Lajmet
Osmani në lagjen e Kovaçëve: Serbia po mbron kriminelët
Ajo deklaroi se ende nuk ka drejtësi për të vrarët.
Published
4 years agoon
By
Betim GashiNë përvjetorin e masakrës në lagjen e Kovaçëve, presidentja Vjosa Osmani ka vendosur lule te pllaka përkujtimore e të rënëve në Mitrovicë. Ajo deklaroi se ende nuk ka drejtësi për të vrarët, ndërkohë që Serbia po i mbron kriminelët.
Gjatë vizitës së saj në Mitrovicë, ajo bashkë me kryetarin Bedri Hamza kanë bërë homazhe te pllaka përkujtimore ku janë të vendosur emrat e të rënëve. E para e shtetit u shpreh se gjaku i gjithë atyre që dhanë jetën për liri, asnjëherë nuk do të shkojë huq.
“Dhimbja nuk mund të përshkruhet, por në të njëjtën kohë të gjithë bashkërisht jemi krenar që ka qenë pikërisht sakrifica e njerëzve tanë nga Mitrovica dhe vendet tjera nga Kosova që i kanë ndërtuar themelet e shtetit tonë të lirë. Sepse, pa këtë sakrificë ne kurrë nuk do të mund ta gëzonim shtetin tonë. Megjithatë, liria jonë kurrë nuk do të jetë e plotë në qoftë se nuk ka drejtësi për të gjithë ata që i humbëm. Fatkeqësisht edhe sot e kësaj dite, kur po e përkujtojmë këtë masakër dhe çdo ditë tjetër kur përkujtojmë edhe masakra të tjera edhe në Mitrovicë dhe anekënd Kosovës, duhet ta përsërisim që kriminelët që kanë kryer këto krime enden të lirë. Serbia ata i mbron, as nuk i vendos para drejtësisë, as nuk kërkon falje për ato krime, përkundrazi i glorifikon dhe mbron kriminelët”, ka thënë Osmani.
Kryetari i Mitrovicës, Bedri Hamza tha se sot po nderojnë të rënët të cilët shënojnë themelet e lirisë së vendit.
“Ne nuk do të ndalemi. Ju keni shumë të drejtë kur kërkoni drejtësi për familjarët e tyre. Ne si institucione duhet të bëjmë punën tonë që vazhdimisht në çdo takim dhe instancë të kërkojmë drejtësi për këtë masakër që ka ndodhur para 23 vjetësh këtu në rrugën e Kovaçëve. Këtu kanë rënë njerëzit e devotshëm, të ndershëm, njerëzit e mirë të Mitrovicës. Këtu ka qenë një prej masakrave të mëdha, të cilat kanë ndodhur në Kosovë nga ata që sot realisht nuk kërkojnë falje, nuk i pranojnë fajet dhe nuk reflektojnë në gabimet e tyre të errëta”, ka thënë Hamza.
Para 23 vjetësh, në lagjen e Kovaçëve janë vrarë 31 shqiptarë nga kriminelët serbë.
Lajmet
Aksident në autostradën “Ibrahim Rugova”, lëndohet një person
Published
3 minutes agoon
October 30, 2025By
UBTnews
Një person ka marrë lëndime trupore si pasojë e një aksidenti i cili ka ndodhur sot rreth orës 13:00 në autostradën “Ibrahim Rugova”, saktësisht drejtimi Prizren-Prishtinë (rajoni i Suharekës).
Lajmin e ka konfirmuar zëdhënësi i Policisë së Kosovës, Bajram Krasniqi.
Sipas tij, në këtë aksident është i përfshirë një veturë dhe policia është duke u marrë me procedurat rreth kompletimit të lëndës./EO
Lajmet
Kurti në panelin “Paqeruajtja në një udhëkryq: E ardhmja e misioneve të OKB-së dhe përgjegjësia globale”
Published
18 minutes agoon
October 30, 2025By
UBTnews
Kryeministri në detyrë i Republikës së Kosovës, Albin Kurti, ishte i ftuari i diskutimit “Paqeruajtja në një udhëkryq: E ardhmja e misioneve të OKB-së dhe përgjegjësia globale”, të organizuar në kuadër të Forumit të Paqes, i cili po mbahet në Paris.
Aty Kurti theksoi se Kosova është histori e dyfishtë suksesi: së pari, histori suksesi e ndërhyrjes ushtarake dhe humanitare të NATO-s për të ndalur gjenocidin e Serbisë, dhe, së dyti, si shtet ku zhvillimi dhe demokracia ecin krah për krah njëra-tjetrës.
Ai theksoi se përgjatë viteve me fuqizimin e shtetit, ulej prezenca ushtarake ndërkombëtare në vend ndërsa rritej progresi ekonomik. Sot Kosova ka Bruto Produkt Vendor (BPV) për kokë banori gjashtë herë më të lartë sesa në vitin 2000 dhe tri herë më të lartë sesa në vitin e shpalljes së pavarësisë më 2008. Ai shtoi se Kosova duhet të shërbejë si shembull që çlirimi dhe pavarësia, kanë edhe dividentë makroekonomike e sociale për të gjithë qytetarët.
Kurti citohet të ketë thënë se secili mision paqeruajtës ka nevojë për vlera të përbashkëta dhe jo vetëm për interesa të përbashkëta, duke theksuar rëndësinë e multilateralizmit, dialogut, negocimit, pajtueshmërisë dhe marrëveshjeve. Në këtë kuptim përmendi modelin e Bashkimit Evropian, si projekt politik e proces historik të paqes dhe prosperitetit.
Duke u përgjigjur në pyetjet e audiencës, Kurti foli edhe mbi forcimin e shtetësisë së Kosovës edhe ndërkombëtarisht dhe tri njohjet e fundit gjatë këtij viti si dhe aspiratat e vendit tonë për integrim në Bashkim Evropian dhe NATO, krahas rëndësisë së bashkëpunimit rajonal./EO
Lajmet
Vendimi i arbitrazhit ndërkombëtar në Gjenevë, KEDS dhe KESCO detyrohen të paguajnë KEK-ut rreth 8.3 milionë euro
Published
34 minutes agoon
October 30, 2025By
UBTnews
Arbitrazhi ndërkombëtar në Gjenevë ka marrë vendim përfundimtar në favor të KEK-ut, duke vërtetuar se KEK ka realizuar furnizimin me energji në përputhje të plotë me dispozitat e Marrëveshjes për Furnizim me Shumicë (MFSh/BSA) dhe se palët e paditura (KEDS dhe KESCO) nuk kanë kryer pagesat brenda afateve të përcaktuara për disa periudha midis viteve 2020–2024.
“Korporata Energjetike e Kosovës Sh.A. (KEK) njofton opinionin publik se Tribunali Ad Hoc i Arbitrazhit, i themeluar sipas Nenit 28 të Marrëveshjes për Furnizim me Shumicë (MFSh/BSA), ka shpallur më 24 tetor 2025 vendimin përfundimtar në rastin KEK kundër KEDS dhe KESCO (Rasti Nr. 900020-2023), duke konfirmuar plotësisht kërkesat e KEK-ut dhe refuzuar pretendimet mbrojtëse të palëve të paditura. Gjatë shqyrtimit të çështjes, Tribunali ka konstatuar faktet e pakontestuara se KEK ka realizuar furnizimin me energji në përputhje të plotë me dispozitat e Marrëveshjes për Furnizim me Shumicë (MFSh/BSA) dhe se palët e paditura (KEDS dhe KESCO) nuk kanë kryer pagesat brenda afateve të përcaktuara për disa periudha midis viteve 2020–2024”, thuhet në njoftimin e KEK.
Sipas këtij vendimi KEDS dhe KESCO do të detyrohen që të paguajnë rreth 8.3 milionë euro, për interesin e akumuluar nga pagesat e vonuara;
“Gjithashtu, Tribunali ka vërtetuar se interesi për pagesat e vonuara është i paraparë dhe i lejuar me MFSh/BSA, dhe se kërkesa e KEK-ut për këtë pagesë është bërë në përputhje të plotë me detyrimet kontraktuale. Nga ana tjetër, vonesat në pagesa nga KEDS dhe KESCO nuk janë justifikuar nga asnjë ngjarje force madhore apo krizë energjetike, ndërsa KEK nuk ka shkelur asnjë parim të mirëbesimit, drejtësisë apo përgjegjësisë kontraktuale. Në bazë të vendimit të shpallur: KEDS dhe KESCO detyrohen të paguajnë KEK-ut rreth 8.3 milionë euro, për interesin e akumuluar nga pagesat e vonuara; KEK-ut i njihen dhe do t’i kompensohen kostot e procedurës së arbitrazhit, përfshirë shpenzimet e përfaqësimit ligjor dhe të ekspertëve, të cilat do të mbulohen bashkërisht nga palët e paditura (KEDS/KESCO). Procedura e arbitrazhit është zhvilluar në përputhje me rregullat UNCITRAL Arbitration Rules (2010), ndërsa vendi i arbitrazhit ka qenë Gjeneva, Zvicër. Vendimi është përfundimtar dhe i zbatueshëm”, thuhet mes tjerash në komunikatë.
Këtë e kanë quajtur një fitore në sektorin energjetik të Kosovës.
“Një fitore me rëndësi strategjike për KEK-un dhe sektorin energjetik të Kosovës. Ky vendim përbën një precedent të rëndësishëm ligjor për sektorin energjetik të vendit, duke forcuar pozitën kontraktuale dhe kredibilitetin institucional të KEK-ut. Ai konfirmon qartësisht sjelljen e përgjegjshme, transparente dhe profesionale të KEK-ut ndaj partnerëve dhe institucioneve, si dhe angazhimin për respektim të plotë të detyrimeve ligjore dhe kontraktuale. KEK shpreh falënderim të veçantë për ekipin e përfaqësimit ligjor të Squire Patton Boggs, si dhe për ekspertët financiarë dhe ligjorë për profesionalizmin dhe përkushtimin e treguar gjatë gjithë procesit të arbitrazhit”, shprehet mes tjerash.
KEK ka falënderuar Avokaturën Shtetërore të Republikës së Kosovës për mbështetjen dhe këshillimin.
“Po ashtu, KEK shpreh mirënjohje të veçantë për Avokaturën Shtetërore të Republikës së Kosovës për mbështetjen dhe këshillimin e vazhdueshëm profesional, veçanërisht gjatë fazave të hershme të përzgjedhjes dhe themelimit të Tribunalit të Arbitrazhit, si dhe për kontributin në sigurimin e përfaqësimit të duhur ligjor gjatë gjithë procesit. KEK mbetet e përkushtuar ndaj zbatimit të ligjit, operimit transparent dhe menaxhimit të përgjegjshëm, duke vepruar me integritet të plotë si ndërmarrja shtyllë e sistemit energjetik dhe ekonomisë së Republikës së Kosovës”, përfundon komunikata./EO
Lajmet
Flamuri i Kosovës valon në mesin e mbi 190 shteteve në ceremoninë e hapjes së First Global Challenge 2025 në Panama
Published
2 hours agoon
October 30, 2025By
Driton Iseni
Në një atmosferë madhështore, mes flamujve të mbi 190 shteteve dhe duartrokitjeve të mijëra pjesëmarrësve nga e gjithë bota, flamuri i Kosovës u valëvit me krenari në ceremoninë e hapjes së First Global Challenge 2025 në Panama. Ky është momenti kur rinia e Kosovës, përmes ekipit First Kosovo, hyn në arenën botërore të inovacionit, teknologjisë dhe kreativitetit.
Në këtë ngjarje madhështore, ekipi përfaqësues i Kosovës – First Kosovo, i përbërë nga të rinj të talentuar që janë përgatitur me muaj në laboratorët e UBT-së, do të garojë për të treguar kreativitetin, dijen dhe shpirtin inovativ të rinisë kosovare. Ata do të përfaqësojnë Kosovën në një nga garat më të rëndësishme botërore në fushën e robotikës dhe teknologjisë.
Tema e sivjetshme e garës, “Biodiversiteti dhe ndryshimet klimatike”, synon të nxisë të rinjtë të krijojnë zgjidhje teknologjike që ndihmojnë në mbrojtjen e mjedisit dhe ruajtjen e jetës në planetin tonë.
UBT, si partneri institucional që ka mbështetur këtë iniciativë që nga fillimi, është vlerësuar më herët me medalje të artë ndërkombëtare për kontributin e jashtëzakonshëm në promovimin e edukimit STEM dhe pjesëmarrjen e suksesshme të ekipeve kosovare në garat globale të robotikës.
Në këtë garë të dijes dhe inovacionit, të rinjtë e Kosovës po e bëjnë vendin tonë të njihet si një forcë e re kreative në hartën teknologjike botërore.
Aksident në autostradën “Ibrahim Rugova”, lëndohet një person
Si të zhbllokoni lavamanin me sodë buke dhe uthull?
Kurti në panelin “Paqeruajtja në një udhëkryq: E ardhmja e misioneve të OKB-së dhe përgjegjësia globale”
Vendimi i arbitrazhit ndërkombëtar në Gjenevë, KEDS dhe KESCO detyrohen të paguajnë KEK-ut rreth 8.3 milionë euro
Dove Cameron dhe Damiano David zyrtarizojnë dashurinë me fejesë
Flamuri i Kosovës valon në mesin e mbi 190 shteteve në ceremoninë e hapjes së First Global Challenge 2025 në Panama
Paga minimale nga janari pritet të jetë 500 euro
Basha në shënimin e 102-vjetorit të Republikës së Turqisë: Ka qëndruar krah nesh me mbështetje institucionale
Ekspozita në Gjermani që sjell historinë përmes aromave: “Fuqia e fshehtë e nuhatjes”
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Aktualitet7 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
