Lajmet

​Qytetarët festojnë pavarësinë: Të bashkohemi, që të jemi të gjithë unik dhe sa më të fortë!

Ceremonia e parakalimit të FSK-së dhe Policisë së Kosovës ishte shumë emocionuese qytetarët.

Published

4 years ago

on

Sot për nder të përvjetorit të Pavarësisë së Kosovës, në sheshin e qytetit të Prishtinës në përgjithësi mbizotëroi një atmosferë festive. Sheshi i Prishtinës pothuajse gjatë gjithë ditës ishte në mbikëqyrje të Policisë dhe Forcave të Sigurisë së Kosovës.

E ceremonia e parakalimit të FSK-së dhe Policisë së Kosovës ishte shumë emocionuese qytetarët. Kështu thotë edhe Ilir Rexhepi.

“Si çdo shqiptarë, ceremonia e parakalimit ishte shumë motivues dhe shumë krenarë për të arriturat, me shpalljen e pavarësisë edhe pse viteve të fundit nuk është se po bëjnë aq sa qytetarët kanë pritur…Atmosferë festive ka më shumë nga popullata, por jo edhe nga institucionet. Ishte një parakalim i Forcës së Sigurisë së Kosovës, megjithatë ishte i vonuar, pasi që ishte paralajmëruar se do të ndodhte në orën 12:00, por filloi 40 minuta më vonë, dhe ishte një parakalim i shpejt”, u shpreh Rexhepi.

Edhe qytetari Shemsi Llapashtica thotë për KosovaPress tha se përveç ceremonisë së parakalimit nuk ka pasur ndonjë ceremoni tjetër.

“Përveç parakalimit nuk pati ndonjë ceremoni tjetër, do të mund të ishte edhe më mirë…Nga njerëzit në pushtet kemi pritur dhe presim prapë. Jam duke besuar se janë duke punuar, pasi që nuk është edhe shumë lehtë ashtu siç e marrin të tjerët. Tash një kohë edhe këto ngritjet e mëdha që janë bërë, bënë që të mos gjendemi në një situatë shumë të mirë, por shpresojmë që në të ardhmen do të bëhet më mirë”, tha Llapashtica.

Ndërkohë, Ilir Rexhepi shprehi pakënaqësitë e tij sidomos me ngritjet e çmimeve të konsumit dhe ato të energjisë elektrike. Ai tha se pagat në Kosovë janë shumë të ulëta dhe mbizotëron një gjendje jo shumë e mirë e cila po bënë që shumë të rijnë të largohen nga vendi.

“Pritjet janë shumë të ulëta dhe kjo po shihet çdo ditë e më tepër se nuk ka ndonjë arritje. Ne jemi duke e parë numrin e të rinjve që po migrojnë jashtë vendit. Ata nuk po ikin për shkak të kushteve që janë shumë më të mira atje, por për shkak të kushteve të këqija këtu. Nuk është se ka ndonjë perspektivë apo se po shohim ndonjë zhvillim, këta po proklamojnë zhvillim ekonomik në rritje, por ne nuk po e shohim si qytetarë. Ne jemi duke parë rritje drastike të çmimeve, si ato të konsumit që janë të papërballueshme për nga rrogat që i marrin ata. Të ardhurat që qytetarët marrin janë shumë të ulëta..Shtrenjtimi i rrymës ka qenë kulmi i jetës së përditshme të vështirësuar të qytetarëve. Për ne që punojmë është pak më në rregull, por çfarë për ata që nuk punojnë, që marrin ndihmë sociale dhe e cila është shumë e ulët. Duke ditur edhe pagat e ulëta të qytetarëve”, tha Rexhepi.

E Sylejman Shala ishte ai që beson se me bashkim të pushtetarëve, shteti i Kosovës do të bëhej më i fortë.

“Atmosfera sot është e njëjtë si gjithmonë, megjithatë po shihet se ka gjallëri… nga njerëzit në pushtet na presim një të ardhme më të mirë, presim që të bashkohen të gjithë pushtetarët, të bëhen një që të jemi të gjithë unik dhe sa më të fortë. Bashkimi e bënë fuqinë”, tha Shala.

Pavarësisht disa pakënaqësive, Dan Bytyçi ishte një nga ata qytetarë që ka ardhur enkas nga një shtet tjetër vetëm për ta pritur festën në Kosovë.

“Shumë mirë, ne kemi ardhur enkas nga Gjermania për këtë festë dhe po duket një atmosferë shumë e bukur”, tha Bytyci.

Related Topics:
Continue Reading

Lajmet

Arrestohen tre të mitur në Mitrovicë të Veriut, dyshohen për lëndim të lehtë

Published

7 minutes ago

on

October 1, 2025

By

Tre të mitur janë arrestuar sot në Mitrovicën e Veriut për veprat penale “Lëndim i lehtë trupor” dhe “Kanosje”.

Në njoftimin e policisë thuhet se të arrestuarit janë: I.D. – 2010, J.S. – 2010, V.M. – 2011.

“Arrestimi i tre të dyshuarve është bërë mbi dyshimet e bazuara se ata janë të përfshirë në rastin e raportuar më 28 shtator në Mitrovicë të Veriut, kur ankuesi kishte raportuar se ishte sulmuar fizikisht derisa po lëvizte në rrugën ‘Lola Ribar’ dhe të njëjtët gjithashtu kishin kanosur nipin e tij të mitur, ankuesi pas rastit kishte pranuar edhe trajtim mjekësor”, thuhet në njoftim.

Tutje bëhet e ditur se pas intervistimit me urdhër të prokurorit të shtetit janë liruar.

“Arrestimi i të miturve është realizuar në qytetin e Mitrovicës së Veriut, ndërsa ata janë intervistuar në bazë të procedurave ligjore. Me urdhër të prokurorit të Shtetit, pas intervistimit, të njëjtët janë liruar, ndërsa ndaj tyre janë iniciuar raste për veprat penale: ‘Lëndim i lehtë trupor’ dhe ‘Kanosje’”, ka njoftuar Policia./D.B/EO

Continue Reading

Lajmet

​Lautaro thyen tjetër rekord në Inter

Published

25 minutes ago

on

October 1, 2025

By

Lautaro Martinez është tashmë pjesë e historisë së Interit, pasi ka shënuar në shtatë sezone radhazi në Ligën e Kampionëve, dhe kjo pasi vetëm tre kolegë të nivelit të lartë si Mbappé, Haaland dhe Griezmann kanë arritur ta bëjnë këtë.

Dy golat e tij kundër Slavias e çojnë totalin e golave të tij në 23 në garën më të mirë evropiane për klube, nga 159 për Nerazzurrët.

Nëntë prej tyre erdhën sezonin e kaluar, ai që përfundoi me finalen e pafat në Mynih.

E gjithë kjo pasi hyri në pesëshen e golashënuesve më të mirë të të gjitha kohërave të Interit. Edhe të shtunën e kaluar, në Cagliari, ai arriti 117 gola në Serie A, duke tejkaluar Sandro Mazzola-n dhe duke u zhvendosur në vendin e pestë në listën e golashënuesve më të mirë të të gjitha kohërave të ligës për Nerazzurrët.

Përpara tij mbeten vetëm Meazza, Lorenzi, Nyers dhe Altobelli , një përzierje e shkëlqyer e legjendave të Interit.

Ai nuk ishte aty kundër Ajax, në debutimin e tyre evropian të sezonit, por e kompensoi menjëherë pasi arriti të rikthehej në atmosferën e Ligës së Kampionëve me një dopietë që tregoi urinë e tij për gola. Së pari, duke shtypur në sulmin e ulët të Slavias dhe më pas duke qenë gati t’i përgjigjej krosit të Bastonit. Shkurt, nëse dëshiron të kesh një sezon të nivelit të lartë, duhet ta shikosh atë./S.K/KP/Copa America/

Continue Reading

Lajmet

Aksion i policisë në Kamenicë, tre persona të arrestuar, i kapen armë e municion

Published

37 minutes ago

on

October 1, 2025

By

Policia në Gjilan ka realizuar sot një operacion të gjerë policor në disa lokacione të ndryshme.

Policia njofton se aksioni është zhvilluar në orët e hershme të mëngjesit ku janë kryer bastisje në disa lokacione në komunën e Kamenicës, të identifikuara paraprakisht përmes punës operative hetimore policore ndaj një grupi të personave më dyshimin se të njëjtit janë përfshirë në veprat penale si; ‘’Detyrimi’’, ‘’Posedim i substancave narkotike’’ dhe ‘’Mbajtja në pronësi, kontroll ose posedim të paautorizuar të armëve’’.

Si rezultat i këtij operacioni, janë arrestuar tre persona të dyshuar meshkuj kosovar A.K. (viti i lindjes 1988), A.K. (viti i lindjes 1986), dhe B.Th. (viti i lindjes 200), , të cilët me urdhër të prokurorit janë dërguar në mbajtje për 48 orë.

Sipas policisë gjatë kontrollit në shtëpitë dhe objektet përcjellëse të personave të dyshuar janë gjetur dhe sekuestruar;

Para në vlerë 8700 Euro1 (një) Granatë dore1 (një) Revole TT me një karikator me shtatë fishek cal.7.62 mm145 (njëqindedyzetepesë) fishek cal.7.62 mm1 (një) karikator201 (dyqindenjë) fishek të cal.7.62×39 mm1 (një) sprej piper1 (një) gëzhoj 7.62×39 mm1 (një) cigare e mbushur me substancë të dyshuar Marihuanë me peshë 1.1 gr./D.B/EO

Continue Reading

Lajmet

Aksident në rrugën Dragash-Prizren, tre të lënduar

Published

53 minutes ago

on

October 1, 2025

By

Tre persona kanë pësuar lëndime si pasojë e një aksidenti që ka ndodhur sot mes dy veturave në rrugën Dragash-Prizren.

Rastin për Ekonomia Online e ka konfirmuar zëdhënësi i policisë për rajonin e Prizrenit, Shaqir Bytyqi.

Bytyqi tha se të lënduarit janë dërguar për trajtim mjekësor.

“Në aksident janë të përfshira dy automjete. Si pasojë e aksidentit përveç dëmeve materiale, tre persona kanë pësuar lëndime trupore. Policia ka dal në vendngjarje dhe është duke u marrë me rastin” deklaroi Bytyqi./D.B/EO

Continue Reading

Të kërkuara