Kronikë e zezë

​Policia mbrëmë gjeti sasi të gëzhojave të plumbave në veri të Mitrovicës

Në raportin 24-orësh të Policisë së Kosovës bëhet e ditur se rasti është hapur si “Shkaktim i rrezikut të përgjithshëm”.

Published

4 years ago

on

Policia e Kosovës mbrëmë në veri të Mitrovicës ka gjetur gëzhoja të plumbave të armëve të llojeve të ndryshme si dhe disa kuti me mjete piroteknike.

Në raportin 24-orësh të Policisë së Kosovës bëhet e ditur se rasti është hapur si “Shkaktim i rrezikut të përgjithshëm”.

Deri më tani nuk ka ndonjë person të arrestuar, por policia është duke shikuar pamjet e regjistruara nga vendi i ngjarjes, nga festa me armë zjarri për fitoren e Vuçiqit.

Pas rezultateve preliminare të zgjedhjeve në Serbi që nxorën fitues Aleksandër Vuçiqin, serbët në veri të vendit janë mbledhur për të “festuar” duke shkaktuar kolonë veturash, me ç’rast kanë përdorur edhe armë të zjarrit.

“Policia e Kosovës ka bërë shpërndarjen e turmës, dhe në vendin e ngjarjes ka gjetur dhe sekuestruar disa gëzhoja të armëve të llojeve të ndryshme si dhe disa kutia me mjete piroteknike. Me urdhër të prokurorit është hapur rasti si më lartë dhe vazhdon të hetohet nga njësitë relevante”, thuhet në raportin e Policisë. 

Related Topics:
Continue Reading

Vendi

Vdes një grua në Dragash pas shpërthimit të bombolës së gazit

Published

1 day ago

on

October 10, 2025

By

Një grua ka humbur jetën në Dragash, si pasojë e shpërthimit të një bombole gazi në shtëpinë e viktimës.

Sipas Policisë, vdekjen e viktimës e ka konstatuar mjeku, derisa trupi i saj është dërguar në IML për obduksion.

“Raportohet se viktima femër kosovare ka mbetur pa shenja jete, dyshohet si pasojë e shpërthimit të një bombole gazi në dhomën e shtëpisë ku kishte qenë duke qëndruar. Njësitet policore dhe ekipi mjekësor kanë dalë në vendin e ngjarjes dhe nga mjeku është konstatuar vdekja e viktimës. Lidhur me rastin është informuar prokurori me urdhrin e të cilit trupi i pajetë i viktimës është dërguar në IML për obduksion”, thuhet në njoftimin e PK-së./S.K/EO/PK/

Continue Reading

Lajmet

​Parandalohet një rast kontrabande në Morinë, arrestohen dy persona

Published

1 day ago

on

October 10, 2025

By

Policia e Shtetit ka arrestuar shtetasit F. M. (52) dhe B.L. (55) pasi gjatë kontrollit në automjetet e tyre në Morinë janë gjetur mallra kontrabandë në vlerë mbi gjysmë milionë euro.

Gjatë operacionit Tarifa, në dalje të Shqipërisë, shërbimet e Policisë Kufitare Morinë kaluan në vijë të dytë për kontroll të detajuar, automjetin furgon me drejtues shtetasin B. L. dhe automjetin tip “Volkswagen”, me drejtues shtetasin F. M.

Gjatë kontrollit në automjetin me drejtues shtetasin F. M., u gjetën 1006 kuti me medikamente mjekësore të ndryshme, disa arka me 41.000 tableta dhe 2.194 telefona mobilë, ndërsa gjatë kontrollit në furgonin me drejtues shtetasin B. L., u gjetën 62 thasë me duhan, me peshë 930 kg.

Mallrat me vlerë rreth 54 milionë e 350 mijë lekë (562 mijë euro), u sekuestruan në cilësinë e provës materiale bashkë me dy automjetet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./S.K/KP/

Continue Reading

Vendi

Arrestohet një person në Prizren, dyshohet se sulmoi fizikisht një shtetase gjermane

Published

2 days ago

on

October 9, 2025

By

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

“Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Lajmet

Gjendet pa shenja jete një person në Prishtinë

Published

2 days ago

on

October 9, 2025

By

Policia e Kosovës ka njoftuar se është gjetur një person mashkull kosovar pa shenja jete në Prishtinë.

Pas konstatimit të vdekjes, trupi i viktimës është dërguar në IML për obduksion.

Në raportin e policisë thuhet se rasti është duke u hetuar edhe më tej.

“Prishtinë 08.10.2025 – 20:10. Raportohet se viktima mashkull kosovar, është gjetur pa shenja jete. Trupi i pa jetë i viktimës është dërguar në IML për obduksion. Rasti është duke u hetuar“, thuhet në raportin e Policisë së Kosovës./S.K/KP/PK/

Continue Reading

Të kërkuara