Lajmet

​Osmani: Synojmë hartimin e politikave shtetërore që rregullojnë problemet e komuniteteve

Osmani u zotua se do të ofrojë mbështetje për të gjitha grupet e margjinalizuara, në veçanti për gratë.

Published

on

Presidentja e Kosovës, Vjosa Osmani është zotuar për të hartuar politika shtetërore përmes së cilës rregullohen problemet që po përballen komunitetet jo-shumicë. Ajo ka theksuar se në Kosovë, punësimi, edukimi dhe zhvillimi socio-ekonomik janë disa nga sfidat e përditshme. Kështu ka deklaruar, e para e shtetit në mbledhjen e Këshillit Konsultativ për Komunitete.

Osmani u zotua se do të ofrojë mbështetje për të gjitha grupet e margjinalizuara, në veçanti për gratë.

Sipas saj, ky mekanizëm u ofron mundësi komuniteteve që të përfshihen në nisma legjislative dhe të shtyjnë përpara rekomandimet e institucioneve.

“Gjithmonë do të më keni aleate dhe përpjekjet tona do të jenë të përbashkëta në këtë drejtim. Punësimi, edukimi dhe zhvillimi socio-ekonomik janë disa nga sfidat e përditshme të të gjithë qytetarëve pa dallim etnie. Si presidente e vendit së bashku me institucionet tjera do të punojmë që këto probleme të eliminohen në veçanti për grupet që ndihen më të margjinalizuara dhe që ballafaqohen me këto probleme në masë shumë më të madhe. Siç e dimë pikërisht pandemia i ka vënë në pah shumë më shumë se sa në vitet paraprake”, ka theksuar ajo.

Ajo ka pohuar se edhe gjatë këtij viti ka pasur raste të diskriminimit të komuniteteve, romë, ashkalinj e egjiptianë.

“Ndër prioritet kryesore të agjendës sime është edhe fuqizimi i gruas. Duke filluar nga fuqizimi i saj ekonomik e deri tek ballafaqimi me problemet e përditshme, siç janë dhuna në familje, problemet me mungesën e punësimit dhe probleme të tjera. Prandaj, do të përkushtohemi fuqishëm që gratë jo vetëm të ndihen të barabarta por edhe të fitojnë e gëzojnë vendin e tyre meritor në shoqëri përfshirë gratë që i takojnë komunitetit jo-shumicë. Pra, kjo do të realizohet pa dallim përkatësie, sepse pandemia në veçanti i ka goditur gratë e komuniteteve jo-shumicë”, theksoi ajo.

Ajo shtoi se komunitetet e caktuara përballen me probleme specifike, për këtë ajo u zotua se do të hartojnë politika shtetërore për të rregulluar problemet me të cilat merret komunitetet jo-shumicë.

“Si institucione të vendit synojmë që përveç garantimit të të drejtave të përgjithshme të lirive, të drejtave specifike që parashihen edhe me ligje, të ndërtojmë edhe politika shtetërore përmes së cilës rregullohen problemet specifike me të cilat përballen komunitetet. Diversiteti është një ndër vlerat kryesore të republikës sonë. Si e tillë kjo vlerë do të kultivohet edhe më tej dhe përkrahja institucionale nuk do të mungojë”, ka deklaruar Osmani.

Mediat janë lejuar vetëm në fillim të kësaj mbledhje, derisa ka folur presidentja e vendit, Vjosa Osmani. Kujtojmë se Këshilli Konsultativ për Komunitete, vepron në kuadër të Zyrës së Presidentit të Kosovës. 

Lajmet

Vendimet e fundit të Qeverisë në detyrë

Published

on

By

Qeveria në detyrë e Kosovës ka miratuar vendimin për përcaktimin e pagës mesatare me qëllim të kompensimit të pushimit të lehonisë nga Qeveria e Republikës së Kosovës. Ndërsa, është votuar edhe vendimin për hartimin e Planifikimit Hapësinor për Kompleksin Memorial “Adem Jashari” në Prekaz.

Sqarime rreth vendimit dha ministri në detyrë i Financave, Hekuran Murati i cili tha se me Ligjin e Punës parashihet që për çdo grua që lind, në gjashtë muajt e parë, punëdhënësi obligohet të mbulojë shtatëdhjetë për qind (70%) të pagës, ndërsa pjesa tjetër e pushimit të lehonisë prej tre muaj me pagesë të pesëdhjetë për qind (50%) të pagës mesatare nga qeveria.

Deri tani aktualisht paga referencë që është marr ka qenë 223 euro ka qenë për lehonat e punësuara, ndërsa kjo po rritet m vendimin e sotëm duke marr për bazë pagën e re minimale 689 euro i bie apo përkthehet se 50% e këtij niveli është 319.5 euro. Pra, pas 6 muajve që merr 70% të pagës në pushimin e lehonisë çdo grua do t’i marrë edhe këta tre muaj në vlerë në 319.5 euro për secilin muaj”, theksoi ai.

Ministri në detyrë i Financave, Murati tha se kostoja për të mbuluar koston e rritjes edhe për 55 euro për pagat në sektor publik është tridhjetenjë milionë euro (31.2 milionë euro).

Në tërësi pra kostoja është 31 milionë e 261 mijë e 385.93 euro, pra është 31.2 milionë euro kostoja që do të shpërndahet nëpër organizata buxhetore për të mbuluar koston e rritjes edhe për 55 euro të tjera”, tha ai.

Në këtë mbledhje të sotme Qeveria në detyrë votoi edhe vendimin për hartimin e Planifikimit Hapësinor për Kompleksin Memorial “Adem Jashari” në Prekaz.

Kryeministri në detyrë, Albin Kurti tha se Kompleksi Memorial “Adem Jashari” përfaqëson një ndër proceset më delikate dhe më të rëndësishme të Kosovës.

Ky kompleks përfaqëson një ndër proceset më delikate dhe më të rëndësishme për Republikën tonë, master plani i cili është në fazën e hartimit nga një studio e profesionistëve ndërkombëtarë në bashkëpunim me ata vendorë synon ta shndërrojë kompleksin në një nga qendrat më të rëndësishme të kujtesës në botë. Përveç projekteve për konzervim, restaurim dhe interpretim parashihet edhe hartimi i dokumenteve, planifikimit hapësinor të cilat do të mundësojnë zhvillimin e një koncepti koherent dhe multidisiplinar për organizimin hapësinor dhe urban të kompleksit”, tha ai.

Arsyetimin për votim të këtij vendimi e dha edhe ministri i Mjedisit dhe Planifikimit Hapësinor në detyrë, Liburn Aliu i cili tha se afati për zbatimin e tij është së paku tetë vjet.

Ky dokument përbën një nga aktet më të rëndësishme strategjike në mbrojtjen dhe promovimin e trashëgimisë sonë historike të lidhur ngushtë me identitetin kombëtar dhe zhvillimin e qëndrueshëm të planit hapësinor. Plani hapësinor për kompleksin memorial “Adem Jashari” përfaqëson një dokument të planifikimit hapësinor të planit qendror… Plani hapësinor do të hartohet në kuadër të kontratës për hartimin e masterplanit për ndërtimin e Kompleksit Memorial ‘Adem Jashari’ në Prekaz në bashkëpunimin me MMPH dhe MKRS-në . Afati i tij i zbatimit është së paku 8 vjet”, tha ai.

Në mbledhjen e sotme të qeverisë në detyrë u miratua edhe rregullorja për trajnimin dhe testimin e detyrueshëm, si dhe Certifikimi i Inspektorëve të Kosovës.

Kryeministri në detyrë, Albin Kurti tha se kjo po bëhet me qëllim të vendoset rend dhe ligj.

Reformimi i fushës së inspektimeve po bëhet me rregulla të qarta të punës e me vullnet të madh për të vendosur rend e ligj në çdo cep”, deklaroi ai.

Ekzekutivi në detyrë ka miratuar edhe rregulloren për procedimin e pranimit në shërbimin civil e cila ka synim të sigurojë proces të hapur dhe të bazuar në meritokraci.

Po ashtu, gjatë mbledhjes u miratua vendimi preliminar për shpronësim të pronave të paluajtshme për projektin “Ndërtimi i Qarkores së Jashtme të Qytetit të Gjilanit dhe Kyçja e Rrugës Nacionale N25.2 dhe N25.3 deri te autoudha R7.1” si dhe vendimi për shpronësim të pronave të paluajtshme ish-shoqërore “Mekanizmi”, që menaxhohet dhe administrohet nga AKP-ja./kp

Continue Reading

Lajmet

​Dështon për herë të 27-të konstituimi i Kuvendit

Published

on

By

Kuvendi i Kosovës nuk arriti të konstituohet as në përpjekjen e njëzet e shtatë. Tentimi i radhës i Lëvizjes Vetëvendosje për të formuar komisionin për votimin e fshehtë të kryeparlamentarit nuk mori përsëri mbështetjen e partive të tjera politike. Seanca u ndërpre dhe vazhdimi i saj do të bëhet më 7 qershor në orën 11:00

Pro votimit të Komisionit për votim të fshehtë të kryekuvendarit votuan vetëm 50 deputetë.

50 deputetë kanë votuar për, kundër asnjë, asnjë abstenim, s’ka kuorum. Takohemi sërish me 7 qershor në ora 11:00”, tha ai kryesuesi i seancës, Avni Dehari.

Në 18 seanca radhazi nuk ka arritur të ketë kuorum për votimin e komisionit për votimin e fshehtë të kryeparlamentarit.

Në anën tjetër, në gjashtë tentimet e para përmes votimit të hapur, Lëvizja Vetëvendosje nuk ka arritur t’i sigurojë 61 votat e nevojshme për të zgjedhur Albulena Haxhiun kryetare të Kuvendit.

Partitë që deri më tash ishin në opozitë po kërkojnë tjetër kandidat, pasi sipas tyre, Albulena Haxhiu është emër i papranueshëm./KP

Continue Reading

Lajmet

​Kadrijaj: Kërkesat e qytetarëve janë të arsyeshme

Published

on

By

Deputetja e Aleancës për Ardhmërinë e Kosovës, Time Kadrijaj, ka thënë se kërkesat e qytetarëve për formim të institucioneve të reja pas zgjedhjeve të 9 shkurtit janë të arsyeshme.

Të enjten dhjetëra qytetarë u mblodhën para hyrjes së Kuvendit, para vazhdimit të seancës konstituive të Kuvendit për herë të 27-të, duke kërkuar nga deputetët tejkalim të ngërçit.

Megjithatë, Kadrijaj tha se është skeptike se do të ketë lëvizje pozitive në seancën e sotme.

Nuk kemi parë ndonjë lëvizje. Po presim me u përsërit skenari i njëjti dhe seanca mos të zgjasë më shumë se 30 minuta. Ky bllokim i seancës nuk është e drejtë që po ndodh nga Kurti dhe partia e tij… Kurti dhe ish kabineti qeveritar para dite po janë deputetë pas dite po shkojnë në zyre të tyre në qeveri”, tha ai.

Ajo komentoi edhe kërkesën e deputetit të Lëvizjes Vetëvendosje, Agim Bahtiri se do të “prejnë një kurban” siç ka thënë “për ta kthyer mbarë opozitën”.

Kërkesat e qytetarëve janë të arsyeshme. Ndërsa sa i përket zotëri Bahtiri është mirë që atë kurban ta prejë bashkë me Albin Kurti dhe ndoshta munden me siguru votat që me kalu dhe me marrë votat”, shtoi ajo./KP

Continue Reading

Lajmet

Nisma kundër propozimit që zgjedhjet e jashtëzakonshme të mbahen bashkë me ato lokale

Published

on

By

Deputetja e Nismës Socialdemokrate, Xhevahire Izmaku është shprehur kundër mbajtjes së zgjedhjeve të jashtëzakonshme në të njëjtën datë me zgjedhjet lokale.

Ajo tha se ky propozim nuk është ndërtuar as si ide dhe në bazë të ligjeve dhe Kushtetutës është e pamundur një gjë e tillë.

Nuk mundem të paragjykoj. Ky është propozim i një partie politike dhe s’ka qenë e ndërtuar si ide. Në këto rrethana ne kemi një problem tjetër… Në këto rrethana është e pamundur”, tha ajo.

Megjithatë, Izmaku duke hyrë në objektin e Kuvendit për vazhdimin e seancës konstituive për herë të 27-të, tha se shpreson se ditëve në vijim mund të ketë një zgjidhje për formimin e institucioneve të reja pas zgjedhjeve të 9 shkurtit.

Madje tha se nuk mendon se ka dështuar marrëveshja “gjentelmene” mes Kurtit dhe Limajt për ta zgjedhur këtë të fundit kryeparlamentar.

Jo nuk mendoj se ka dështuar, dhe pres që të ketë një zgjidhje ditëve në vijim”, tha ajo./KP

Continue Reading

Të kërkuara