Lajmet

​Pulmologjia shndërrohet në klinikë COVID, vetëm dy shtretër të lirë, 80% e pacientëve janë të pavaksinuar

Published

5 years ago

on

Klinika e Pulmologjisë është shndërruar në klinikë COVID e në të cilën kanë mbetur të lirë vetëm edhe dy shtretër. Kjo pas përkeqësimit të situatës me COVID-19 në vendin tonë. 87 shtretërit e tjerë në këtë klinikë janë me pacientë që vuajnë nga koronavirusi, prej të cilëve mbi 90% janë me oksigjenoterapi. Në këtë klinikë po trajtohen pacientë të cilët janë vaksinuar e të njëjtit kanë gjendjen më stabile krahasuar me pacientët të cilët janë të pavaksinuar.

Kështu bëri të ditur për KosovaPress, ushtruesi i detyrës së drejtorit të Klinikës së Pulmologjisë, Musa Hoxha i cili thotë se aktualisht në këtë klinik katër pacientë janë në gjendje më të rëndë.

“Gjendja në Klinikën e Pulmologjisë, aktualisht sot i kemi 87 të shtruar dhe dy vende të lira dhe komplet klinika është COVID pozitiv me raste të infektuara. Janë të infektuara me variantin Delta që mbi 90% e ka përfshirë botën. Gjendja e pacientëve tanë në Klinikën e Pulmologjisë në përgjithësi është stabile përveç katër rasteve që janë pak më të rënda dhe kërkojnë përkrahje më të madhe me oksigjenoterapi, kurse pjesa tjetër është stabile edhe pse edhe pjesa tjetër mbi 90% janë me oksigjenoterapi dhe terapi tjetër mbështetëse”, theksoi Hoxha.

Pulmologu Hoxha thotë se mbi 80% e pacientëve të shtrirë janë të pavaksinuar kundër COVID-19, ndërsa nëntë prej tyre kanë marrë vetëm me dozën e parë, kurse 6 të tjerë janë të imunizuar plotësisht me të dy dozat.

Sipas tij, gjendja shëndetësore e pacientëve të vaksinuar është shumë më stabile sesa e atyre që nuk janë të vaksinuar.

“Nga të shtruarit që i kemi ne i kemi për momentin 9 të vaksinuar me një dozë dhe gjashtë i kemi të vaksinuar me dy dozat, nga ata 15, nga numri i përgjithshëm 87 që janë, ata janë në gjendje më stabile dhe gjendja e tyre është më e lehtë, edhe klinike, por edhe sa i përket ndërrimeve radiologjike në rentgen që shihen janë më të pakta. Pjesa më e madhe do thotë mbi 80% janë të pa vaksinuar”, theksoi ai.

Ushtruesi i detyrës së drejtorit të Klinikës së Pulmologjisë, Musa Hoxha ka bërë të ditur se shumë shpejt pacientët që kanë nevojë për remdesivir nuk do të kenë nevojë ta blejnë atë pasi do të furnizohen me këtë ilaç nga barnatorja qendrore e QKUK-së.

Hoxha thotë se deri tani nuk kanë pasur telashe për furnizimin me oksigjen, dhe si klinik kanë shtruar edhe pesë shtretër të tjerë vetëm për t’u dalë në ndihmë pacientëve të infektuar.

Ndonëse varianti Delta i COVID-19 po konsiderohet më agresiv, pulmologu, Musa Hoxha deklaron se terapia për trajtimin e pacientëve të infektuar me këtë variant është e njëjtë sikur tek pacientët që kanë qenë të prekur me llojet e tjera të mëhershme të koronavirusit.

“Në Pulmologji ne i kemi shtruar katër-pesë shtretër sa kemi pasur mundësi dhe pjesa e Pulmologjisë është komplet e pajisur me oksigjen qendror, oksigjen të lëngët, kurse pjesa e Dermatologjisë aty i kemi pacientët që oksigjenin e marrin me gaz përmes bombolave. Jo nuk ka pasur për asnjë moment telashe sa i përket furnizimit me oksigjen, por edhe në përgjithësi edhe me barnat e tjera të cilat kërkohen për këta pacientë shumica kanë qenë vazhdimisht në barnatoren qendrore. Edhe remdesiviri po ashtu është aprovuar. Remdesivirin deri tani pacientët kanë blerë privat ndërsa tani është aprovuar dhe mund të merret nga barnatorja qendrore. Në mbledhjen e djeshme e kuptova që edhe remdesiviri është aprovuar dhe tash po presim t’i marrim dozat e para”, tha ai.

Pulmologu Hoxha thotë se më herët kanë pasur të shtrirë edhe pacientë që kanë ardhur nga mërgata, por që aktualisht nuk kanë raste të tilla.

“Për momentin nuk jam i informuar se kemi ndonjë rast që jeton në shtetet perëndimore, por kemi pasur nga këto raste. Zakonisht kanë qenë të vaksinuar”, theksoi ai.

Menaxhmenti i Shërbimi Spitalor Klinik Universitar të Kosovë sot ka njoftuar se kanë krijuar hapësira edhe me 80 shtretër shtesë të cilët janë vendosur në dy katet e pjesës së përfunduar së fundmi në objektin e Mjekësisë Sportive.

Gjatë 24 orëve të fundit, janë shënuar 26 raste të vdekjes, kurse pozitiv me koronavirus kanë rezultuar 1 mijë e 383 qytetarë të Kosovës.

Related Topics:
Continue Reading

Lajmet

Turqia ndalon ankorimin e anijes turistike LGBTQ+ me mbi 1,000 pasagjerë amerikanë

Published

4 minutes ago

on

July 3, 2026

By

Autoritetet turke kanë ndaluar ankorimin në portet e vendit të një anijeje turistike që u shërben udhëtarëve amerikanë LGBTQ+, duke përmendur “standardet morale” dhe “vlerat familjare”, sipas drejtuesit ekzekutiv të kompanisë organizatore Atlantis Events.

Anija turistike “Athinë–Venecia”, e cila ishte planifikuar të nisej nga Greqia më 5 korrik dhe të ndalonte në qytetin portual Kuşadasi, si dhe më pas në Stamboll, nuk është lejuar të ankorohet në Turqi. Anija, e quajtur “Scarlet Lady” dhe në pronësi të Virgin Voyages, pritej të transportonte mbi 1,000 pasagjerë nga SHBA.

Sipas kompanisë organizatore, autoritetet lokale në Turqi e kanë anuluar ndalimin e planifikuar, duke e arsyetuar vendimin me pretendime se aktiviteti i organizuar nga grupi është “i papajtueshëm me strukturën shoqërore dhe vlerat morale”.

Pas këtij vendimi, itinerari i lundrimit është ndryshuar dhe pritet të përfshijë ndalesa në Kajro të Egjiptit dhe në ishullin grek të Kretës, në vend të Turqisë./A.K/

Continue Reading

Lajmet

Xhelal Sveçla paraqitet në Gjykatë për rastin e gazit lotsjellës në Kuvendin e Kosovës

Published

6 minutes ago

on

July 3, 2026

By

Ministri në detyrë i Punëve të Brendshme, Xhelal Sveçla, është paraqitur në Gjykatë në lidhje me rastin e përdorimit të gazit lotsjellës në Kuvendin e Kosovës në mars të vitit 2018.

Gjykata më herët kishte vendosur që të ndajë procedurën penale ndaj Sveçlës nga ajo e të pandehurve të tjerë në këtë rast, ku përfshihen ish-deputetët Salih Zyba, Fitore Pacolli-Dalipi dhe Drita Millaku.

Sipas aktakuzës, më 21 mars 2018, gjatë një seance plenare në Kuvendin e Kosovës ku po diskutohej ratifikimi i demarkacionit me Malin e Zi, është përdorur gaz lotsjellës brenda sallës nga ora 12:10 deri në 15:40, duke detyruar ndërprerjen e seancës dhe largimin e deputetëve.

Prokuroria pretendon se si pasojë e veprimeve të të akuzuarve është pamundësuar vazhdimi i punës së Kuvendit gjatë seancës së jashtëzakonshme./A.K/

Continue Reading

Lajmet

Aktakuzë ndaj gjashtë personave për keqpërdorim në prokurimin publik në Suharekë

Published

8 minutes ago

on

July 3, 2026

By

Prokuroria Themelore në Prizren ka ngritur aktakuzë ndaj gjashtë personave, prej tyre katër zyrtarë komunalë në Suharekë dhe dy pronarë të operatorëve ekonomikë, nën dyshimin për keqpërdorim të pozitës zyrtare dhe mashtrim në prokurim publik.

Sipas aktakuzës, të pandehurit D.M. dhe A.K., në cilësinë e menaxherit dhe mbikëqyrësit të kontratës, dyshohet se kanë tejkaluar kompetencat e tyre gjatë zbatimit të kontratave për ndërtimin e rrugëve lokale në fshatin Javor, duke aprovuar punime të papërfunduara dhe duke lejuar pagesa në vlerë prej 29,458.20 euro. Në disa raste, sipas prokurorisë, rrugë të kontraktuara nuk ishin ndërtuar fare, duke i shkaktuar komunës dëm financiar dhe duke mundësuar përfitim të kundërligjshëm për operatorin ekonomik.

Po ashtu, E.SH. dhe I.H. akuzohen për veprime të ngjashme në projekte të tjera rrugore në Javor dhe Luzhnicë, ku janë miratuar pagesa prej 17,124.10 euro, ndonëse disa prej punimeve nuk ishin realizuar.

Ndërkohë, XH.K. dhe A.S., në cilësinë e përfaqësuesve të operatorëve ekonomikë, akuzohen se kanë paraqitur dokumentacion të rremë mbi përfundimin e punimeve, duke përfituar mjete publike në mënyrë të kundërligjshme dhe duke dëmtuar buxhetin e Komunës së Suharekës.

Prokurori i çështjes ka propozuar që të akuzuarit të shpallen fajtorë pas përfundimit të procedurës gjyqësore, si dhe ka kërkuar ndalimin e ushtrimit të funksioneve në shërbimin publik për të pandehurit./A.K/

Continue Reading

Lajmet

Ekrem Bajroviq dënohet me 12 vjet burgim për krime lufte në Saradran të Istogut

Published

12 minutes ago

on

July 3, 2026

By

Ekrem Bajroviq është shpallur fajtor edhe në rigjykim dhe është dënuar me 12 vjet burgim për krime lufte ndaj popullatës civile në Saradran të Istogut.

Sipas aktakuzës, Bajroviq, si polic në Stacionin Policor në Gurrakoc në kuadër të Ministrisë së Punëve të Brendshme të Serbisë, në bashkëpunim me të tjerë, më 8 maj 1999 kishte ndaluar një kolonë civilësh shqiptarë që po lëviznin drejt Shqipërisë. Nga ajo kolonë ishin marrë 16 burra, të cilët fillimisht ishin dërguar në një shtëpi ku ishin rrahur dhe keqtrajtuar.

Më pas, sipas aktakuzës, viktimat janë dërguar një nga një dhe janë pushkatuar, ndërsa i mbijetuari i vetëm ka qenë N.E., i cili kishte pësuar lëndime të rënda dhe ishte gjuajtur si i vdekur në mesin e trupave të tjerë.

Gjithashtu, Bajroviqi ngarkohet edhe për pjesëmarrje në arrestimin dhe keqtrajtimin e 84 civilëve shqiptarë më 7 maj 1999 në fshatin Saradran, të cilët fillimisht ishin plaçkitur dhe më pas dërguar në Gurrakoc, ku ishin maltretuar dhe torturuar.

Ndërkohë, dëshmitarët e rastit kanë shprehur pakënaqësi me dënimin prej 12 vitesh burg, duke e konsideruar atë të pamjaftueshëm për krimet e kryera gjatë luftës./A.K/

Continue Reading

Të kërkuara