Lajmet

​Mehmeti: Deri në 13 përqind e fëmijëve janë keq në nivelin e arritjeve gjatë pandemisë

Sfidë gjatë kësaj kohe ka qenë edhe sigurimi i pajisjeve teknologjike.

Published

3 years ago

on

Nxënësit gjatë mësimit online janë ballafaquar me mungesën e teknologjisë, rrjetit por edhe përvojës. Organizimi i mësimit në këtë kohë nuk ka qenë i efektshëm, ku ka pasur edhe humbje të mëdha të orëve mësimore. Po ashtu, nxënësit kanë pasur ankesa për mësimdhënësit, ku të njëjtit nuk kanë qenë efektiv dhe të qartë. Kështu u tha në konferencën shkencore të organizuar nga Instituti Pedagogjik i Kosovës me temën “Ndikimi i COVID-19 në humbjet mësimore, pasojat në rritjen e pabarazive në mësim dhe sfidat e përmbushjes/kompensimit”.

Kryetari i Instituti Pedagogjik të Kosovës, Nezir Çoçaj tha se kjo konferencë shkencore ndërkombëtare është dyditore dhe ka për qëllim të analizojë organizimin e mësimit në distancë në arsimin parauniversitar.


“Me qëllim që të diskutojmë problemet që aktualisht është apo ka qenë si temë bosht ose që ka qenë në diskutimet mbarë-botërore, ndikimi i pandemisë COVID-19 në mësim. Gjegjësisht në pabarazitë mësimore që kanë qenë dhe janë evidente ose që hulumtimi i ka cekur që janë evidente në sistemin arsimor. Kjo është një konferencë dy ditore ndërkombëtare ku do të kemi disa prezantime nga shumë ekspertë ndërkombëtarë ku ata në bazë të prezantimit të tyre mund të paraqesin shumë praktika dhe përvojat”, ka treguar Çoçaj.

Hulumtuesi Selim Mehmeti tha se hulumtimi ka përfshirë 52 shkolla në Kosovë, ku përfshihen këndvështrimet e nxënësve, prindërve, mësimdhënësve dhe drejtorëve të shkollave. Ai tha se përqindja e humbjeve të orëve është e madhe.


“Ne deshëm të ndajmë dallimin mes notës 1, prandaj e përshkallëzuam në gjashtë nivele. Për të parë se cila është përqindja e fëmijëve që kanë humbje më të mëdha dhe pse nuk e kanë mbërri minimumin. Dhe këtu është një dallim i madh me përqindje diku mesatarisht 12-13 përqind i fëmijëve që janë tejet keq me nivelin e arritjeve. Kjo është një masë e madhe e fëmijëve për të cilët duhet një kujdes dhe mbikëqyrje institucionale për t’i përkrahur dhe për të eliminuar këto pabarazi. Por, afër tyre është një përqindje e madhe që as minimumin nuk e kanë mbërritur. Por, kanë rezultate diku te 30-35”, u shpreh ai.

Ky hulumtim tregon se fëmijët e klasës së dytë kanë probleme të theksuara me drejtshkrimin elementar, shkrimin e një teksti në bazë të udhëzimeve dhe vendosjen e një titulli. Po ashtu, edhe nxënësit e klasës së shtatë kanë sfida dhe probleme në analizat e teksteve të ndryshme. Sfidë gjatë kësaj kohe ka qenë edhe sigurimi i pajisjeve teknologjike.


“Nxënësit e thonë se organizimi i mësimit në pandemi deri diku ka qenë i efektshëm. Pasqyron shumë sfida janë në raport edhe me tekstet edhe me mënyrën se si kanë mësuar. Gjatë mësimit online janë ballafaquar shumë me mungesën e teknologjisë, mungesën e rrjetit por edhe me mungesë të përvojës. Mësimdhënësit gjatë pandemisë në numër të caktuar përshkruhen se nuk kanë qenë shumë të qartë, nuk kanë qenë shumë efektiv në raport me mësimdhënien, por edhe me dhënien e detyrave”, theksoi ai.

Ndërsa, zëvendësministrja Edona Maloku u shpreh se këto rezultate tregojnë sfidat edhe problemet që kanë pasur gjatë kësaj periudhe.

“Të gjitha pajtohemi se ka pasur humbje mësimore dhe është e jona dhe gjithë akterëve prezent që të bashkërendojmë dhe bashkëpunojmë për të çuar përpara proceset dhe për të parë si mund t’i adresojmë këto humbje mësimore që i kemi pasur. Përkundër qëllimit të mirë të të gjithëve dhe punës së palodhshme, megjithatë humbjet kanë ndodhur jo vetëm tek ne por edhe në nivel global edhe të rajonit”, ka thënë ajo.

Instituti Pedagogjik ka rekomanduar MAShT-in që të gjejë mënyrat për të pajisur fëmijët me pajisje teknologjike përmes sigurimit nga buxheti publik apo nëpërmjet krijimit të mekanizmave institucionalë për të nxitur dhurime nga donatorët privatë. 

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

2 days ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

2 days ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara