Lajmet

​Pendarovski: S’mund të lejojmë që hetimi të zgjasë me muaj, qytetarët meritojnë përgjigje profesionale

Published

on

Presidenti i Maqedonisë së Veriut, Stevo Pendarovski ka thënë së deri tani nuk ka të dhëna që tregojnë se rasti tragjik në spitalin modular të Tetovës të jetë shkaktuar qëllimisht. Ai ka thënë se kjo është situata aktuale, derisa konfirmimet dhe të tjera të dhëna do të dalin në ditët në vijim nga Prokuroria.

Presidenti i Maqedonisë së Veriut ka qëndrua sot në Tetovë, në vendin ku mbrëmë është përfshirë nga zjarri, i cili ka lënë të vdekur dhjetëra pacientë që po trajtoheshin për COVID-19 në spitalin modular.

“Prokurori publik më njoftoi se për një deri në dy orë edhe formalisht do të kryhet hetimi, dhe në kohë më të shkurtër të mundshëm pastaj mund të dalin me raportin e tyre. Procedura është se ata japin urdhra deri te institucionet tjera kompetente, nga obduksioni deri te Ministria për Punë të Brendshme. Prokurori më njoftoi gjithashtu se do t’u jepen nga pesë ditë, që secili institucion të përgjigjet varësisht nga kompetencat e tyre, pas këtyre raporteve prokurori do të del me një raport të kompletuar, fillimisht se cili ishte shkaku i zjarrit dhe se vallë pas kësaj eventualisht ka apo jo ndonjë gabim njerëzor”, u shpreh Pendarovski.

Pendsrovski ka theksuar se hetimet nuk duhet të zgjasin dhe se qytetarët meritojnë përgjigje të shpejtë dhe profesionale.

“Nuk mund të lejojmë që hetimi të zgjat me muaj. Publiku maqedonas meriton përgjigje profesionale, të shpejtë dhe thelbësore pa asnjë pauzë në hetim. Me qenë se diçka zvarritet me vite me vite, tek njeriu i thjeshtë ngjall dyshime që ndoshta diçka nuk është e pastër këtu”, ka shtuar ai.

Mbrëmjen e së mërkurës spitali modular i Tetovës ku po trajtoheshin pacientët për COVID-19, u përfshi nga zjarri ku nga kjo ngjarje tragjike mbetën të vdekur dhjetëra persona dhe të tjerë u lënduan.

Autoritet janë duke punuar në identifikimin e viktimave, ndërsa Tetova ka shpallur tre ditë zie për viktimat e këtij rasti tragjik.

Lajmet

Rritja e konsumit të energjisë, KEDS-i ankohet për mbingarkesë në rrjet

Published

on

By

Kompania për Distribuimin e Energjisë Elektrike në Kosovë (KEDS) ka njoftuar se konsumi i energjisë elektrike në vend ka shënuar rritje prej 18.5% gjatë tetorit, krahasuar me të njëjtën periudhë të vitit të kaluar.

KEDS-i nëpërmjet një njoftimi vlerëson se arsyeja kryesore për këtë rritje është përdorimi masiv i energjisë elektrike për ngrohje, me rënien e temperaturave.

Kësisoj, në njoftim thuhet se kërkesa më e lartë sesa kapacitetet e rrjetit po shkakton mbingarkesa, sidomos në orët e ngarkesës së lartë.

Mes tjerash, KEDS-i u ka bërë apel qytetarëve për përdorim racional dhe të kujdesshëm të energjisë, në mënyrë që të zvogëlohet presioni mbi rrjet dhe të sigurohet furnizim i qëndrueshëm për të gjithë./EO

Continue Reading

Lajmet

Supremja hedh poshtë padinë për mbulesën islame në shkolla, MASHTI është kompetente për rregullat e uniformës

Published

on

By

Gjykata Supreme e Kosovës ka refuzuar si të pabazuar padinë e Rrjetit të Femrave për Zhvillim Profesional “Arrita” kundër Ministrisë së Arsimit, Shkencës, Teknologjisë dhe Inovacionit MASHTI për mbulesën në shkolla, duke konfirmuar njëherësh kompetencën e MASHTI-t për rregullat e uniformës.

Rrjeti i Femrave për Zhvillim Profesional “Arrita” ka kërkuar që të shpallet i paligjshëm dhe të shfuqizohet neni 3 paragraf 1, nën paragraf 1.13 i Udhëzimit Administrativ nr.06/2014, që është një akt administrativ i përgjithshëm, duke thënë se nuk mund të ndalohet ushtrimi i të drejtave dhe lirive kushtetuese të vajzave që mbajnë mbulesën islame.

E njëjta ka theksuar se me nenin 55.1 të Kushtetutës, saktësohet qartë se “të drejtat dhe liritë themelore të garantuara me këtë Kushtetutë, mund të kufizohen vetëm me ligj”, duke shtuar se në katër vjetët e fundit kanë pranuar ankesa të shumta nga vajzat që janë përjashtuar nga shkollat publike për shkak të bartjes së shamisë.

Gjykata Supreme e Kosovës ka shqyrtuar me kujdes bazën ligjore të aktit nënligjor normativ të kontestuar dhe ka vlerësuar se dispozita nga neni 3 paragraf 1, nën paragraf 1.13, gjen mbështetje në Ligjin nr. 04/L-032 për Arsimin Parauniversitar dhe në Ligjin nr. 04/L-138 për Arsimin dhe Aftësimin Profesional.

Nga këto dispozita rezulton se MASHTI ka autorizim të qartë ligjor për të përcaktuar rregulla për sjelljen e nxënësve, përfshirë edhe rregullat për veshjen – uniformën dhe se akti nënligjor është në përputhje me autorizimin e shprehur ligjor të dhënë nga ligjvënësi.

“Përcaktimi sikurse në aktin e kontestuar, me të cilin ndalohet bartja e uniformës fetare në shkolla, gjen mbështetje në një akt më të lartë ligjor për nga fuqia hierarkike, andaj si i tillë nuk mund të shfuqizohet”, ka bërë të ditur Gjykata Supreme.

Gjykata Supreme çmon se rregullat e miratuara nga Ministria e Arsimit, Shkencës dhe Teknologjisë, të cilat ndalojnë bartjen e çdo veshjeje tjetër përveç uniformës shkollore, janë në përputhje me ligjin dhe me kompetencën e deleguar ligjore, dhe si të tilla nuk përbëjnë tejkalim të autorizimeve të dhëna nga ligjdhënësi./KP

Continue Reading

Lajmet

OVL-UÇK paralajmëron protestën e radhës në përkrahje të ish-krerëve të luftës

Published

on

By

Protesta e radhës në përkrahje të ish krerëve të UÇK-së që po gjykohen në Hagë do të mbahet para Asamblesë Parlamentare të Këshillit të Evropës në Strasburg më 16 nëntor.

Kryetari i OVL-UÇK, Hysni Gucati, derisa kërkoi pjesëmarrje masive në protestë theksoi nevojën për drejtësi.

Kemi vendosur që protestën e radhës ta organizojnë më 16 nëntor para Asambalesë Parlamentare të Këshillit të Evropës në Strasburg”, tha ai në konferencë për media të mërkurën.

Kujtojmë se protesta e fundit në përkrahje të ish-krerëve që po gjykohen në Hagë ishte në Tiranë me 17 tetor./KP

Continue Reading

Lajmet

Prokuroria s’e kundërshton pranimin e deklaratës së Wesley Clark në prova materiale

Published

on

By

Zyra e Prokurorit të Specializuar (ZPS) përmes një parashtrese ka thënë se në parim nuk kundërshton që deklarata e Gjeneralit Wesley Clark të pranohet në prova materiale për sa kohë ajo i plotëson kërkesat sipas Rregullës 154.

Po ashtu, në parashtresën e Prokurorisë, theksohet po ashtu se nuk e kundërshtojnë as ndryshimin e listës së provave të mbrojtjes së Thaçit në mënyrë që të përfshihet edhe kjo deklaratë e po ashtu as masat e propozuara sipas Rregullës 107, raporton “Betimi për Drejtësi“.

Në përgjigje të kërkesës së mbrojtjes lidhur me këto pika, Prokuroria thotë se nga fakti që deklarata e propozuar e Clark përmban prova me opinione që lidhen me çështje të rëndësishme, ata nuk e kundërshtojnë pranimin e saj sipas Rregullës 154.

Megjithatë, Prokuroria vlerëson se nëse ky material pranohet, duhet kujdes i duhur në vlerësimin e peshës së kësaj dëshmie.

“Për arsyet e mësipërme, ZPS-ja nuk kundërshton: (i) pranimin e provave të propozuara në Kërkesë, me kusht që të plotësohen kriteret e Rregullës 154; (ii) kërkesën për ndryshimin e listës së provave; ose (iii) masat e propozuara të Rregullës 107”, thuhet në parashtrimin e Prokurorisë.

Ndërkohë, më 15 prill 2025, Prokuroria ka njoftuar se ka përfunduar paraqitjen e provave në këtë rast.

Ndërsa, mbrojtja kishte bërë kërkesë sipas Rregullës 130, e cila parasheh kërkesën për rrëzimin e ndonjë akuze apo akuzave në tërësi në aktakuzë. Vendimi mbi këtë kërkesë ishte marrë më 16 korrik 2025. Sipas kryetarit të trupit gjykues, Charles Smith III, ajo që kishte kërkuar mbrojtja ishte mosmbështetja në pretendime për krime lufte që kanë të bëjnë me incidente që kanë ndodhur para majit të 1998-ës dhe pas 20 qershorit të 1999-ës.

“Trupi gjykues vëren se incidentet dhe ngjarjet që kanë ndodhur në kohën që kundërshtohen prej mbrojtjes nuk janë akuza brenda kuptimit të Rregullës 130”, tha kryetari i trupit gjykues, Charles Smith III.

Si rrjedhojë, ishte rrëzuar ky mocion me arsyetimin se trupi gjykues s’e ka autoritetin për të rrëzuar materiale që përbëjnë akuzat që kanë të bëjnë me shkaqe kohore. Ndërsa, po të njëjtën ditë, mbrojtja e viktimave kishte paraqitur provat e veta duke thirrur dy dëshmitare eksperte për të dëshmuar njëkohësisht.

Përveç që dëshmuan më 16 korrik 2025, dëshmia e këtyre dy dëshmitareve vazhdoi edhe më 17 korrik 2025, duke përfunduar kështu edhe marrja e dëshmive të dëshmitarëve të mbrojtjes së viktimave.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020./EO

Continue Reading

Të kërkuara