parë për Krime të Rënda (GJKKO) në kuadër të hetimeve për dosjen ku është i përfshirë edhe kryetari i Bashkisë së Tiranës, Erion Veliaj. Ky hetim ka të bëjë me dyshimet për korrupsion dhe abuzime me fondet publike.

Elman Abule, i cili është një emër i njohur në fushën e biznesit, dyshohet të ketë pasur lidhje të ngushta me proceset e kontratave publike dhe me veprimtarinë e administratës së Bashkisë së Tiranës, e cila drejtohet nga Veliaj. Sipas hetimeve, Abule dyshohet se ka pasur përfitime të pajustifikuara përmes lidhjeve të tij me zyrtarë të lartë të administratës.

Në këtë seancë të GJKKO, Abule ka dhënë dëshminë e tij për të ndihmuar në zbardhjen e hetimit lidhur me këto akuza. Ky hetim është një nga ato që ka tërhequr vëmendjen e opinionit publik për shkak të rolit të lartë të të akuzuarve, si dhe për shkak të natyrës së dyshimeve për korrupsion në nivele të larta të administratës publike.

Ky zhvillim vjen pas një periudhe hetimesh intensive, ku janë grumbulluar prova dhe dëshmi që lidhen me përfitime të mundshme të paligjshme nga kontrata dhe tendera të dyshimta. Procesi gjyqësor ka për qëllim të sqarojë këto dyshime dhe të verifikojë nëse ka pasur shkelje të ligjit nga ana e funksionarëve të përfshirë.

Seancat do të vazhdojnë, ndërsa hetimi i dosjes ka marrë jehonë për shkak të implikimeve të mundshme të Erion Veliajt dhe përfshirjes së tij në këtë çështje të rëndësishme.

 

Continue Reading

Lajmet

Përgatitjet për seancën konstituive, Konjufca javën tjetër mbledh kryetarët e partive politike

Published

on

Në datën 8 prill 2025, ish-kryetari i Kuvendit të Kosovës, Glauk Konjufca, do të organizojë një mbledhje të përbashkët me kryetarët e partive politike. Ky takim është një pjesë e përgatitjeve për seancën konstituive të Kuvendit të Kosovës, e cila pritet të mbahet më 15 prill 2025.

Kjo mbledhje do të mbahet në ora 12:00, dhe është konfirmuar nga Ilir Kërçeli, shefi i kabinetit të Glauk Konjufcës, për Gazetën Online Reporteri.net. Në këtë takim, do të diskutohet organizimi i seancës konstituive dhe disa çështje të tjera teknike dhe procedurale që duhen përgatitur për këtë ngjarje të rëndësishme.

Presidentja Vjosa Osmani ka caktuar 15 prillin, si datë për seancën konstituive të Kuvendit të Kosovës, ku gjatë kësaj seance zgjidhet kryetari dhe nënkryetarët e Kuvendit, dhe deputetët e rinj bëjnë betimin.

Seanca e parë udhëhiqet nga deputeti më i vjetër dhe ai më i riu në sallën e Kuvendit.

Kryetarin e Kuvendit e propozon grupi më i madh parlamentar, në këtë rast Lëvizja Vetëvendosje, siç përcaktohet në nenin 67 të Kushtetutës. Ai zgjidhet me shumicë të votave të të gjithë deputetëve (61 nga 120).

Deputetët duhet t’i zgjedhin edhe 5 nënkryetarë të Kuvendit, 3 prej të cilëve propozohen nga tri grupet më të mëdha parlamentare, kurse dy nga komunitetet joshumicë.

Ndërsa legjislatura e re e Kuvendit detyrë të radhës ka zgjedhjen e Qeverisë, presidentja i fton partitë politike parlamentare për konsultime.

Ajo më pas, siç parasheh pika e parë e nenit 95 të Kushtetutës, “i propozon Kuvendit kandidatin për Kryeministër, në konsultim me partinë politike ose koalicionin që ka fituar shumicën e nevojshme në Kuvend për të formuar Qeverinë”.

Kandidati i caktuar për formimin e qeverisë më pas duhet ta paraqesë përbërjen e Qeverisë para deputetëve “jo më vonë se pesëmbëdhjetë (15) ditë”, pasi të jetë mandatuar, thotë pika e dytë. Sikurse edhe kryetari i Kuvendit dhe nënkryetarët, Qeveria zgjidhet me shumicën e votave të të gjithë deputetëve (61 nga 120).

Nëse përbërja e propozuar e Qeverisë nuk e merr shumicën e votave të nevojshme, presidentja “brenda dhjetë (10) ditësh emëron kandidatin tjetër sipas së njëjtës procedurë”, parasheh Kushtetuta.

Nëse as herën e dytë nuk zgjidhet Qeveria, atëherë presidentja “i shpall zgjedhjet, të cilat duhet të mbahen jo më vonë se dyzet (40) ditë nga dita e shpalljes së tyre”, thotë pika 4 e nenit 95 të Kushtetutës.

Continue Reading

Bota

Njëmbëdhjetë persona u arrestuan në Turqi si pjesë e hetimit për thirrjen e bojkotit

Published

on

Prokuroria e Stambollit ka nisur hetime ndaj protestuesve që bënë thirrje për bojkot të blerjeve më 2 prill, duke i akuzuar për “urrejtje dhe diskriminim” dhe “nxitje të publikut në urrejtje dhe armiqësi”. Bojkoti erdhi si reagim ndaj arrestimit të kryebashkiakut të Stambollit, Ekrem İmamoğlu, dhe ishte mbështetur nga studentë, figura politike dhe personalitete të njohura.

Deri më tani, janë lëshuar 16 urdhër-arreste, nga të cilat 11 persona janë ndaluar, përfshirë aktorin Cem Yiğit Üzümoğlu. Po ashtu, Korporata e Radio-Televizionit Turk (TRT) ka shkarkuar aktoren Aybüke Pusat nga seriali “Teşkilat” për mbështetjen e saj ndaj bojkotit, dhe skenaristi Ali Aydın ka parë projektin e tij “Rumi” të hiqet nga platforma dixhitale e TRT-së si masë ndëshkuese. Kreu i CHP-së, Özgür Özel, ka deklaruar se bojkoti ishte një formë proteste demokratike dhe ka ftuar qytetarët të përdorin fuqinë e tyre përmes konsumit.

Continue Reading

Të kërkuara