

Lajmet
Qeveria ndan edhe 15 milionë euro për luftimin e pandemisë
Published
4 years agoon
By
Betim GashiQeveria e Kosovës ka miratuar nismën për Marrëveshjen e Financimit “Projekti Emergjent i Kosovës për Covid-19”, që është financim shtesë ndërmjet Kosovës dhe Asociacionit Ndërkombëtar për Zhvillim për parandalimin dhe luftimin e pandemisë COVID-19 që kap shifrën 15 milionë euro.
Ministri i Financave, Punës dhe Transfere, Hekuran Murati tha se këto mjete do të shfrytëzohen për forcimin e kapaciteteve shëndetësor në parandalimin, zbulimin dhe reagimin ndaj pandemisë.
Sipas tij, marrëveshja ka synim mbështetjen për prokurim dhe distribuuim të vaksinave kundër COVID-19.
“Në këtë pikë të rendit të ditës paraqes për aprovim nismën për negocimin e financimit shtesë për projektin emergjent të Kosovës për COVID-19, në mes të Republikës së Kosovës që përfaqësohet nga Ministria e Financave, Punës dhe Transfereve dhe Asociacionit Ndërkombëtar për Zhvillim marrëveshja e financimit shtesë kap totale prej 15 milionë eurove dhe vjen si vazhdimësi e marrëveshjes bazë e nënshkruar më datën 29 qershor 2020 me ANZH. Mjetet financiare të kësaj kredie shtesë do destinohen si vazhdimësi e përgjigjes ndaj pandemisë COVID-19, dhe pikë kyçe do mbetet forcimi i kapacitetit shëndetësor në parandalimin, zbulimin dhe reagimin ndaj pandemisë. Veçanërisht marrëveshja ka synim mbështetjen për prokurim dhe distribuuim të vaksinave kundër COVID-19 përfshirë edhe financimin retoraktiv të buxhetit të shpenzuar tashmë në këtë drejtim”, tha Murati.
Qeveria e Kosovës ka shqyrtuar nismën për Amendamentimin e Marrëveshjes mbi përvetësimin e kredisë ndërmjet Kosovës dhe Bankës Ndërkombëtare për Rindërtim dhe Zhvillim.
Në këtë mbledhje Qeveria e Kosovës ka shqyrtuar edhe propozim-vendimin për dnryshimin dhe plotësimin e vendimit për grupin punues ndërinstitucional për rishikimin e Strategjisë së Sigurisë së Kosovës për vitin 2021-2030.
Aktualitet
I dyshuari për vrasjen e policit Muhamed Lika, ende në arrati
Published
2 minutes agoon
April 2, 2025
Polici, Muhamed Lika, mbeti i vrarë mbrëmjen e 1 prillit në hyrje të banesës së tij në Kaçanik. I dyshuari për vrasjen e tij gjendet ende në arrati.
Këtë për Klankosova e konfirmoi zëdhënësi i policisë për rajonin e Ferizajt, Kanun Veseli. Veseli po ashtu shtoi se ende nuk dihen motivet e kësaj vepre të rëndë.Rreshteri Muhamet Lika u qëllua për vdekje mbrëmjen e së martës në Kaçanik.
Incidenti dyshohet të ketë ndodhur rreth orës 23:00, në afërsi të banesës së tij. Rastin mbrëmë e kanë konfirmuar edhe nga Policia e Kosovës, që pohojnë se incidenti ka ndodhur në rrugën “Idriz Seferi”.
Viktima Lika ishte duke hyrë ndërtesën ku banon, në momentin kur ndodhi sulmi me armë.
Zëdhënësi i Policisë për rajonin e Ferizajt tha për Gazetën Express se në vendngjarje kanë arritur njësitë policore dhe ekipi i emergjencës, i cili ka transportuar viktimën në Qendrën e Mjekësisë në Kaçani, pavarësisht përpjekjeve për t’i dhënë ndihmën e nevojshme, pjesëtari i Policisë ka ndërruar jetë, gjë që është konfirmuar nga mjekët.
“Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra pjesëtari i policisë ka ndërruar jetë, kjo është konstatuar nga mjekët në këtë qendër”, deklaron policia.
Rrethanat e vdekjes janë akoma të paqarta.
“Policia ka nisur hetimet për të zbardhur rrethanat e ngjarjes, ndërsa ende nuk ka informacione lidhur me të dyshuarit apo motivet e mundshme të këtij akti”, tha ai.

Një pjesëtar i Policisë së Kosovës ka ndërruar jetë si pasojë e plagëve të marra nga të shtënat me armë, rreth orës 23:00, në rrugën “Idriz Seferi” në Kaçanik.
Lajmi është konfirmuar nga zëdhënësi i Policisë për Rajonin e Ferizajt, Kanun Veseli, i cili ka bërë të ditur se viktima u gjet në gjendje të rëndë pranë hyrjes së ndërtesës së tij.
“Kemi pranuar një informacion se një person është plagosur dhe gjendet në gjendje të rëndë në hyrje të ndërtesës së tij, në rrugën “Idriz Seferi” në Kaçanik. Në vendngjarje, përveç njësive policore, ka dalë edhe ekipi i emergjencës së Kaçanikut, të cilët e kanë transportuar në Qendrën e Mjekësisë në Kaçanik. Si pasojë e plagëve të marra, pjesëtari i Policisë ka ndërruar jetë, kjo është konstatuar nga mjekët në këtë qendër”, ka deklaruar Veseli.
Për rastin është njoftuar prokurori i shtetit dhe Inspektorati Policor i Kosovës, të cilët do të hetojnë rrethanat e ngjarjes.
Ndërkohë, ekipet hetimore dhe krimteknikët rajonalë kanë dalë në vendngjarje për të kryer ekzaminimet e nevojshme.
Shkaqet e plota të ngjarjes mbeten ende të panjohura./Telegrafi/
Lajmet
Konjufca bënë homazhe në Lybeniq: Na mundon shumë fakti që edhe pas 26 vitesh nuk ka drejtësi
Published
16 hours agoon
April 1, 2025By
UBTNews
Kryetari i Kuvendit të Republikës së Kosovës, Glauk Konjufca, në nderim të viktimave të masakrave të Lybeniqit, në të cilat forcat serbe vranë e masakruan mbi 80 civilë shqiptarë, sot bëri homazhe në kompleksin e varrezave në këtë fshat.
Pas homazheve kryetari Konjufca tha se këto janë pjesë e shumë masakrave që kanë ndodhur gjatë viteve 1998-1999 në Kosovë, të cilat e shprehin qëllimin gjenocidal të Serbisë për shfarosjen e popullit tonë, largimin e tij dhe spastrimin e Kosovës nga shqiptarët.
Kreu i Kuvendit rikujtoi se sikurse në shumë masakra të tjera të kryera anekënd Kosovës nga aparati shtetëror serb, as këtu Serbia nuk kurseu fëmijët, gratë e pleqtë, vetëm ngase ishin shqiptarë.
Na mundon shumë fakti që edhe 26 vjet pas kësaj masakre, shtoi kryetari Konjufca, nuk kishte asnjë proces të rëndësishëm ndërkombëtar të gjyqësisë e të drejtësisë, i cili u nevojitet familjeve dhe gjithë popullit tonë, sepse, siç tha kryetari i Kuvendit, pa drejtësi këto janë gjithmonë plagë të hapura në trupin e popullit tonë.
“Ne nuk do të lodhemi asnjëherë duke bërë thirrje për drejtësi nga ana e bashkësisë ndërkombëtare, por edhe për drejtësinë vendore, sepse tash janë të mundshme të gjitha kushtet për hetime më profesionale dhe gjykime në mungesë, për të gjithë kriminelët serbë, për të gjithë ata mijëra ushtarë, oficerë të ushtrisë, policisë e paramilitarë, të cilët kanë marrë pjesë në këtë fushatë gjenocidale kundër popullit të Kosovës në vitet 1998-1999”, theksoi kryetari Konjufca.
Bota
Putin fillon thirrjen më të madhe ushtarake ruse në vite, thirren 160mijë rekrutë
Published
16 hours agoon
April 1, 2025By
UBT NEWS
Presidenti Vladimir Putin ka urdhëruar rekrutimin e 160,000 burrave të moshës 18-30 vjeç për shërbimin ushtarak njëvjeçar, duke shënuar një nga rekrutimet më të mëdha në Rusi që nga viti 2011. Ky hap vjen në një moment kur Rusia po përpiqet të zgjojë dhe të forcojë forcat e saj të armatosura, duke e bërë këtë një pjesë të rëndësishme të strategjisë së saj ushtarake. Rekrutimi i këtij numri të madh të rinjve pason përpjekjet e Putinit për të rritur numrin e përgjithshëm të ushtrisë ruse në 2.39 milionë dhe ushtarët aktivë në 1.5 milionë brenda tre viteve të ardhshme.
Zëvendës administratori i ushtrisë ruse, Vladimir Tsimlyansky, ka siguruar se rekrutët e rinj nuk do të dërgohen në frontin e Ukrainës, megjithatë, disa raporte të mëparshme kanë treguar se një numër i caktuar rekrutësh janë përfshirë në luftime. Ky rekrutimi masiv ndodh në një kohë kur SHBA dhe ndërkombëtarët po bëjnë përpjekje për një armëpushim në luftën ruso-ukrainase, por dhuna vazhdon, me sulme të vazhdueshme nga ana ruse, përfshirë një sulm në një objekt energjie në Kherson, që la 45,000 banorë pa energji elektrike.
Për më tepër, Rusia ka zgjeruar kufirin e moshës për rekrutimin, duke e çuar atë nga 27 në 30 vjeç dhe duke përdorur platformën shtetërore Gosuslugi për të njoftuar rekrutët. Në një përpjekje për të fuqizuar ushtrinë, Rusia ka rekrutuar gjithashtu luftëtarë me kontratë dhe raportohet për mercenarë nga Koreja e Veriut. Kjo lëvizje e Rusisë ka ngjallur shqetësime për sigurinë e rajonit, duke pasuar rritjen e pranisë ushtarake të NATO-s dhe anëtarësimin e Finlandës dhe Suedisë në Aleancën e Atlantikut të Veriut.

I dyshuari për vrasjen e policit Muhamed Lika, ende në arrati

2 prilli, Dita Botërore e Autizmit

Filmi për Beatles, zbulohen aktorët që do të luajnë legjendarët

Vritet një polic në Kaçanik

Pesë shprehi të mëngjesit që ndikojnë të shtoni peshë

Zjarr në dyqanin e Teslas në Romë, digjen 17 automjete

Konjufca bënë homazhe në Lybeniq: Na mundon shumë fakti që edhe pas 26 vitesh nuk ka drejtësi

Rama: Më 11 maj t’i japim mesazh Brukselit se e “duam anëtarësimin tani”

Humbjet që sollën “lëkundje” te Prishtina në fazën vendimtare
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë