Kronikë e zezë

​Pas vetëvrasjes së të burgosurit në Prizren, reagon KMDLNj

Sipas KMDLNj-së, personi që dyshohet se kreu vetëvrasje, kishte probleme psikiatrike.

Published

on

Këshilli për Mbrojtjen e të Drejtave e të Lirive të Njeriut (KMDLNj) ka reaguar pas rastit të së hënës, kur një i paraburgosur në Qendrën e Paraburgimit në Prizren ka bërë vetëvrasje.

Sipas KMDLNj-së, personi që dyshohet se ndërroi jetë si pasojë e vetëvarjes në dritaren e banjos së dhomës, ka pasur probleme psikiatrike dhe ngecje në zhvillim mendor.

Me këtë rast, KMDLNj përmes një komunikate për media ka përsëritur se të burgosurit me probleme të natyrës psikike nuk duhet të mbahen në institucione korrektuese apo të paraburgimit, por duhet të vendosen në Institutin e Psikiatrisë Forenzike.

“KMDLNj rithekson se për këtë kategori duhet të ketë trajtimin e duhur dhe të garantuar me të gjitha dokumentet vendore dhe ndërkombëtare për të drejtat e njeriut për personat e privuar nga liria, me LESP dhe me Rregullat Evropiane të Burgjeve. Mbajtja e personave me probleme të natyrës psikike në institucione korrektuese dhe të paraburgimit paraqet shkelje të të drejtave të njeriut pasi që këto institucione nuk i përmbushin kriteret e duhura për mbajtjen dhe trajtimin e kësaj kategorie”, thuhet në komunikatë.

Sipas informatave të KMDLNj-së, problemet psikike dhe ngecjet në zhvillim mendor tek i njëjti janë vërejtur që në pranimin e tij në Qendrën e Paraburgimit.

“Më datë 06.12.2021 , rreth orës 14:30, në dhomën e tij në banjo, në Qendrën e Paraburgimit në Prizren është vetëvarur i paraburgosuri, F. I. Mjekët e NjShB kanë filluar reanimimin e menjëhershëm dhe në ndihmë kanë ardhur edhe Ekipa e Emergjencës së Prizrenit por reanimimi ka rezultuar pa sukses, me çka është konstatuar vdekja e pacientit rreth orës 14:47. F.I. ishte i lindur në vitin 1987. Në QP në Prizren ka ardhur me datë 11.09.2021. Në pranim është vërejtur se i paraburgosurit ka pasur probleme psikiatrike dhe ngecje në zhvillim mendor”, thuhet po aty.

Sipas KMDLNj-s edhe Instituti i Forenzikës Psikiatrike në Prishtinë ka kapacitete të ulëta për vendosjen e personave të privuar nga liria, për çka thekson se duhet të ndërmerren masa.

Këshilli për për Mbrojtjen e të Drejtave e të Lirive të Njeriut i ka dalë në mbrojtje edhe stafit përgjegjës, pas njoftimit të djeshëm për suspendimin e këtyre të fundit.

“Në çastin e privimit nga liria , shteti përmes institucioneve përkatëse merr përgjegjësinë për shëndetin dhe jetën e të burgosurit apo të dënuarit. Në rastin e vetëvarjes së të paraburgosurit F.I. të gjithë po merren me pasojat ndërsa ka dështuar mekanizmi parandalues, dërgimi në institucionin shëndetësor që do të kujdesej për shëndetin e të paraburgosurit. Të gjithë ata që e njohin arkitekturën e brendshme të Qendrës së Paraburgimit në Prizren ku banjat janë ndara nga pjesa tjetër e dhomës e kanë të qartë se oficerët nuk mund të mbahen përgjegjës prandaj KMDLNj vlerëson se ky suspendim nuk ka bazë ligjore aq më parë që kanë dështuar mekanizmat parandalues. KMDLNj i shpreh ngushëllime të sinqerta familjes së të ndjerit F.I. dhe kërkon që rastet e ngjashme të trajtohen me prioritet”, thuhet në komunikatë. 

Lajmet

​Ndërron jetë Shemë Mustafa, ish-polici i rrëmbyer nga Serbia dy vite më parë

Published

on

Ka ndërruar jetë Shemë Mustafa, ish-pjesëtar i Policisë së Kosovës nga Mitrovica, i cili në qershor të vitit 2023, u rrëmbye nga forcat serbe së bashku me dy kolegë të tjerë.

Lajmi për ndarjen e tij nga jeta është bërë i ditur nga familjarët përmes rrjeteve sociale, kurse varrimi i tij do të bëhet nesër në varrezat e Shipolit në Mitrovicë.

Mustafa vuante prej kohësh nga një sëmundje kronike dhe shërbeu për vite me radhë në Policinë e Kosovës.

Gjatë rrëmbimit të tij, Policia aktin e cilësoi këtë si kidnapim klasik të organizuar brenda territorit të Kosovës, kurse në Beograd u tha se ata janë arrestuar nga njësitet anti-terror të xhandarmërisë serbe brenda territorit të Serbisë, në komunën e Rashkës.

Policia e Kosovës pati bër të ditur se ata dyshohet se janë rrëmbyer nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës në komunën e Leposaviqit. /S.K/KP/

Continue Reading

Lajmet

​Vrasje në Kotor, policia bllokon zonën e plazhit popullor

Published

on

Një bllokim i plotë policor u vendos në zonën më të gjerë të plazhit Jaz në Kotor mbrëmë për shkak të një vrasjeje pranë plazhit të afërt Trsteno.

Forcat policore kanë kontrolluar të gjitha qasjet dhe hetimi është duke vazhduar, raportoi portali Dan.

Bllokimi policor u vendos pranë urës në Jaz dhe shtrihet deri në vendin e ngjarjes, i cili është rreth një orë larg në këmbë.

Kalimi, me urdhër të prokurorit të lartë të shtetit, ishte i ndaluar, me përjashtim të zyrtarëve, përfshirë mediat.

Trupi i pajetë i një burri që ende nuk është identifikuar u gjet në një automjet pranë plazhit Trsteno.

Sipas informacioneve jozyrtare, policia po punon intensivisht për të përcaktuar identitetin e viktimës, dhe gjithashtu po heton dyshimin se ai është një anëtar i rangut të lartë i një prej grupeve kriminale, gjë që ngre mundësinë që kjo të jetë një vazhdim i konfliktit të klanit./S.K/KP/

 

Continue Reading

Lajmet

Mjeku ligjor: Liridona Ademaj është vrarë nga afërsia 2 deri në 5 centimetra

Published

on

E përditësuar:

10:22 – Në seancën gjyqësore ndaj Naim Murselit, Granit Plavës dhe Kushtrim Kokallës, të përfshirë në vrasjen e Liridona Ademajt, të hënën ka dëshmuar mjeku ligjor Naim Uka, i cili ka kryer autopsinë e trupit të saj.

Uka, duke iu përgjigjur pyetjeve të Prokurorisë, tha se një pjesë metalike e hedhur nga arma e zjarrit është gjetur në anën e majtë murale të kokës e cila ishte dorëzuar si provë.

Gjatë procedurave të autopsisë mjeko-ligjore është konstatuar vrima hyrëse në regjionin e djathtë muror të kokës e shkaktuar nga veprimi dinamik i predhës së hedhur nga arma e zjarrit e cila ka pasur drejtim nga djathtas majtas nga përpara pjerrtas dhe pas dhe nga poshtë pjerrtas lart. Është e rëndësishme të cekët se pjesë metalike të kësaj predhe është gjetur në anën e majtë murale të kokës e cila është dorëzuar si provë sipas zinxhirit të provave tek policët hetues. Si rezultat i kësaj plage ka ardhur gjakderdhja e brendshme trunore e cila është edhe shkaku i vdekjes”, tha ai.

Ai shtoi se qitja e armës është bërë rreth 2 deri në 5 centimetra.

Gjatë ekzaminimit të plagës hyrëse kemi konstatuar përreth vrimës hyrëse prezencën e faktorëve plotësues të qitjes të cilët kanë shkaktuar djegien lëkurore me prezencë të grimcave të barutit dhe në bazë të këtyre provave mjeko-ligjore është konstatuar se distanca e qitjes sillet rreth 2 deri 5 centimetra. Përjashtohet mundësia e vrasjes me puthitje apo gjysmë puthitje për shkak të mungesës së stampit të tytës së armës në indet e buta përreth vrimës hyrëse të plagës. Plaga është përshkruar se ka formë trekëndëshe e cila është e shoqëruar me thyerje të shumëfishta kockore dhe e shoqëruar me plozë përreth”, tha ai.

Ai tha ka eleminuar mundësinë se e njëjta ka kryer vetëvrasje.

Në raste të ngjashme kur mungojnë të dhënat preliminare nga vendi i ngjarjes gjatë kryerjes së autopsisë kryhen edhe ekzaminimet e detajuara të shuplakave të duarve të të ndjerit apo të ndjerës. Edhe në këtë rast kemi kryer ekzaminimet e dy duarve të të ndjerës në mënyrë që bazuar në prezencën apo mungesën e faktorëve plotësues të qitjes dhe njollave është eliminuar mundësia që e njëjta të ketë përdorur ndonjë armë apo të ketë shkaktuar vetëvrasje. Edhe mungesa e shtangimit kataliptik të gishtit tregues është një provë tjetër mjeko-ligjore që e plotëson konstatimin e parë dhe nuk lë asnjë dyshim për ndonjë mundësi tjetër”, tha ai.

Ai duke ju përgjigjur pyetjeve të prokurorisë tha se në rastin konkret gjatë ekzaminimit të jashtëm të trupit është konstatuar gjakmbledhja lëkurore (hematoma) me përmasa rreth 6 x 1.5 cm

Gjatë procedurave standardeve të strukturave mjeko-ligjore përveç plagëve vdekjeprurëse ekzaminohen të gjitha dëmtimet tjera eventuale trupore. Në rastin konkret gjatë ekzaminimit të jashtëm të trupit është konstatuar gjakmbledhja lëkurore (hematoma) me përmasa rreth 6 x 1.5 cm në regjionin e sipërm dhe të jashtëm në krahun e djathtë. Kjo gjakmbledhje është përshkruar me ngjyrim të kuqe dhe blu, vetë përngjyrimi i tillë, bazuar në kriteret shkencore mjeko-ligjore dhe praktike, dëshmon se kjo gjakmbledhje është shkaktuar para ose gjatë vrasjes së tani më të ndjerës. Ngjyra e kuqe tregon praninë e eritrociteve të freskëta dhe të oksigjenuara të dala nga enët e gjakut në momentin e traumatizimit – kjo është tipike për fazën akute, ndërsa ngjyra blu është kur fillon të deoksigjenohet dhe degradohet. Përjashtohet çdo mundësi tjetër që kjo gjakmbledhje të jetë shkaktuar pas vdekjes së tani më të ndjerës”, tha ai./D.B/EO

08:10

Do të vazhdojë edhe sot seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Në këtë seancë pritet të dëgjohet raporti i autopsisë nga mjeku ligjor Naim Uka.

Ndryshe seanca e fundit u fokusua në dëgjimin e ekspertit të psikiatrisë, i cili kishte kryer ekzaminimin psikiatrik ndaj të akuzuarit Naim Murseli.

Eksperti kishte deklaruar në sallën e gjyqit se nga ekzaminimi i bërë nuk janë konstatuar çrregullime të shëndetit mendor te Naim Murseli, as në formë të përhershme e as të përkohshme. Ai tha se analizat janë kryer përmes dokumenteve të lëndës, bisedave të drejtpërdrejta me të akuzuarin, si dhe përmes vëzhgimit të sjelljes së tij gjatë ekzaminimit.

Liridona Ademaj u vra më 29 nëntor 2023, rreth orës 20:25, në rrugën “Dalip Alshiqi” në fshatin Bërnicë të Prishtinës./S.K/EO/

 

Continue Reading

Lajmet

Arrestohen dy persona të dyshuar për posedim të armës dhe deklarim të rremë

Published

on

Policia e Kosovës njofton se dje në Pejë ka ndaluar dy persona tё dyshuar dhe ka arrestuar derisa ishte nё pikё kontrolli në rrugën “Maja e zezё-Peklenё’.

Ata njoftuan se gjatё kontrollit fizik tek njёri nga personat e dyshuar ёshtё gjetur dhe është sekuestruar: njё armё pistoletё, njё karikator i armёs, katёr fishekё

Sipas Policisë, gjatё intervistimit i dyshuari ёshtё prezantuar rrejshëm me identitet tjetёr, pastaj ёshtё verifikuar dhe vërtetuar nga hetuesit dhe i njëjti ka deklaruar rrejshёm.

“Pas intervistimit të personave tё dyshuar me urdhёr tё prokurorit tё Shtetit tё dyshuarit janё ndaluar pёr 48 orё”, thuhet në njoftim./S.K/KP/

Continue Reading

Të kërkuara