Aktualitet

​Petkov për Maqedoninë e Veriut: Asgjë nuk do të bëhet nën presion

Petkov theksoi se ekziston një vendim i Kuvendit Popullor dhe se Bullgaria do ta respektojë atë

Publikuar

2 vjet më parë

më

Kryeministri i Bullgarisë, Kiril Petkov, ka folur sot nëse ka presion diplomatik mbi vendin lidhur me Republikën e Maqedonisë së Veriut.

Ai theksoi se nuk do të ndërmerren veprime nën presion.

“Aktualisht po përpiqemi të shohim nëse dëshirat dhe nevojat e Bullgarisë për mbështetjen e bullgarëve në Maqedoninë e Veriut mund të garantohen përmes procesit evropian”, shtoi ai.

Petkov komentoi edhe notën e ambasadorit të Ukrainës në Sofje, Vitali Moskalenko, me të cilin kërkon që Bullgaria t’i sigurojë armë të rënda vendit të tij.

Petkov theksoi se ekziston një vendim i Kuvendit Popullor dhe se Bullgaria do ta respektojë atë. Ai tha se pajisjet e para ushtarake për riparim nga Ukraina tashmë po vijnë në këtë vend.

“Ajo që kemi bërë deri më tani për Ukrainën është e mjaftueshme dhe ne do të vazhdojmë t’i mbështesim ata”, tha Petkov.

Në përgjigje të një pyetjeje, kryeministri tha se cisterna e dytë me gaz të lëngshëm nga Shtetet e Bashkuara të Amerikës do të mbërrijë më 23 qershor.

Kiril Petkov ishte në Sadovë për t’u takuar me fermerë, të korrat e të cilëve janë prekur nga stuhia e breshrit të 31 majit.

Etiketa
Vazhdo të lexosh

Bota

Dortmundi vë në shënjestër Armando Brojën

Publikuar

42 minuta më parë

më

9 Maj, 2024

nga

Finalisti i Ligës së Kampionëve, Borussia Dortmund, ka hedhur sytë për të siguruar shërbimet e talentit shqiptar, Armando Broja. Sipas raportimeve të fundit të mediave, bisedimet mes Çelsit dhe Dortmundit për transferimin e sulmuesit shqiptar janë në fazë të avancuar.

Çelsi dëshiron të nxjerrë 50 milionë paundë nga shitja e Brojës, por kjo shifër nuk është pranuar nga klubi gjerman. Dortmundi është i gatshëm të paguajë 25 milionë paundë për të siguruar shërbimet e sulmuesit të talentuar, i cili ka treguar interes për të bashkëpunuar me skuadrën gjermane.

Borusia e Dortmundit njihet për aftësinë e tyre në zhvillimin e talentit futbollistik. Me emra si Bellingham dhe Haaland që kanë shkëlqyer në radhët e tyre, klubi gjerman ka një histori të gjatë të rritjes së lojtarëve të rinj. Kjo bën të kuptohet se mundësia për të shikuar Brojën në radhët e tyre do të shtojë edhe më shumë vlerën e skuadrës.

Ndërkohë, Borussia Dortmund do të përballet me Real Madridin në finale të Ligës së Kampionëve dhe ka siguruar pjesëmarrjen në këtë kompeticion për sezonin e ardhshëm, duke e bërë një destinacion tërheqës për lojtarët me potencial./UBTNews/

Vazhdo të lexosh

Lajmet

Osmani në ftesë të bashkëpunimit: Urimet për Presidenten e Parë Grua të Maqedonisë së Veriut

Publikuar

56 minuta më parë

më

9 Maj, 2024

nga

Presidentja e Kosovës, Vjosa Osmani, ka shprehur urimet e saj për zgjedhjen e Gordana Silanovska-Davkovës si presidente e Maqedonisë së Veriut. Në një deklaratë të shkruar në rrjetin e saj social, Presidentja Osmani ka theksuar rëndësinë e bashkëpunimit të thelluar mes dy vendeve fqinje.

“Kosova dhe Maqedonia e Veriut gëzojnë marrëdhënie të shkëlqyera fqinjësore dhe ndajnë një angazhim të fortë për integrimin euroatlantik. Mezi pres të punoj me presidenten e zgjedhur për të arritur këtë qëllim të përbashkët dhe për të thelluar më tej marrëdhëniet Kosovë-Maqedoni e Veriut,” shkroi Presidentja Osmani.

Gordana Silanovska-Davkova shënon një moment historik si presidente e parë grua në Maqedoninë e Veriut pas pavarësisë nga Jugosllavia. Kjo zgjedhje thekson një hap të rëndësishëm drejt përfshirjes së barabartë gjinore në politikën e vendit./UBTNews/

Vazhdo të lexosh

Lajmet

​Hetuesit e IPK-së arrestuan një zyrtar policor për ngacmim seksual

Publikuar

1 orë më parë

më

9 Maj, 2024

nga

Hetuesit e Inspektoratit Policor të Kosovës (IPK) kanë arrestuar dje një zyrtar policor në Gjakovë me dyshimin se i njëjtit ka kryer veprën penale “Ngacmim seksual“ ndaj një viktime të mitur. Hetuesit e Inspektoratit Policor të Kosovës (IPK) kanë arrestuar dje një zyrtar policor në Gjakovë me dyshimin se i njëjtit ka kryer veprën penale “Ngacmim seksual“ ndaj një viktime të mitur.

Hetuesit e IPK-së janë njoftuar përmes telefonit lidhur me dyshimet se ky zyrtar policor kishte kryer veprime të kundërligjshme.

Hetuesit në koordinim me Prokurorin e Shtetit kanë ndërmarrë veprimet e nevojshme hetimore ku pas këtyre veprimeve fillestare hetimore zyrtari policor është arrestuar dje kurse me vendim të prokurorit të njëjtit i është caktuar masa e ndalimit për 48 orë.

Veprimet e mëtutjeshme hetimore lidhur me këtë rast do të vazhdojnë nga hetuesit e IPK-së në konsultim të vazhdueshëm me prokurorin përgjegjës. /UBTNews/

Vazhdo të lexosh

Sport

​U-21/ Shqipëria dhe Serbia kërkojnë ta organizojnë bashkë Evropianin e vitit 2027

Publikuar

3 orë më parë

më

9 Maj, 2024

nga

Pas organizimit të suksesshëm të finales së parë të UEFA Conference League në Tiranë në vitin 2022, dhe fitimit të së drejtës për të organizuar finalet e Kampionatit Evropian 2025 për grupmoshën U-17, FSHF kërkon të organizojë një tjetër event madhor të futbollit evropian.

Pas organizimit të suksesshëm të finales së parë të UEFA Conference League në Tiranë në vitin 2022, dhe fitimit të së drejtës për të organizuar finalet e Kampionatit Evropian 2025 për grupmoshën U-17, FSHF kërkon të organizojë një tjetër event madhor të futbollit evropian.

Shqipëria është një nga kandidatet kryesore për të organizuar ndeshjet finale të Kampionatit Evropian 2027 për ekipet kombëtare U-21. FSHF i ka dërguar kërkesën UEFA-s, që Shqipëria të jetë një nga vendet pritëse të finaleve të këtij kompeticioni.

Duke qenë se nuk plotësohen kushtet sa i përket numrit të stadiumeve që kërkohen në mënyrë që vendi ynë të presë të gjitha ndeshjet finale të Kampionatit Evropian U-21, FSHF do të bashkëpunojë me Federatën Serbe të Futbollit për të pritur së bashku fazën finale të EURO 2027 për grupmoshën U-21.

Ky është pa asnjë dyshim një projekt shumë ambicioz, që do ta vendoste Shqipërinë në qendër të vëmendjes futbollistike të gjithë kontinentit. /UBTNews/

Vazhdo të lexosh

Të kërkuara