Lajmet

​QKMF-të në Prishtinë tre muajt e fundit nuk janë furnizuar nga MSh-ja me listën esenciale

Published

on

Prishtina vazhdon të jetë komuna me numrin me të lartë të pacientëve të infektuar me koronavirus, por përkundër kësaj Qendrat Mjekësore Familjare në këtë komunë tash e tre muaj nuk janë furnizuar nga Ministria e Shëndetësisë me barna e pajisje të listës esenciale.

Kështu ka njoftuar drejtori i Shëndetësisë në Prishtinë, Bujar Gashi i cili tha se këto mungesa në furnizim janë duke u munduar t’i mbulojnë me kontratat vetanake të komunës. Por siç tha ai edhe ato kontrata tashmë pothuajse janë shpenzuar.

“Tre muajt e fundit kemi pasur disa probleme në furnizimin nga lista esenciale nga Ministria e Shëndetësisë, të cilat jemi munduar që t’i mbulojmë nga kontratat vetanake. Mirëpo të cilat nuk i kemi në pakufi dhe të pashtershme edhe ato e kanë një limit dhe të njëjtat edhe ato i kemi shpenzuar duke u munduar që t’i ruajmë kapacitetet tona qoftë edhe në ato më të thjeshtat edhe në sistemet e infuzionit dhe shiringat nuk jemi furnizuar nga Ministria e Shëndetësisë dhe në mungesë të tyre po furnizohemi nga kontratat tona. I kemi koncentruar kryesisht tek rastet me COVID dhe në Urgjencë për rastet urgjente ka raste që ndoshta në qendrat më të vogla ose ku aty ku nuk ka raste urgjent të mungojë ndonjë ditë. Besoj që në ditët në vazhdim presim një përmirësim më të mirë edhe nga niveli qendror”, theksoi Gashi.

Gashi për KosovaPress ka deklaruar se tashmë në kryeqytet numri i rasteve aktive është dyfishuar dhe kjo si pasojë e fushatës së partive politike dhe pakujdesisë së qytetarëve. Ai tha se krahas rasteve pozitive në komunën e Prishtinës janë rritur edhe kërkesat për shërbime mjekësore të cilat ofrohen në Mjekësinë Familjare në Kalabri.

“Tani i kemi rreth 2 mijë e 700 raste aktive në kryeqytet kur para një muaji kishim 1 mijë e100 është më shumë se dyfishuar numri i tyre, duke iu falënderuar parafushatës dhe fushatës si një prej faktorëve kryesorë, por normalisht edhe një lirie të madhe ose një pakujdesie në përgjithësi nëpër të gjithë sektorët për mos t’ia hedh fajin vetëm fushatës, por e vendosi theksin në atë. Tani kemi një numër shumë më të madh të rasteve. Numrat nuk më shqetësojnë, më shqetësojnë kërkesat e qytetarëve për ndihmë të cilat javën e fundit janë rritur jashtëzakonisht shumë dhe këtë e masim me parametrin e qytetarëve të cilët kërkojnë shërbime në qendrën numër 7 në Emshir për terapi paranterale, infuzione dhe trajtim paranteral“, theksoi Gashi.

Drejtori i Shëndetësisë në kryeqytet shprehet kundër shtimit të masave për parandalimin e përhapjes së COVID-19, por shton se duhet të rritet mbikëqyrja dhe zbatimi i atyre aktuale. Ai thekson se janë duke i analizuar rastet spitalore dhe nëse do të ketë nevojë do të shtojnë kapacitet në Qendrën Mjekësore Familjare në Kalabri ku tash e sa muaj ofrohen shërbime mjekësore vetëm për pacientët me koronavirus.

“Mendoj që masat janë të mjaftueshme, por nuk jam ithtar i kufizimeve dhe karantinimeve ekstra, mirëpo zbatimin e rekomandimeve të cilat janë mendoj që është e mjaftueshme një rritje e mbikëqyrjes, mirëpo e kam potencuar disa parafushata, fushat dhe pakujdesia. Ndoshta do të rrisim kapacitetet brenda asaj qendre, do e rrisim numrin e dhomave dhe punëtorëve shëndetësor e në tejkalim të këtyre hapësirave edhe mundësive atëherë të shohim eventualisht që edhe ndonjë aneks i ndonjë qendre sepse e kemi të pamundur që të lirojmë një qendër komplet sepse mbesin 20 mijë banorë pa shërbime të tjera dhe ata duhet të shpërndahen nëpër qendra tjera dhe ajo pastaj shkakton kaos dhe do jetë problem për qytetarët tjerë”, u shpreh ai.

Brenda 24 orëve të fundit në Kosovë me koronavirus pozitivë kanë rezultuar 574 raste, kurse betejën me COVID-19 e kanë humbur 13 pacientë.

Numri i rasteve aktive është 11 mijë e 58 persona, ndërsa numri total i rasteve pozitive është 77 mijë e 827. 

Bota

Pamjet nga përmbytjet në Mykonos dhe Paros, stuhia godet ishujt grekë

Published

on

Një stuhi e fuqishme ka goditur ishujt grekë të Paros dhe Mykonos, duke shkaktuar përmbytje të mëdha dhe duke nxitur autoritetet të mbyllin shkollat dhe të vendosin ndalim të trafikut për të gjithë automjetet, përveç atyre të shërbimeve urgjente. Reshjet e dendura, që kanë goditur qytetet kryesore të Parosit, Parikia dhe Naousa, kanë shkaktuar përmbytje që kanë përmbytur rrugët.

Në Paros, autoritetet raportuan se 13 persona, të cilët ishin bllokuar nga stuhia, u shpëtuan dhe u dërguan në shtëpitë e tyre, pa pasur viktima. Ndërkohë, në Mykonos, përmbytjet ishin më pak intensive, por ekskavatorët u përdorën për të pastruar rrugët dhe për të lejuar kalimin e ujit që po shkonte pranë kafeneve dhe restoranteve buzë detit.

Për shkak të kushteve të vështira, shkollat në Paros, Mykonos dhe dy ishuj të tjerë të Detit Egje u mbyllën, ndërsa autoritetet dërguan alarme në celularët e banorëve, duke i udhëzuar ata të qëndronin brenda për siguri. Shërbimet e emergjencës dhe ekipet e pastrimit kanë punuar për të hequr bllokimet e shkaktuara nga gurët e rënë dhe për të shpëtuar shoferët që ishin bllokuar nga stuhia.

Disa ishuj të tjerë pranë Paros dhe të gjithë rajoni i Cyclades mbeten nën paralajmërimet e motit të keq, me stuhi dhe reshje të dendura shiu që pritet të vazhdojnë deri të mërkurën. Shërbimi Meteorologjik Kombëtar ka paralajmëruar për kushte të ashpra të motit që do të prekin edhe rajone të tjera si Maqedoninë, Trakën, detin Egje dhe Atikën. Banorët janë paralajmëruar të qëndrojnë vigjilentë dhe të ndjekin udhëzimet e sigurisë për t’u mbrojtur nga stuhia./UBTNews/

Continue Reading

Bota

Grupi i Punës për Ballkanin Perëndimor mbërrin për një vizitë dy-ditore në BiH

Published

on

Grupi i Punës për Ballkanin Perëndimor (COWEB) i Bashkimit Evropian ka nisur një vizitë dy-ditore në Bosnjë e Hercegovinë, e cila do të zgjasë nga 1 deri më 3 prill 2025. Ky grup, i përbërë nga përfaqësues të vendeve anëtare të BE-së, Shërbimit Evropian të Veprimit të Jashtëm (EEAS) dhe Drejtorisë së Përgjithshme të Komisionit Evropian për Zgjerimin dhe Fqinjësinë Lindore, ka për qëllim të fitojë njohuri të dorës së parë mbi situatën politike dhe kushtetuese të vendit, si dhe për rrugën e tij evropiane.

Vizita është një mundësi për të marrë informacion për situatën e krizës politike dhe kushtetuese që ka prekur BiH dhe për të mbështetur përpjekjet për përparimin e vendit në rrugën e integrimit evropian. Përfaqësuesit e COWEB do të takohen me institucione vendase, liderë politikë, shoqërinë civile, EUFOR dhe përfaqësues të komunitetit ndërkombëtar në BiH.

Kjo vizitë ndodh një vit pasi Këshilli Evropian dha dritën jeshile për hapjen e negociatave të pranimit të Bosnjës dhe Hercegovinës në BE, duke theksuar angazhimin për mbështetje të vazhdueshme në procesin e integrimit. Pritshmëritë janë që ky vizitë të kontribuojë në përcaktimin e hapave të ardhshëm për përparimin e vendit në rrugën evropiane dhe për implementimin e reformave të nevojshme për stabilitetin dhe prosperitetin afatgjatë./UBTNews/

Continue Reading

Lajmet

Vuçiq nis të mërkurën konsultimet për qeverinë e re

Published

on

Konsultimet për formimin e qeverisë së re serbe do të fillojnë të mërkurën dhe do të përfundojnë të premten, ka njoftuar presidenti serb, Aleksandar Vuçiq. Ai ka dërguar letra të gjithë liderëve të grupeve dhe listave përfaqësuese në Kuvendin e Serbisë, dhe ka konfirmuar se pesë ose gjashtë grupe kanë shprehur gatishmërinë për të marrë pjesë në këto konsultime.

Këto zhvillime vijnë pas dorëheqjes së kryeministrit Miloš Vučević në janar, pas protestave masive të studentëve, të cilat shpërthyen pas një incidenti tragjik në Novi Sad, ku një tendë e shembur shkaktoi vdekjen e 16 personave dhe dhunoi studentë. Pas dorëheqjes së Vučević, Kuvendi i Serbisë konfirmoi largimin e tij më 19 mars dhe e detyroi qeverinë të vazhdojë të punojë për një periudhë tjetër 30-ditore, deri në formimin e një qeverie të re.

Nëse qeveria e re nuk formohet brenda kësaj periudhe, presidenti Vuçiq do të jetë i detyruar të shpallë zgjedhje parlamentare. Sipas Vuçiq, nuk ka ndonjë mundësi për një qeveri tranzitore dhe ai pritet të bisedojë me liderët e grupeve për të diskutuar mundësitë për qeverinë e ardhshme të Serbisë./UBTNews/

Continue Reading

Bota

Mianmari shpall javë zie ndërsa shpresat për gjetjen e të mbijetuarve zbehen

Published

on

Mianmari ka shpallur një javë zie kombëtare pas tërmetit shkatërrues të javës së kaluar, i cili ka marrë jetën e më shumë se 2800 njerëzve dhe ka lënë shumë të tjerë të plagosur e të zhdukur. Shpresa për gjetjen e të mbijetuarve nën rrënoja po zbehen pasi ka kaluar periudha kritike e 72 orëve pas tërmetit, kur shanset për të shpëtuar jetët janë më të mëdha.

Komiteti Ndërkombëtar i Shpëtimit ka theksuar nevojën urgjente për ndihma si strehim, ushqim, ujë dhe ndihmë mjekësore në zonat e prekura, veçanërisht në Mandalay, që ndodhet afër epiqendrës së tërmetit. Grupet e ndihmës po punojnë në kushte të vështira për të ofruar mbështetje, ndërkohë që qeveria ushtarake e Mianmarit ka shpallur një minutë heshtje dhe ka filluar javën e zie kombëtare në nder të viktimave të këtij tragjizmi.

Krahas dëmeve të mëdha, tërmeti ka ndikuar edhe në stabilitetin e brishtë të vendit, që është duke u përballur me një luftë civile katërvjeçare. Ndihma ndërkombëtare është e nevojshme për të përballuar krizën humanitare, dhe shumë grupe të ndihmës po angazhohen për të ofruar mbështetje të menjëhershme në zonat më të goditura./UBTNews/

Continue Reading

Të kërkuara