Lajmet

PSD kërkon amendamentimin e Ligjit për Dhomat e Specializuara në Hagë

“Populli është i qartë se nuk e duron këtë padrejtësi që vjen nga Gjykata Speciale” tha ai mes tjerash.

Published

3 years ago

December 21, 2022

UBT news

Partia Socialdemokrate (PSD) i ka dërguar shkresa deputetëve të Kuvendit të Kosovës që të nisin procedurat për amendamentimin e Ligjit për Dhomat e Specializuara në Hagë.

Kryetari i PSD-së, Dardan Molliqaj, tha se Kuvendi duhet të ndryshojë përmes amendamenteve nenin 6 dhe nenin 16 të këtij ligji.

“Sot iu kemi drejtuar gjithë deputetëve të Parlamentit të Kosovës, përjashto ata të Listës Serbe për t’u bërë pjesë e grupit, i cili do të duhej të ndërtohej nga deputetë për të filluar amendamentimin e Ligjit për Dhomat e Specializuara. Ne konsiderojmë se janë dy nene shumë problematike që nuk janë në përputhje me ligjin ndërkombëtar për krime lufte dhe konventat ndërkombëtare për krime lufte. Njëri ka të bëjë me konventën lëndore që e trajton subjektin e ndjekjes nga kjo gjykatë e që është trajtimi prej bazës së nenit 6 ku ndiqen vetëm krimet e UÇK-së. Prandaj ne besojmë se kur krimet ndiqen vetëm prej njëra anë ose njëetnike, ajo nuk ka të bëjë me drejtësi, por padrejtësi. Rrjedhimisht duam të ndërrojmë që të kthejmë këtë gjykatë që të sillte drejtësi. Neni i dytë që duam të riformulojmë është ai 16 mbi përgjegjësinë individuale dhe komanduese në veprimet e supozuara që mund të kenë ndodhur”, tha ai.

Molliqaj tha se deputetët duhet të jenë në nivel të detyrës, pasi siç tha populli i Kosovës nuk i duron padrejtësitë e Gjykatës Speciale.

“Sot iu bëj thirrje gjithë deputetëve që të jenë në nivelin e detyrës, pasi ata janë përfaqësues të popullit të Kosovës. Populli është i qartë se nuk e duron këtë padrejtësi që vjen nga Gjykata Speciale. Besoj se ta shtunën do të jemi masivisht më sheshet e Prishtinës për të treguar se të gjithë jemi kundër kësaj”, shtoi ai. PSD të shtunën organizon protestë kundër Gjykatës Speciale, pas dënimit të ish- pjesëtarit të UÇK-së, Sali Mustafa me 26 vjet heqje lirie.

Lajmet

Motoçiklisti sulmon dy policë pas mosbindjes ndaj urdhrave në Vushtrri

Published

1 hour ago

October 17, 2025

UBTnews

Një incident ka ndodhur pasditen e së enjtes në rrugën “Mbretëresha Teutë” në Vushtrri, ku një qytetar ka sulmuar dy zyrtarë policorë pas refuzimit për t’u ndalur me motoçikletë.

Sipas Policisë së Kosovës, dje rreth orës 15:00, i dyshuari, duke drejtuar një motoçikletë, nuk ka respektuar urdhrat e zyrtarëve policorë për ndalim dhe gjatë tentativës për të ikur, ka goditur dy prej tyre.

Të lënduarit kanë pranuar tretman mjekësor, ndërsa i dyshuari është arrestuar në vendin e ngjarjes dhe me vendim të prokurorit është dërguar në mbajtje.

Rasti është cilësuar si “Sulm ndaj personit zyrtar” dhe do të trajtohet nga organet kompetente në përputhje me legjislacionin penal në fuqi.

“Rr. Mbretëresha Teutë, Vushtrri 16.10.2025 – 15:10. Është arrestuar i dyshuari mashkull kosovar, pasi që me motoçikletë nuk i është ndalur zyrtarëve policorë dhe më pas i ka goditur dy zyrtarë. Dy zyrtarë kanë pranuar tretman mjekësor”, thuhet në raportin 24 orësh të Policisë së Kosovës.

Më tej thuhet se me vendim të prokurorit, i dyshuari është dërguar në mbajtje./KP

Lajmet

Zbulohet plantacion me 525 bimë kanabis në Podujevë

Published

1 hour ago

October 17, 2025

UBTnews

Një operacion policor në fshatin Zhiti të komunës së Podujevës ka çuar në zbulimin e tri plantacioneve të kultivuara me gjithsej 525 bimë narkotike të llojit kanabis-sativa.

Sipas informacioneve zyrtare, plantacionet janë zbuluar rreth orës 09:45 në një zonë pyjore të fshatit.

Pas evidentimit të tyre dhe marrjes së mostrave për analizë, me vendim të prokurorit të çështjes, bimët narkotike bashkë me mjetet e punës janë asgjësuar në vendin e ngjarjes.

Policia e Kosovës konfirmon se rasti është duke u hetuar intensivisht, ndërsa deri më tani nuk është bërë e ditur nëse ka persona të arrestuar në lidhje me rastin.

“Raportohet se në pyllin e fshatit janë gjetur tri plantacione të mbjella 525 bimë narkotike të llojit kanabis-sativa. Pas marrjes së mostrave me vendim të prokurorit bimët dhe mjetet e punës janë asgjësuar në vendin e ngjarjes. Rasti është duke u hetuar”, thuhet në njoftimin e policisë./EO

Lajmet

Një i lënduar nga aksidenti në autostradën Prishtinë-Prizren

Published

2 hours ago

October 17, 2025

UBTnews

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Lajmet

Përfundon numërimi i votave në Fushë Kosovë

Published

2 hours ago

October 17, 2025

UBTnews

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP