Sport

​Mbahet konferenca “Forumi i sportit”, kërkohet përkushtim për masovizimin e sportit në Kosovë

“Java Evropiane e Sportit” ka nisur më 23 shtator dhe do të përfundojë më 30 shtator.

Published

4 years ago

on

Ministria e Kulturës, Rinisë dhe Sportit po vazhdon me shënimin e aktiviteteve në kuadër të “Javës Evropiane të Sportit”, fushatë të cilës i është bashkuar edhe Komitetit Olimpik i Kosovës.

Me këtë rast KOK-u ka organizuar “Forumin e Sportit”, në të cilën në formë të paneleve po diskutohet për menyrat se si mund të bëhet masovizimi i sportit në Kosovë si rrugë për altivizimin e të rinjëve në sport.

Presidenti i Komitetit Olimpik të Kosovës, Ismet Krasniqi, në hapje të këtij forumi tha se përmes këtyre aktiviteteve, KOK-u synon masovizimin e sportit me theks të veçantë tek fëmijët si rrugë për t”i larguar ata nga telefonat dhe rrugët e këqija. Ai ka kërkuar nga të pranishmit në këtë forum që të japin ide të reja për menyrën se si mund të arrihet ky qëllim dhe që efekti i tij të jetë sa më i madh në vend.

“Komiteti Olimpik i Kosovës përmes aktiviteteve të ndryshme për edukimin olimpik ka për qëllim që ta masovizojë sportin në vend dhe me theks të veçantë tek fëmijët të cilët synojmë që sa më shumë t’i përfshijmë në aktivitetet sportive, klubet dhe shkollave sportive si mënyrë e drejtë për t’i larguar nga telefonat dhe rrugët e këqij. Në këtë drejtim edhe konferenca do të shërbejë për gjetjen e formave dhe ideve se si bashkarisht mund të ndikojmë në joshjen e fëmijëve por edhe të tjerëve në aktivitete sportive….Iu ftojë të gjithë juve që të jepni rekomandime dhe ide që kjo konferencë të jetë sa më produktive”, tha Krasniqi.

Ndërsa, Ibër Alaj, kordinator nacional i javës evropiane të sportit dhe drejtor i departamentit të sportit në Ministrië e Kulturës, Rinisë dhe Sportit theksoi se përmes fushatës “beactive” kjo ministri po synon që të motivoj të rinjëy të merten me sport sepse, sipas tij, viteve të fundit po rritet numri i të rinjve me obezitet, gjë që po vie për shkak të mosaktivitetit të të rinjve në sport. Ai shtoi se pjesë shumë e rëndësishme e “Javës Evropiane të Sportit” janë edhe personat me nevoja veçanta si dhe edukimi sportiv në shkolla që fëmijët të jenë aplikues të sportit në mënyrë që ata të jenë aktiv gjatë gjithë jetës dhe pse jo të bëhen edhe sportistë elitarë në të ardhmen.

“Bazuar në statistikat e fundit në Evropë po edhe në shtetet ku ne bashkëveprojmë në Kosovë, ka një obezitet dhe një rënie të pjesëmarrjes me aktivitete sportive andaj vlerësohet që përmes programi “Beactive” të stimulohen apo të nxiten personat të ndryshëm, të kategorive të ndryshme në mënyrë që të merren me sport dhe të jetojnë një stil të ri të jetë i cili ka të bëjë me shëndetin dhe të jetuarit. Prandaj, është me rëndësi që përmes mesazheve dhe përmes aktiviteteve që organizohen qoftë si komunitet sportiv por edhe si organizata sportive të ndikojmë që ta promovojmë sportin si vlerë e cila ndikon në shëndetin e njeriut por në të njëjtën kohë edhe e bënë popullatën e shëndetshme që është mision edhe i Ministrisë për Kulturë, Rini dhe Sport”, tha Alaj.

Diskutimi rreth këtyre çështjeve u organizuar në dy panele të ndara për diskutim të dy temave.

Tema e parë ishte “Ndikimi i Javës Evropiane të Sportit në Kosovë për gjatë viteve”, kurse tema e dytë ishte “Përfshira, motivimi, vullnetarizmi tek të rinjtë në aktivitete sportive.

Pjesëmarrësit në panel ishin nga federata të ndrysmë sportive, si ajo e basketbollit, mundjes, karatesë, e po ashtu kishte edhe trajner dhe sportistë nga fusha të ndryshme që kërkuan angazhim edhe më të madh që sporti të jetë sa më afër të rinjëve, sidomos në shkolla.

Sekretari i Komitetit Olimpik të Kosovës, Besimi Aliti tha se marrja me sport edhe në aktivitet të lirë është shumë e rëndësishme për aspektin shëndetësorë të çdo njeriu.

“Masovizimi është i rëndësishme edhe për aspektin profesional të sportit por edhe për aspektin rekreativ, pra sportin për të gjithë. Kur flasim për aspektin profesional, sipas kategorizimit që e bënë Komiteti Olimpik i Kosovës në mënyrë të organizuar në Kosovë janë aktiv rreth 50 mijë sportistë, kjo i bie rreth 2.5 përqind të popullatës totale të implikuar në sport, pra kjo është pjesë organizative, pra pjesë e klubeve dhe federatave. Ne për momentin nuk kemi një statistikë se cili është numri i popullsisë i cili bënë aktivitet sportiv në mënyrë të lirë dhe që bënë një aktivitet për shëndetin për dimenzionin psikologjik”, tha Aliti.

Një mesazh që të gjithë të rinjë të merren me sport e ka dhnë atletja Gresa Bakrraqi e cila ka thënë se të rinjë e Kosovës janë shumë me fat pas sot kushte për t’u marrë me sport janë shumë më të mira se sa disa vite më parë.

“Thjesht e kam parë që energjinë që unë e kam, energjinë pozitivë që e shfaqi është përmes sportit. Pra është diçka që të sjellë dhe gjatë gjithë kohës je shumë mirë me veten. Nëse unë e kisha pasur vetëm një dëshirë të vetme sot , as nuk kisha kërkuar të jem kampione e botës, as milionere, thjeshtë kisha kërkuar që në këtë kohë, në 2022-tën të jem 10 vjeçare edhe të punojë shumë dhe pjesën e kampiones do ta arrija vet. Do të thotë kisha punuar gjatë gjithë kohës thjeshtë për t’i arritur objektivat që i kam pasur. Kështu që gjenerata e re jeni shumë me fat për shkak se puna përnime shpërblehet, thjeshte duhet të keni durim”, tha Bakrraqi.

“Java Evropiane e Sportit” ka nisur më 23 shtator dhe do të përfundojë më 30 shtator.

Në “Forumin për Sportin” po marrin pjesë përfaqësues të MKRS-së, të KOK-ut, kryetarë të federatave sportive dhe sportistë të fushave të ndryshme.

Related Topics:
Continue Reading

Lajmet

Kush është talenti 17-vjeçar me rrënjë shqiptare që po shkëlqen në futbollin amerikan

Published

2 days ago

on

October 23, 2026

By

Adri Mehmeti, 17-vjeçari me prejardhje shqiptare, po konsiderohet një nga talentet më premtuese të futbollit në Amerikën e Veriut, pasi brenda një kohe të shkurtër ka arritur të depërtojë në ekipin e parë të New York Red Bulls dhe të debutojë me kombëtaren e Shteteve të Bashkuara të Amerikës.

Në një artikull të publikuar nga CNN Sports, Mehmeti përshkruhet si një nga emrat e rinj që mund të ndihmojnë në ngritjen e nivelit të futbollit amerikan në vitet e ardhshme.

Mesfushori mbrojtës, i cili është vetëm 17 vjeç, ka fituar vend të rëndësishëm te New York Red Bulls, ndërsa zhvillimi i tij i shpejtë ka tërhequr vëmendjen edhe jashtë Shteteve të Bashkuara.

Mehmeti debutoi me ekipin e parë të klubit në shkurt, në moshën 16-vjeçare, ndërsa në prill shënoi golin e tij të parë në Major League Soccer (MLS).

Talenti i ri, të dy prindërit e të cilit janë nga Shqipëria, e nisi rrugëtimin e tij në futboll që në fëmijëri, duke luajtur me të atin në oborrin e shtëpisë. Në vitin 2019, rreth moshës 10-vjeçare, ai iu bashkua akademisë së New York Red Bulls, ku nisi të ngjitej gradualisht drejt ekipit të parë.

“Për mua, babai im është ndikimi më i madh në fushë dhe jashtë saj gjithashtu”, ka thënë Mehmeti për CNN Sports.

Ai ka treguar se lidhja me futbollin nisi shumë herët, duke kujtuar kohën kur godiste topin me të atin që në moshën dyvjeçare.

Të dy prindërit e tij janë me origjinë nga Shqipëria, ndërsa babai i tij kishte luajtur futboll edhe në rini, duke përfaqësuar vendin në nivelin e të rinjve. Mehmeti vetë kishte përfaqësuar Shqipërinë në kategoritë e reja, përpara se të debutonte me përfaqësuesen e seniorëve të SHBA-së.

Debutimi i tij me kombëtaren amerikane erdhi në shtator, në fitoren 4:1 ndaj Perusë. Ai u inkuadrua në minutën e 88-të, duke zëvendësuar Tyler Adamsin, një tjetër futbollist që është zhvilluar në sistemin e New York Red Bulls.

Përzgjedhja e Mehmetit nga trajneri Mauricio Pochettino është një tjetër dëshmi e besimit që po i jepet brezit të ri të futbollistëve amerikanë.

Pavarësisht suksesit të hershëm, 17-vjeçari vazhdon shkollimin nga distanca, ndërsa jashtë fushës merret me videolojëra dhe golf. Megjithatë, pjesën më të madhe të kohës së lirë e kalon duke analizuar ndeshje dhe paraqitjet e tij, me synimin për t’u përmirësuar vazhdimisht.

Ndër futbollistët që admiron janë Rodri, Pedri dhe Elliot Anderson, nga të cilët përpiqet të mësojë për mënyrën e lojës në mesfushë.

CNN raporton se talenti i tij ka tërhequr interesimin e klubeve evropiane, megjithëse për momentin Mehmeti mbetet i përqendruar te zhvillimi i tij me New York Red Bulls dhe kombëtaren amerikane.

Ai pritet të rikthehet në fushë këtë fundjavë, kur New York Red Bulls do të përballet me Inter Miamin e Lionel Messit.

(Kosovapress)

 

Continue Reading

Lajmet

Ndeshje interesante në Ligën e Konferencës në futboll

Published

2 days ago

on

October 23, 2026

By

Ndeshjet e radhës në Ligën e Konferencë në futboll sollën futboll të mirë dhe rezultate mjaft interesante.

Ekipi i Shqipërisë, Egnatia barazoi me Aarhus 1:1. Ekipi zviceran Thun u mund në fushën e vet nga Hajduku i Splitit, me rezultat  0-1. Ron Raçi ishte në bankën rezervë te kroatët.

Lugano e Zvicrës mundi Getafen e Spanjës me rezultat 5:2. Tre gola për ekipin zviceran i shënuan shqiptarë, dy Albian Ajeti e një Uran Bislimi.

Kwto ishin rezultatet e plota:

Kairat Almaty 1-5 Panathinaikos;

Iberia Tbilisi 1-1 Mjällby;

Nordsjælland 2-2 CSKA Sofia;

Crvena Zvezda 2-2 Copenhagen;

Jablonec 0-0 Brighton;

Kauno Žalgiris 1-4 Brann;

Getafe 2-5 Lugano;

Inter Escaldes 1-3 Universitatea Craiova;

Pafos 1-1 Riga;

Trabzonspor 2-0 Hearts;

Ajax 2-0 Atalanta;

Aarhus 1-1 Egnatia;

Monaco 3-0 Freiburg;

Midtjylland 0-1 Sint-Truidense;

Thun 0-1 Hajduk Split;

Borac 2-0 KuPS Kuopio;

Lincoln Red Imps 1-4 Twente;

Braga 2-0 Gent.

Continue Reading

Lajmet

Befasi të mëdha në ndeshjet e Europa Ligës

Published

2 days ago

on

October 23, 2026

By

Mbrëmjen e së enjtes janë zhvilluar ndeshjet e radhës në kuadër të Europa Ligës në futboll.

Skuadrat Italian, Milan e Juventus nuk u ndanë mirë. E para u mund bindshëm nga angleze Bournemouth 3-0, ndërsa e dyta u ndal në barazim në stadiumin e saj, me Rennes.

Sunderlandi i Granit Xhakës u ndal në barazim ndaj Lech Poznań, 1-1, ndërsa Hoffenheimi i Avdullahut e Asllanit mundi bindshëm Lyonin francez, 3:0.

 

Këto ishin rezultatet:

Ararat-Armenia 0-4 AZ Alkmaar;

Ferencváros 4-1 Torreense;

GNK Dinamo 2-4 N.E.C. Nijmegen;

Juventus 2-2 Rennes;

Lech Poznań 1-1 Sunderland;

OFI Crete 0-2 Leverkusen;

Union SG 4-0 Hapoel Beer-Sheva;

Sturm Graz 1-0 Marseille;

Bournemouth 3-0 Milan;

Beşiktaş 2-2 Crystal Palace;

Celtic 1-2 Celta;

Viktoria Plzeň 1-2 Levski Sofia;

Jagiellonia 0-3 Anderlecht;

Lillestrøm 0-6 Real Sociedad;

Celje 2-2 Salzburg;

Olympiacos 1-0 Sparta Praha;

Omonia 1-4 Benfica;

Hoffenheim 3-0 Lyon.

Continue Reading

Sport

Bayern Munich dhe Arsenal ndajnë pikët në Ligën e Kampionëve

Published

3 days ago

on

October 22, 2026

By

Bayern Munich dhe Arsenal kanë barazuar me rezultat 2:2 në përballjen e zhvilluar të mërkurën mbrëma në Mynih, në kuadër të xhiros së tretë të Ligës së Kampionëve.

Skuadra angleze kaloi e para në epërsi në minutën e 25-të, kur Eberechi Eze realizoi për 0:1. Megjithatë, vendasit reaguan shpejt dhe në minutën e 35-të Alphonso Davies barazoi rezultatin, pas asistimit të Harry Kane.

Në pjesën e dytë, Bayerni përmbysi rezultatin përmes Kane, i cili shënoi nga penalltia në minutën e 61-të, duke kaluar skuadrën gjermane në epërsi 2:1.

Arsenali nuk u dorëzua dhe arriti të shmangte humbjen në minutën e 82-të, kur Declan Rice realizoi golin e barazimit pas asistimit të Viktor Gyokeres.

Me këtë rezultat, Bayerni regjistron barazimin e dytë në këtë edicion të Ligës së Kampionëve, krahas një fitoreje, ndërsa Arsenali merr pikën e parë nga një barazim, pas dy fitoreve në ndeshjet e mëparshme.

Foto: Associated Press
D.L

Continue Reading

Të kërkuara