Lajmet

​Opozita: Injorimi nga Blinken, mesazh për Kurtin dhe Osmanin

Sipas tyre, kjo qeveri po krijon çdoherë e më shumë një distancë me drejtuesit amerikan.

Published

3 years ago

on

Opozita ka drejtuar kritika për kryeministrin Albin Kurti rreth procesit të dialogut me Serbinë, si dhe për raportet me Shteteve e Bashkuara të Amerikës. Sipas tyre, kjo qeveri po krijon çdoherë e më shumë një distancë me drejtuesit amerikan. Ndërsa shefja e deputetëve të Lëvizjes Vetëvendosje, Mimoza Kusari-Lila ka deklaruar se raportet në mes të Kosovës dhe Amerikës, janë siç duhet të jenë në mes të dy partnerëve strategjik dhe të përhershëm.

Lidhur me procesin e dialogut Kosovë-Serbi, Kusari-Lila ka deklaruar se nuk mund të quhet dështim derisa ka proces të negociatave.

“Përderisa ka dialog ka proces, nuk mund të quhet dështim ose nuk duhet të paragjykohet si dështim, por natyrisht se në këtë proces do të ketë dinamikë e cila individualisht palëve mund t’u duket ndryshe por ajo çka është shumë e rëndësishme është të vazhdojë procesi, të vazhdojë dialogu dhe natyrisht synimi final i këtij procesi të jetë njihja e ndërsjellë dhe normalizimi i plotë i raporteve në mes të dy vendeve”, ka thënë ajo.

Ndërsa, shefi i deputetëve të Partisë Demokratike të Kosovës, Abelard Tahiri ka thënë se është shqetësues fakti që kryeministri Albin Kurti dhe presidentja Vjosa Osmani nuk kanë arritur ta takojnë sekretarin amerikan të shtetit, në kudër të konferencës së Mynihut. Ai ka thënë që Blinken u ka bërë krerëve të shtetit të Kosovës, ndërkohë që ka takuar presidentin e Serbisë, është mesazh për Kurtin dhe Osmanin.

“Është shqetësues fakti që drejtuesit e Kosovës janë injoruar nga sekretari i shtetit Blinken gjatë kësaj konferencë në Mynih, dhe vizita e presidentit Vuçiq në këtë konferencë e kemi parë që është lidhë kryekëput me dialogun në mes të Kosovës dhe Serbisë, dhe injorimi që është bërë nga sekretari Blinken është mesazh i qartë për kryeministrin Kurti dhe për presidenten Osmani. Është shumë mirë që të takohen me kongresmen, e senatorë mirëpo ajo që është shumë e rëndësishme është të takohen me vendimmarrësit. Është hera e parë që në këtë konferencë të Mynihut, drejtuesit e Shtetit të Kosovës nuk arrijnë më u taku me drejtues të niveleve të larta të shteteve të Bashkuara të Amerikës, dhe më shqetësues është fakti që jemi një javë para këtij takimi dhe një javë para këtij takimi ta takon presidentin Vuçiq dhe jo kryeministrin e Kosovës është sinjal shumë i keq”, ka thënë Tahiri.

Por, sipas shefes së deputetëve të Vetëvendosjes, Kosova dhe SHBA-të kanë partnerë të përhershëm.

“Te trajtimi i raporteve në mes të Kosovës dhe shteteve të Bashkuara të Amerikës unë mendoj që për këtë shumë herë deri tash është deklaruar edhe Ambasada e Shteteve të Bashkuara të Amerikës që është zgjatim i politikës së ekzekutivit gjegjësisht departamentit të shtetit, në Kosovë, dhe këto raporte janë raporte siç duhet të jenë në mes të dy partnerëve strategjik, afatgjatë dhe të përhershëm”, ka thënë Kusari-Lila.

Takimi i radhës Kurti-Vuçiq pritet të zhvillohet më 27 shkurt në kuadër të dialogut të Brukselit.

Sipas shefit të deputetëve të Aleancës për Ardhmërinë e Kosovës, Besnik Tahiri, koha kur takimet kanë ndodhur për fotografi duhet të kalojë dhe duhet të ketë mobilizim të sinqertë më ShBA-të për të arritur të marrëveshja finale.

“Rreziku potencial i Kosovës është që Serbia të vazhdojë të mbajë Kosovën në një konflikt të ngrirë duke e parë dhe paraqitur si palë jo konstruktive, si palë që bën telashe, ne në këtë qosh nuk duhet të hyjmë, ne duhet të kemi një politikë proaktive që ka munguar tash e pesë vjet, pra ne kemi qenë, jemi dhe vazhdojmë të mendojmë që arritja e një marrëveshje e cila në fakt e siguron njohjen reciproke, njohjen e Kosovës, ecjen e Kosovës përpara në rrugëtimin e vet është e rëndësishme”, ka thënë ai.

Related Topics:
Continue Reading

Lajmet

Publikohet lista e guidave turistike të licencuara në Kosovë

Published

38 minutes ago

on

July 22, 2026

By

Ministria e Kulturës dhe Turizmit ka bërë të ditur se është publikuar lista e guidave turistike të licencuara të Republikës së Kosovës.

Lista tashmë është e qasshme në uebfaqen e Ministrisë dhe përmban të dhëna për guidat e licencuara, përfshirë llojin e licencës dhe kontaktet e tyre, duke u mundësuar qytetarëve dhe vizitorëve qasje më të lehtë në shërbimet profesionale turistike.

Sipas Ministrisë, lista do të përditësohet vazhdimisht, ndërsa të gjitha guidat turistike që ushtrojnë veprimtarinë në Kosovë dhe ende nuk janë pjesë e saj janë ftuar të plotësojnë dokumentacionin përkatës për t’u përfshirë në regjistrin zyrtar.

Ky hap synon rritjen e standardeve në sektorin e turizmit dhe ofrimin e informacionit më të organizuar për vizitorët që zgjedhin Kosovën si destinacion./A.K/

Continue Reading

Lajmet

Apel urgjent nga institucionet: Sot priten stuhi, breshër e përmbytje lokale në Kosovë 

Published

1 hour ago

on

July 22, 2026

By

Institucioni për Menaxhimin e Emergjencave (AME), bazuar në paralajmërimet e Institutit Hidrometeorologjik të Kosovës (IHMK), u ka bërë thirrje urgjente qytetarëve për kujdes dhe gatishmëri të shtuar, pasi gjatë ditës së sotme priten zhvillime të fuqishme të motit të ligë.

Sipas njoftimit zyrtar, sot priten stuhi lokale me bubullima, reshje intensive shiu, breshër dhe erëra të fuqishme në disa pjesë të territorit të Kosovës.

Autoritetet paralajmërojnë se kjo valë e motit të ligë mund të sjellë një sërë pasojash, duke përfshirë:

  • Përmbytje të shpejta lokale në zonat me reshje më intensive;
  • Dëmtime materiale në objekte, automjete, infrastrukturë dhe kultura bujqësore nga breshëri e era;
  • Rritje të rrezikut për zjarre nga shkarkimet e shpeshta atmosferike (rrufetë);
  • Probleme në rrjetin elektrik dhe ndërprerje të furnizimit me energji;
  • Pengesa në telekomunikacion dhe rrezik të lartë nga goditjet e rrufesë për njerëzit e kafshët.

Me qëllim parandalimin e incidenteve dhe mbrojtjen e jetës e pronës, emergjencat u bëjnë thirrje qytetarëve të ndjekin këto hapa:

  1. Qëndroni brenda: Shmangni lëvizjet e panevojshme gjatë kohës që zgjat stuhia.
  2. Kujdes nga strehimi: Mos u mbroni nën pemë të larta, pranë objekteve metalike apo shtyllave elektrike.
  3. Kujdes në ngasje: Përshtatni shpejtësinë e veturës dhe shmangni rrugët apo nënkalimet e mbuluara nga uji.
  4. Siguroni pronën: Largoni ose fiksoni pajisjet e sendet në ballkone e oborre që mund të merren nga era ose dëmtohen nga breshëri.

Njësitë e Zjarrfikjes dhe Shpëtimit, si dhe Qendrat Operative Emergjente, ndodhen në mobilizim të plotë në të gjithë territorin e Kosovës për t’u përgjigjur në çdo rast nevoje.

Numrat pa pagesë për çdo rast emergjent:

  • 112 – Qendra Operative Emergjente
  • 192 – Policia e Kosovës
  • 193 – Zjarrëfikësit
  • 194 – Ndihma e Shpejtë

Continue Reading

Lajmet

Haxhiu për 16-vjetorin e opinionit të GJND-së: Gurthemel i legjitimitetit ndërkombëtar të shtetësisë së Kosovës

Published

2 hours ago

on

July 22, 2026

By

Ushtruesja e detyrës së Presidentes, Albulena Haxhiu, ka kujtuar 16-vjetorin e opinionit këshillëdhënës të Gjykatës Ndërkombëtare të Drejtësisë (GJND), i cili konfirmoi se shpallja e pavarësisë së Kosovës nuk ra në kundërshtim me të drejtën ndërkombëtare.

Përmes një postimi, Haxhiu ka theksuar se ky vendim i marrë më 22 korrik të vitit 2010 në Hagë përbën një nga momentet më me rëndësi juridike dhe diplomatike për vendin tonë.

Gjykata Ndërkombëtare e Drejtësisë e pat marrë këtë vendim pas kërkesës së Serbisë drejtuar Asamblesë së Përgjithshme të OKB-së, duke hedhur poshtë pretendimet e Beogradit dhe duke konfirmuar se Deklarata e Pavarësisë e 17 shkurtit 2008 nuk cenonte të drejtën e përgjithshme ndërkombëtare.

“Edhe pas 16 vitesh, opinioni i 22 korrikut 2010 mbetet një nga gurthemelet e legjitimitetit ndërkombëtar të shtetësisë së Kosovës dhe një referencë e rëndësishme në afirmimin e subjektivitetit të saj në arenën ndërkombëtare,” ka deklaruar Haxhiu.

Vendimi i historik i GJND-së shërbeu si një bazë e fuqishme për konsolidimin e shtetësisë së Kosovës dhe hapi rrugën për valën e njohjeve ndërkombëtare që pasuan. /E.A/

Continue Reading

Lajmet

United Hospital sjell paketën profesionale për diagnostikimin e infertilitetit – Hapi i parë drejt prindërimit fillon me një vlerësim të saktë hormonal

Published

2 hours ago

on

July 22, 2026

By

Rruga drejt realizimit të ëndrrës për t’u bërë prindër fillon me diagnostikim të hershëm, profesional dhe të bazuar në evidencë shkencore. Në një kohë kur infertiliteti po prek një numër gjithnjë e më të madh çiftesh, identifikimi në kohë i çrregullimeve hormonale mbetet një nga faktorët më të rëndësishëm për planifikimin e trajtimit dhe rritjen e mundësive për një shtatzëni të suksesshme.

Duke ndjekur standardet më bashkëkohore të mjekësisë riprodhuese, United Hospital, përmes Departamentit të Gjinekologjisë, prezanton Pakon 1 për Sterilitet, një program gjithëpërfshirës diagnostikues që u mundëson pacienteve të kenë një analizë të detajuar të profilit hormonal dhe gjendjes së tyre riprodhuese, me një zbritje prej 30 për qind.

Kjo paketë është ndërtuar për të ofruar një vlerësim të plotë klinik dhe laboratorik, duke ndihmuar specialistët të identifikojnë me saktësi shkaqet hormonale që mund të ndikojnë në fertilitet.

Pakoja përfshin:

Vizitë specialistike dhe ultrazë gjinekologjik;
Analizat e hormoneve të fertilitetit: FSH, LH, Estrogjen, Progesteron, Prolaktinë, Testosteron, Androstendion (AND), DHEA-S dhe 17-OH Progesteron;
Profilin e plotë të funksionit të tiroides: FT3, FT4, TSH, Anti-TPO dhe Anti-TG, parametra thelbësorë për funksionimin normal hormonal dhe shëndetin riprodhues.

Specialistët theksojnë se diagnostikimi i hershëm është një nga armët më të fuqishme në trajtimin e infertilitetit. Shumë çrregullime hormonale mund të menaxhohen me sukses kur zbulohen në kohën e duhur, duke rritur ndjeshëm mundësinë e realizimit të shtatzënisë dhe lindjes së një fëmije të shëndetshëm.

Në kuadër të kësaj oferte, çmimi i paketës është ulur nga 141 euro në vetëm 98.70 euro, duke u krijuar çifteve një mundësi më të lehtë për të investuar në shëndetin e tyre riprodhues pa bërë kompromis me cilësinë e shërbimeve mjekësore.

Në United Hospital, çdo pacient trajtohet me profesionalizëm, etikë mjekësore dhe kujdes të individualizuar, duke kombinuar ekspertizën e gjinekologëve, diagnostikimin modern laboratorik dhe teknologjinë bashkëkohore në shërbim të shëndetit riprodhues.

Mos lejoni që pasiguria t’ju largojë nga ëndrra juaj. Një kontroll i saktë sot mund të jetë fillimi i një kapitulli të ri nesër. Sepse çdo rrugëtim drejt prindërimit nis me një vendim të mençur dhe me besimin tek mjekësia moderne./rajonipress/

📞 Rezervoni termin tuaj: 038 60 70 70 / 046 60 70 70
📍 United Hospital, M2 Prishtinë–Ferizaj, Km 7, Prishtinë.

Continue Reading

Të kërkuara