Sport

Neymar pritet të rinovojë kontratën me PSG

Published

4 years ago

April 14, 2021

Betim Gashi

Ylli i Paris Saint-Germain, Neymar ka konfirmuar se do të vazhdojë të ardhmen e tij në Paris, pasi që i ndihmoi ata të eliminonin Bayern Munichun nga Liga e Kampionëve mbrëmë.

Pavarësisht fitores së Bayernit 1:0 në ndeshjen e dytë të çerekfinales, PSG arriti që të sigurojë biletën drejt gjysmëfinales, për shkak të golave si mysafirë, ku në ndeshjen e parë parisienët mposhtën “Bavarezët” me rezultat 3:2.

Mbrëmë pas ndeshjes, Neymar, kontrata aktuale e të cilit skadon në vitin 2022, tha që vazhdimi i saj nuk është më problem, dhe se ndjehet shumë mirë tek PSG.

“Vazhdimi i kontratës me PSG nuk është më problem. Natyrisht që ndihem shumë mirë, si në shtëpi tek PSG. Ndjehem shumë i lumtur, si kurrë më parë”, tha Neymar për “ESPN Brazil”, deklaroi ai.

Po ashtu, pas ndeshjes foli edhe presidenti i PSG, Nasser Al-Khelaifi, i cili tha që, as Neymar, as Mbappe nuk kanë asnjë arsye për t’u larguar nga klubi.

“Kemi investuar shumë në klub për ta fituar Ligën e Kampionëve dhe të gjithë trofetë e mundshëm”, tha Al-Khelaifi për “RMC Sport”. Neymar dhe Kylian nuk kanë asnjë arsye për t’u larguar. E kemi çdo gjë që na duhet që të fitojmë çdo titull të çdo gare. Ne e kemi një skuadër tejet të mirë, kemi respekt për të tjerët, por ne jemi me ta. Jemi duke punuar”, shtoi presidenti i klubit parisien.

Neymar së bashku me Mbappe ishin më meritorët në dy ndeshjet e Parisit kundër Bayernit, ku e ndihmuan skuadrën e tyre që të prek përsëri gjysmëfinalen.

Për brazilianin në vazhdimësi është spekuluar se një rikthim te Barcelona ishte i mundshëm, kurse për Mbappen nuk ka ende zhvillime rreth vazhdimit të kontratës, dhe për këtë të fundit raportohet se Real Madridi dhe Liverpooli janë dy skuadrat që kanë treguar interesim serioz për shërbimet e yllit francez.

Related Topics:neymar Paris Saint-Germain

Up Next

Historia shqetësuese e Real Madridit pas fitoreve 3:1 nga ndeshja e parë në Champions

Don't Miss

Pesë opsionet e Manchester Unitedit për qendërmbrojtës

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.