Aktualitet

​Mbrojtja e Shalës kërkon që të dihen emrat e viktimave për të cilët akuzohet ai

Published

on

Në seancën paragjyqësore për ecurinë e çështjes së Pjetër Shalën, mbrojtja e tij ka kërkuar nga Zyra e Prokurorisë Speciale që të mos redaktohen emrat e viktimave, sidomos të atyre që kanë vdekur.

Komandant “Ujku” gjatë kësaj seance nuk ishte i pranishëm në sallë, por ai seancën e përcolli përmes platformës Zoom.

Avokati i Pjetër Shalës, Jean-Louis Gillissen tha se deri tani ka qenë një procedurë e njëanshme, por tani ka kërkuar të jenë në procedurë ballafaquese të dyja palët.

“Një problem i madh sipas mendimit tim është nxjerrja e materialeve në mbështetje të aktakuzës në bazë të rregullës 102, sepse ne e kemi marrë propozimin nga prokuroria dhe ne kërkojmë që provat në mbështetje të aktakuzës të na vihen në dispozicion sa më shpejt që të jetë e mundur maksimumi brenda 30 ditësh pas paraqitjes paraprake të të akuzuarit. Deri më tani ka qenë një procedurë e njëanshme dhe e kuptojmë, por tani dëshirojmë që të kemi një procedurë ballafaquese pra me pjesëmarrjen e të dyjave. Dëshirojmë që të marrim parashtrimet e protokolluara dhe transkriptimin e seancës të procedurave të kryera në të shkuarën për të pasur informacion të plotë për procedurën, dëshirojmë që të marrim materialet lidhur me aktakuzën pa redaktime me përjashtim të atyre që kanë të bëjnë me dëshmitarët. Por jemi të mendimit që emrat e viktimave sidomos ata të cilët pretendohen se kanë vdekur është shumë e rëndësishme t’i di zotëri Shala. Prandaj, dhe dëshirojmë që me përjashtim të redaktimeve që kanë të bëjnë me dëshmitarë duam që të kemi një procedurë të pakushtëzuar me ballafaqim në mes dy palëve”, tha ai.

Avokati i Pjetër Shalës, Jean-Louis Gillissen deklaroi se mbrojtja ende nuk ka një afat kohor të përcaktuar se kur do të kryejë hetimet e veta.

“Mbrojtja konfirmon se synon që të kryejë hetimet e veta, por hë për hë nuk mund t’u japim datë një informacion sa i takon kohëzgjatjes që parashikojmë për aktivitetet tona hetimore. Mbrojtja nuk është në gjendje të bëjë të ditur nëse do të jap apo jo njoftimin të alibis apo arsye të tjera për përjashtim të përgjegjësisë penale, por sigurisht do të qëndrojmë në kontakt me gjykatën dhe prokurorinë për ta dhënë informacion në momentin kur ne mësojmë më shumë për këtë. Konfirmojmë gjithashtu se kemi ndërmend të bëjmë kategorizimin specifike për këtë çështje. Dëshirojmë që të propozojmë disa nënkategori të tjera shtesë, konteksti i elementeve penale dhe e dyta tek vendndodhjet tjerë. Mbrojtja është e gatshme që të shqyrtojë çdo model të propozuar për tabelën e konsoliduar për nxjerrjen e materialeve”, tha ai.

Ndërsa, Prokurorja e Specializuar deklaroi se në materialin mbështetës të aktakuzës janë paraqitur 4 dëshmitarë, por parashikojnë që të prezantojnë edhe tetë të tjerë.

“Na kanë mbetur shumë pak hapa hetimor në këtë proces ne nuk parashikojmë që këto hapa t’i vonojmë më tej procesin. Ne do të prezantojmë, në fakt kemi paraqitur 4 dëshmitarë me materialin që mbështesin aktakuzën dhe parashikojmë që të prezantojmë maksimumi 8 dëshmitarë të tjerë shtesë. Kjo gjithashtu është pjesë e informacioneve që ju kemi dorëzuar dje me shkrim. Kemi paraqitur një zbërthim të asaj se çfarë përmbajnë materialet mbështetëse në thelb më së shumti këto janë deklarata të dëshmitarëve disa dokumente të tjera që përfshijnë raporte, urdhra dhe materiale të tjera. Presim që materialet të tjera të cilat do prezantohen pas nxjerrjes së materialit mbështetës së aktakuzës do jenë në ngjashmëri me këto”, tha prokuroria.

Zyra e Prokurorisë Speciale ka bërë të ditur se po planifikojnë që nxjerrjen e materialeve ta bëjnë deri më 30 korrik 2021.

“ZPS-ja planifikon ta mbyll detyrën e saj në bazë të rregullës 102 lidhur me nxjerrjen e materialeve deri më 30 korrik 2021 gjithsesi 30 ditë përpara se të filloj çështja e prokurorisë në varësi të përkthimeve që jemi duke pritur .Numri i dëshmitarëve nuk duhet të jetë më shumë se 8 dhe presim që dokumentet shtesë nuk besoj të jenë më shumë se 54, duke përfshirë dhe materialet mbështetëse të aktakuzës lidhur me përkthimet, por vazhdojmë shqyrtimin e dokumenteve. Presim që materialet që futen në deklaratat e dëshmitarit të përkthehen deri në afatin që është caktuar. Lidhur me pikën e fundit, nëse parashikojmë redaktime dhe masa mbrojtëse, ne besojmë që disa prej materialeve që lidhen me dëshmitarët dhe dokumente tjera mund të futen në llogarinë që kërkojnë masa mbrojtëse apo redaktime, apo mund të futen në kategorinë që kërkojnë masa të posaçme”, u shpreh prokuroria.

Zyra e Prokurorisë Speciale deklaroi se parashikojnë që lista të përfshijë jo më shumë se 3 mijë dokumente.

Lidhur me përkthimin e materialeve në gjuhën shqipe nga ZPS-ja, kanë deklaruar se janë përfunduar disa prej dokumenteve por disa përkthime nuk janë bërë ende dhe presin të bëhen brenda afatit ligjor 30 ditor.

Mbrojtja e Pjetër Shalës dhe ZPS kanë bërë të ditur se sa i përket regjimit të redaktimit janë të pajtimit që të ndiqet regjimi i përdorur në çështjen Gucati e Haradinaj.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill 2021. Shala i cili është i njohur në luftë si “Komandant Ujku”, para Gjykatës Speciale ka deklarua se është i pafajshëm për të gjitha akuzat që ngarkohet. 

Rajoni

Rama: Më 11 maj t’i japim mesazh Brukselit se e “duam anëtarësimin tani”

Published

on

By

Kryeministri shqiptar, Edi Rama në bashkëbisedimin në rubrikën “Sy m’Sy” me qytetarët në rrjetet sociale u ndal tek anëtarësimi i Shqipërisë në BE, ku theksoi se vendi ka një kalendar të dakordësuar me Komisionin Evropian për tre vite 2024-2027, duke e quajtur këtë një rekord historik.

Rama ndër të tjera shtoi se kalendari i 2027-së është shumë i ngjeshur dhe mjafton një lëkundje që e gjithë puna e bërë deri tani për negociatat të shkojë dëm.

“Ka disa që teorizojnë që kjo është kot sepse në të gjitha rastet BE nuk do të marrë brenda as Shqipërinë dhe askënd tjetër, ose që do ta marrë Shqipërinë pavarësisht se kush fiton. Po të shikosh me kujdes ankohen shumë, por janë përfituesit më të mëdhenj të rritjes ekonomike, të gjitha mundësive të shtuara këto vite. Përgjithësisht them se s’mund të bëj asnjë insinuatë pa pasur fakte, por bazuar në fakte pjesa më e madhe teorizojnë, ndërkohë që nuk deklarojnë atë që marrin plotësisht, pra një pjesë të pagës.

Qajnë hallin pensionistëve. Qajnë hallin edhe se u kopjua programi. Është gjëja më qesharake, a thua se bëhet fjalë për ndonjë kod atomik, apo kod kasaforte të ndonjë sekreti. U kopjua kodi i Da Vinçit. Megjithëse iu qajnë hallin pensionistëve, nuk japin kontributin e tyre për Fondin e Sigurimeve Shoqërore, deri këtu është niveli i banaliteti dhe hipokrizisë dhe krijesave kënetore.  Megjithëse ju qajnë hallin pensionistëve nuk kontribuojnë ndërkohë që e vërtetë është shumë më ndryshe, që nga fakti që vonesa apo kohëzgjatja e negociatave nuk është diçka që lidhet me mua dhe qeverinë tonë thjeshtë. Përcaktojnë edhe këtë si një mëkat të Rilindjes, por është një fakt që shikohet fare kollaj.

Kemi një kalendar të dakordësuar me Komisionin Europian për tre vjet 2024-2027, për të mbyllur negociatat. Do të jetë një rekord absolut historik dhe kjo jo pse jemi ndryshe nga të tjerët, por sepse BE është e interesuar të na marrë ne brenda në këtë moment. Kalendari i 2027 është shumë i ngjeshur dhe mjafton një lëkundje dhe mjafton që në anën tjetër të gjenden individë që nuk kanë probleme me ligjin dhe si mendoni ju që BE këto nuk i merr në konsideratë”, tha Rama.

Rama tha se më 11 maj, Partisë Socialiste i duhet një mandat me shumicë domethënëse për ta çuar Shqipërinë në Bashkimin Evropian. Ai theksoi se në këto zgjedhje, Partia Socialiste po përpiqet të japë dy mesazhe kryesore.

“Arsyeja që unë them që duhet një shumicë domethënëse nuk është rastësi, nuk është thjeshtë për këtu se për kë do votojmë ne, por është edhe për atë në Bruksel kryefjala e imazhi i fushatës sonë. Ndërthurja e ngjyrave dhe e flamujve si kartëvizitë e fushatës sonë, sepse ne po bëjmë një rrugë dhe dy punë. Po japim mesazh të qartë shqiptarëve dhe po përpiqemi t’i japim një mesazh të qartë Brukselit duke shpresuar që shqiptarët do ta mbështesin këtë mesazh. Më 11 Maj, Brukseli do marrë mesazhin shumë të qartë që një shumicë kërkojnë anëtarësimin tani dhe këtë mesazh shqiptarët mund ta japin. Nuk bëhet kollaj dot. Ne, populli shqiptar, duam të hyjmë në BE tani”, tha ai./tvklan.al

Continue Reading

Bota

Putin fillon thirrjen më të madhe ushtarake ruse në vite, thirren 160mijë rekrutë

Published

on

Presidenti Vladimir Putin ka urdhëruar rekrutimin e 160,000 burrave të moshës 18-30 vjeç për shërbimin ushtarak njëvjeçar, duke shënuar një nga rekrutimet më të mëdha në Rusi që nga viti 2011. Ky hap vjen në një moment kur Rusia po përpiqet të zgjojë dhe të forcojë forcat e saj të armatosura, duke e bërë këtë një pjesë të rëndësishme të strategjisë së saj ushtarake. Rekrutimi i këtij numri të madh të rinjve pason përpjekjet e Putinit për të rritur numrin e përgjithshëm të ushtrisë ruse në 2.39 milionë dhe ushtarët aktivë në 1.5 milionë brenda tre viteve të ardhshme.

Zëvendës administratori i ushtrisë ruse, Vladimir Tsimlyansky, ka siguruar se rekrutët e rinj nuk do të dërgohen në frontin e Ukrainës, megjithatë, disa raporte të mëparshme kanë treguar se një numër i caktuar rekrutësh janë përfshirë në luftime. Ky rekrutimi masiv ndodh në një kohë kur SHBA dhe ndërkombëtarët po bëjnë përpjekje për një armëpushim në luftën ruso-ukrainase, por dhuna vazhdon, me sulme të vazhdueshme nga ana ruse, përfshirë një sulm në një objekt energjie në Kherson, që la 45,000 banorë pa energji elektrike.

Për më tepër, Rusia ka zgjeruar kufirin e moshës për rekrutimin, duke e çuar atë nga 27 në 30 vjeç dhe duke përdorur platformën shtetërore Gosuslugi për të njoftuar rekrutët. Në një përpjekje për të fuqizuar ushtrinë, Rusia ka rekrutuar gjithashtu luftëtarë me kontratë dhe raportohet për mercenarë nga Koreja e Veriut. Kjo lëvizje e Rusisë ka ngjallur shqetësime për sigurinë e rajonit, duke pasuar rritjen e pranisë ushtarake të NATO-s dhe anëtarësimin e Finlandës dhe Suedisë në Aleancën e Atlantikut të Veriut.

Continue Reading

Bota

Ministri i Jashtëm turk Hakan Fidan viziton Parisin për bisedime me homologun francez

Published

on

Ministri i Jashtëm i Turqisë, Hakan Fidan, do të vizitojë Parisin më 2 prill 2025, ku do të zhvillojë një takim me homologun e tij francez, Joan-Noel Barrot. Bisedimet e dy diplomatëve pritet të fokusohen në marrëdhëniet dypalëshe mes Turqisë dhe Francës, si dhe në disa çështje të rëndësishme globale dhe rajonale.

Temat që do të diskutohen përfshijnë sigurinë e Evropës, zhvillimet në Ukrainë, situatën në Gaza dhe Siri, si dhe rolin e Turqisë në forcimin e sigurisë evropiane. Sidoqoftë, një çështje kyçe do të jetë gjithashtu integrimi i Turqisë në Bashkimin Evropian, dhe diskutimet mbi heqjen e barrierave që pengojnë Ankaranë në procesin e anëtarësimit në BE.

Ky takim është i rëndësishëm për forcimin e lidhjeve mes dy shteteve dhe për adresimin e çështjeve të sigurisë dhe diplomacisë në një periudhë të tensionuar ndërkombëtarisht./UBTNews/

Continue Reading

Bota

Netanyahu tërheq emërimin e Sharvit si shef i ri i Shin Bet për shkak të artikullit anti-Trump

Published

on

Kryeministri izraelit Benjamin Netanyahu ka tërhequr emërimin e Eli Sharvit si shefi i ri i Shërbimit të Sigurisë së Përgjithshme (Shin Bet), pas një kontroverse që shpërtheu lidhur me disa deklarata të Sharvit.

Emërimi i Sharvit u bë objekt i debatit pasi ai kishte shkruar një artikull kritikuese ndaj politikave të ish-presidentit amerikan Donald Trump. Artikulli dhe kritikat e tij ndaj Trump shkaktuan reagime nga figura politike të SHBA-së, përfshirë senatori republikan Lindsey Graham, i cili theksoi se emërimi i Sharvit mund të krijonte tensione të padobishme mes Izraelit dhe aleatëve të tij, veçanërisht në një kohë delikate.

Për më tepër, raporte të tjera sugjeruan se Sharvit kishte marrë pjesë në demonstratat në Izrael në vitin 2023 kundër reformës së drejtsisë, një tjetër çështje e ndjeshme për qeverinë e Netanyahut. Ai gjithashtu mbështeti marrëveshjen për demarkacionin e kufirit detar me Libanin, një marrëveshje që Netanyahu e kishte kundërshtuar në atë kohë.

Ky zhvillim ndodhi pas një vendimi të Gjykatës së Lartë që pezullonte shkarkimin e kreut aktual të Shin Bet, Ronen Bar, i cili është një kundërshtar i njohur i qeverisë së Netanyahut. Netanyahu kishte justifikuar shkarkimin e Barit për shkak të një “mungese besimi personal dhe profesional” mes tyre, duke shkaktuar protesta të shumta në Izrael për atë që disa e konsideruan si një tentativë për të forcuar pushtetin e tij.

Në përfundim, Netanyahu e informoi Sharvit për rishikimin e emërimit të tij dhe tha se do të konsideronte kandidatët e tjerë për këtë pozicion. Ky ndryshim ka sjellë shqetësime dhe pasiguri lidhur me udhëheqjen e Shërbimit të Sigurisë të Izraelit, ndërsa tensionet brenda qeverisë vazhdojnë të rriten./UBTNews/

Continue Reading

Të kërkuara