Lajmet

Mbillen 140 drunj në Parkun Memorial në Velani

Drejtor i BERZH-it në Kosovë, Neil Taylor, tregoi se ky projekt ka pasur shumë sukses në kursimin e energjisë.

Published

4 years ago

November 24, 2021

Betim Gashi

Për një Prishtinë më të gjelbër në Parkun Memorial në Velani sot u mblodhën 140 drunjë. Mbjellja e këtyre pemëve u bë nga Banka Evropiane për Rindërtim dhe Zhvillim (BERZh) dhe Ministria e Financave në Austri e që vie në kuadër të programit “Green Energy”.

Sipas investitorëve gjithë kjo erdhi pas parasysh ndotjen e mjedisit, e që përmes “Green Energy” po synohet rigjenerimi i energjisë.

Drejtor i BERZH-it në Kosovë, Neil Taylor, tregoi se ky projekt ka pasur shumë sukses në kursimin e energjisë.

“Jemi këtu në parkun qendror të qytetit ku i kemi mbjellë 140 pemë të cilat po krijojnë një gjelbërim më të madh, qëllimi i saj është energjia e ripërtrirshme. Dhe kemi këtu një grand i cili mundëson për amvisëri dhe shtëpi, një hua e cila e lehtëson në masë të madhe siç është kjo për kursimin e energjisë. Dhe kemi investuar mbi 20 milionë euro për këtë projekt të cilat kanë pasur sukses në kursimin e energjisë në amvisëri. Duke pasur parasysh që ndotja e mjedisit është shumë e madhe atëherë edhe kjo është qëllimi i këtij projekti që të rigjenerohet energjia përmes ‘Green Energy’”, ka thënë ai.

Zv. Shefja e bashkëpunimit nga Zyra e Bashkimit Europian (BE),Hillien Francke, ka thënë se në bazë të këtij projekti kanë zgjeruar ngrohjen qendrore të “Termokos”-it në Prishtinë si dhe kanë përfunduar ndërtimin e biomasës në Gjakovë.

“Ne po mbjellim pemë sot, ky është një akt simbolik. Ne po përpiqemi ta bëjmë Prishtinën pak më të gjelbër, por qëllimi kryesor është sigurisht që ta bëjmë Kosovën më të gjelbër dhe ta ndihmojmë Kosovën të bëjë tranzicionin e gjelbër dhe kjo është në përputhje të plotë me agjendën e gjelbër për Ballkanin Perëndimor. Kjo është diçka që BE-ja po e mbështet dhe e financon si pjesë e planit ekonomik dhe investues për Ballkanin Perëndimor[…]Ne kemi zgjeruar ngrohjen qendrore përmes ‘Termokos’-it në Prishtinë, dhe sapo kemi përfunduar ndërtimin e impiantit të biomasës në Gjakovë, i cili është i pari i këtij lloji në Kosovë. Por sot po flasim për projektin ku po investojmë në masat e Efiçiencës së Energjisë në ndërtesa, dhe ndërtesat faktikisht përbëjnë më shumë se 50 për qind të konsumit të energjisë në Kosovë. Dhe kështu ideja është që, duke ulur përdorimin e energjisë, ne ulim ndotjen e ajrit, dhe e bëjmë Kosovën një vend më të shëndetshëm për të jetuar”, potencoi ajo.

Kurse Zv.ambasadori i Austrisë në Kosovë, Martin Schaller, tregoi se Ministria e Financave në Austri për këtë projekt ka kontribuar me 5 milionë euro.

“Bërja e një qyteti më të gjelbër nuk mund të jetë kurrë një veprim i gabuar dhe jam shumë i lumtur që Austria po ndihmon vërtetë në këtë përpjekje[…]Jam shumë i lumtur të shoh që edhe Austria mund të kontribuojë në këtë fushë edhe këtu në Kosovë. Deri më tani Ministria austriake e Financave ka kontribuar me rreth 5 milionë euro për këtë nismë[…]Pra, më shumë se 1000 familje, siç kemi dëgjuar janë përfitues të këtij programi deri më tani, që do të thotë se mijëra tonë emetim CO2 janë shkurtuar”, deklaroi ai

Ndërkohë, drejtoresha e parqeve, Fatime Hajdari tha se përmes kësaj kampanje kanë arritur të mbjellin drunj në qytet, e cila ka ardhur si mbështetje e BERZH-it

Lajmet

UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric

Published

2 days ago

December 12, 2025

Driton Iseni

UBT është renditur ndër institucionet më të mira në botë nga UI GreenMetric World University Ranking, një ndër vlerësimet globale më prestigjioze për qëndrueshmërinë universitare dhe kampuset e gjelbra. UBT është institucioni i parë në rajon që pozicionohet me sukses në këtë renditje të rëndësishme ndërkombëtare.

Nga mbi 1,800 institucione pjesëmarrëse nga e gjithë bota, UBT është renditur në 50% e institucioneve më të mira, duke konfirmuar angazhimin e tij për krijimin e kampuseve të gjelbra, të qëndrueshme dhe inovative.

Në veçanti, në kategorinë e kampuseve inovative, në mesin e mbi 500 institucione të përfshira globalisht, UBT u rendit në vendin e 169, duke treguar përkushtimin e vazhdueshëm të institucionit ndaj standardeve ndërkombëtare dhe inovacionit në mjedis.

UI GreenMetric përdor një metodologji që vlerëson 39 indikatorë në gjashtë fusha kyçe: mjedisin dhe infrastrukturën, energjinë dhe ndryshimet klimatike, menaxhimin e mbetjeve, ujin, transportin, si dhe edukimin dhe kërkimin.

Rezultatet e këtij viti e pozicionojnë UBT-në si një nga institucionet më të përparuara në rajon për qëndrueshmërinë e kampusit dhe politikat inovative të menaxhimit. Kjo arritje e vendos UBT-në në një pozitë të veçantë në hartën akademike ndërkombëtare dhe përfaqëson një sukses të jashtëzakonshëm për institucionin dhe arsimin e lartë në Kosovë.

Ajo dëshmon se institucionet në Kosovë mund të konkurrojnë me sukses në skenën globale, duke tejkaluar standardet ndërkombëtare në qëndrueshmëri, inovacion dhe zhvillim të përgjegjshëm. UBT ka qenë pjesë e kësaj renditjeje prestigjioze edhe në vitet 2023 dhe 2024, duke treguar një angazhim të vazhdueshëm për qëndrueshmërinë mjedisore dhe ndryshimet klimatike.

Vendi

Prof. Ferid Selimi: Kërkimi shkencor në Kosovë ka potencial, por kërkon standarde të qarta

Published

2 days ago

December 12, 2025

Driton Iseni

Profesori dhe Dekani i Fakultetit të Medias dhe Komunikimit në UBT, Prof. Dr. Ferid Selimi, ishte mysafiri i radhës në Podcastin e UBT-së, ku diskutoi gjerësisht mbi gjendjen aktuale të kërkimit shkencor në Republikën e Kosovës.

Në këtë episod, Prof. Selimi foli për terrenin akademik dhe institucional në vend, duke e vlerësuar atë si një hapësirë me potencial të konsiderueshëm, por që ende përballet me sfida strukturore dhe metodologjike. Ai theksoi se zhvillimi i kërkimeve të mirëfillta shkencore kërkon qasje të plotë në të dhëna, transparencë institucionale, infrastrukturë adekuate dhe mbështetje financiare, elemente të cilat në Kosovë shpesh mungojnë ose janë të fragmentuara.

Për më shumë, ndiqni Podcastin në Youtube: PODCASTI

Sport

Laporta i Barcelonës dëshmon para gjykatës

Published

2 days ago

December 12, 2025

UBT News

Presidenti i FC Barcelona, Joan Laporta, është thirrur sot si dëshmitar në hetimet për “Rastin Negreira”, që heton pagesat e klubit ndaj ish-nënkryetarit të Komitetit Teknik të Arbitrave, José María Enríquez Negreira, dhe kompanive të tij.

Laporta do të japë dëshminë e tij si dëshmitar, pasi hetimi për periudhën kur ai ishte president (2003-2010) është mbyllur për shkak të afateve ligjore. Gjyqtarja do t’i drejtojë pyetje mbi arsyet dhe rritjen e pagesave gjatë asaj periudhe.

Deklarimi i tij para gjyqtares Alejandra Gil ka filluar që në orën 11:30 në Ciutat de la Justícia në Barcelonë.

Hetimi lidhet me pagesa prej mbi 8 milionë eurosh që Barcelona ka bërë gjatë viteve 2001–2018, të cilat prokuroria i dyshon. FC Barcelona ka pohuar se pagesat ishin për raporte teknike lidhur me arbitrimin.

Deklarime të rëndësishme kërkohen nga Laporta për të sqaruar arsyet e vendosjes së këtyre pagesave dhe rolin e tij në vendimet e bëra atëherë.

Përveç Laportas, trajnerët e mëparshëm të Barcelonës, Luis Enrique dhe Ernesto Valverde, janë gjithashtu të thirrur për të dëshmuar. Hetimi, i nisur pas një padie të prokurorisë në mars 2023, shqyrton nëse pagesat i korrespondojnë shërbimeve të pretenduara dhe nëse ka pasur ndikim arbitral në ndeshjet e klubit.

Lajmet

Modric: Milan është klubi më i madh italian, po shijoj çdo moment

Published

2 days ago

December 12, 2025

UBT News

Ylli kroat i Milan, Luka Modric, po përjeton një fillim fantastik në San Siro dhe e ka shprehur entuziazmin e tij për jetën dhe futbollin në Milano.

40-vjeçari, fitues i Topit të Artë 2018, iu bashkua Rossonerëve si agjent i lirë nga Real Madrid gjatë verës dhe ka startuar 14 ndeshje radhazi në Serie A.

“Ndjehem mirë, fizikisht dhe mendërisht, dhe po shijoj atë që bëj. Dua të vazhdoj kështu sepse po argëtohem,” tha Modric për Gazzetta dello Sport.

Milan aktualisht është në krye të tabelës së Serie A, së bashku me Napoli, edhe pse nuk marrin pjesë në garat europiane këtë sezon. Modric theksoi vështirësitë e kampionatit Italian./S.K/KP/