

Lajmet
Opozita bojkoton dëgjimin publik për Byronë Shtetërore
Në këtë dëgjim publik përveç pozitës morën pjesë edhe përfaqësues të shoqërisë civile.
Published
3 years agoon
By
UBT.NewsPartitë opozitare nuk morën pjesë sot në dëgjimin publik për Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme të organizuar nga Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit.
Keqardhje për opozitën që e bojkotoi këtë dëgjim publik shprehu ministrja e Drejtësisë, Albulena Haxhiu e cila tha se partitë opozitare nuk kanë dërguar as amandamente për Projektligjin për Byronë Shtetërore.
“Më vjen sinqerisht keq që opozita as nuk ka dërguar amandamente për këtë projektligj dhe as nuk merr pjesë në një dëgjim të tillë publik vetë kam qenë deputetë më shumë se 10 vite dhe kur kam pas kritika për një projektligj menjëherë i kemi përcjell amandamentet për atë projektligjet e ndryshme. Prandaj, nëse ka mendime ndryshe për këtë projektligj është dashur ose të marrin pjesë në dëgjimet publik dhe jo t’i bojkotojnë ato, ose që në anën tjetër të bëhen amandamentet për këtë projektligj”, theksoi ai.
Haxhiu tha se qëllimi i hartimit të Projektligjit për Byronë Shtetërore për Verifikimin dhe Konfiskimin e Pasurisë së Pajustifikueshme është luftimi i korrupsionit dhe kthimi i parasë publike kur pasuria është përvetësuar në mënyrë të kundërligjshme.
E para e drejtësisë kosovare tha se pas opinionit të Komisionit të Venecias nuk e kanë parë të arsyeshme ta tërheqin këtë ligj, pasi kanë menduar që rekomandimet e dala nga Venecias do të adresohet në grupet punuese në Komisionin për Legjislacion.
“Asnjëherë dhe në asnjë takim në asnjë formë tjetër nuk ka qenë qëllimi të shkelen të drejtat e qytetarëve apo çfarëdo forme tjetër e abuzimit me këtë institucion të ri që do të krijohet. Pra, ideja është që ta bëjmë një projektligj të mirë, i cili do të jetë i zbatueshëm dhe jo që pastaj të keqpërdoret në një formë apo tjetër. MD gjatë hartimit të projektligjit për zgjedhjen e drejtorit është bazuar në praktikat e deritanishme ligjore që kanë adaptuar politikat e vendit ashtu që zgjedhja të bëhet nga Kuvendi meqë Byroja është institucion i pavarur dhe se votimi i drejtorit të bëhet sipas nenit 80 të Kushtetutës. Por, gjithsesi rekomandimet konkrete nga opinioni lidhur me këtë çështje besoj se e kanë ndihmuar dhe do ta ndihmojnë më tutje dhe grupin punues që ta gjejnë një zgjidhje që do të kontribuoj për zgjedhjen e drejtorit sa më profesional dhe sa më të pavarur”, theksoi ajo.
Kryetari i Komisionit për Legjislacion, Adnan Rrustemi tha se kanë nisur menjëherë punë për trajtimin e të gjitha komenteve që kanë dalë nga Komisioni i Venecias për projektligjin në fjalë.
“Komisioni për Legjislacioni ka filluar menjëherë me fillimin e sesionit vjeshtor që ta trajtoj këtë projektligj të rëndësishëm që simbolizon po ashtu edhe një politikë të rëndësishme të re si në formë të zotimit por edhe të nevojës shoqërore dhe institucionale në Kosovë. Përmes këtij dëgjimi publik si aktiviteti i parë ne do të vazhdojmë edhe me punën e grupit punues për të trajtuar të gjitha rekomandimet e opinionit të Venencias si dhe aspektet tjera të këtij projektligjit”, u shpreh Rrustemi.
Drejtor i Agjencisë Kundër Korrupsionit, Yll Buleshkaj u shpreh se Byroja Shtetërore do ta ndihmojë institucionin që ai drejton në luftimin e korrupsionit.
Ai tha se për këtë institucion si AKK kanë edhe materiale që mund tu ofrojnë për punë.
“Ky do të mund të konsiderohet si pjesa e fundit e këtij mozaiku për parandalimin dhe luftimin e korrupsionit sepse besojmë se do ta ndihmojë edhe punën tonë, pastaj punën e mirë që do ta kryente një institucion i tillë. Ne jemi gjithmonë të hapur për të bashkëpunuar dhe kontribuar me atë çka mundemi. Kurdo që do të themelohet një institucion i tillë ne do të mundohemi të bashkëpunojmë dhe të përkrahim institucionin si në themelim ashtu edhe në shqyrtimin e rasteve sepse besoj që si agjenci kemi materiale të mjaftueshme që në fillim kur të fillojë punën ky institucion të ketë me çka të merret”, theksoi Buleshkaj.
Në këtë dëgjim publik morën pjesë edhe përfaqësues të shoqërisë civile. Gëzim Shala nga Instituti i Kosovës për Drejtësi tha se duke marr parasysh funksionimin e Kuvendit por edhe Ministrisë së Drejtësisë është vështirë të adresohen të gjitha opinionet e Venecias në këtë projektligj.
Shala tha se IKD gjatë kësaj jave do të dërgojë komentet e saj për këtë çështje.
“Nëse flasim për përzgjedhjen e drejtorit është se do të jetë një trup e përbërje të shumicës që do ta zgjedh dhe do ta mbaj nën kontroll drejtorin e përgjithshëm ngjashëm pothuajse siç parashihet me ndodh edhe me Akademinë e Drejtësisë. Mirëpo ideja që në këtë rast se nuk e dimë se kush do të jetë anëtar e si do të zgjidhen që bëjnë të pamundur me ditë nëse garantohet pavarësia e institucionit. Një çështje tjetër që sipas opinionit të Komisionit të Venecias është tani më e diskutueshme dhe që besoj se duhet të diskutohet është fakti nëse kemi nevojë për të themeluar një byro ose Agjenci institucion tjetër që do ta trajtojnë këtë aspekt, apo do të mbetej në mekanizma aktual. Edhe nevoja për themelimin e një Byroje pa ja dhënë konkludim është tani më një çështje e diskutueshme. Unë besoj që është goxha problematike duke pasur parasysh se si vepron Kuvendi dhe si funksionon MD unë besoj që do të jetë më problematike të adresohet të gjitha komentet që janë dhënë nga ana e Komisionit të Venecias”, tha Shala.
Komente gjatë javës së ardhshme do të dërgojë për projektligjin në fjalë edhe institucioni i Avokatit të Popullit, i cili kërkoi që ky ligj të jetë i qartë.
Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme ka kaluar në lexim të parë në Kuvend të Kosovës. Ky projektligj mori mbështetjen e pushtetit me 58 vota për dhe 3 abstenime, ndërsa nuk mori mbështetjen e opozitës. Ndër ata që abstenuan këtë projektligj ishte dhe edhe kryetari i Kuvendit, Glauk Konjufca.
Aktualitet
Shtëpia e Bardhë shkarkon drejtoreshën e CDC-së
Published
27 seconds agoon
August 28, 2025By
UBT News
Shtëpia e Bardhë thotë se ka shkarkuar drejtoreshën e Qendrave Amerikane për Kontrollin dhe Parandalimin e Sëmundjeve (CDC), Susan Monarez, pasi ajo refuzoi të jepte dorëheqjen.
Në një deklaratë, ajo tha se ajo nuk ishte në përputhje me axhendën e presidentit dhe se ishte shkarkuar nga pozicioni i saj në agjencinë shëndetësore, shkruan BBC.
Departamenti i shëndetësisë i SHBA-së njoftoi më parë largimin e saj, gjë që nxiti një deklaratë nga avokatët e Dr. Monarez, të cilët thanë se ajo nuk ishte njoftuar për shkarkimin e saj dhe se nuk do të jepte dorëheqjen.
Ata thanë se ajo po shënjestrohej për refuzimin të miratonte direktiva joshkencore dhe të pamatura dhe të shkarkonte ekspertë të përkushtuar shëndetësorë dhe akuzuan Sekretarin e Shëndetësisë Robert F. Kennedy Jr për armatosje të shëndetit publik.
Aktualitet
Sot seanca fillestare ndaj ish-policit, Festim Ramadani
Published
1 hour agoon
August 28, 2025By
UBT News
Më 18 korrik të këtij viti, Departamenti i Krimeve të Rënda në Prokurorinë Themelore në Ferizaj, ngriti aktakuzë ndaj ish-zyrtarit policor, Festim Ramadani dhe Jeton Misinit, për shkak të dyshimit të bazuar të veprës penale “Vrasja e rëndë”, rast ky që ndodhi më 16 gusht 2024, në Ferizaj.
Dosja bën të ditur se i akuzuari [Festim Ramadani] me dashje dhe me qëllim të hakmarrjes lidhur me disa dyshime brenda familjes, e ka qëlluar me breshëri plumbash viktimën, duke e lënë të vdekur në vend.
E për këtë rast tashmë është caktuar seanca fillestare ndaj të akuzuarve, e cila do të mbahet sot me të filluar nga ora 09:30.
Sipas dosjes së aktakuzës, thuhet se ekziston dyshimi i bazuar se i pandehuri Festim Ramadani, më 16 gusht 2024, rreth orës 19:21, në parkingun e restorantit “Fron Palace”, në fshatin Bibaj të komunës së Ferizajt, gjatë një ceremonie martesore, “me dashje dhe paramendim, me qëllim hakmarrjeje për motive të pretenduara familjare të pabazuara dhe të pakonfirmuara juridikisht, në prani të dhjetëra personave, përfshirë të mitur, me armë zyrtare automatike të policisë, me dashje dhe qëllim të privimit nga jeta, me breshëri plumba shtien në drejtim të viktimës S.S., duke e privuar nga jeta”.
Madje, thuhet se si pasojë e të shtënave është rrezikuar seriozisht edhe siguria e personave tjerë të pranishëm në atë moment.
Kështu, Festim Ramadani thuhet se kreu veprën penale të “Vrasjes së rëndë”.
Kurse Jeton Misini akuzohet se me dashje e ka ndihmuar policin në privimin nga jeta të viktimës S.S., ashtu që i pajisur me mjet të forta, ka mbrojtur perimetrin e sulmit dhe ka parandaluar çdo ndërhyrje, në mënyrë që Ramadani të realizonte pa pengesë veprën penale të vrasjes së rëndë.
Bota
Kim Jong Un dhe Putini do jenë pjesëmarrës në paradën ushtarake të Kinës në Pekin
Published
1 hour agoon
August 28, 2025By
UBT News
Udhëheqësi i Koresë së Veriut, Kim Jong Un, do të marrë pjesë në një paradë ushtarake në Pekin javën e ardhshme së bashku me Vladimir Putinin e Rusisë, tha ministria e jashtme e Kinës, në atë që do të jetë një vizitë historike.
Kjo vjen disa ditë pasi Presidenti i SHBA-së, Donald Trump, tha se donte të takohej me Kim-in, i cili rrallë bën vizita të huaja, dhe ndërsa Shtëpia e Bardhë përpiqet të ndërmjetësojë një marrëveshje për t’i dhënë fund luftës në Ukrainë, shkruan BBC.
Parada e Ditës së Fitores së Kinës më 3 shtator do të shënojë 80-vjetorin e dorëzimit zyrtar të Japonisë në Luftën e Dytë Botërore dhe fundin e konfliktit.
Ngjarja tani sinjalizon një fitore të rëndësishme diplomatike për udhëheqësin kinez Xi Jinping, i cili ka shtyrë për një rend të ri botëror të udhëhequr nga Pekini.
Aktualitet
Pritjet në kufi: Deri në 40 minuta për të dalë nga Kosova
Published
1 hour agoon
August 28, 2025By
UBT News
Sipas përditësimit të të dhënave mbi fluksin në kufi nga Qendra Kombëtare për Menaxhim Kufitar aktualisht pritjet për të hyrë në Kosovë janë të shkurtra, kurse daljet janë më të gjata.
Pritjet në hyrje raportohen nga 3 deri në 5 minuta përderisa pritjet në dalje shkojnë deri në gjysmë ore në Bërnjak dhe deri 40 minuta në Merdarë.
Përditësimi i fundit ishte në ora 07:28 të mëngjesit.

Koreja e Jugut miraton ndalimin e telefonave gjatë orëve të mësimit në shkolla

Shtëpia e Bardhë shkarkon drejtoreshën e CDC-së

Sot seanca fillestare ndaj ish-policit, Festim Ramadani

Kim Jong Un dhe Putini do jenë pjesëmarrës në paradën ushtarake të Kinës në Pekin

Pritjet në kufi: Deri në 40 minuta për të dalë nga Kosova

Katër të vdekur nga sulmi në Kiev, mes viktimave edhe dy fëmijë

Blair merr pjesë në takimin e Shtëpisë së Bardhë me Trumpin për të diskutuar rreth Gazës së pasluftës

Basha: E çmoj lart luftën e UÇK-së, autorësia ime në punim i përket vetëm kapitullit 3

OVL-UÇK reagon pas punimit të Bashës: E papranueshme që Kuvendi të drejtohet nga fyesi i UÇK-s
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA