Aktualitet

​Përfundon Samiti Digjital për Ballkanin Perëndimor

Gjatë dy ditëve të Samitit Digjital për Ballkanin Perëndimor “Prishtina 2022”, morën pjesë rreth 1 mijë e 300 pjesëmarrës.

Published

2 years ago

on

Në ditën e dytë të Samitit Digjital për Ballkanin Perëndimor, janë realizuar në total 821 takime biznes me biznes për të eksploruar mundësitë e bashkëpunimit në mes tyre në projekte, produkte dhe iniciativa të përbashkëta.

Në një komunikatë për media bëhet e ditur se sesioni hapës i ditës së dytë të këtij samiti, B2B ka regjistruar gjithsej 291 pjesëmarrës, përfaqësues të bizneseve nga Ballkani Perëndimor, Evropa, Turqia dhe Bullgaria duke realizuar në total 821 takime biznes me biznes për të eksploruar mundësitë e bashkëpunimit në mes tyre në projekte, produkte dhe iniciativa të përbashkëta.

“Si rezultat i këtyre takimeve janë arritur 17 marrëveshje të bashkëpunimit me bizneset vendëse, 7 të tjera janë në fazën e negocimit dhe të tjerët janë dakorduar për të zhvilluar kontakte në të ardhmen”, thuhet në komunikatë.

Në ditën e dytë të Samitit Digjital për Ballkanin Perëndimor i cili është mbajtur në Prishtinë, kanë mbajtur fjalën e tyre hyrëse Ministrja e Ekonomisë e Kosovës, Artane Rizvanolli, deputeti i Parlamentit Evropian, Lukas Mandl, zëvendëspresidenti për Politika dhe Partneritet në Bankën Evropiane për Rindërtim dhe Zhvillim, Mark Bowman ku kanë folur për lidhjet që promovojnë diplomacinë digjitale me Ballkanin Perëndimor (WB6) dhe Bashkimin Evropian si dhe prioritetet digjitale në kuadër të Strategjisë së Bankës 2021-2023.

Gjatë dy ditëve të Samitit Digjital për Ballkanin Perëndimor “Prishtina 2022”, morën pjesë rreth 1 mijë e 300 pjesëmarrës, janë mbajtur 11 panele me më shumë se 60 folës, ekspertë të ndryshëm nga sektori i Teknologjisë së Informacionit dhe Komunikimeve (TIK), biznese të ndryshme, përfaqësues të qeverive, përfaqësues nga Komisioni Evropian, nga shtetet e Ballkanit Perëndimor, nga Bashkimi Evropian, përfaqësues nga Banka Botërore dhe më gjerë.

Në panelet e mbajtura ndër të tjera është diskutuar rreth prioriteteve që shtetet e rajonit kanë në fushën e digjitalizimit, duke sjell në Ballkanin Perëndimor infrastrukturën më të avancuar digjitale, duke nxitur zhvillimin dhe inovacionin, shtrirjen e rrjetit 5G dhe në veçanti nxitjen e zhvillimit të ekonomisë digjitale, e cila shihet si një mundësi e mirë për rritjen e vendeve të punës, në kryerjen e shërbimeve të ndryshme dhe rritjen e tregtisë përmes formave digjitale.

Në ditën e parë të Samitit “Digjital Prishtina 2022” janë mbajtur 4 gara regjionale në kodim, lojëra kompjuterike dhe robotikë nga shkollat digjitale të Kosovës me pjesëmarrës të Ballkanit Perëndimor.

Bizneset pjesëmarrëse në B2B vijnë nga sektori i TIK-ut, kryesisht të fokusuar në zhvillim të softwerëve, zhvillimi i aplikacioneve të ndryshme, marketingu digjital dhe kompani të cilat ofrojnë shërbime mbështetëse për klientë ndërkombëtarë.

Sesioni i B2B është bashkorganizuar nga Prishtina REA.

Dita e dytë ka shënuar përfundimin e punimeve të edicionit të pestë të Samitit Digjital për Ballkanin Perëndimor “Prishtina 2022”, i cili është mbajtur në Prishtinë më 21 dhe 22 shtator.

Related Topics:
Continue Reading

Bota

Zyrtari i lartë ushtarak i Britanisë kërcënon Moskën: ‘Do t’i takojmë në fushëbetejë rusët!’

Published

19 mins ago

on

November 22, 2024

By

Një zyrtar i lartë ushtarak i Mbretërisë së Bashkuar ka dhënë një deklaratë të fuqishme në lidhje me gatishmërinë e forcave britanike për të luftuar nëse Rusia vendos të sulmojë një vend të Evropës Lindore. Zëvendës shefi i shtabit të mbrojtjes të Mbretërisë së Bashkuar, Rob Magowan, ka theksuar se forcat britanike janë plotësisht të gatshme për të vepruar dhe se nëse do të kërkohej, ata do të ishin të gatshëm të luftonin që sonte.

Në një komision parlamentar të mbrojtjes, Magowan tha: “Nëse ushtrisë britanike i kërkohej të luftonte sonte, ajo do të luftonte sonte. Dhe nuk mendoj se askush në këtë dhomë duhet të ketë ndonjë iluzion se nëse rusët pushtojnë Evropën Lindore sonte, ne nuk do të jemi në fushëbetejë.” Kjo deklaratë u bë menjëherë pas raportimeve se Rusia kishte lëshuar një raketë balistike me aftësi bërthamore gjatë një sulmi të mëngjesit të së enjtes në qytetin e Dnipro në Ukrainë.

Kjo është një kërcënim i drejtpërdrejtë ndaj Moskës, duke përshkallëzuar më tej tensionet mes dy shteteve, të cilat janë në një përplasje të vazhdueshme për shkak të agresionit rus ndaj Ukrainës. Në këtë kontekst, Magowan ka theksuar se forcat britanike janë të angazhuara dhe të përgatitura për të mbrojtur vendet e Evropës Lindore, duke dërguar një mesazh të qartë për Rusinë se çdo agresion në këtë rajon do të ndeshë me një reagim të menjëhershëm nga ana e Aleancës perëndimore.

Më vonë gjatë ditës, presidenti rus Vladimir Putin bëri një deklaratë televizive, ku përmendi se raketa e lëshuar ishte një raketë balistike jo-bërthamore me rreze të mesme, duke sugjeruar se kjo ishte një armë e re që ka për qëllim të forcojë pozitat ushtarake të Rusisë në rajon.

Deklaratat e Magowan janë një pjesë e angazhimit të Britanisë për të mbështetur Ukrainën dhe për të parandaluar një agresion të mëtejshëm rus në territorin e Evropës Lindore, ndërsa tensionet mes Perëndimit dhe Rusisë vazhdojnë të rriten./UBTNews/

Continue Reading

Aktualitet

Kryetarja Sinani uron Ditën e Alfabetit: Frymëzim për bashkim dhe krenari kombëtare!

Published

25 mins ago

on

November 22, 2024

By

Kryetarja e Komunës së Preshevës, Ardita Sinani, ka uruar shqiptarët me rastin e 22 Nëntorit, Ditës së Alfabetit të Gjuhës Shqipe, duke theksuar rëndësinë historike dhe shpirtërore të kësaj dite për kombin tonë.

“22 Nëntori është dita që na kujton forcën e bashkimit dhe vizionin e rilindësve tanë për një të ardhme më të ndritur,” ka shkruar Sinani në postimin e saj, duke kujtuar vendimin historik të Kongresit të Manastirit në vitin 1908, kur figura të shquara të kombit u bashkuan për të zyrtarizuar alfabetin e gjuhës shqipe.


Sinani e cilësoi këtë ngjarje si një akt guximi dhe dashurie për kombin, duke theksuar se rruga e nisur nga rilindësit vazhdon sot përmes punës për të forcuar identitetin kombëtar dhe për të siguruar që asnjë shqiptar të mos ndihet i harruar.
“Sot, më shumë se kurrë, kemi nevojë të kujtojmë frymën e bashkimit dhe të përbashkëtës që na udhëhoqi atëherë. Kjo është dita kur kujtojmë se kombi ynë, i ndarë nga kufijtë, ka vetëm një alfabet, një gjuhë dhe një shpirt që na bashkon!”

Kryetarja e Preshevës ka apeluar për vazhdimin e punës drejt një të ardhmeje ku të gjithë shqiptarët të jenë të barabartë dhe krenarë për trashëgiminë e tyre./UBTNews/

Continue Reading

Bota

Alarm në aeroportin e Londrës, evakuohen të gjithë pasagjerët në terminal

Published

30 mins ago

on

November 22, 2024

By

Terminali Jugor i Aeroportit Gatwick në Londër është evakuuar paraditen e kësaj të premteje për shkak të një incidenti sigurie. Mediat e huaja raportojnë se shkak për mbylljen është bërë zbulimi i një sendi të dyshimtë gjatë kontrolleve rutinë të bagazheve të pasagjerëve.

Policia e Sussex dërgoi në vendngjarje një ekip për asgjësimin e eksplozivëve si masë paraprake.

Në një postim në rrjetin social X (ish-Twitter), Aeroporti Gatwick theksoi: “Siguria e pasagjerëve dhe stafit tonë mbetet prioriteti ynë i parë. Ne po punojmë shumë për ta zgjidhur problemin sa më shpejt të jetë e mundur.”

Një pasagjer, i cili sapo kishte mbërritur në Gatwick, tha se i gjithë terminali u evakuua menjëherë, përfshirë edhe pasagjerët e sapombërritur.

“Mbërrita me një fluturim rutinë. Kalova në doganë dhe mora vesh që po evakuojnë të gjithë aeroportin. Edhe personat që kaluan sigurinë po nxirren jashtë,” deklaroi ai. Sipas tij, trenat janë ndalur dhe rreth 1000 persona po presin në rrugët dhe parkingjet përreth.

Gjithashtu, kompania Gatwick Express, e cila ofron shërbime trenash drejt aeroportit, ka pezulluar operacionet deri në një njoftim të dytë. Në një deklaratë, kompania tha: “Policia dhe shërbimet e urgjencës po merren me një incident në aeroport. Për momentin, stacioni dhe aeroporti janë duke u evakuuar. Ne do t’ju këshillonim të shtyni udhëtimin tuaj deri më vonë këtë mëngjes.”

Continue Reading

Bota

Qytetarët e Kroacisë dhe Malit të Zi mund të qëndrojnë në Kinë deri në 30 ditë pa vizë

Published

1 hour ago

on

November 22, 2024

By

Qytetarët e Kroacisë, Japonisë, Bullgarisë, Rumanisë, Malit të Zi dhe vendeve të tjera nuk do të kenë më nevojë për vizë për të hyrë në Kinë nga 30 nëntori i këtij viti.

Qytetarët e Kroacisë dhe Malit të Zi nuk do të kenë nevojë për vizë për të udhëtuar në Kinë për pak më shumë se një vit, ku do të mund të qëndrojnë pa vizë deri në 30 ditë, raportoi të premten Reuters.

Qytetarët e Kroacisë, Japonisë, Bullgarisë, Rumanisë, Malit të Zi dhe vendeve të tjera nuk do të kenë nevojë për vizë për të hyrë në Kinë nga 30 nëntori i këtij viti deri më 31 dhjetor 2025, tha të premten zëdhënësi i Ministrisë së Punëve të Jashtme kineze, transmeton Hina.

Kina gjithashtu do të zgjasë qëndrimin pa viza në vend në 30 ditë nga 15 që janë aktualisht për qytetarët e të 38 vendeve nën atë program, njoftoi televizioni shtetëror CCTV.

Kina ka hequr më parë vizat për Korenë e Jugut dhe disa vende evropiane për të nxitur turizmin dhe tregtinë mes ngadalësimit të rritjes ekonomike.

 

Continue Reading

Të kërkuara