Kronikë e zezë

​Preu dru dhe i vuri zjarrin pyllit, arrestohet 54-vjeçari

Mësohet se shtetasi M.A. pasi ka prerë në mënyrë të paligjshme 3 metra 3 dru dyshohet se ka ndezur zjarr e për pasojë është djegur një sipërfaqe tokë në pyllin e këtij fshati.

Published

5 years ago

on

Një 54-vjeçar është vënë nën prangat e policisë në Bulqizë. Sipas njoftimit të bërë nga policia e Shtetit shqiptar, mësohet se shtetasi M.A. pasi ka prerë në mënyrë të paligjshme 3 metra 3 dru dyshohet se ka ndezur zjarr e për pasojë është djegur një sipërfaqe tokë në pyllin e këtij fshati.

“Shërbimet e Komisariatit të Policisë Bulqizë, në vijim të punës për parandalimin dhe goditjen e rasteve të krimeve mjedisore si dhe vënien përpara përgjegjësisë ligjore të autorëve të tyre, arrestuan në flagrancë shtetasin:

M. A., banues në fshatin Bllacë, Bulqizë, pasi kishte prerë në pyllin e fshatit Bllacë dhe kishte grumbulluar 3m³ lëndë drusore pa dokumentacion përkatës dhe më pas dyshohet se ka ndezur zjarr ku si pasojë është djegur një sipërfaqe toke në pyllin e këtij fshati”, thuhet në njoftimin e policisë./tch

Related Topics:
Continue Reading

Lajmet

Vendoset mjet shpërthyes dhe letër kërcënuese në derën e një shtëpie në Pejë

Published

2 days ago

on

June 26, 2026

By

Një mjet shpërthyes dhe një letër me përmbajtje kërcënuese janë gjetur të vendosura në derën e një objekti banimi në Pejë.

Sipas Policisë së Kosovës, rasti ka ndodhur më 25 qershor 2026, rreth orës 23:43. Menjëherë pas raportimit, policia ka siguruar vendin e ngjarjes, ndërsa njësia për deminim ka bërë largimin e mjetit shpërthyes.

Rasti është duke u hetuar./A.K/

Continue Reading

Kronikë e zezë

Gjashtë raste të dhunës në familje brenda një dite në Kosovë

Published

2 days ago

on

June 26, 2026

By

Policia e Kosovës ka njoftuar se gjatë ditës së djeshme janë regjistruar gjashtë raste të ndryshme të dhunës në familje në disa qytete të vendit.

Në Graçanicë, pas një mosmarrëveshjeje familjare, tre burra janë përleshur mes vete. Ata janë intervistuar dhe me vendim të prokurorit janë liruar në procedurë të rregullt.

Në Prishtinë, është arrestuar një grua pasi ka sulmuar fizikisht një grua tjetër. Viktima ka marrë tretman mjekësor, ndërsa e dyshuara është dërguar në mbajtje.

Në Viti, një grua ka raportuar se pas një fjalosjeje është sulmuar fizikisht nga një burrë. Viktima ka marrë ndihmë mjekësore, ndërsa i dyshuari është arrestuar dhe dërguar në mbajtje.

Në Mitrovicë, është arrestuar një burrë pasi ka sulmuar fizikisht një grua. Viktima ka pranuar tretman mjekësor, ndërsa i dyshuari është dërguar në mbajtje.

Në Pejë, një grua ka raportuar se një burrë ka ushtruar në vazhdimësi dhunë fizike dhe psikike ndaj saj, si dhe e ka kërcënuar përmes telefonit. Pas intervistimit, palët janë liruar në procedurë të rregullt.

Në Deçan, është arrestuar një burrë pasi ka sulmuar fizikisht një burrë tjetër. Viktima ka pranuar tretman mjekësor, ndërsa i dyshuari është dërguar në mbajtje. /E.A/

Continue Reading

Lajmet

Një grua gjendet pa shenja jete në Lipjan, trupi dërgohet për obduksion

Published

2 days ago

on

June 26, 2026

By

Një grua ka humbur jetën në rrethana ende të panjohura në Lipjan.

Sipas Policisë së Kosovës, rasti është raportuar më 25 qershor, rreth orës 09:55, nga një dëshmitare, e cila ka njoftuar se viktima kishte rënë papritur në tokë.

Në vendin e ngjarjes kanë dalë ekipet e emergjencës, të cilat kanë konstatuar vdekjen e viktimës.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti po hetohet si “Hetim mbi vdekjen”./A.K/

Continue Reading

Kronikë e zezë

Përleshje fizike në Mazgit të Obiliqit, tre persona mbeten të lënduar

Published

2 days ago

on

June 26, 2026

By

Një incident ka ndodhur në orët e para të mëngjesit të së enjtes në fshatin Mazgit të Obiliqit, ku pas një mosmarrëveshjeje çasti, tre persona kanë pësuar lëndime të rënda trupore si pasojë e një sulmi fizik.

Sipas raportit zyrtar të Policisë së Kosovës, ngjarja ka ndodhur saktësisht rreth orës 02:25 pas mesnate. Tre viktimat, të gjithë burra dyshohet se janë sulmuar fizikisht nga tre të dyshuar të tjerë.

Përveç dhunës fizike të ushtruar ndaj viktimave, të dyshuarit u kanë dëmtuar atyre edhe veturën private përpara se të largoheshin nga vendi i ngjarjes.

Si pasojë e sulmit, të tre viktimat kanë pësuar lëndime dhe kanë pranuar menjëherë tretmanin e nevojshëm mjekësor në institucionet shëndetësore.

Ndërkohë, Policia e Kosovës ka bërë të ditur se tre personat e dyshuar tashmë gjenden në kërkim policor.

Rasti zyrtarisht është iniciuar dhe po hutohet nën cilësimin si “Lëndim i rëndë trupor” dhe dëmtim i pronës, ndërsa njësitet përkatëse po punojnë për lokalizimin dhe arrestimin e të dyshuarve. /E.A/

Continue Reading

Të kërkuara