

Lajmet
Musliu: Serbia paraqet rrezik permanent për sigurinë e Kosovës
Musliu tha se Serbia nuk ka identitet dhe stabilitet politik.
Published
2 years agoon
By
Betim GashiInstituti për Studime të Luftës Hibride Octopus prezantoi analizën për sulmin terrorist serb në Banjskë, në të cilën u renditën disa fakte dhe argumente se si erdhi deri tek sulmi i 24 shtatorit, duke përfshirë edhe historikun e Serbisë që nga zanafilla e formimit të saj si shtet.
Drejtori i institutit Octopus, Agim Musliu, tha se Serbia nuk ka identitet dhe stabilitet politik, derisa shtoi se lidhja e pushtetit me krimin është e pandarë.
Musliu tha se plani për sulmin terrorist të 24 shtatorit është përgatitur në mënyrën më të sofistikuar, sa i përket armatosjes dhe pajisjeve. Ai potencoi se në qendrën e ushtrisë serbe urdhërdhënësi është Aleksandër Vuçiq, duke shtuar se këta njerëz kanë marrë pjesë në luftë në Ish-Jugosllavi, por që janë në pushtet edhe sot.
Musliu theksoi se presidenti i Serbisë, Aleksandër Vucic ka përgatitur vazhdimisht terrenin propagandistik, derisa shtoi se Serbia paraqet rrezik permanent për sigurinë e Kosovës.
Ndërsa, zëvendëskryeministri i Kosovës, Besnik Bislimi tha se akti i agresionit në Banjskë ka ngritur brengën jo vetëm në Kosovë, por edhe në rajon. Sipas tij, ky lloj agresioni mund ta zhbëjë të gjithë progresin që Kosova dhe Serbia e kanë bërë te kaluarën, përmes dialogut.
Bislimi shtoi se raporti mes Kosovës dhe Serbisë edhe pas 11 viteve të dialogut, nuk ka shkuar drejt përafrimit, por se ka një ftohje më të madhe’. Ai potencoi se fuqia që kanë aleatët shtetërorë për të ofruar informata të gabueshme apo gjysmë të vërteta, që sipas tij, e përbën thelbin kryesor të luftës hibride, po e keqpërdor Serbia.
Ndërkaq, hulumtuesja e lartë në Ocotopus, Arta Haxhixhemajli prezantoi një pjesë nga analiza, duke treguar për prapavijën e sulmit terrorist në Basnjë të Zvecanit. Ajo foli për Listën Serbska dhe ndikimin e saj në veri.
Haxhixhemajli foli për Milan Rajdojcic, duke e potencuar si personin kryesor për vrasjen e Oliver Ovanovic. Ajo shtoi se Radojcic ka pasur mbështetjen e Vucicit për të marrë nën kontrollë veriun.
Derisa foli për Radojcic, Haxhixhemjali përmendi edhe rastin “Brezovica”, duke thënë se ky i fundit u bë subjekt i hetimit, ku që ‘nga fillimi i vitit 2022 Radojcic nuk do të bëntë më asnjë aktivitet në territorin e Republikës së Kosovës’.
Tutje, hulumtuesi i lartë në Octopus, Taulant Elshani foli për renditjen e argumenteve pse Serbia vazhdon të jetë rreziku më i madh për sigurinë kombëtarë të Republikës së Kosovës, derisa potencoi barrikadat e datës 31 korrik dhe 10 dhjetor të vitit 2022.
Përpos këtyre, Elshani përmendi sulmet ndaj KFOR-it të datës 25 maj të vitit 2023, dhe sulmit ndaj Policisë dhe gazetarëve e qytetarëve.
Ai tha se Vuçiq në forma të ndryshme ka udhëzuar Milan Radoicicin dhe strukturat ilegale serbe për te mobilizuar persona të rinj në katër komunat në veri, sipas tij për të formuar grupin terrorist që u përfshi në sulmin terrorist të 24 shtatorit.
Lajmet
Osmani takon presidenten e Zvicrës: Po e shkruajmë bashkë kapitullin e ri
Published
10 hours agoon
May 21, 2025By
UBTnews
Presidentja Vjosa Osmani, ka nisur vizitën shtetërore në Zvicër, me ftesë të Këshillit Federal të Zvicrës.
Në një postim në Facebook, e para e shtetit tonë ka falënderuar për mikpritjen, miqësinë dhe nderimin presidenten zvicerane Karin Keller-Sutter.
“Kjo vizitë e parë shtetërore në Zvicër që po fillon në rezidencën zyrtare të Këshillit Federal të Zvicrës është dëshmi se bashkë po shkruajmë kapitullin e ri të historisë së partneritetit midis shteteve dhe popujve tanë”, ka shkruar Osmani.
Lajmet
Maqedonia e Veriut pritet të nënshkruajë marrëveshje për partneritetit strategjik me Britaninë
Published
11 hours agoon
May 21, 2025By
UBTnews
Maqedonia e Veriut pritet të bëhet vendi i parë nga Ballkani Perëndimor që nënshkruan marrëveshje për partneritetit strategjik me Britaninë e Madhe.
Marrëveshja në vlerë rreth 6 miliardë euro pritet të nënshkruhet të enjten në Londër nga një delegacion i Qeverisë maqedonase, i udhëhequr nga zëvendëskryeministri Aleksandar Nikolovski.
Megjithatë, hollësitë e këtij partneriteti dhe kushtet sipas të cilave Maqedonia e Veriut do të marrë burimet financiare nga Britani, nuk janë bërë të ditura ende.
Autoritetet maqedonase dhe Londra e mohojnë se marrëveshja përfshin pranimin e emigrantëve në Maqedoni, të cilëve nuk u është pranuar azili në Britani.
“Është diçka që nuk na ka shkuar kurrë në mendje dhe askush nuk na e ka kërkuar”, u tha kryeministri Hristijan Mickoski anëtarëve të partisë së tij VMRO DPMNE në Shkup, të dielën.
Për të, marrëveshja është “historike”, sepse qasja në 6 miliardë euro kredi të favorshme, “do të sjellë një revolucion investimesh në vend, një cikël investimesh vërtet historik, që do të thotë punë, ndërtim, zhvillim”, tha Mickoski, duke përmendur ndërtimin e hekurudhave, autostradave, spitaleve dhe konvikteve studentore.
Ambasadori britanik në Shkup, Mattheë Laëson, gjithashtu mohoi spekulimet për dërgimin e emigrantëve në Maqedoni, duke theksuar se bashkëpunimi në këtë fushë do të lidhet me luftën kundër rrjeteve kriminale dhe shkëmbimin e informacionit të inteligjencës./REL/
Lajmet
Presidentja Osmani nis vizitën në Zvicër, pritet nga presidentja zvicerane
Published
11 hours agoon
May 21, 2025By
UBTnews
Presidentja e Republikës së Kosovës, Vjosa Osmani, është pritur sot nga Presidentja e Konfederatës Zvicerane, Karin Keller-Sutter, në Lohn Manor – rezidenca zyrtare e Këshillit Federal të Zvicrës.
Kjo pritje u zhvillua në kuadër të vizitës shtetërore që Presidentja Osmani po realizon këto ditë në Zvicër.
Në takim me Presidenten Osmani janë edhe kryetari i Drenasit, Ramiz Lladrovci, kryetari i Obiliqit, Xhafer Gashi dhe Qemajl Aliu, kryetari i Komunës së Shtimes.
Pas takimit bilateral, Presidentja Osmani do të pritet me nderime ushtarake në Sheshin Federal në Bernë. Më pas, të dyja presidentet do të japin deklarata për media nga Ndërtesa e Parlamentit/Këshilli Federal.
Vizita do të vazhdojë me një konferencë të përbashkët për media të dy lidereve, ku pritet të diskutohen marrëdhëniet dypalëshe, bashkëpunimi ndërkombëtar dhe roli i diasporës kosovare në Zvicër.
Gjatë qëndrimit në Zvicër, Presidentja Osmani do të zhvillojë gjithashtu një takim me mërgatën shqiptare në qytetin e Gjenevës.
Lajmet
Kryediplomatja evropiane Kallas këtë javë viziton Serbinë dhe Kosovën
Published
11 hours agoon
May 21, 2025By
UBTnews
Përfaqësuesja e Lartë e Bashkimit Evropian për Politikë të Jashtme dhe Siguri, Kaja Kallas, do ta vizitojë Kosovën më 22 maj, në kuadër të një turneu që do ta nisë më 21 maj në Ballkanin Perëndimor, ka bërë të ditur Shërbimi Diplomatik i BE-së.
Kallas do të udhëtojë edhe në Serbi dhe në Maqedoninë e Veriut gjatë vizitës së saj të dytë në rajon, ka njoftuar Brukseli, të mërkurën.
“Në Kosovë, përfaqësuesja e Lartë Kallas do të takohet me përfaqësues të partive politike dhe të organizatave të shoqërisë civile”, thuhet në një njoftim të BE-së.
Shefja e diplomacisë evropiane ka planifikuar të mbajë edhe një konferencë për media, më 22 maj.
Kallas do ta vizitojë Kosovën në kohën kur autoritetet kosovare po përsërisin thirrjet për heqjen e masave ndaj vendit nga ana e BE-së, madje kanë kërkuar që kjo të ndodhë para vazhdimit të dialogut për normalizim marrëdhëniesh me Serbinë.
BE-ja, në anën tjetër, ka kërkuar shtensionim situate në Kosovë, teksa Kosova po vazhdon me mbylljen e institucioneve paralele serbe në veri të vendit, gjë që ka nxitur reagimin e Brukselit.
Në Prishtinë, Kallas pritet të vizitojë edhe Misionin e BE-së për Sundim të Ligjit (EULEX), si dhe komandantin e misionit paqeruajtës të Organizatës së Traktatit të Atlantikut Verior (NATO) në Kosovë – KFOR, Enrico Barduani.
Vizita e Kallasit në Prishtinë këtë javë ishte paralajmëruar nga presidentja e Kosovës, Vjosa Osmani, e cila ka thënë se për shkak të vizitës së saj të planifikuar zyrtare në Zvicër nuk do të mund ta priste kryediplomaten evropiane në Kosovë.
Para vizitës në Kosovë, Kallas do të qëndrojë në Serbi.
BE-ja ka njoftuar se Kallas do ta takojë në Beograd presidentin Aleksandar Vuçiq, kryeministrin Gjuro Macut, si dhe ministrin e Jashtëm, Marko Gjuriq, atë për Integrime Evropiane, Nemanja Staroviq, dhe kryetaren e Kuvendit, Ana Bërnabiq, dhe grupet parlamentare opozitare.
Ndërkaq, kryediplomatja evropiane në Shkup do ta takojë kryeministrin Hristijan Mickoski, ka bërë të ditur Brukseli.
Në kryeqendrën maqedonase, Kallas “do ta hapë Dialogun e parë për Siguri dhe Mbrojtje ndërmjet BE-së dhe Maqedonisë së Veriut me ministrin për Punë të Jashtme dhe Tregti, Timço Mucunski”, ka njoftuar Shërbimi Diplomatik i BE-së./REL/

Pas suksesit në Eurovision, Shkodra Elektronike vjen me një EP

Profesoresha Gonxhe Beqiri prezanton punim shkencor në konferencën ndërkombëtare në Maribor

Praktika konkrete në qendër të studimeve juridike në UBT

Zyrtare: Dy shqiptarë ftohen te Kombëtarja e Gjermanisë

Kanadaja nis bisedimet me SHBA për t’u bashkuar me sistemin mbrojtës “Kupola e artë”

UBT nderon Tony Clement me çmimin më të lartë institucional Honorary Degree – Excellence in Leadership

Chris Brown lirohet me kusht nga gjykata, një muaj para nisjes së turneut botëror

Osmani takon presidenten e Zvicrës: Po e shkruajmë bashkë kapitullin e ri

BE bie dakord për krijimin e një fondi mbrojtës prej 150 miliardë eurosh
Të kërkuara
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati