

Lajmet
Osmani: 5, 6 dhe 7 marsi të vitit 1998, shtyllat më të fortat mbi të cilat u ngrit shteti ynë
Sot Kuvendi i Kosovës po mban seancë solemne në 25-vjetorin e Epopesë së UÇK-së.
Published
3 years agoon
By
Betim GashiNë seancën solemne në shënim të 25-vjetorit të Epopesë së Ushtrisë Çlirimtare të Kosovës, presidentja e vendi, Vjosa Osmani u shpreh se ngjarjet e 5, 6 dhe 7 marsit e vitit 1998 janë ndër shtyllat më të forta mbi të cilat u ngrit shteti ynë.
E gjatë kësaj seance solemne me një minutë heshtje u kujtuan të gjithë të rënët për lirinë dhe pavarësinë e Kosovës.
Presidentja Vjosa Osmani tha se çdo fillim mars kthen vështrimin e secilit kah ngjarjet historike të cilat shënuan kthesë vendimtare për vendin tonë. Osmani u shpreh se Epopeja e UÇK-së është epope e dinjitetit, e krenarisë dhe lirisë tonë, betejë në të cilën u përjetësua vendosmëria e familjes Jashari dhe gjithë luftëtarëve të UÇK-së për liri.
“Çdo fillim mars vështrimi ynë qytetar dhe institucional kthehet kah ngjarjet historike të cilat kanë shënjuar një kthesë vendimtare për kombin tonë dhe janë ngulitur fortë në kujdesën e qytetarëve të Kosovës. Këto ngjarje janë pjesa më e rëndësishme e trashëgimisë sonë historike mbi të cilën ne shtresojmë secilën përpjekje tonën për ta konsoliduar shtetin tonë, për të cilin brezat e tonë sakrifikuan edhe më të shtrenjtën, jetën. Ngjarjet e 5,6 dhe 7 marsit të vitit 1998 përbëjnë jo vetëm kujdesën tonë për historinë më të re të Kosovës por edhe njërën ndër shtyllat më të forta të cilat u ngrit shteti ynë i ri, Republika e Kosovës. Kushtrimi i dhënë më 5 mars nga komandati legjendar Adem Jashari bashkë me familjen e tij, ishte kushtrimi i mobilizimit të vajzave e djemve të UÇK-së të cilët përgjatë 3 ditëve të betejës në Prekaz në një përballje heroike me forcat e regjimit gjenocidal të Serbisë fituan, u përjetësuan. Kjo epope e UÇK-së është epope e dinjitetit, e krenarisë dhe lirisë tonë. Në këtë betejë të lavdishme u përjetësua vendosmëria e familjes Jashari dhe gjithë luftëtarëve të UÇK-së për të mbrojtur çdo pëllëmbë të kësaj toke”, tha ajo.
Shefja e shtetit theksoi se për ditët e lavdishme duhet t’u flitet gjithmonë fëmijëve tanë, ndërsa u shpreh se sot e një çerek shekulli kujtohet me përkulje sakrifica edhe e grave dhe fëmijëve të familjes Jashari.
“Në këtë ditë kujtojmë gratë dhe fëmijët e familjes Jashari të cilët nuk i kurseu regjimi gjenocidial i Serbisë, kujtimi për ta dhe sakrificën e tyre do të jetë i përjetshëm për gjithë Kosovën e cila sot është e lirë pikërisht falë kësaj sakrifice… Prandaj sot një çerek shekulli më pas ne kujtojmë me përulje sakrificën e kësaj familjeje, të burrave, grave, fëmijëve dhe pleqve dhe të gjithë dëshmorëve që ranë terror në atë betejë dhe në betejat tjera për të shndërruar shpejt në simbol të rezistencës tonë për liri”, tha ajo.
Presidentja e vendit, Vjosa Osmani para deputetëve të Kuvendit të Kosovës, Rifat Jasharit e përfaqësuesve të tjerë të pranishëm tha sebeteja e Jasharajve u shndërrua në frymëzim për mijëra të rinj e të reja të cilët të nxitur nga jehona e ngjarjeve të Prekazit i dolën zot tokës së tyre, vendit të të parëve.
Ajo tha se sakrifica e familjes Jashari u bënë thirrje edhe për diplomacinë ndërkombëtare.
“Ne duhet e do ta mbajmë të gjallë kujtesën për sakrificën e familjes Jashari dhe për gjithë luftën e UÇK-së që ata e bënë për vendin. Ne duhet ta ruajmë rezistencën e kësaj familje të prirë nga legjendari Adem Jashari por edhe sakrificën e një populli të tërë si pjesë të historisë sonë të dhimbshme ngase diku i kujtuar ata ne shtresojmë rrëfimin tonë për vetëvetën dhe rrugën të cilën e kemi kaluar deri në krijimin e shtetit të lirë dhe pavarur të Kosovës… Beteja e Jasharajve u shndërrua në frymëzim për mijëra të rinj e të reja të cilët të nxitur nga jehona e ngjarjeve të Prekazit i dolën zot tokës së tyre, vendit të të parëve, por beteja e Jasharajve po ashtu ndihmoi edhe në mobilizimin e bashkësisë ndërkombëtare rreth çështjes së Kosovës. Pamjet e fëmijëve të grave e pleqve të vrarë në pragun e shtëpisë së tyre nuk mund kaloheshin heshtur nga diplomacia botërore ato u shndërruan në thirrje për t’i mbrojtur vlerat njerëzore sikurse edhe vlerat e qytetërimit evropian. Komandanti legjendar u ngrit, vuri në gatishmëri vetën dhe familjen për tu bërë pastaj emblemë përhershme e lirisë sonë. Ai është personifikim i heroizmit, i sakrificës, dy virtyte fisnike të cilët garantojnë përjetësinë e neve na garantuan lirinë”, u shpreh Osmani.
Lajmet
City ia kërkon yllin kryesor skuadrës së Atleticos
Published
10 hours agoon
September 29, 2025By
UBT News
Sipas raportimeve të fundit të mediave angleze, skuadra e Liverpoolit duke se ia ka vënë syrin sportistit Julian Alvarez.
Sulmuesi i Atlético Madridit shënoi dy gola në derbin e fundjavës së kaluar kundër Real Madridit.
Të Kuqtë e kanë monitoruar atë për njëfarë kohe, por Colchoneros nuk janë të gatshëm të bëjnë kompromise.
Po ashtu, çmimi i kërkuar nga spanjollët aktualisht është 100 milionë dollarë , një shifër që realisht duket se po i dekurajon kampionët anglezë./S.K/KP/
Lajmet
Vetaksidentohet automjeti i KFOR-it në Malishevë
Published
11 hours agoon
September 29, 2025By
UBTnews
Një automjet i KFOR-it është vetaksidentuar të hënën në dalje të fshatit Ostrozub të Malishevës.
Zëdhënësi i Policisë për rajonin e Gjakovës, Lumni Graishta, ka thënë për KOHËN se nga ky vetaksident nuk ka të lënduar.
Sipas Graishtës, të përfshirë kanë qenë ngasësi dhe një pasagjer.
“Bëhet fjalë për vetaksident në dalje të fshatit Ostrozub drejtimi Malishevë-Rahovec, në automjet kanë qenë ngasësi dhe një pasagjer. Nuk ka të lënduar ndërkohë që vendin e ngjarjes po e procedojnë njësitet e trafikut rajonal të DRP Gjakovë”, ka thënë ai./D.B/EO
Lajmet
Reagimi i Agim Ademit pasi Hajdari zgjodhi Kosovën para Zvicrës
Published
11 hours agoon
September 29, 2025By
UBT News
Albain Hajdari është futbollisti më i ri i Kombëtares së Kosovës në futboll i cili ka zgjedhur dardanët para Zvicrës, edhe pse për këtë të fundit kishte luajtur për të gjitha grupmoshat.
Presidenti i Federatës së Futbollit të Kosovës, Agim Ademi ka thënë se vendimi i lojtarit erdhi për shkak të lidhjes së tij të fuqishme me vendin tonë si dhe edhe për shkak të roli kyç të prindërve të tij.
“Albian Hajdari ka vendosur me zemër, ka vendosur për Kosovën, ka vendosur për shtetin e prejardhjes së tij. Unë i falënderoj prindërit e tij të cilët e kanë rritur në frymën e atdheut me dashur për Kosovën edhe pse ka lindur atje, edhe pse jetojnë atje, edhe pse ka qenë i Zvicrës, por sigurisht që Zvicra e kupton çfarë do të thotë lidhja e gjakut dhe prejardhja dhe shteti…Është një prurje e mirë e radhës dhe ne sigurisht që do të vazhdojmë pasi është fat për ne që kemi shumë futbollistë të tillë, kemi futbollistë kulminant tashmë të nivelit më të lartë. Është shumë mirë që është bashkë me Fisnik Asllanin he Leon Avdullahun ne Hoffenhaim. Uroj që të jenë të tre po ashtu siç janë duke luajtur në Hoffenhaim të jenë edhe në formacion të Kosovës”, theksoi Ademi.
Kjo është ardhja e dytë te Kosova pas Leon Avdullahit i cili vetëm pak javë më parë poashtu i tha po Kosovës duke u larguar nga helvetikët.
Por, përkundër këtyre zhvillimeve, Ademi thotë se nuk ka përplasje ndërmjet dy federatave.
“Absolutisht nuk ka përplasje as nuk jemi duke u përplasur, kjo është gjithçka mediale, ne jemi në raporte jashtëzakonisht të mira me Zvicrën. uroj suksese Zvicrës, sigurisht që Zvicra i zgjedhë më të mirët e mundshëm por edhe ne Kosova i zgjedhim më të mirët të mundshëm. Tani është radha jonë sepse kemi shumë futbollistë e shumë talentë nëpër gjithë Kosovën dhe do të vazhdojmë kështu”, shtoi Ademi.
Gjithashtu, Ademi shtoi se Hajdari nuk vjen për ta zëvendësuar kapitenin Amir Rrahmanin.
“Duhet ta kuptojmë që Albioni është një 21 vjeçar dhe sigurisht që e kemi për gjatë kohë në kombëtare. Do të jetë për dhjetë vite e më shumë që do të jetë një futbollist i cili mund ta kenë një karrierë dhjetë vjeçare në kombëtare. Por, gjithsesi është më mirë të themi se është në duet se sa si zëvendësim sepse nuk do të zëvendësohet Rrahmani tani”, tha në fund Ademi.
Në fund Ademi shtoi se FFK do të vazhdojë të hulumtojë dhe kërkojë futbollsitë të cilët mund ta ndihmojnë Kosovën drejt synimeve të mëdha./S.K/KP/FFK/
Lajmet
Mali i Zi i dërgon notë verbale Ambasadës së Kosovës për të shtënat në kufi
Published
12 hours agoon
September 29, 2025By
UBTnews
Ministria e Punëve të Jashtme e Malit të Zi i ka dërguar më 17 shtator notë verbale Ambasadës së Kosovës në Podgoricë, lidhur me të shtënat me armë zjarri që dyshohet se u erdhën nga pjesa e Kosovës në zonën pranë qendrës malazeze të skijimit, Hajlla-Shtedim, afër kufirin mes dy shteteve.
“Nga organet kompetente të Republikës së Kosovës është kërkuar që t’i identifikojnë dhe t’i procedojnë autorët e këtyre incidenteve, si dhe të njoftojnë Malin e Zi për të gjitha masat dhe veprimet e ndërmarra”, thuhet në njoftimin e Ministrisë së Malit të Zi, për Radion Evropa e Lirë (REL).
Nga dikasteri i udhëhequr nga Ervin Ibrahimoviq vlerësojnë se bëhet fjalë për incidente të izoluara.
Të paktën në dy raste janë regjistruar dëmtime në infrastrukturën e qendrës së skijimit Hajlla-Shtedim në Mal të Zi, e cila ndodhet rreth një kilometër e gjysmë nga kufiri me Kosovën.
Në të dyja rastet, organet kompetente malazeze dyshojnë se të shtënat janë shkrepur nga territori i Kosovës.
Incidenti i parë ndodhi në korrik të vitit të kaluar, kur u vërejtën dëmtime në kabinën e qendrës së skijimit. Prokuroria e Rozhajës ka hapur lëndë për këtë rast.
Ndërsa, incidenti i dytë ndodhi më 24 gusht të këtij viti, kur pati të shtëna në drejtim të një objekti të qendrës së skijimit. Prokuroria pritet të hapë lëndë pas përfundimit të hetimeve të Policisë.
Notë verbale është dërguar pas incidenteve të përsëritura që janë regjistruar nga Policia në Rozhajë, njoftoi Ministria e Punëve të Jashtme e Malit të Zi, e cila shton se për incidentet u njoftua më 22 shtator edhe ambasadorja e Kosovës.
“Besojmë se rastet e izoluara nuk e reflektojnë përkushtimin e qartë të dy shteteve tona për forcimin e bashkëpunimit rajonal dhe përmirësimin e mëtejmë të marrëdhënieve bilaterale”, thuhet në përgjigjen e Ministrisë për REL.
Po ashtu, theksohet se palës kosovare i është tërhequr veçanërisht vëmendja për rëndësinë e zbatimit të tri marrëveshjeve ndërmjet shtetesh – për kufirin shtetëror ndërmjet Malit të Zi dhe Kosovës, hapjen e pikës së përbashkët kufitare Kotlovi–Kuqishtë dhe rregullimin e regjimit të qarkullimit kufitar.
Fadil Gashi nga Policia e Kosovës për rajonin e Pejës i tha Radios Evropa e Lirë se nuk ka asnjë informacion për incidente të sigurisë në kufirin me Malin e Zi, duke theksuar se policia rajonale është më shumë e angazhuar “për ruajtjen e rendit dhe qetësisë publike”, e jo për incidente ndërkombëtare.
Radio Evropa e Lirë i është drejtuar edhe drejtorisë qendrore të Policisë së Kosovës me pyetjen nëse kanë ndonjë informacion lidhur me rastin dhe është në pritje të përgjigjes. Për të njëjtën çështje, përgjigje pritet edhe nga Qeveria e Kosovës.
Mali i Zi dhe Kosova në vitin 2015 e nënshkruan Marrëveshjen për demarkacionin. Mali i Zi e ratifikoi atë në të njëjtin vit, ndërsa Kuvendi i Kosovës tre vjet më vonë./D.B/KP

Çfarë ndodhi me vëllezërit nga Gaza që prekën botën? Historia e Jadoua dhe Khaled

Sony zyrtarizon një model të ri të PS5 Pro

Këshilla të thjeshta për parandalimin e ndryshimeve hormonale

Blanco flet pas martesës me Selenen: “U martova me një princeshë Disney”

YouTube rikthen përdoruesit e ndaluar për përhapje të keqinformimit

Si u krijua reklama më e shtrenjtë në historinë e televizionit?

Pse prona e Beyoncé dhe Jay-Z njihet si “fusha e rrezikut”?

City ia kërkon yllin kryesor skuadrës së Atleticos

Edi Rama për Ditën e Trashëgimisë: Një pasuri që lidh të kaluarën me të ardhmen
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet3 months ago
UBT sjell për herë të parë në Kosovë ekspozitën kushtuar vizionarit dhe inxhinierit Karl Gega