Aktualitet

​Mbrojtja e Shalës kërkon që të dihen emrat e viktimave për të cilët akuzohet ai

Published

on

Në seancën paragjyqësore për ecurinë e çështjes së Pjetër Shalën, mbrojtja e tij ka kërkuar nga Zyra e Prokurorisë Speciale që të mos redaktohen emrat e viktimave, sidomos të atyre që kanë vdekur.

Komandant “Ujku” gjatë kësaj seance nuk ishte i pranishëm në sallë, por ai seancën e përcolli përmes platformës Zoom.

Avokati i Pjetër Shalës, Jean-Louis Gillissen tha se deri tani ka qenë një procedurë e njëanshme, por tani ka kërkuar të jenë në procedurë ballafaquese të dyja palët.

“Një problem i madh sipas mendimit tim është nxjerrja e materialeve në mbështetje të aktakuzës në bazë të rregullës 102, sepse ne e kemi marrë propozimin nga prokuroria dhe ne kërkojmë që provat në mbështetje të aktakuzës të na vihen në dispozicion sa më shpejt që të jetë e mundur maksimumi brenda 30 ditësh pas paraqitjes paraprake të të akuzuarit. Deri më tani ka qenë një procedurë e njëanshme dhe e kuptojmë, por tani dëshirojmë që të kemi një procedurë ballafaquese pra me pjesëmarrjen e të dyjave. Dëshirojmë që të marrim parashtrimet e protokolluara dhe transkriptimin e seancës të procedurave të kryera në të shkuarën për të pasur informacion të plotë për procedurën, dëshirojmë që të marrim materialet lidhur me aktakuzën pa redaktime me përjashtim të atyre që kanë të bëjnë me dëshmitarët. Por jemi të mendimit që emrat e viktimave sidomos ata të cilët pretendohen se kanë vdekur është shumë e rëndësishme t’i di zotëri Shala. Prandaj, dhe dëshirojmë që me përjashtim të redaktimeve që kanë të bëjnë me dëshmitarë duam që të kemi një procedurë të pakushtëzuar me ballafaqim në mes dy palëve”, tha ai.

Avokati i Pjetër Shalës, Jean-Louis Gillissen deklaroi se mbrojtja ende nuk ka një afat kohor të përcaktuar se kur do të kryejë hetimet e veta.

“Mbrojtja konfirmon se synon që të kryejë hetimet e veta, por hë për hë nuk mund t’u japim datë një informacion sa i takon kohëzgjatjes që parashikojmë për aktivitetet tona hetimore. Mbrojtja nuk është në gjendje të bëjë të ditur nëse do të jap apo jo njoftimin të alibis apo arsye të tjera për përjashtim të përgjegjësisë penale, por sigurisht do të qëndrojmë në kontakt me gjykatën dhe prokurorinë për ta dhënë informacion në momentin kur ne mësojmë më shumë për këtë. Konfirmojmë gjithashtu se kemi ndërmend të bëjmë kategorizimin specifike për këtë çështje. Dëshirojmë që të propozojmë disa nënkategori të tjera shtesë, konteksti i elementeve penale dhe e dyta tek vendndodhjet tjerë. Mbrojtja është e gatshme që të shqyrtojë çdo model të propozuar për tabelën e konsoliduar për nxjerrjen e materialeve”, tha ai.

Ndërsa, Prokurorja e Specializuar deklaroi se në materialin mbështetës të aktakuzës janë paraqitur 4 dëshmitarë, por parashikojnë që të prezantojnë edhe tetë të tjerë.

“Na kanë mbetur shumë pak hapa hetimor në këtë proces ne nuk parashikojmë që këto hapa t’i vonojmë më tej procesin. Ne do të prezantojmë, në fakt kemi paraqitur 4 dëshmitarë me materialin që mbështesin aktakuzën dhe parashikojmë që të prezantojmë maksimumi 8 dëshmitarë të tjerë shtesë. Kjo gjithashtu është pjesë e informacioneve që ju kemi dorëzuar dje me shkrim. Kemi paraqitur një zbërthim të asaj se çfarë përmbajnë materialet mbështetëse në thelb më së shumti këto janë deklarata të dëshmitarëve disa dokumente të tjera që përfshijnë raporte, urdhra dhe materiale të tjera. Presim që materialet të tjera të cilat do prezantohen pas nxjerrjes së materialit mbështetës së aktakuzës do jenë në ngjashmëri me këto”, tha prokuroria.

Zyra e Prokurorisë Speciale ka bërë të ditur se po planifikojnë që nxjerrjen e materialeve ta bëjnë deri më 30 korrik 2021.

“ZPS-ja planifikon ta mbyll detyrën e saj në bazë të rregullës 102 lidhur me nxjerrjen e materialeve deri më 30 korrik 2021 gjithsesi 30 ditë përpara se të filloj çështja e prokurorisë në varësi të përkthimeve që jemi duke pritur .Numri i dëshmitarëve nuk duhet të jetë më shumë se 8 dhe presim që dokumentet shtesë nuk besoj të jenë më shumë se 54, duke përfshirë dhe materialet mbështetëse të aktakuzës lidhur me përkthimet, por vazhdojmë shqyrtimin e dokumenteve. Presim që materialet që futen në deklaratat e dëshmitarit të përkthehen deri në afatin që është caktuar. Lidhur me pikën e fundit, nëse parashikojmë redaktime dhe masa mbrojtëse, ne besojmë që disa prej materialeve që lidhen me dëshmitarët dhe dokumente tjera mund të futen në llogarinë që kërkojnë masa mbrojtëse apo redaktime, apo mund të futen në kategorinë që kërkojnë masa të posaçme”, u shpreh prokuroria.

Zyra e Prokurorisë Speciale deklaroi se parashikojnë që lista të përfshijë jo më shumë se 3 mijë dokumente.

Lidhur me përkthimin e materialeve në gjuhën shqipe nga ZPS-ja, kanë deklaruar se janë përfunduar disa prej dokumenteve por disa përkthime nuk janë bërë ende dhe presin të bëhen brenda afatit ligjor 30 ditor.

Mbrojtja e Pjetër Shalës dhe ZPS kanë bërë të ditur se sa i përket regjimit të redaktimit janë të pajtimit që të ndiqet regjimi i përdorur në çështjen Gucati e Haradinaj.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill 2021. Shala i cili është i njohur në luftë si “Komandant Ujku”, para Gjykatës Speciale ka deklarua se është i pafajshëm për të gjitha akuzat që ngarkohet. 

Bota

Tregtia me pakicë e eurozonës bie më shumë se sa pritej në korrik

Published

on

By

Shitjet me pakicë në zonën e euros ranë 0.5% në korrik nga një muaj më parë, më shumë se pritjet e tregut, sipas të dhënave zyrtare të publikuara sot nga Eurostat.

Në BE, shitjet ranë gjithashtu 0.4% në të njëjtin muaj. Pritja e tregut për zonën e euros ishte një rënie mujore prej 0.3% në korrik.

Rënia më e lartë e vëllimeve të shitjeve në zonën e euros u pa në shitjet e karburantit për automjete në dyqane të specializuara, me 1.7% më pak në bazë mujore.

Vëllimet e shitjeve në korrik ranë gjithashtu 1.1% për ushqimin, pijet dhe duhanin.

Nga ana tjetër, vëllimet e shitjeve për produktet jo-ushqimore (përveç karburantit për automjete) u rritën 0.2% në korrik.

Midis anëtarëve të BE-së për të cilët ka të dhëna të disponueshme, rëniet më të mëdha mujore u panë në Kroaci (-4%), Estoni (-2%) dhe Gjermani (-1.5%).

Në anën tjetër, rritjet më të mëdha ishin në Lituani (rritje prej 1.5%), Letoni (1.4%) dhe Holandë (1.1%) në korrik.

Në bazë vjetore, shitjet me pakicë u rritën 2.2% në eurozonë dhe 2.4% në BE në korrik, nën parashikimet e tregut./D.B/KP

Continue Reading

Lajmet

Turqia mund Serbinë në basketboll

Published

on

Eurobasketi 2025 ka hyrë në fazën finale të garës në grupe. Në ndeshjen më interesante, Turqia dje ka mundur Serbinë, në një ndeshje shumë dramatike dhe të paqartë.
Ndeshja e zhvilluar në Riga përfundoi me rezultatin 95:90. Pas kësaj fitoreje, Turqia ngelet në krye të grupit, me pesë fitore e asnjë humbje.
Çereku i parë u mbyll me rezultat 19:18, ndërsa ekipet shkuan në pushim te rezultati 49:46 për Turqinë.
Çereku i tretë u mbyll me rezultatin 74:73, për të ardhur te rezultati final 95:90.
Alperen Sengun ishte lojtari më i mirë për Turqinë, me 28 pikë, 13 kërcime e tetë asistime.
Një kontribut shumë të madh dhanë dy lojtarët shqiptarë që luajnë për Turqinë. Erxhan Osmani shënoi 10 pikë, ndërsa dhe Kenan Spahiu 5 pikë./S.K/Fanatic/

Continue Reading

Lajmet

Scamacca largohet nga grumbullimi me Italinë

Published

on

Gianluca Scamacca është detyruar të tërhiqet nga kampi stërvitor i ekipit kombëtar të Italisë, pasi ende po ndjen efektet e dëmtimit të rëndë në gju që pësoi sezonin e kaluar, sipas raportimeve të fundit.

Scamacca ishte midis 28 lojtarëve të thirrur në skuadrën e parë të kombëtares italiane nga Gennaro Gattuso që nga emërimi i tij si trajner i përgjithshëm.

Ish-sulmuesi i West Ham ka luajtur si titullar në të dyja ndeshjet e para të Atalantës në Serie A të sezonit 2025-26, dhe tashmë është jashtë formacionit në ligë, pavarësisht se mungoi në pjesën më të madhe të sezonit 2024-25 për shkak të lëndimit.

Skamacca pësoi një këputje të ligamentit të kryqëzuar (ACL) gjatë një ndeshjeje miqësore para sezonit gushtin e kaluar dhe, megjithëse ishte rikthyer në fushë në janar, ai pësoi një tjetër dëmtim serioz, këtë herë në kofshë, i cili gjithashtu kërkoi ndërhyrje kirurgjikale për t’u zgjidhur.

Edhe pse ishte mjaftueshëm i aftë për të luajtur si titullar për Atalantën në dy ndeshjet e para të sezonit, Scamacca ka vuajtur përsëri nga dhimbjet në gju gjatë pushimit të ndeshjeve ndërkombëtare.

Kjo do të thotë që Scamacca nuk do të jetë i përfshirë në asnjërën nga dy ndeshjet e ardhshme të Italisë, të cilat zhvillohen kundër Estonisë të premten në mbrëmje dhe kundër Izraelit të hënën./S.K/KP/

Continue Reading

Aktualitet

Rrjedha e ujit në klasa, Inspektoriati inspekton shkollën “Ismail Qemali”

Published

on

By

Pas mbylljes së një gypi të kanalizimit që rezultoi në hyrjen e ujit në disa klasa të shkollës fillore “Ismail Qemali” në Prishtinë, inspektoriati sanitar ka vizituar këtë shkollë dhe ka dalë me rekomandime për të.

Gjatë ditës së djeshme prindërit kanë dal në protestë para shkollës duke kërkuar që ky problem të zgjidhet sa më shpejt.

Drejtoresha e shkollës, Mimoza Krasniqi u deklarua se procesi mësimor po zhvillohet normalisht, pasi që problemi nisi të zgjidhet për rrjedhën e gypit të ujërave të zeza.

Për shkak të rrjedhjeve të ujit në bodrumin e shkollës, në atë bodrum kanë pësuar katër klasë të paradites dhe katër të pasdites, që i bie gjithsej tetë klasa. Prindërit normalisht janë revoltuar duke menduar se nuk po bëhet zgjidhje dhe kanë mbajtur protestë, por zgjidhja edhe pse nuk është përfunduar, ka filluar të zgjidhet me disa probleme të pusetës së jashtme të shkollës, ndërsa sot, pikërisht për atë problem, se a është bërë një zgjidhje dhe se a janë marrë masa nga drejtoria e shkollës dhe arsimit, ishin inspektoriati sanitar të cilët kanë parë klasat, fillimin e punimeve për zgjidhjen e problemit dhe erdhën në një konkluzion se duhet patjetër të bëhet gëlqerosja e objektit në katin e bodrumit. Ka pasur edhe rekomandime tjera të cilat veç kanë filluar të realizohen. Që puseta të rregullohet patjetër, që të ketë bashkëpunim me ndërmarrjen publike banesore që puseta të rregullohet me standarde që i cakton inspektorati”, tha ajo.

Dje, disa nxënës të Shkollës Fillore “Ismail Qemali” dhe prindërit e tyre, kanë protestuar para objektit shkollor duke kërkuar kushte për zhvillimin e mësimit, pas shpërthimit të “një gypi të kanalizimit”.

S’ka kushte, s’ka mësim”, “Shkolla pa kushte, e ardhme pa shpresë”, ishin disa nga mbishkrimet që nxënës të kësaj shkolle mbanin dje në duar. Derisa ndërrimi i pasdites zhvilloi të martën mësimin, klasat e pesta e bojkotuan tërësisht.

Të pakënaqur me gjendjen higjienike në shkollë për shkak të këtij problemi u shprehën prindërit që kishin dal të protestonin./D.B/KP/Telegrafi

Continue Reading

Të kërkuara